في كل دول العالم, المسؤولية تكليف لا تشريف, يعني أي واحد بصير وزير أو نائب أو بأي منصب حكومي مهم, بكون المنصب عبارة عن تحدي ومسؤولية كبيرة, لازم يكون قدها أو رح يطير بكل بساطة.
بس للأسف, الواقع عنا بالأردن بختلف, ما بدي أعمم, ولكن المسؤولية عنا تشريف ومظاهر وفرصة أنه معاليه يشوف حالو على العالم, يا دنيا إشتدي ما حد قدي.
الواحد منهم أول ما يصير وزير أو نائب مثلاً, أول شي بهتم فيو هو المظاهر, كيف بدي أثبت للناس أني صرت مسؤول, كيف أخلي الكل يحسب 1000 حساب لألي, يعني أول شي لازم يجيب سيارة فخمة جداً جداً, مع رقم مميز طبعاً, ولازم يكون الرقم المميز على لوحة أرقام مخالفة ومختلفة عن لوحات الترخيص, لا ننسى شوفير يسوق بمعاليه, لازم يكون الشوفير “أزعر” سواقة, طبعاً أحذر أنه معاليه على الطريق, لازم يعرف كيف يبتوّن بين السيارات وكيف يكون طاير ومسفّح على الشوارع, لازم تكون سيارة معاليه عبارة عن خطر متنقل بكل شارع لأنه بس حد يوقف قدام سيارتو لازم يقرب عليه ويضل يفقع ضو عالي عشان الناس تبعد من قدام سيارة معالي الوزير فلان الفلاني قدس اللة طريقة !
مبارح كنت ماشي بطريق العبدلي, لاقيت سيارة ماشية بسرعة جنونية, مع أنه الشارع أزمة دايماً وما بتحمل سرعة أكثر من 60 ك, بس بعد ما صابني فضول أعرف مين الأخ اللي طاير لاقيتها سيارة أحدى النوّاب الأكارم.
نرجع لمميّزات أخينا, أهم شي بالموضوع أنه لازم كل واحد من قرايبو يشد ظهروا ويشوف حالو, فلان قريبي نائب أو وزير, يا عالم أوعى حد يقرب مني, ممنوع اللمس أو اللإقتراب أو التصوير.
شو رأيكم؟
on 
on 
11 عدد التعليقات
at 3:45 pm - 20th October 2009 Permalink
الله يتلطف فينا …
at 8:01 pm - 20th October 2009 Permalink
أنا بحكي انو كلامك صح بجوز لما صار نائب او وزير طلعتلو ايد هو رجل زيادة يعني صار freak بشوف حالو علينا فيها
at 10:58 pm - 20th October 2009 Permalink
7aram 3aleik tezlemo … barki kan ibno elli 3al besoo2ha :p kol wa7ad bl ordon bas yetmassak solta no matter how small it is they abuse the hell out of it.
at 11:44 pm - 20th October 2009 Permalink
اه والله صدقت بكلامك
وهمه بيطلعلهم الي ما بيطلع لحدا
شكرا على الموضوع
والله يهديهم هالمسؤلين ويهتموا بشغلهم اكتر من المظاهر الكذابه
at 1:30 am - 21st October 2009 Permalink
له له له الله يسامحك
يعني ما بتعرف ممكن يكون في وراه عزومه وما بده المنسف يبرد..او ممكن في مصيبه حادث او طخ او اي مناسبه تعيسه بدو يتواسط فيها,.. يعني اصلاح عام
و بعدين انت مش عارف قديش بكون خدوم هالشخص
بطرد كل الطاقم القديم و بشغل كل ولاد العيله اللي عنده حتى اللي ما معو توجيهي بصير اشي مهم , يعني بيقضي عالبطاله
و السيارات الجديده هاي علشان تقلل التلوث بالبلد, اي نعم احنا اللي بندفع حقها بس برضو بكفي انهم بسمحولنا نتنفس الهوا النقي اللي بتتركه سياراتهم النا و ببلااااااااااش
ليش هيك انتو دايما بتطلّعو عالسلبيات
جد كتير كتير انت زالمهم للجماعه
at 1:46 pm - 21st October 2009 Permalink
whisper : تعليقك 5 نجوم.. من وين بتجيبي هالافكار
at 2:27 pm - 21st October 2009 Permalink
whisper والله انو معك حق احنا دايما ( زالمينهم ) ياحرام وهمه بيعملو بالمثل الي بيحكي أنام مظلوم ولا انام ظالم………….. بس صدقوني انهم بيتعبو بيتعبو بيتعبو كتير كتير كتير
بس تعليقك من الاخر
at 3:46 pm - 21st October 2009 Permalink
اوووووف يا لطــيف ومتل العاده هاي النوعيه لا حسيب ولا رقيب عليها !!!
الله يتلطف فينا …
at 9:14 pm - 21st October 2009 Permalink
ASKAdenia من قهري يا مان
ماما القمر….ليش الحكي بيتعبو كتيييييييييير , شكرا
at 11:40 pm - 21st October 2009 Permalink
بيتعبو من كتر ما بيحلو مشاكل الناس وبيساعدوهم ويسهرو على راحتهم هههههههههههههههه
at 7:31 pm - 22nd October 2009 Permalink
والله كلامك مزبوط 100% مشكلتنا الشعب الاردني كل واحد بضرب بسيف الثاني وبقعد يحكيلك أسمع أنا أبن فلان وعلان وهو ما فيه في جيبه دينار وبتلاقيه نصاب وعليه شيكات . طيب روح على نائبك أو وزيرك خليه يصرفلك راتب او يغطي بعض التزاماتك . نسأل الله ان يخلصنا من النعره الكزابه
أرسل تعليقاً