خلال تواجدي على الحدود السورية خلال زيارتي لسورية الأسبوع الماضي, خبرني موظف الجوازات إنه لازم أعمل فحص لإنفلونزا الخنازير قبل لأختم كرت دخول سوريا, صرت أحكي أنه تمام الوضع, بنفحص لإنلونزا الخنازير.
لكن الطامة الكبرى “والمقرفة” هي الطريقة اللي كانوا يفحصوا فيها للمسافرين!! كان في موظف قاعد ورا مكتب ماسك جهاز فحص الحرارة اللي بنحط في الدان ونازل يدخلوا بدان كل مسافر ليقيس حرارة جسمو من دانو ! وطبعاً بوز جهاز الفحص لونو أصفر من كتر الدنين اللي فات فيها, والمضحك بالموضوع إنه الموظف الوحيد كان ماسك قطعة قطنة من أيام العدوان الثلاثي بمسح فيها بوز جهاز الفحص هيك ع الماشي, يعني ع الفاضي.
وماحد بقدر يحكي أو يعترض لأنه الكل بدو يخلص من هالقصة ليمشي من الحدود.. طبعاً مافي أي إعتبارات للنواحي الصحية, يعني خلصت طرق فحص إنفلونزا الخنازير؟؟ لو مسافر معاه مرض بدانو أو إلتهاب مثلاً, أتوقع إنه رح ينقل المرض لكل الي رح تنقاس حرارتو بعد هيك.
على كل حال, الموضوع كتبتو لأعتراضي على بدائية الموضوع وقرفو كمان.. يعني إحنا بسنة 2009 مش 1009 !
وسلامة خيركم, والله يبعد عندكم إنفلونزا الخنازير وأجهزة فحص الحرارة كمان
on 
on 
12 عدد التعليقات
at 8:59 pm - 15th July 2009 Permalink
2l 7a2 ma3ak bes hek 2l denya shu bedna n3mel
^
at 12:51 am - 16th July 2009 Permalink
ع هيك بسيطة ,,
منيح ما طلبو منك عينة ,,
at 12:22 pm - 16th July 2009 Permalink
انا سافرت من حوالي اسبوع وهيك عملو معاي واظطريت انه اكشف الحجاب عن اذني علشان يفحصو الحرارة
والمصيبة انه فش مجال انه تناقشهم
at 12:24 pm - 16th July 2009 Permalink
كل هالفحوصات مالها داعي
لانه ممكن الواحد يكون منصاب بالمرض ومش مبين عليه اطلاقا ولا سخنان ولا شي
كل هالاجراءات ما بتقدم ولا بتاخر
شكرا على موقعك الجميل
at 6:31 pm - 16th July 2009 Permalink
هاي طريقه بدائيه جدا لهيك فحص بالعكس هاي طريقه اللي بتنقل المرض من واحد للتاني وليه صعب الاعتراض نقل المرض احسن
at 6:59 pm - 16th July 2009 Permalink
ياحبيبي
وليش مغلب حالو وماسك قطنة
منيح انك حيت عشان اخد معاي علبة سبيرتو وقطن وشاش ومعقم
هلا عمي لما ينور الملح
at 5:02 pm - 18th July 2009 Permalink
^ el sara7a ana bs eja yef7asny 2oltello ana fa7aset am ra7 5atamly o shalafet la2no mish ma32ool 2af7as o el jehaz mn dan la dank
at 2:22 am - 20th July 2009 Permalink
مررت من نفس النقطة و عانيت نفس المعاناة..
لكن الحمدلله لم يستعملو الجهاز الشرجي
at 4:59 pm - 30th July 2009 Permalink
منيح ماكان فحص الحرارة من مكان تاني, كان لاقيت ميزان الحرارة ريحتو قرف ولونو بني ههههههههههههه
at 5:05 pm - 30th July 2009 Permalink
كله ع الفاضي
الي معو انفلونزا رح يدخل لو شو ما عملو
يعني ع الفاضي كل هالحكي هادا
at 5:07 pm - 30th July 2009 Permalink
منيح الي قلتلي عشان ما اروح ع سويا الفترة الجاية
at 10:19 pm - 4th August 2009 Permalink
yala bt3esh w tokl 3′erha sedi ya3ni wgft 3la hai
أرسل تعليقاً