لا تلوموه أذا عم بريح ضميرو بالشارع, تلت أرباعنا تربى أنه يريح ضميرو بالشارع من هو وزغير, وكبرت مع معظمنا هالعادة هاي.
كان الواحد فينا اذا أموروا أزمت وفش حمام قريب عليه, يحكلي لأمو يا ماما بدي أعمل نونو, تحكيلو فش حمام انتشب, وبس توصل الأمور لمرحلة الأنفجار, بتحكيلوا يا ماما يا حبيبي فرفر بالشارع, بحكي الولد لأمو لا يا ماما بستحي, بتحكيلو أنت زلمة والزلام ما بستحوا, يلا يا روح ماما فرفر بهدوء وأنت ساكت, ولا تفرفر على جريدة بلاش أترطش على حالك أو “بالغلط” ترتطش على صورة واحد مهم بالجريدة بعدين بحبسوا أبوك يما..
يعني عشان الواحد زلمة ما لازم يستحي ولازم “يفرفر” وين ما كان؟ طيب كنا زغار بالزمنات وعادي هالشي يبدر من ولد زغير, طيب لما كبرنا؟ منطق زلمة طويل عريض تلاقيه واقف بالشارع ونازل “فرفرة” بالشارع زي البهايم؟ هالحكي هاد ما ببدر الا من الحيوانات الله يعزكم !
غرامة “الفرفرة” بالشارع في دبي 5000 درهم , يعني بحدود 1000 دينار أردني, لو مسكوا واحد بتكون هاي أغلى “فرفرة” بحياتو كلها, بتمنى لو يطبق القانون بالأردن, لأنه في حواري ودخلات ببعض شوارع عمان بتحس حالك أنك داخل حمام بلدية مش شارع من كتر الروايح الي فيو.
بعين الله.
on 
on 
14 عدد التعليقات
at 12:40 pm - 26th March 2008 Permalink
من وين جايب هلا صوره قويه
علي فكره كان في كرتون اسمو فرفور
at 12:42 pm - 26th March 2008 Permalink
اوعى تعمل زيو لتلاقي صورتك تاني يوم هون
at 10:38 am - 5th April 2008 Permalink
بدي أسال الي كتب هالمقال بالله عليك عمرك ما فرفرت بالشارع عمرك ما وصلت الدار ونست المفتاح وكنت متضايق وتستنى حدا يفتحلك الباب وما تلقى حدا, شو بتسوي ؟ او ماشي ع طريق صحراوي او في نفس العاصمه وكنت متضايق شو بتسوي؟ وانت بعيد عن الحمامات اتوقع انه 99.9% من الناس عملتها ع الطريق و 0.1% من الناس لسه ما سوتها لانه لسه صغير” ع مستوى مدرسه ما دخل بس راح يسويها فكك من هالسوالف لانه في مواضيع اهم من هيك واتوقع الي عمره ما سواها هو الي بمشي وهو محفظ
at 10:47 am - 5th April 2008 Permalink
وجدي: ما بنكر انه ياما عملناها بالشارع.. لأنه زي ما حكيت أنه تربينا على هالشغلة أنها “عادي” من أحنا وزغار.. لذلك صار شي طبيعي جداً أنه تلاقي حد بفرفر بالشارع
بس لو كان في عقوبة من زمااان مفروضة على هالظاهرة, بتلاقيها بلشت تختفي شوي شوي مع الوقت.. زي بدبي مثلا غرامة 5000 درهم للي بنمسك وهو بلبي نداء الطبية بالطبيعة
at 1:33 am - 3rd August 2008 Permalink
عنجد ياريت بالاردن تنفرض هيك عقوبة..
وابشع مثال على هالظاهرة (“العفنة”ان صح التعبير) مجمع الزرقا الجديد جد مكرهه صحية
وعادي الزلمه بنتبه انو شايفينو العالم بس موضوع كتير عادي الاخ بريح بضميرو..
وبالفعل هالظاهرة عمري ماشفتها بالامارات واذا شفتها فبكون زي ما حكيت طفل صغير وامو متكاسله اتوديه ع حمام ولا مزنوق ومافي مجال غير هيك اتحل امورو.. بس حد كبير ما شفتها غير بالاردن..
at 7:04 pm - 13th August 2008 Permalink
خليهم يسقو الشجر مهو كلو سماد طبيعي!!!!
وليش الحقد الادمي!!!!
وللعلم البعض بدو اكثر من 300 سنه ليتطور
كلمه وحده بحكيها لكل بابا عيب يا بابا هيك انت قدوه النا ولا ايش رايكم
at 1:30 am - 31st August 2008 Permalink
اه طب سؤال بسيط ما كان في بنات تعمل هالعملة وهي زغيرة ليش بطلت تعملها لما كبرت اما الشباب يمكن يموتو وبعدهم يعملو هالعملة
؟؟؟؟؟؟؟؟؟؟اما تحطو الحء علاهل هاد غلط يعني الولد وهو زغير شي ولما يكبر شي تاني ولوووووووووووووووو
at 4:35 pm - 17th September 2008 Permalink
ويا بابا سناني واوا وديني عند الطبيب , ما عاد بدي شوكولاتة بس بدي اشرب الحليب , السوسة نخرتلي سناني , بسيطة يا فسفوسة
طبعا هذه ظاهرة غير حضارية بالمرة ومن منطلق ديني واخلاقي ونضايفي ما بصير انو نعمل هيك وانا لو بدي انفجر ما بعملها بالشارع , بحافظ على البيئة انا
at 8:17 pm - 29th September 2008 Permalink
والله لو يحطوا هالقانون حيعملوها اكتر من زمان لانو كل الشعب شغل جكر و حيروحوا ععبدون ايسوها عشان ايفرجي الناس انوا معا مصاري بيفرفر عادي قدامنا
at 6:30 am - 28th October 2008 Permalink
ههههههههههههههههههههههههه فظيع
بس ليش كل شي بتربطوه بدبي و فواتير دبي
هناك عادي يا زلمه 5000 درهم راتب شهر
اما هون راتب سنه يعني الله مابرضاها
at 4:26 pm - 30th October 2008 Permalink
ريحة نشادر على قولة عادل امام هههههههه
at 2:31 am - 7th December 2008 Permalink
اولا عيب ان تنشر صورة هذا الشخص لانة اكيد متضايق وعملية حبس البول مئلمة اضافة الى مضاعفاتها الصحية
ثانيا الرجل لم يعملها بالشارع فهو مستر عن الانظار بس انت تراقب فية وصورته ومن تعاليم ديننا الحنيف الستر على اخيك المسلم وليس فضحه فكان يجدر بك ان تكتب الموضوع دون وضع الصورة وتجعل الموضوع للنقاش الجاد وانا معكم يجب عدم التبول في الاماكن العامة والشوارع فهي مكرة صحية وبيئة للانتشار الامراض لكن للضرورات احكام
ثالثا الرجاء عدم ربط الاردن بدبي فلكل بلد قوانية التي تطبق فية والتي يرى واضعوها ان فيها مصلحة لذلك البلد ………….وتقبلو خالص تحياتي
at 11:00 pm - 29th May 2009 Permalink
عادي مرة كنا في رحلة مدرسة وشفنا واحد Naked بالشارع
و كان منظر مقرففففففففففف يععع
و تعالت الضحكات بالباص
at 1:46 pm - 23rd August 2009 Permalink
جد هالتصرف كتيييييييييير عيب ولو احنا مسلمين صح كان ما بتعملوا هيك لانه دينا بحث على النظافه والطهاره واحنا البنات مرات بنصادف هيك مواقف بالشارع يعني انا لما اشوف حد بعمل هيك والله بستحي وانا بلف وجهي او بروح من شارع تاني.gif)
والللللللللللله عيب بس في مقوله بتقول( وان لم تستحي ففعل ما شئت) والحياء من الصفات الي لازم نتحلى فيها كمسلمين
وشكرا
أرسل تعليقاً