مبارح كنت معلّق بأزمة سير قبل دوّار الداخلية, والدنيا شوب والواحد مش طايق حالو, فجأة إجت سيارة إسعاف من دوّار المدينة وعجقت الدنيا بصوتها العالي, وكل شوي يزيد صوت الإنذار, الكل صار يبعد عشان يمرقها, على أساس إنه في حالة طارئة جوا الإسعاف.
لما مرّت السيارة من جنبي, إتطلعت على الشوفير, لاقيتو بتضحك زي الزعران هو والمساعد الي معاه, كإنة بضحك ع العالم المحترمة اللي صارت تزيح عشان الإسعاف يمر, بالإضافة الى ذلك الإثنين نازلين يدّخنوا, آه دخان جوا سيارة الإسعاف تخيّلوا؟؟ شوفير تكسير هاد مش إسعاف.
نُمرة الإسعاف حمرا, يعني أتوقع إنها للدفاع المدني, يعني ما أتوقع إنه كان في حالة طارئة ولا شي, بس شكلو أخينا بدو يبتوّن بين السيارات لأنه مش حابب يوقف بالأزمة زي باقي هالناس.
حاولت أصور سيارة الإسعاف وأطلع أخينا والسيجارة بإيدو, بس للأسف ما قدرت.
ماحد حكيلي يمكن رايح يجيب واحد مريض من بيتو
.
on 
on 
20 عدد التعليقات
at 2:15 pm - 28th July 2009 Permalink
والله حكيك صح بس تعرف ايش مشكلتنا ؟؟
انه لما نحصل على سلطة بنوظفها بطريقة كتير سيئة وبنستهتر بالأمانة الي بين ايدينا
at 4:32 pm - 28th July 2009 Permalink
خلي العالم تعيش يا زلمة
وشو يعني ازا دخن
at 4:33 pm - 28th July 2009 Permalink
بركي مرتو مجننتو الصبح والزلمة كان معسب كتييير؟ بس اهم شي كان الشباك مفتح ولا مسكر هههههههههههههههههه
عشان المريض بس يفوت الاسعاف ما يموت من الريحة
at 4:41 pm - 28th July 2009 Permalink
يجب ايجاد آالية رقابة على سيارات الاسعاف حتى لا يصير استهتار بالمنصب الي هو فيو
ما بصير يعمل ازعاج بالشارع ليمر ازا كان مافي حالة خطرة بالسيارة
عيب هالحكي هااااد
at 4:43 pm - 28th July 2009 Permalink
صحتك يا لزلمة
at 9:59 pm - 28th July 2009 Permalink
بتعرف لو انو عملها في اغير اوقف بنص الشارع و ابزق بنص وجهو….
و بعدين بحكي مع الشرطه….
و اخ مصطفى بترضى على حالك يكون حد من عيلتك بسياره الاسعاف و يكون معو ربو و يدخن السايق
فعلا استهتار والله عيب
at 10:05 pm - 28th July 2009 Permalink
لو كل واحد بينجز عمله بذمه وضمير ما بنوصل هالمواصيل هاي
at 10:33 pm - 28th July 2009 Permalink
صحتك صحتك
at 10:36 pm - 28th July 2009 Permalink
اكيد البيدخن هو الرايح المستشفي هاها
at 12:28 am - 29th July 2009 Permalink
انتا شو بعرفك انو مو رايح يجيب مريض من بيتو يعني عشان كانو يضحكو ويدخنو خلص انو مو رايحين يجبو شي مريض ؟؟؟
يعني كيف طالعين من كراج دفاع المدني من دون ما يخدو امر ياحبيبي لآنو هدول مجبرين يضلو بكراج دفاع المدني لأنو بأي لحظة بدوهم يطلعو ……..
at 12:35 pm - 29th July 2009 Permalink
ان دل على شي بدل على انة الزلمة زهقان حالو اخوي اللة يسلمك
at 4:54 pm - 30th July 2009 Permalink
hhhhhhhhhhhhhhhhhhhhhhh
a love ur way in ritingL)
great blog
at 5:00 pm - 30th July 2009 Permalink
if i see this i will ask police to give him ticket
ma bseer hekk
at 5:08 pm - 30th July 2009 Permalink
لازم ينخصم من راتبو عشان يكون عبرة
at 5:39 pm - 30th July 2009 Permalink
طوّل روحك يا زلمه هاي المشكله وين ما بتروح
at 3:54 pm - 31st July 2009 Permalink
والله يا عامر انا بتايع مواضيع دايما بس في اشي بدي احكي
ان سيارات الدفاع المدنت نمرتها لونها ابيض ومكتوب عليها الدفاع المدني ومكتوب من الجنب الدفاع المدني وبكون رقم غرفة الطوارء199
يعني واضح انها تابعة لدفاع المدني
بعدين رجال الدفاع المدني عندهم اخلاق ومااعتقد انو يعملو هيك اشي وللعلم ممنوع التدخين داخل سيارات الدفاع المدني لاني طلعت فيها مرة مع صاحبي وكنت بدي ادخن حكالي لو سمحت التدخين ممنوع
والنورة الحمرا للحكومة
يعني لوزارت الصحة لانو ماعليهم رقابة ولا حد محاسبهم
يعني ماخذين راحتهم الشباب
وسلامتك وتعيش
at 6:14 pm - 31st July 2009 Permalink
rewjo
عزيزي شكرا لردك،يمكن زي ماحكيت انة السيارة تابعة لوزارة الصحة لأنه النمرة كانت حمرا،ع كك الأحوال يجب مراقبة الموظفين وايجاد آلية عقوبة لهم،بالتأكيد هاي حالات فردية.
تحياتي
at 12:05 am - 1st August 2009 Permalink
في كثير من هذه النمرة والواحد بعرف واحد بشتغل ساعي في احدى الدوائر ، لما يروح بكون يتصرف كأنه المدير أو أكثر شوية ، وممكن بحلم وهو نايم انه هو الكل في الكل ، وهذا كله اسقاطات على اللي يشوفه في وظيفته من ترديد عبارات أمرك سيدي،
وقيس يا حبيبي هذا الشيء على كل هؤلاء الناس
وزي ما بقول المثل ما بتلاقي الفص الحزق الا على الديك التعبان
at 8:45 pm - 1st August 2009 Permalink
على راسي يا كبير
at 9:18 pm - 22nd October 2009 Permalink
شكلو بدو يشنري صحن حمص
أرسل تعليقاً