الطريق من بيتي للدوّار السابع ما بياخد مني اكثر من 7 دقائق بالعادة, ولكن مبارح الخميس إستغرقت “رحلة السفر” حوالي 45 دقيقة!! والسبب جاي بالتفاصيل.
بعد طول إنتظار بطابور أزمة أطول من يوم الجمعة, وأمرات أترحم على ضحايا أي حادث ممكن يكون سبب هالأزمة اللي مش طبيعية, وبعد شوية بتوّنة بين السيارات لأحاول أخلص من هالأزمة أخيراً وصلت للسبب اللي عامل الأزمة, طلع بكل بساطة موكب عرس لأحدى العائلات كان منطلق من أحدى أحياء طريق المطار بإتجاة عمّان.
طبعاً سيارة العرسان أول سيارة ماخدة أقصى اليسار وماشية على أقل من مهلها بطريقة مستفزة جداً جداً, ومش سائل بكل العالم اللي وراه اللي نازلة تزمر لأله (وانا واحد منهم) انا زيح ع طرف الشارع أنت وموكبك, لكن لا حياة ولا حياء لمن تنادي!!
شكلو فكر الناس بتزمر عشان فرحانة للعرسان, على كل حال, انا مش ضد أنه العرسان يفرحوا بليلة العمر, بس يعني إحسبوا حساب للناس اللي وراكم, تخيّلوا في حد مريض وبدو يروح ع المستشفى لأي طارئ, اي والله عيب هالحكي.
المضحك بالموضوع, انه بعد 45 دقيقة علقة بالموكب وصلت قدام وصرت أول سيارة, طبعاً ما لاقيت ولا سيارة من جهة المدارس العالمية لقبل الدوّار السابع بشوي, لانه أخينا كان حابس العالم وراة.
الف مبروك عزيزي العريس, لو إنكتب الك أنه تدخل مدونتي وتقرأ المقال, بتمنى إنه المرة الجاي تفكر بالعالم التانية.
دبوس: دبور عمّون شاهد موكب عرس من العيار الثقيل في عبدون, قاموا بإطلاق العيارات النارية بشكل كثيف “فرحاً” بعريسهم مما أثار حفيظة السفارات الموجودة في المنطقة, مما أدى إلى إتصالهم بالأمن العام ولكن بدون جدوى على ذمة دبور.
on 
on 
24 عدد التعليقات
at 9:13 pm - 24th July 2009 Permalink
فعلاً … بدل ما الناس تكتب نوماً هنيئاً لأطفالكم …
خليهم يعرفوا ينام بدون تزمير و هبل و كأنو أول واحد إتجوز
يلعن جهل و تخلف
at 10:02 pm - 24th July 2009 Permalink
شعب أتفه من التفاهة يا زلمة … وحياة الله بيدهم حرق بكاز معفن …
at 10:28 pm - 24th July 2009 Permalink
مزبوط كلامك يعني هوه بدو يتزوج ليش ليزعجو هالناس بالزوامير وغير هيك بيضلو يطلقو عيارات ناريه لنص الليل
اصلا من غير عرس في أزمه ….. كيف مع العرس
يعني أمته بدنا نتقدم ونتطور ونبطل هالسلوكيات الي بتستفز
بدل مايقول الواحد الله يهنيهم بيصير يسب عليهم
at 11:04 pm - 24th July 2009 Permalink
if i was in your place, bazamer ma3 el nas o batsala, ana hek ba3mel
at 12:24 pm - 25th July 2009 Permalink
اخوي الله بعين يعني شو بدك تعمل بدك تتعود الله لا يوفقهم يا زلمه تعال شوف عنا باربد الزحمه و احكيلي بعدين والله لحتى نصل بكون لعنه لحتى شبعت طبعا غير رفعت الضغط انا بالنسبه الي قربت اتعود
at 3:55 pm - 25th July 2009 Permalink
والله اشي بيقهر كتيرررررررررررررر هو الواحد من دون ما يكون في اشي عالطريق بيعوف حالو
وبتطلع اعصابو…
اخ بس هدول العالم بجد ما بيستحواا .. عموما بيعين الله يا فتى .. ان شاء الله ما بترجع تعلق بهيك ازمه بعد مره ..
at 4:54 pm - 25th July 2009 Permalink
بعين الله موسم اعراس
بس السائقين للأسف لاحياة لمن تنادى وقت مابدك تنام او مستعجل بتلاقى حدا بينكد عليك
at 6:34 pm - 25th July 2009 Permalink
والله جيت ع الوجع يا مان
احنا بفصل التزاوج هسا والكل مش شايف قدامو
فعلا مظرطين للكل اخ بس
at 6:35 pm - 25th July 2009 Permalink
اول مبارح ضليت بازمة سير اكتر من شي ساعة ونص على دوار الرابية ونخنقت وللاسف ماحدا حاسس بالمرة
وين الشرطة تخالف كل الموكب وتعلمهم ان ما تكون سعادتهم على حساب غيرهم
شكرا اسكدنيا ع الموقع الحلو
at 6:37 pm - 25th July 2009 Permalink
خلي العالم تعيش بدال هالنكد يا زلمة
بكرة بيجي الشتا وبتضل قاعد بالدار بتقشر بصل ههههههههههههههههههه
at 6:38 pm - 25th July 2009 Permalink
عاشت افراحنا بقيادتنا الهاشمية
يسعد رب الاردن .. قال بحكو علينا شعب كشر
at 10:06 pm - 25th July 2009 Permalink
احنا ما بنحكي ما يفرحو بالعكس الله يدخل الفرح على كل بيت بالأردن
بس والله زودوها كتير
at 11:47 pm - 25th July 2009 Permalink
يا اخ عامر وين ما بتروح نفس المشكله لانه صاحب العرس بفكر انه بيطلعله يعمل اللي بده اياته ما هو فرحان يعمل حسابه لمين وعلى مين والله هاي الظاهره كتير مزعجه وصار لازم عنجد نغيرها
at 12:40 pm - 26th July 2009 Permalink
يا ريتك شوفت يوم الجمعة منطقة دابوق ودوار خلدا الازمة حتى النخاع ولو تعرف على شو قال المطرب العظيم حسين السمان كان عم يحي حفل الاختتام لمهرجان صيف الاردن أي والله الناس تافهة يعني ساعة من دوار خلدا لباب ستي مول والله جريمة نفسي يصير عنا حس وطني بدل ما نحنا على طول بنحس انو القيامة قامت . يا ريت يطبقوا مبدأ والنعم حنا اردنية
at 11:10 am - 28th July 2009 Permalink
hhhhhhhhhhhhhh
very funny photo
i like your blog..i add it to my bookmarkes….thansk
at 11:15 am - 28th July 2009 Permalink
اااااااااخ بس
لو تشوفوا الوضع عنا في الشميساني دايما الناس مسكرين الشوارع بمواكب التخرج والاعراس ومحدش سائل في العالم الي بتضل ساعة بتستنى
طيب احنا شو دخلنا؟
at 2:20 pm - 28th July 2009 Permalink
المشكلة انو احنا بنحكي عالناس وبننسى حالنا والله لو عند كل واحد منكن مناسبة غير بتعملوا العجايب
at 4:26 pm - 28th July 2009 Permalink
لا والله مش الكل
والله إذا حدا بزمر بعرسي لأضربو
كل الأشكال اللي بتزمر و بتعمل الأزمة بيكون هاد من خلفية رجعية و تشرب التخلف في كل تصرفاتهم
at 4:55 pm - 30th July 2009 Permalink
يعني وين المشكلة؟؟ العالم مبسوطة لازم تنكد عليهم بالمقال هاد؟ عادي والله مش شايف شي
احسن ما تعلق بموكب جنازة
at 5:01 pm - 30th July 2009 Permalink
لووووول
قال منيح ما وقفت بجنازة
حبيت التعليق هاد
at 5:09 pm - 30th July 2009 Permalink
فعلا عرس الي يقرفكم.gif)
موقعك رائع جدا
at 5:12 pm - 30th July 2009 Permalink
looool 3la hay el soora t7shesh
at 11:37 pm - 30th July 2009 Permalink
at 9:21 pm - 22nd October 2009 Permalink
انا صاؤت معي على طريق المطار كمان
بكل هدوء مشيت قدام سيارة العريس ع سرعه 20 و خليتو يعرف شو كان مساوي فينا
أرسل تعليقاً