شو قصة محاولات الإنتحار اللي بنسمع عنها كل فترة بالجرايد؟ من بعد محاولة إنتحار جيهان من المبنى المهجور اللى على دوّار الداخلية صار كل واحد مش عاجبة شي يطلع فوق نفس المبنى (قبل ما يتسكر) أو مبنة تاني ليحاول ينتحر.
آخر القصص عن محاولات الأنتحار, محاولة شاب عمرة 24 عام من الإنتحار فوق بناية رام الله سنتر في دوّار الدخلية كمان, والسبب “الهام جداً” اللي دفعوا أنه يحاول ينتحر أنه بطالب بشهادة توجيهي “ناجح” بعد ما رسب عدة مرات, ليكمل دراسة هندسة كمبيوتر في أحدى الجامعات بالبلد.
طيب, حلو كتير, لنفترض “جدلاً” أنه الجماعة ردّوا عليه وأعطوه شهادة توجيهي وكمّل دراسة بالجامعة, وبعد ما تخرج من الجامعة أكيد رح يدوّر على شغل, وأذا ما لاقى شغل رح يحاوّل ينتحر عشان الحكومة تأمن لألو شغل, وبعدين لما ما يلاقي عروس رح يحاول ينتحر, وهيك كل ما يفشل بشي رح تكون محاولة الأنتحار هي أفضل وسيلة للفت النظر, شو هالفشل اللي انتا فيو يا زلمة؟؟؟
معظم حالات محاولات الإنتحار قامت للفت النظر بس لا أكثر, حيث أن من يحاوّل الإنتحار هو أجبن بكثير من أن يقتل نفسة, وبالغالب يتحقق هدفة بلفت نظر الحكومة والإعلام والرأي العام, وهذا هو المطلوب, لذلك بطلب تجاهل هالفئة من الناس اللي بفكروا أنه بقدروا يوّصلوا للي بدهم ياه بالطريقة الرخيصة هاي, بالأضافة الى ما سبق, يجب تشريع قانون يجرّم محاولات الإنتحار, عشان أي شخص يفكر 100 مرة قبل ما ينتحر.
عجبني تعليق في موقع عمّون حوّل نفس الموضوع:
يا جماعة بسيطة خليه يعرف كم تسارع سقوطه من فوق عمارة رام الله سنتر و كم ثانية راح يحتاج حتى يوصل على الارض و اذا عرف خليه يصير مهندس زراعي و اذا ما عرف لا والله احملوه و ارموه من فوق جسر عبدون
دبوس: خبر سار لجميع الأخوة المنتحرين, أبراج بوابة الأردن قربت تخلص, يعني وضعكم رح يصير “زينون” هناك
..
on 
on 
21 عدد التعليقات
at 3:05 am - 16th July 2009 Permalink
انا سمعت – وما الكم علي يمين “تقال في حاله الخرط ” – انها عماره ملعونه ومسكونه و بتجذب العالم
والله انا رأيي يهدوها لهالعماره….او ممكن يبخروها
at 8:34 am - 16th July 2009 Permalink
السلام عليكم …
عن جد الوضع في الاردن صار مؤسف جدّاً .. أنا نظرت للموضوع بنظرة تانية ، و هي انه الشعب وصل لمرحلة انه لو ما عمل هيك يمكن ما رح ياخد حقوقه، و حتى لو عمل هيك كمان ما رح ياخد..
التوجيهي بعمان صاير امتحان قبول في هارفرد ، و لو ع المشاكل الاجتماعية ، فـ الناس فارطة من زمان من جهة الأخلاق..
اللي بده يتجوز بينتحر، و اللي بده ياكل عيش بينتحر، و اللي بده ينجح و يدرس بينتحر، و اللي بده يشتغل بينتحر..
للأسف مش عارفين الناس انه بدون محاولات الانتحار، عم يموتوا موت بطيء..
ابشري يا اردن ، طالما حالتك هيك ، شعبك ودّع
at 11:12 am - 16th July 2009 Permalink
صديقي … و أنا أنظر الى الموضوع بطريقة أخرى ..
محاولاتهم خاطئة .. نعم!! و لكن هل السبب هو وضع البلد ؟ أكيد ..
الناس مش عارفة تعيش يا عامر
at 12:15 pm - 16th July 2009 Permalink
بشار: هل نلعن الظلام؟؟
at 12:19 pm - 16th July 2009 Permalink
hay el benaye men zman mahjoora
lazem yehdoha aw ye3mlo feha shi badal ma hye maftoo7a hek lal nas
at 12:20 pm - 16th July 2009 Permalink
الله يعين الشعب
مش من قلة عم ينتحر قاعد
اللهم نسألك الرحمة والهداية
at 12:21 pm - 16th July 2009 Permalink
لا حجة في الددنيا تبرر الانتحار
اذا كل واحد عندة مشكلة لازم ينتحر كان نص سكان العالم انتحرو زمان
بالاضافة الى انه الانتحار حرام شرعا
at 12:21 pm - 16th July 2009 Permalink
لازم يعملو وزارة منتحرين بالاردن ههههههههههههههه
at 1:03 pm - 16th July 2009 Permalink
والله انا بأيد هاد الإشي لأنو صار الوضع عنا في الاردن زفت
at 2:41 pm - 16th July 2009 Permalink
للاسف هذه الضاهره انتشرت في مناطق اخرى من المملكه والله عيب علينا احنا ك بشر ننتحر عشان اشي تافه يعني هوا بدو شهاده توجيهي يدرس عشان ينجح كيف الناس كلها بتدرس والجامعات عنا ما شالله يعني مش عارف شو بدي احكي بس من وجه نضري …… الله يلعن هيك اشكال اذا بدهم يصيرو بناه مستقبل…. و اصلا هاي لازم تتسجل بسجلو عشان بس يشتغل يقلولو الله معك ما منشغل اشكالك
و شكرا
at 3:16 pm - 16th July 2009 Permalink
و انا بقراء في المقال اجتني فكرة مشروعو انوا نستاجر المبنى هادا و اي واحد حاب ينتحر يدفع مصاري لدخول المبنى, و انا متاكد انوا راح يكون في مردود عالي.
at 6:25 pm - 16th July 2009 Permalink
يا اخ عامر الانتحار ما بحل ولا مشكله بالعكس بزيد الطين بله لان المنتحر بروح كرفته على النار
at 7:09 pm - 16th July 2009 Permalink
والله لازم يعدمو جيهان لانها هي فتحة هاد الباب الله لايوفقها
at 7:39 pm - 16th July 2009 Permalink
والله حلو الوضع… بجنن…ليك…بداها بشهادة التوجيهي ما قدر ياخدها من هبله..حاول ينتحر اخدها…تمااام…بيجي للجامعة…مادة بضل يعيدها نفس الحالة بيرجع ياخدها…بعدين في وسط البطالة ..بعد التخرج بدو وظيفة…ما قدر ياخدها ….بروح يحاول ينتحر بياخدها….وهلا صار موظف…بيجي ل يتزوج ما بيرضو اهل العروس…بسجل كمان محاولة انتحار….عجبتني الفكرة…ههههههههه طيب انا ل هلا ما قدمت توجيهي ع السنة الجاي ان شاء الله
.gif)
اجرب انتحر من هلا قبل ما يصير شي بس ل اضمن الشهادة…شو رأيكم؟؟؟ يلللللا مين يساعدني؟؟ معارف وزير التربية بالله عليكم..هههههههههه
جنان والله جنان ولا شي بيستاهل ب هالحياة اني الواحد يروح ع جهنم زحلقة …
Good luck…
at 1:20 am - 17th July 2009 Permalink
la2 akeed a7sab 7al el wa7ad yel3an 7alo 3al youm ele eja feeh 3al denia
at 12:27 pm - 17th July 2009 Permalink
REWJO
والله معك حق لازم يعدموها هاي جيهان لانها عملتها موضه الله لا يوفقها
at 7:34 pm - 17th July 2009 Permalink
مالك بشار؟؟ ليه مغمقها هالقد….عااااادي …..دنيا ورح نعيشها …خليها حلوة ب مزاجك…والله طنش الكل اعمل كل اللي بدك اياه…..عااادي…..والله الدنيا حلوة بس نعمل كل اللي بدنا اياه …هههههههه
والله خد الدنيا بضحكة الفرحة والدمعة وكلللل شي خدها بضحكة…روح تشوف كيف رح تكون حلوة…
Good luck
at 2:14 am - 26th July 2009 Permalink
الانتحار طريقة للتعبير عن الراي … حاول انتحر يا اخ اسكدنيا عشان يسكره السفارة الاسرائيلية في الاردن ….
وقتيها ورجيني شو قيمتك … وشو اهمية حياتك عن دولتك !!!!!!!
انا مع الانتحار إذا الهدف كان التعبير عن الرأي .. وتوصيل فكرة
ولنذكر موقف في تاريخ كوبا …. بداية كان فيدل كاستروا مع 7 اشخاص وهجموا على مخفر شرطة … وكان هذا الامر جنون … وشبه انتحار .. بس لاثارة فوضى التفكير عن الشعب …
ومن هون حررت كوبا
at 12:40 pm - 26th July 2009 Permalink
يللا…انا عندي رأي وما حد قابل يسمع مني…بقوم بنتحر عشان اعبر عن رأيي…..وبعدين لما الواحد بعيش هو بعيش عشانه هو عشان يحقق ذاته..مو عشان الاشخاص الاخرين…اكيييد هالحياة فيها شي حلو يستاهل انه نعيش من اجله….بعدين الحياة نعمة…مو لعبة…وقت بدي ازهق الروح …بنتحر وخلص…بعدين اي رأي بيستاهل اني اروح ع جهنم زحلقة مشانه…بالحالتين ما بتعبر عن رأيك …..ما فيي اوصل فكرة الا بهي الطريقة…عند النهاية بلا ما توصل……ومو بالضرورة اعرف قيمتي عند دولتي…بلاها….لانه انا لما بعيش بعيش عشان انا احقق اهدافي او اخلي جزء من احلامي حقيقة..اكيد ما رح تزبط كلها.. ل هيك انا برأيي الانتحار اكيد مو وسيلة للتعبير عن الرأي او ايصال فكرة معينة للاخرين…
Good luck alll
at 4:58 pm - 30th July 2009 Permalink
هسا وقت نتائج التوجيهي
اكبر فرصة انه الي بدو ينتحر يروح يطخ حالو هههههههههههههههههههههههههه
at 5:04 pm - 30th July 2009 Permalink
الي بفكر انه ينتحر هاد بكون ضعيف شخية وايمانو بالله ضعيف جدا لانه الانتحار حرام
أرسل تعليقاً