كعادة شركة الإتصالات الأردنية ممثلة بشركة “أورنج” كل سنة ما قدرت تتحمل الضغط اللي بصير على الشبكة بالمناسبات اللي بصير فيها ضغط كبير (نسبي) على الشبكة وبالتالي بتوقع وبتحول من أورنج إنترنت لأورنج إنترزفت, وللأسف كل سنة بصير هالحكي وكل مرة بنسمع إنه رح تتطور الشبكة بس محل ما *** شنقوه.
مبارح كنت عم ببعت ايميل كتير مهم, فجأة لاقيت الإنترنت فصل, حاولت أعرف شو المشكلة بس ع الفاضي, فكرت الجماعة فصلوا النت عشان الفاتورة,بس بعدين عرفت انه شبكة أورنج واgـــعة وخربت من شوية هالضغط الى عليها من نتائج التوجيهي.
على الرغم من مبادرات المملكة ومبادرات جلالة الملك لأدخال الإنترنت لكل بيت أردني, بس الوضع الحالي بيحكي عكس هيك إطلاقاً, وبالمناسبة, فكرة إعلان النتائج على الإنترنت طلعت أول مرة بتوجيهي 2000 (وقت ما قدمت أنا توجيهي), والعالم كانت متفائلة خير وإعتمدت على الإنترنت وقتها, ولكن بعد 5 دقائق من إعلان النتائج صارت الشبكة “تكاكي” ووقعت وماتحملت الضغط أيامها.
بعد 9 سنوات, حال وضعنا بيحكي مكانك قف أو إرج ورا.
وبحسب موقع عمون, قال المدير التنفيذي للمالية في مجموعة الاتصالات الاردنية رسلان ديرانية ان الانقطاع الذي حصل قرابة الساعة الرابعة من مساء يوم النتائج في احدى بوابات الانترنت ادى الى عدم تمكن المستخدمين من الوصول الى الشبكة العنكبوتية لنحو ساعتين (وهما الساعتان الاهم).
اللي بضحك إنه أورنج وقت الفواتير بتقعد تتصل بكل المشتركين لدفع فاتورة الارضي أو الخلوي, بس وقت ما تواجة مشكلة بدك 100 واسطة لتعرف توصل لخدمات المشتركين.
على كل حال, في حكي إنه الشبكة رح تزبط وتصير أحسن خلال الـ 100 سنة القادمة, وقتها بتكون أورنج خمجت.
دبوس: عجبني تعليق نشر في موقع عمون هو:
أهلا بالاستعمار الفرنسي الجديد…. وين الأمن المعلوماتي… الله ياخدك يا سركوزي… بكرة بيمنعوا المحجبات من استعمال الإنترنت و التلفون النقال… و المبرقعات ممكن يستعملوا بس الزاجل…
on 
on 
13 عدد التعليقات
at 3:10 pm - 30th July 2009 Permalink
لا تشكيلي لأبكيلك
امبارح الواحد بيروح زياره وبيرجع ولسه الصفحه بتفتح
يعني قد مانقول وصلنا بتلاقينا محلك راوح ولسسسسسسسسسسه بدنا كتير لنبلش نطلع الدرج
تحياتي لكاتب الموضوع ولجميع الي راح يعلقوا
صحيح مبروك لناجحين
at 4:53 pm - 30th July 2009 Permalink
مبارح فقدت الأمل من الانترنت وانا بطلع نتيجة التوجيهي لاخت
قرفوني يا زلمة
المصيبة انه عنا الف شركة وكلهم بالنهاية برجعو لاورنج
يعني وين ذانك هي ذاني
at 5:00 pm - 30th July 2009 Permalink
انا من مشتركين واي ترايب والحمدلله ما واجهت مشاكل بالانترنت
صح كانت السرعة بطيئة بس بشكل عام مالاقيت الحكي هادا
مبروك لكل الي نجحوا بالتوجيهي وعقبال الجامعة
at 5:06 pm - 30th July 2009 Permalink
mabroook for all tawjihi
i am tawjihi w kan 3lamti 89.5 el amdulah
el net kan b6ee2 kteer sa7 ya askdenia
at 5:11 pm - 30th July 2009 Permalink
هاي شغلة طبيعية بكل العالم ومافي داعي نلومهم ونكبر الموضوع
بكل دول العالم بصير هالحكي
at 5:13 pm - 30th July 2009 Permalink
طبعا ما هو SMS اغلى ب 40 قرش المسج وبتجيب مصاري اكتر لشركات التلفونات وعشان هيك الي بدون نتيجتو المرة الجاية اسرع من هيك ما الو غير يشترك معاهم وبدوش جميلة الانترنت كلو
at 5:42 pm - 30th July 2009 Permalink
يعني بفهم انه مكاتك سير لا حياة لمن تنادي الله بعين
at 6:50 pm - 30th July 2009 Permalink
zain is amazing … i agree with u amer this time … i have a zain connection it was gr8
at 2:36 am - 31st July 2009 Permalink
ياسيدي العزيز سواء فرنسا ولا الاردن مسكوا الأنترنت رح تضل الشبكه تعيسة لأنه هاي سياسة عالمية انه تضل التكنولوجيا عندهم واحنا ماناخد الا زبالتها
بشكرك على صراحتك ومستوى الحرية المتاح لألنا والموقع فخر للصحافة بلاردن
at 3:40 pm - 31st July 2009 Permalink
والله العضيم اشفيت غليلي يعني بتعرف والله ما انا عارف شوو بدي اكتب لانو في ناس بتقرأ بس عيب عليهم شركه اورنج يردو بالطريقه هاي على المشتركين و نصيحه للي عندو اورانج ما يحكي على 1214 يحكي على 1215 اسرعلو ههههههههههههههههههه
at 3:59 pm - 31st July 2009 Permalink
كلها زي بعض سواء باتلكو او امنيه او زين او اورنج
والله الواحد مش عارف شو بدو يعمل
صحتين
at 10:18 am - 9th August 2009 Permalink
هههههههههههههه المشكلة انو اخوي مش مسدء انو اورنج هيك
بيحكي كلما امسك انا النت بيخرب ياجماعة ممكن عندي شحنات زيادة
بس عكل نتات البلد معئولة بعدين في طريئة كلما مايشبك معي
برن 1214 وبيشبك عطول
at 11:27 am - 9th August 2009 Permalink
ههههههههههههههههههههههههههههههه
نور مش عارف شو بدي اقلك بس فعلا انا بصير معي زي هيك بس بدي اشبك برن على 1214
بس خليني اسعدك لانهم هما ما عرفوا حلها موضفين اورنج الحل تغيري الهب او تشبكي طوالي بدون ما توزعي للتلفون
أرسل تعليقاً