ليلة أمس كنت في منطقة خلدا بالقرب من دوّار المدارس الإنجليزية بحدود الساعة 8:30 مساءً, إستغربت وجود أزمة سيّر غير طبيعية إطلاقاً جعلتني “علقان” بها لمدة تزيد عن نصف ساعة, لا أدري ما سبب هذه الأزمة ولم يكن لدي أي خيّار سوى الإنتظار لمعرفة السبب العظيم وراء هذه الأزمة الخانقة.
إكتشفت فيما بعد أنها أزمة سيّر سببها تخريج أحدى الجامعات, حيث تجمع ما يقارب من 40 سيارة في منطقة خلدا لتبدأ عملية التشحيط والتفحيط و “الزعرنة” من خريجي تلك الجامعة, حيث قاموا بتعطيل السّير وتسكير المكان بالكامل لعرض زعرنتهم على الناس, ما لاحظتة وجود عدة سيارات “نمرة” حمرا, أي أنها نمرة حكومية بعضها مكتوب عليها جملة PAR أي مجلس النواب!! وهنا كانت الصاعقة المقرفة التي فسرت لي ما يحدث.
حيث أن جميع السيارات المشاركة في الموّكب مخالفة للسير, فمنهم من يشحط ومنهم من يخمس ومنهم من يخرج رأسة من فتحة السقف ولا رقيب ولا حسيب, لا لا , هنالك دوّرية شرطة على الدوّار, جميل جداً, أي أن هنالك حل لتلك المشكلة بحجز السيارات المخالفة أو مخالفتها “وهذا أضعف الإيمان”… الصدمة كانت أن الشرطة (مع كل إحترامي لقوات الأمن العام والسيّر) كانت واقفة “لا بتهش ولا بتنش”, إذ أن كل هذه المخالفات المقززة كانت على مرأى من رجال الشرطة بدون أي يقوموا بفعل أي شئ سوا توجيه السيارات لتخفيف السير, وقفت على جانب الطريق لأنتظار حركة إيجابية لتحرير مخالفات بحق تلك “الزعرنة” وإيقاف تلك المهزلة ولكن مرّ الموّكب مرور الكرام وإنتقلت المهزلة من خلدا الى جهة مكة مول ومنها لمناطق أخرى!!! قرف الى يقرفكم أنتو وجامعاتكم.
سؤالي هنا, لماذا لم يتم إتخاذ إجراءات بحقهم؟ هل لأن الموكب “مكهرب” وممنوع الإقتراب منه أو اللمس؟ فمعظم السيارات ذات لوحات مجلس نواب حمراء, والباقي سيّارات فخمة جداً؟؟
يا نوابنا الأكارم.. أقفوا تلك المهزلة, وأقهموا أولادكم أنكم نواب لخدمة الوطن وليس لــ “تشوفوا حالكم علينا”…!
ملاحظة: رقم أحدى السيارات مسجل لديّ للمرجعية.
on 
on 
14 عدد التعليقات
at 12:31 pm - 28th June 2009 Permalink
كلها اربع سنوات وبتنشال النمرة الحمرا وبرجعوا زي ما كانو
ما طار طير وارتفع الا كما طار وقع
at 1:40 pm - 28th June 2009 Permalink
نفسي اصير نائب حتى اقدر اعيش مبسوط في هالبلد,
-الكل بحترمك و بوطي راسو الك
-اولادك مضمونه كراسيهم في احسن الجامعات
-سيارة اخر موديل مع مرافقة امنية و بتدفعش بنزين او مخالفات
-راتب محرز مع منافع و ضمان و تقاعد الخ الخ
-افراحك و جاهاتك بيحضروها نواب زملائك ………………..
انا مش عارف ليش اخترت اكون مواطن عادي
at 2:15 pm - 28th June 2009 Permalink
بشرفي انو الوضع لوز و بدنا نضل نوكل لووز تايطلع من روسنا .
و خلي الشباب تفيع و لا حدا حوش
الشعب اهبل و الأجر على الله
at 3:03 pm - 28th June 2009 Permalink
عامر …. بالله عليك يعني مش بدهم ينبسطو الناس … حتى لو كان إبن نائب … عموما لو إنك حطيت صورة السياره كان شحطوك …. و يا محمد العوايشة … المشكله خلال هذه الأربع سنوات شو بده يصير … ؟؟؟؟؟؟؟؟؟
ليش كل الناس بتمنع إلا إلي إله واسطه يعني ؟
همه إلهم الحق إنهم يفرحوا؟؟ و الناس لما تطلع بتعمم عن سياراتها و كل هالحكي الفاضي و سحب رخص و إلخ…
الله بعين … شغله بتحط العقل بالكف
at 12:51 pm - 29th June 2009 Permalink
يا زلمه احنا القانون عنا بحمي المجرم وبظلم البرئ
هادي هيه الواحد لازم يكون ازعر عشان ساعيتها ما بدخل لا سجن ولا شي
at 2:07 pm - 29th June 2009 Permalink
حسبي الله ونعمل وكيل ما في بيوت ولى اماكن لهل شغلات والاحتفالات ضروري يتسكر الشارع ويتزعرنوا يعني!!! هدول اولاد نواب ازه اولاد النواب هيك شو يحكي الشعب !!!! جد قمة التخلف للاسف،، جد حاميها حراميهااااااااااااااااااااااااااااااااااااااااااااا
http://askadenia.net/wp-includes/images/yahoo/17.gif
at 10:53 pm - 29th June 2009 Permalink
خليهم يعيشو حياتهم مبسوطين شو وراهم … خليهم يفرغو الشحنات المكبوتة بداخلهم ولو مرة بالسنة ومهما حكينا وعدنا وزدنا ما رح يتغير شي لا بنصير ولاد نواب ولا ولاد اكابر
شوفو واسكتو
at 12:20 am - 30th June 2009 Permalink
شايف عاد على هازناخة عاد مرة صارت معي وواحد منهم ماشي بعكس السير
اونا انصدمت منه هالقليل الحياء
بهدلته وقليت قيمته موقف سر 12 مركبة عشان حضرة جنابه والمدلل عند اهلة يرتاح بالسواقة بعكس السير
جد منظرهم غير لائق ويا نواب ظبو اولادكم عنا بكفي حضراتكم حرقين راسنا بقراراتكم
at 3:49 am - 30th June 2009 Permalink
هههههههههه يضلوآ ينفخوآ بهل عآهآتوهمآ من الدآخل كالطبل الآجوف
الله بعين حبيبي تعودنآ
مدير حارات الأردن
http://www.7arat-jo.com
http://www.vb.7arat-jo.com
at 11:27 am - 30th June 2009 Permalink
تعودنا الشرطة اخر من يتقدم وبما انو هالمرة ولاد نواب فما في حركة بالمرة .
عموما يا عم يخزيهم ويخزي الجامعة اللي خرجت هيك أشكال …. شو وين القيم والاحترام شو علشان حضرة جنابه ينبسط لازم يخلينا نتأخر ويجربنا نحضر معه هالحدث العظيم ….
والله شكله المساحة في بيوتهم ديقة يا حرام سيبوهم يفرحو شو علشان ما عندهم بيوت وما معهم مصاري يحجزوا بفندق ما بدكم اياهم يفرحوا …. ارحموهم حرام
حلوة الفرحة بس ما اسخف التفاهة والزعرنة
at 12:12 pm - 30th June 2009 Permalink
هيك الدنيا لما تكبر بالشغل بتقل مصاريفك وبزيد دخلك و ما بتدفع اشي والتعليم والصحه كلو ببلاش و لما تكون موظف صغير بنشل املك من كتر المصاريف وكل دخلو ما بيكفي اول اسبوع بالشهر.
كل شي بالعكس
at 12:17 pm - 30th June 2009 Permalink
بعدين لما حدا يعلق من فلسطين لازم يطلع علم اسرائيل ؟ بكفي المواقع الاجنبيه كمان العربيه شوفولكم حل ؟
at 7:09 pm - 2nd July 2009 Permalink
amer the graduation was for the new english school not collage ya ebn 3ami i remember that day
at 1:32 pm - 5th July 2009 Permalink
اشي بيرفع الراس
والله حقهم خليهم يعملو الي بدهم يعملو
أرسل تعليقاً