في كل مرة أذهب الى مطار الملكة علياء الدولي لتوصيل أحد هناك أو للسفر خارج الأردن أنصدم بنقطة الشرطة التي تقف على مدخل المطار من الخارج لتسأل كل سيارة الى أين مسافرين أو لماذا تريد الدخول الى المطار, وينتهي الأمر بمجرد أجابة الشرطة بالمكان الذي توّد السفر اليه, وأحياناً لا يسألك الشرطي شيئاً, بل ينظر اليك ويقول لك تفضل, طبعا بعدما يقوم الشرطي الأول بتحويلك الى النقطة الثانية, ولا فائدة تذكر سوا تضييع الوقت وإعطاء صورة أمنية سلبية لا فائدة منها.
النقطة التي أود إيصالها, هو أنه بالتأكيد أن الأمن أولاً دائماً, وأمن المطارات ذا أهمية قصوى, ولكن برأيي الشخصي أنه ليس هكذا يكون الأمن, لا فائدة أراها من وجود نقطة الأمن مع سيارة الـ 500 على مدخل المطار, وكأنك تريد الدخول الى ثكنة عسكرية !!
هنالك العديد من أساليب الأمن والحماية التي من الممكن حماية المطار بها بدون صورة الترهيب العسكري التي يجب أن يراها كل زائر للبلد يريد العودة الى بلده, فقد سافرت في حياتي الى كثير من البلدان ودخلت الكثير من المطارات ولم أصدم بنقطة تفتيش وأمن كالتي أراها دائما على مدخل المطار في عمّان.
ما دعاني الى كتابة المقال هو موقف تعرضت له أحدى قريباتي حينما ذهبت الى المطار لإيصال صديقتها هناك, حين تم إيقافها من قبل الشرطي المناوب هناك, وبدأ بـ “طق الحنك” معهم, على ما يبدو أنه كان يشعر بالملل, فبدأ بطرح أسئلة غريبة ومضحكة نوعاً ما, خارجة عن نطاق المهمة الأساسية له.
قد لا تكون مظاهر وقوف سيارات الشرطة بكثرة في بعض الأماكن كصورة إيجابية للبلد, من المهم للساائح أن يشعر بالأمان ولكن ليس بهذه الطريقة, وجود نقطة الشرطة مع سيارة الـ 500 تعطي إنطباع إنه بحالة حرب .
الموضوع هو “فشة خلق” أكمالاً لموضوع مدونة 2esas6arma حول مطارنا العزيز.
on 
on 
7 عدد التعليقات
at 11:43 pm - 19th October 2009 Permalink
هذا الوضع .. ما يطلق عليه البعض لإستتباب الوضع الأمني منتشر مع الأسف في معظم الدول العربية، وليس لديكم فقط، وهو يهدف كما تفضلت للترهيب أولاً ثم لإستعراض قوة العضلات على الشعب المسكين أصلا.
at 11:47 pm - 19th October 2009 Permalink
صارت معي لمّا كنا انا و مرة اخوي بالسياره , كنا ماشيين ورا سياره بابا و كانت الساعه 1 بالليل فالجماعه فكرونا لحالنا وبلشو سواليف و رخصه وما رخصه ومن وين جايين ومن هالحكي اللي ما اله معنى, لمّا حس ان السياره اللي قدامنا معنا فورا نهى الموضوع ومشّانا
شكرا لاشاره لمدونتي بالموضوع
at 7:06 pm - 20th October 2009 Permalink
اتوقع انه السبب بالموضوع تاعون التكاسي العمومي و تاعون التكاسي الصفر الي بخربوا ع تكسي المطار
at 1:11 am - 21st October 2009 Permalink
عفكرة معهم حق …يعني هاد نوع من الامن السائد و نوع من فرض هيبه الامن على المواطنين بغض النظر عن السؤال و درجه تفاهته فانه يبين اصلا مدى توتر المسافر و قد ينكشف فقط لتوتره او لتستره على شيء معين…
عفكرة روح شوف كيف نقاط الجيش الاسرائيلي بالضفه و بكل شارع و بسألوك او ما بسالوك مش فارقه..
يمكن لأني تعودت اسافر هناك و تعودت عالوضع فشايف انه الموضوع طبيعي و لازم..
و شكرا
at 8:52 pm - 22nd October 2009 Permalink
يعني لو ما في شرطي بتسألو ليش ما في
و اذا كان فيه ما بعجيكم
اسمحلي يا سيدي انا لما اشوف شرطي بلشارع والله بنبسط
بكفي انك تحس انو ما في حد ممكن يغلط و يتعرضلك تحت اي بند
تحيه خاصه لكل عسكري لكل شرطي لكل رجل مخابرات لكل من يسهر على امنك يا أردن
at 8:28 pm - 24th October 2009 Permalink
بصراحه يجب أن يكون رجال الامن في المواقع الحساسه وواجهة الاردن ومرأة العالم للخارج ذات أسلوب راقي في التعامل مع الثقافه مش يضعونهم عشان ارضاء علان من الناس على حساب الاردن
at 1:33 am - 2nd November 2009 Permalink
انا رأيي انو ما الهم داعي نهائياً, ليش؟ لأنو مطار الملكة علياء الدولي هو مطار مدني ومش عسكري…. ومثل ما حكيت منظر مش حضاري وما الو داعي… ما بدي اقول عن اميركا واوروبا, خلينا قراب, هي مصر , كم بني ادم بفوت وبطلع عالمطار يوميا, كم عربية تكسي بتخش لجوا, ومع هاد مافي سيارة 500 عباب المطار مصمودة بهالطريقة المزعجة. مثال ثاني وثالث : دبي والكويت–> في رجال امن جوا بس برا مافي دبابات و على المنصة ناصب رشاش. هيهيهيه
واللي بقهر اكثر هي الاسئلة التافهة التي بتنم عن جهل, وين رايح؟ طب لو قولتلك اني رايح عبيروت وانا رايح اصلا عجدة شو بصير يعني؟ كيف ممكن تكشف اني بحكي الصدق؟ ولما اجاوبك هل يعني ذلك انو هيك استتب الامن بوجهة نظرك؟؟ وصراحة لما اشوف شرطي بالشارع ما بنبسط لاني بعرف رح اتلبس مخالفة من حيث لا اعلم… او ازا لحالي بالسيارة بعطيها الشرطي مزحة وبمرقها!!!!
أرسل تعليقاً