إنتشرت في الآونة الأخيرة إعلانات في الصحف الإعلانية الأسبوعية الأردنية للترويج للسفر الى الأراضي الفلسطينية المحتلة (1948) لجميع المواطنين الأردنيين الراغبين بذلك, ويشمل البرنامج السياحي يوم للصلاة في المسجد الأقصى وزيارة لحيفا ويافا وتل أبيب والعفولة والناصرة والعديد من المدن الفلسطينية المحتلة عام 1948.
قمت بالإتصال بالمكتب للإستفسار عن شروط الفيزا, فقال لي أن الفيزا مضمونة لجميع الأعمار بشكل كبير, بخلاف الإعلانات التي نشرت بالسابق والتي كان شرط العمر 45 عاماً, وقال لي موظف المكتب بأنهم يضمنون الفيزا بسبب دفع كفالات مالية للسفارة الإسرائيلية في عمّان.
الموضوع الذي أردت طرحة للنقاش, ما رأيك بإعلانات السفر الى فلسطين المحتلة؟ هل تعتبرة نوعاً من التطبيع مع “الدولة الإسرائيلية؟ أم أنك مستعد لزيارة فلسطين المحتلة تحت أي ظروف وتحت أي مسميات حتى وأن كانت الموافقة من السفارة الإسرائيلية؟
ما رأيك بالتحذيرات التي أطلقتها لجنة مقاومة التطبيع النقابية بالحذر من إعلانات السفر الى “إسرائيل”؟؟ ما رأيك بفتوى “تحريم” الصلاة في القدس بفيزا إسرائيلية؟؟ هل زيارتك للقدس والأراضي الفلسطينية المحتلة هي إثبات بالتمسك بعروبة فلسطين أم هو نوع من التطبيع مع إسرائيل؟؟
طرحت الموضوع للنقاش بعد جدال دار بيّني وبين أحد أصدقائي حوّل تأييدي للسفر هناك ومعارضتة صديقي بسبب الأسئلة التي طرحتها.
رأيكم يهمنا: )
on 
on 
20 عدد التعليقات
at 1:24 pm - 5th July 2009 Permalink
والله يا حلو لو انا يقدر اسافر لروح بدون ماسئل لاني جد نفسي ازور فلسطين سواء بفيزا اسرائيلية او بدون بعدين اذا في فتوة تحرم الصلاة بالمسجد الاقصى او القدس بفيزا اسرائيلية صدقني انو الي طلعها فاضي لان مافي حل غير هيك
بعدين كيف بدنا نصلي هناك
هو السفارة الفلسطينية تقدر تعطي فيزا
يعني بختصار روح ودعيلنا انا نقدر نطلع عليها
at 1:52 pm - 5th July 2009 Permalink
مستعد لزيارة فلسطين المحتلة تحت أي ظروف وتحت أي مسميات
,, ,, ,,
بصراحة يا مستر عامر ,, خبر ممتاز ,, اذا مافيها غلبة تسأل لمتى الأعلان قائم
سلام ياباشا
at 2:03 pm - 5th July 2009 Permalink
سليم: في رحلة في 17/7/2009 و رحلة في 24/7/2009 وعدة رحلات في شهر 8 و 9.. باقي الرحلات بدك تسأل المكتب…
حبيبي مان
at 2:03 pm - 5th July 2009 Permalink
انا اعشق القدس .. واتمنى رؤيتها … انا ضد التطبيع طبعا … لكن ان لا مفر من فيزا اسرائيلية … فأنا لست ذاهبا لاقيم علاقات مع الاسرائيليين … انا ذاهب لآرى وطني المحتل … ولا اظن الفيزا حرام … فهي ليست بإرادتي … والله يحاسبنا على نوايانا وهو رحيم بنا …
at 2:17 pm - 5th July 2009 Permalink
الفيزا الاسرائيلية ليست سوا غاية للوصول الى الهدف وهو زيارة القدس وفلسطين المحتلة
لا ارى مشكلة من زيارة فلسطين سواء بفيزا اسرائيلية او فيزا من كوالالامبور
مستعدة احط ايدي بايد العفاريت وازور البلاد
at 2:19 pm - 5th July 2009 Permalink
أي يعني هو صاحح لنا ندخل بدون إذن إسرائيل … لأ يا سيدي بروح و مش فارقة معي المهم الواحد يشوف القدس قبل ما يموت
خلينا نكون واقعيين شوي
at 2:35 pm - 5th July 2009 Permalink
لماذا لا تكون طريقه جديده للوصول الى الأموال … عامر في هذه الدنيا لا يوجد ما يقال بالمضمون … عموما أنا كنت أعمل في قطاع السياحه و هذا الكلام ….. ” حكي فاظي”
فكنا سبايدر مان
at 5:07 pm - 5th July 2009 Permalink
و الله يا عامر انا بهمني اني اصلي في المسجد الاقصى يلي لازم يكون الدفاع عنوا بشكل رئيسي, و انا بتوقع انو بصير انروح هناك باي فيزا لانو الضرورات تبيح المحضورات و حاليا ما في اي طريقه ندخل هناك اله في الفيزا …
at 5:56 pm - 5th July 2009 Permalink
يجب ان نرضى بالواقع ولو انه فرض علينا فرضا لا ارى في زياره القدس الحبيب شيئا سوى تحقيق الرغبه في الزياره حتى لو كانت بفيزا اسرائليه شو المشكله المهم تشوفوا وتزوروا فلسطين
ومدنها الجميله فاهلا وسهلا بكم (نحن لا نستصدر الفيزا في زيارتنا الى الاردن)
at 8:07 pm - 5th July 2009 Permalink
اكيد بزورها, من متى الصلاة مرهونة بنوع الفيزا؟ و بعدين خلينا نكون واقعيين التطبيع اشي و الفيزا اشي تاني خالص
at 3:19 pm - 6th July 2009 Permalink
لك الله يا قدس
يريدون الاستمتاع برؤيتك مقيدة مغتصبة حزينة كسيرة
ولا يريدون ان يشغلوا بالهم بالتفكير ولو قليلا عن الطريقة والاسلوب
هل تستطيعون ان تدوسوا عتبات المسجد الاقصى بعد ان يتحرش بكم عند ابوابه زناة الارض
بحجة تفتيشكم
ليسوا يبحثون عن اسلحة او متفجرات فهم يعلمون انكم لن تحملوها فأنتم اجبن من ذلك
ولكن يبحثون عن بقايا كرامة او اشتباه بعروبة
لك الله يا قدس
يحلمون بك
مكللة بالغار
ويحملون لك
كفنا من العار
من يقبل بالفيزا الاسرائيلية
يعترف بمسؤولية الاسرائيليين عن القدس
وستسجل الاحصائيات عدد الموافقين على ذلك
وسيسجل التاريخ مهانتهم ومشاركتهم بالخيانة
اعقل ما تفعل وحاسب نفسك
وانصر القدس بان لا تزورها وهي على هذا الحال
فلربما تسألك ما الذي جاء بك الي
ومن سمح لك بالدخول على
هل ستقول له مستر باراك ام مستر نتن يا هو
اتمنى ان تستطيع مواجهتها والاجابة على اسألتها
at 3:32 pm - 6th July 2009 Permalink
بنظري انه الزيارة اذا كانت ممكنة ولو حتى بشرط موافقة اسرائيل هي شيء يجب عمله من كل شخص بيستطيع يقوم بالزيارة. والله لو قادر ماديا لأروح افيز من الصبح…. هو احنا قادرين؟؟؟
at 9:51 pm - 6th July 2009 Permalink
بالرغم من انه موضوع الفيزا الاسرائيليه صعب على نفسي ، بس شو الحل اذا بدي استنى لحتى تتحرر فلسطين بعدين ازورها واصلي بالأقصى 00 يا حبيبي بكون تحت التراب 0
at 11:25 am - 7th July 2009 Permalink
والله بروح وبزورها وبصلي لو شو ما كانت هالفيزا ليش في أحلى أو أطيب من ريحة البلاد المقدسة
أي مشان الله مو كل ما صار في أمل بدوروا على النكد بسراج وفتيلة .قال شو حرام الصلاة هناك ريتو يحرم جلدو عن عضمه
at 12:12 pm - 7th July 2009 Permalink
سائح في بلدي….
at 3:17 am - 8th July 2009 Permalink
الموضوع ليس موضوع الفيزا بحد ذاتها بل بالرحلة كلها. فأنت عندما تزور القدس أو أراضي 48 ستدفع ضرائب دخول وخروج وستدفع بدل إقامة في فندق يدفع بدوره ضرائب للحكومة الإسرائيلية وكل شيئ تشتريه هنالك يذهب جزء منه بشكل مباشر للحكومة الإسرائيلية على شكل ضرائب ورسوم، فالموضوع ليس الفيزا بحد ذاتها بل المساهمة في دعم الإقتصاد الإسرائيلي عن طريق السياحة. فحسب جريدة يديعوت أحرانوت (http://www.ynetnews.com/articles/0,7340,L-3643434,00.html) فإن السياحة من مصادر الدخل المهمة لإسرائيل وفي سنة 2008 أدخلت السياحة الخارجية للموازنة الإسرائيلة 15.4 مليار شيكل أي حوالي أربعة مليارات دولار. فالسؤال ليس عاطفي كأن تقبل الزيارة بفيزا أم لا بل يجب أن يكون السؤال واقعي وهو هل تقبل المساهمة بتمويل الحكومة الإسرائيلية بدخل سياحتك لها؟
at 12:14 pm - 8th July 2009 Permalink
هناك فرق وكبير اولا العملية تطبيع مع كثير من الاهانة والاحتقار للمعلومية الاسرائيلون لايشترط عليهم الحصول علي فيزا لدخول الاردن وبعدين اين تتوقعون سوف تدهب اموالكم؟ لحصار غزة ولجرافات لهدم واقتلاع ما تبقي من بيوت واشجار زيتون
at 12:23 pm - 8th July 2009 Permalink
انا مع طارق بكل كلمة.. كلامه صح
بدهم ياكو تاخدوا زيارة القدس ويافا وحيفا “وتل الربيع” مش تل أبيب حجة لحتى تدعموا الاقتصاد الاسرائيلي بدون قصد أو بالأحرى “بدون وعي”
لا تزوروا شي…..
أخي..
بالنسبة لقولك “التمسك بعروبة فلسطين” وما بعرف شو.. ما هي فلسطين “بَح” من زمان.. يعني زيارتكم إلها رح ترجع أو تحافظ على عروبتها؟؟؟
تحياتي..
at 9:02 am - 10th July 2009 Permalink
غريب أنـآ بقرآ جريدة الغد يومي ومآ عمري شفت هيك إعلآن يزم
بس بصرآحة مغري الآعلآن أنـآ نفسي أزور فلسطين وبالذآت رآم الله
لكن أتوقع إنهم نصآبين مثل هذي الشركآت كآنهآ بقول لك هذآ حلم وبدنآ نحقق بفلوسك
.......
at 10:34 am - 20th August 2009 Permalink
انا نفسي اروح فلسطين باي وسيلة بس نشم هواها ونمشي على ارضها
وكويس يعملو سياخه على الاقل اولادنا يشوفوها ويشوفوا اجمل مناطق العالم
أرسل تعليقاً