Comments on: إعلانات السفر الى القدس.. ما رأيكم؟؟

By: hilm ALI

hilm ALI — Thu, 20 Aug 2009 06:34:36 +0000

انا نفسي اروح فلسطين باي وسيلة بس نشم هواها ونمشي على ارضها
وكويس يعملو سياخه على الاقل اولادنا يشوفوها ويشوفوا اجمل مناطق العالم

By: نآدر

نآدر — Fri, 10 Jul 2009 05:02:36 +0000

غريب أنـآ بقرآ جريدة الغد يومي ومآ عمري شفت هيك إعلآن يزم ^14 بس بصرآحة مغري الآعلآن أنـآ نفسي أزور فلسطين وبالذآت رآم الله لكن أتوقع إنهم نصآبين مثل هذي الشركآت كآنهآ بقول لك هذآ حلم وبدنآ نحقق بفلوسك ^9 .......

By: سيران نوفل

سيران نوفل — Wed, 08 Jul 2009 08:23:47 +0000

انا مع طارق بكل كلمة.. كلامه صح
بدهم ياكو تاخدوا زيارة القدس ويافا وحيفا “وتل الربيع” مش تل أبيب حجة لحتى تدعموا الاقتصاد الاسرائيلي بدون قصد أو بالأحرى “بدون وعي”
لا تزوروا شي…..
أخي..
بالنسبة لقولك “التمسك بعروبة فلسطين” وما بعرف شو.. ما هي فلسطين “بَح” من زمان.. يعني زيارتكم إلها رح ترجع أو تحافظ على عروبتها؟؟؟

تحياتي..

By: شخص

شخص — Wed, 08 Jul 2009 08:14:27 +0000

هناك فرق وكبير اولا العملية تطبيع مع كثير من الاهانة والاحتقار للمعلومية الاسرائيلون لايشترط عليهم الحصول علي فيزا لدخول الاردن وبعدين اين تتوقعون سوف تدهب اموالكم؟ لحصار غزة ولجرافات لهدم واقتلاع ما تبقي من بيوت واشجار زيتون

By: طارق

طارق — Tue, 07 Jul 2009 23:17:18 +0000

الموضوع ليس موضوع الفيزا بحد ذاتها بل بالرحلة كلها. فأنت عندما تزور القدس أو أراضي 48 ستدفع ضرائب دخول وخروج وستدفع بدل إقامة في فندق يدفع بدوره ضرائب للحكومة الإسرائيلية وكل شيئ تشتريه هنالك يذهب جزء منه بشكل مباشر للحكومة الإسرائيلية على شكل ضرائب ورسوم، فالموضوع ليس الفيزا بحد ذاتها بل المساهمة في دعم الإقتصاد الإسرائيلي عن طريق السياحة. فحسب جريدة يديعوت أحرانوت (http://www.ynetnews.com/articles/0,7340,L-3643434,00.html) فإن السياحة من مصادر الدخل المهمة لإسرائيل وفي سنة 2008 أدخلت السياحة الخارجية للموازنة الإسرائيلة 15.4 مليار شيكل أي حوالي أربعة مليارات دولار. فالسؤال ليس عاطفي كأن تقبل الزيارة بفيزا أم لا بل يجب أن يكون السؤال واقعي وهو هل تقبل المساهمة بتمويل الحكومة الإسرائيلية بدخل سياحتك لها؟

By: tombby11

tombby11 — Tue, 07 Jul 2009 08:12:01 +0000

سائح في بلدي….

By: city

city — Tue, 07 Jul 2009 07:25:34 +0000

والله بروح وبزورها وبصلي لو شو ما كانت هالفيزا ليش في أحلى أو أطيب من ريحة البلاد المقدسة
أي مشان الله مو كل ما صار في أمل بدوروا على النكد بسراج وفتيلة .قال شو حرام الصلاة هناك ريتو يحرم جلدو عن عضمه

By: عاليه

عاليه — Mon, 06 Jul 2009 17:51:37 +0000

بالرغم من انه موضوع الفيزا الاسرائيليه صعب على نفسي ، بس شو الحل اذا بدي استنى لحتى تتحرر فلسطين بعدين ازورها واصلي بالأقصى 00 يا حبيبي بكون تحت التراب 0

By: Khaled

Khaled — Mon, 06 Jul 2009 11:32:51 +0000

بنظري انه الزيارة اذا كانت ممكنة ولو حتى بشرط موافقة اسرائيل هي شيء يجب عمله من كل شخص بيستطيع يقوم بالزيارة. والله لو قادر ماديا لأروح افيز من الصبح…. هو احنا قادرين؟؟؟

By: qudsi

qudsi — Mon, 06 Jul 2009 11:19:28 +0000

لك الله يا قدس
يريدون الاستمتاع برؤيتك مقيدة مغتصبة حزينة كسيرة
ولا يريدون ان يشغلوا بالهم بالتفكير ولو قليلا عن الطريقة والاسلوب
هل تستطيعون ان تدوسوا عتبات المسجد الاقصى بعد ان يتحرش بكم عند ابوابه زناة الارض
بحجة تفتيشكم
ليسوا يبحثون عن اسلحة او متفجرات فهم يعلمون انكم لن تحملوها فأنتم اجبن من ذلك
ولكن يبحثون عن بقايا كرامة او اشتباه بعروبة

لك الله يا قدس

يحلمون بك
مكللة بالغار
ويحملون لك
كفنا من العار

من يقبل بالفيزا الاسرائيلية
يعترف بمسؤولية الاسرائيليين عن القدس
وستسجل الاحصائيات عدد الموافقين على ذلك
وسيسجل التاريخ مهانتهم ومشاركتهم بالخيانة

اعقل ما تفعل وحاسب نفسك

وانصر القدس بان لا تزورها وهي على هذا الحال
فلربما تسألك ما الذي جاء بك الي
ومن سمح لك بالدخول على

هل ستقول له مستر باراك ام مستر نتن يا هو
اتمنى ان تستطيع مواجهتها والاجابة على اسألتها