صرلنا سنين بنسمع بمشروع القطار المفروض إنه ينعمل في عمّان وبين المحافظات, ما بمر أسبوع إلا بنتشر خبر بالجرايد إنه أمانة عمّان بتدرس عروض من شركات لإنشاء قطار خفيف, أمانة عمان بتفكر تعمل قطار من شارع الجامعة للعبدلي, وزارة النقل بدها تعمل مترو, وحكي بحكي بحكي وكلو بالنهاية حكي جرايد ما شفنا شي منو لغاية ساعة كتابة المقالة 
.
لساتنا نايمين على سكة حديد الحجاز اللي نعملت من 100 سنة, لما كنت في سوريا آخر مرة ومريت من جنب مقر سكة حديد الحجاز الي بدمشق, صرت أفكر بالعثمانيين كم كان عندهم طموح لتسهيل السفر بين الدول وكيف بنوا سكة الحديد بين تركيا وبقية دول بلاد الشام, بالرغم من إنه إمكانيات الدولة العثمانية كانت صعبة في آواخر عمرها.
واللي بزور تركيا كمان, بشوف كيف المترو عندهم بمر بكل المدن التركية, ما ناموا على خط الحجاز زيّ حالتنا بالأردن أو سوريا أو حتى السعودية “الغنية”.
من عدة سنوات كنّا نسمع عن خط قطار خفيف رح يربط عمّان بالزرقاء, يعني رح يصير الوقت اللازم 12 دقيقة بدل من 30 دقيقة, وضلينا نصيد سمك بالبحر وكل فترة نسمع أخبار لغاية ما راح الموضوع بخبر كان, يقال وقتها أنه أصحاب الباصات العاملة على خط عمّان الزرقاء (الحيتان) إعترضوا على الموضوع و “دعسوا” بكل ثقلهم على الموضوع ليندفن, وهاد هو اللي صار.
يعني كالعادة مشكلتنا بسرعة تنفيذ المشروعات التنموية, ما بنكر إنه عنّا مشكلة تمويل أساسية, بالإضافة لبيروقراطية قاتلة بتعاني منها كل دوائرنا الحكومية “تقريبا”,
عقبال ما نشوف قطار خفيف ولا ثقيل ماشي بشوارعنا.
on 
on 
19 عدد التعليقات
at 4:34 pm - 20th July 2009 Permalink
يظهر انك ما عرفت انهم لغوووووووووووووووووووووووووووووووووووووووووووووووووووووه
على فكرة انت شكلك عايش ب طاجيكستان مش بالأردن
يا اللاااااااااااااااااا خليك على حالك أحسن من حال غيرك
at 4:37 pm - 20th July 2009 Permalink
http://www.addustour.com/ViewTopic.aspx?ac=\LocalAndGover\2009\07\LocalAndGover_issue647_day16_id159356.htm
at 4:38 pm - 20th July 2009 Permalink
ان شاء الله ربك كريم بعد ما ينوّر الملح
at 7:51 pm - 20th July 2009 Permalink
نعتذر عن هذا الخلل
at 10:41 pm - 20th July 2009 Permalink
The project is serious, They have a group on facebook and the date of it’s first stage to end will be in the end of 2010, I think it will happen and it will make a lot of people very happy, I recommend that you don’t depend on newspapers for your news, Go to the source, You get full reliable information
at 1:05 pm - 21st July 2009 Permalink
تفائلو خير يا جماعة
at 5:25 pm - 21st July 2009 Permalink
at 2:37 pm - 22nd July 2009 Permalink
اخي العزيز بما انك تعرف مشاكل التمويل والميزانيه للمشاريع الكبيره المفروض يكون رايك غير هيك وعلى فكره الخط الحديدي الحجازي هلا صار يشتغل بس استلمه مدير عنده ذمه وضمير وشغل الخط لانا اصلا جديد اسمعنا فيه وهلا صار فيه رحلات ترفيهيه على سوريا ونقل بضائع ورحلات داخليه وعم يشتغلو ليصيير الخط ازا عندك حكي ونقد في مؤسسات بحاجه انك تتطرق ا الها او تذكرها وكل شي بلش صغير وكل شي برجع للدوله في التنفيذ
at 3:47 pm - 23rd July 2009 Permalink
هلا عمي لما ينور الملح
قال قطار قال
يعني من وين بدنا نجيب ازمة بعدين
مابنقدر لازم يكون في ازمة
at 12:01 am - 24th July 2009 Permalink
هههه شكلنا رح نركب على الحمير
http://www.freefan.org
at 4:50 pm - 25th July 2009 Permalink
هههههههههههه
يسلمووووووو
http://www.dm3f.com
at 10:36 pm - 25th July 2009 Permalink
تفلل بنزين بعشرين ليرة وبدك قطار ؟؟ لو تجي لهولندا شو بدك هليكوبتر ؟
at 11:12 am - 28th July 2009 Permalink
حتى لو صار عنا قطار.. فكرك شو رح يكون؟؟ الميزانية المتواضعه بتجيب قطار نص كم يا معلم
يعني رح يكون قطار تص كم ويخدم المناطق الى في عمان الغربية اتوقع
بتمنى يكون فكري غلط
at 11:21 am - 28th July 2009 Permalink
metro amman
at 4:57 pm - 30th July 2009 Permalink
ان شالله رح يصير عنا مترو زي تبع دبي قريبا
بس مسالة وقت وبتصير البلد فووووق ان شاله بقيادة الملك المفدى
at 5:03 pm - 30th July 2009 Permalink
مترو دبي سيتشغل الشهر القادم ان شالله, الفرق انه هناك قرار وفعل بس بالاردن قرار والفعل بعد مليون سنة
ان شالله الوضع يصير احسن
at 5:09 pm - 30th July 2009 Permalink
الاردن لسه احسن من غيرها بكتيييييير.gif)
الحمدلله ع الوضع الي عنا
at 11:45 am - 3rd August 2009 Permalink
والله بدل ما انتو شاطرين بصف حكي تحركو واعملو شي للبلد بدكو كل شي عالجاهز خلينا نشوف شو بطلع منكو غير الحكي الفاضي والاستهزاء والمسخره
at 9:25 pm - 22nd October 2009 Permalink
علمت من مصدر موثوق في رئاسة نادي كره الشراب انو على العيد الوطني* رح يفتتحو خط قطار يربط اربد بلعقبه.
العيد الوطني للمملكة المتحدة
لا تجيبو سيره
أرسل تعليقاً