قهوة زغللة أحدى أشهر اكشاش القهوة في عمّان بمنطقة الدوار السابع, بديرها مجموعة من المصاورة, وزبائنها بالغالب شوفرية التكاسي, الصورة أعلاة اخدتها من الحديقة والرصيف المجاورين للكشك, وحسب ما هو مبيّن أنه الأرض عبارة عن محششة بكل ما للكلمة من معنى, دخان سجاير على الأرض وباكيتات دخان فاضية وكاسات قهوة مرمية على الأرض, يعني الوضع بإختصار عبارة عن مكرهة صحية أقرب الى المزبلة, والحديقة صايرة عبارة عن طفاية سجاير عملاقة, لو دخلت موسوعة جينيس رح تاخد لقب أكبر طفاية سجاير بالعالم..للأسف.
فكرت انا على مين أحط اللوم؟ على الناس الي مش سائلة, ولا على قهوة زغللة اللي لازم توزع مكبات نفايات وطفايات سجاير على طول الرصيف ولا على أمانة عمّان؟ لكن انا برأيي هنالك ثقافة موجودة لدى الكثيرين بعدم الإهتمام بالنظافة وكل واحد فيهم نازل يوسخ بالطريقة اللي بتعجبة, لغاية ما وصل الحال للوضع اللي مبين بالصور!
الوضع السابق لا ينطبق على قهوة زغللة بس, كل مكان فيو كشك قهوة بتلاقي جنبة مزبلة سجاير وعلب دخان وكاسات قهوة مرمية على الأرض.
المطلوب تشديد الرقابة من قبل أمانة عمان على أكشاك القهوة وجعلها مسؤولة عن نظافة المكان المحيط بالكشك, بالإضافة الى أدنى مشاعر الأحساس بالنظافة لدى البعض, يعني بدهاش غلبة كتير لما تعرف وين تطفي سيجارتك يا محترم!
وسلامة خيركم.
on 
on 
8 عدد التعليقات
at 6:21 pm - 8th August 2009 Permalink
لاحولا ولاقوة الا بالله
شومستني من هيك شخصيات يا حلو
عادي ولا تزعل حالك ولا تلوم ناس
at 12:40 pm - 9th August 2009 Permalink
فكونا منهم ما غير يتتنون و يشيشون قطيعة
at 10:34 pm - 11th August 2009 Permalink
lah lah lah ……. 7aram walla …
at 12:55 am - 14th August 2009 Permalink
الموقع متيرز جدا
ملوش حل
at 7:36 pm - 12th October 2009 Permalink
في امريكا الناس بطفو السيجارة و بعدين بحطوها بجيبتم عشان ما يرموها على الارض,,,,,,,,,,,,,,,,,سلامتكم
at 9:23 pm - 12th October 2009 Permalink
فعلا
انا دايما مر من هناك
المكان صاير لشوفرية التكاسي ةاللي مالو شغلة
at 11:36 am - 19th October 2009 Permalink
اشي بخزي وبقرف وين امانه عمان تشوف ولا مابتشوف هاي الشغلات صارت قهوه زغلله زي غرزه حشيش عنجد اشي بقرف
at 3:01 pm - 6th November 2009 Permalink
النظافة وعي أولا وأخيرا ،،، ارفع الوعي تحصل على النظافة ، والسلام
ملاحظة : اعترض على الكتابة بالعامية من أمثال “إكبس هون” وفي لغتنا الفصحى غنى عن ذلك وهي عزنا وفخرنا ، ولكم كل الشكــــــــــــــــــ{
أرسل تعليقاً