يوم الجمعه الماضي كنت في كارفور سيتي سنتر ديره في دبي, كنت عم بتسوق وبشتري أغرض, وفجأه لاقيت واحد بشبه اللمبي, ركزت ودققت فيو, طلع هو محمد سعد اللمبي 
طبعاً ما كذبت خبر, ناديت صاحبي الي كان معاي, عشان نروح نسلم عليه ونتصوّر صوره معاه, أول ما أجينا عليه, حكينالوا نوّرت دبي, حكالنا أهلا وسهلا فيكم, طبعاً بطريقة ناشفة جداً, بعديها أول كلمة حكاها “** أم الشغلة دي” , حكتلو صلّي على النبي, خير شو مالك يا لمبي 
طبعاً كان أخينا عند ستاند الشاي, عم يدور ع شاي “احمر” من النوع الي بشربو في مصر, ومش ملاقي, هو كان واقف على ستاند الشاي المعطر, مش شايف الا شاي بنكهات, أشي لمون وأشي فواكه وأشي أيرل جري أنجليزي, بالاخر حكتلو هيّ شاي ليبتون هناك, أجى معانا ومسك بكيت شاي, طبعاً وساعه وأنا بقنع فيو أنه هاد شاي أحمر مش شاي أخضر, عبث أنه يقتنع, بالآخر لاقيت صورة كاسة شاي على غلاف الباكيت, حكتلو شايف شو لون الشاي؟؟ حكالي أيوه هو ده الشاي الي انا عاوزو, بعدين للأسف على الجهة التانية شاف صورة ورقة شاي لونها أخضر, صار يحكيلي ياراجل ده شاي أخضر وانا حكتلك اني عاوز شاي أحمر, حكتلو الشاي لما ينزرع بكون أخضر, بس لما تغليه وتشربو بكون لونو أحمر.
شو هالمخ الي عليه انا مش فاهم
ما بنكر أني معجب ببعض أفلام اللمبي, بس لازم تكون شخصيته كفنان أذكى من هيك, وكمان ينتبه ع الحكي الي بحكيه خصوصاً مع المعجبين أمثالنا, انا “خف عقلي” أول ما سمعت المسبة الي سبها أول شي
دبوس: شكلو اللمبي بدو يقضي ليلة راس السنة في دبي, كان شاري صندوق علب بيبسي ومحارم وشكولاته وشاي, وأكم من شغلة بالجملة مرة وحدة
5 عدد التعليقات
at 10:57 pm - 10th February 2008 Permalink
ma howe mesh kol fnan fnan had ebsar sho kan aslo w sar momathel mod7ek,, m3 eny mo3aj be aflamo ana kman bs el sar bethbet jhalto.. y3ny ala yer7amo a7mad zaky fnan w sha5syto 7elwe.7dret a5er fil elo (حليم) kter 7azen,, so2al howe be a5er a5d el tea?:p
at 4:19 am - 18th February 2008 Permalink
يا عامر كل هالحكي بتألفه عالزلمه بس لانه رفض يتصور معك …
at 10:53 am - 18th February 2008 Permalink
ماشفت الصورة بالفيس بوك وبعتلك اياها MMS انا؟؟
at 10:59 pm - 14th July 2008 Permalink
ما بتوقع هاد الشي هلا يمكن تصورت معه اما بعد هيك يمكن تخيلته؟؟1!!!!
at 11:50 am - 31st July 2008 Permalink
بدأت المشاركات الحساسه , و الله يا شباب ما أنا عارف بس ما في داعي كل واحد يعارض من عنده , الأكثرية أنو ما بيعرف يقرا أصلا محمد سعد , مع أني من المعجبين بأفلامه , بس مش بالضروره تكون شخصيته اسطوره , بعرف أنو بني ادم تافه بحياته الخاصة .
أرسل تعليقاً