اليوم كنت ببحبش في Google Earth عن شارع في دبي أسمو “شارع دبي العابر”, أستخدمت ولأول مرة ميزة الخرائط مش صور الأقمار الصناعية, الأشي الي صدمني أنه كل شوارع دبي شارع شارع مذكور بالخرائط, حتى الحواري والسكك والزقق كمان مذكورة بأرقامها وأساميها, يعني أي واحد فيه يوصل من نقطة A لنقطة B في دبي بدون أي جهد, بس يمشي ع الخريطة ورح يوصل بسهولة تامة.
حتى للي ما بدو يستعمل خريطة, من الصعب أنه يضيع في شوارع دبي, لأنه كل وين ما تروح بتلاقي لوحات بتدل على جميع المناطق في دبي.
بالأضافة الى أنه كل الشوارع فيها لوحات مكتوب فيها أسم الشارع ورقمه وأي تفاصيل تانية أن وجد, على كل حال هيّ Snapshot لجزء من منطقة ديرة في دبي.
بعديها جربت أنه أشوف شوارع عمّان, توقعت أنه ألاقي نفس الشي, أسماء وأرقام شوارع وغيرو, لكن الصدمة أنه ما لاقيت أشي!! لأ أستنوا شوي, مغلبين حالهم, لاقيت أرقام للشوارع الرئيسية داخل حدود مدينة عمّان, بالأضافة للشوارع الرئيسية اللي بتربط العاصمة ببقية المحافظات.
وهيّ Snapshot لعمان كلها على الخريطة زي ما هي مبيّنة في Google Earth .
من فترة بدأت أمانة عمّان الكبرى بإجراءات واضحة من أجل مزيد من التنظيم في عمّان, من تسمية شوارع وترقيم بنايات, وغيرو, ولكن لسه الطريق بأولو, وبحاجة لمزيد من التنظيم, لأنه حسب ما بتوقع أنه Google Earth بياخد المعلومات والخرايط والتفاصيل الي فيها من نفس الدولة على الأغلب, وأنا بعرف أنه صار من فترة في خرايط لعمّان, وأكيد الموضوع ماكان سهل بسبب طبيعة مدينة عمّان الجبلية.
من فترة قرأت في مدوّنة “جزرة” أنه أمانة عمّان بدأت بتركيب لوحات جديدة لأسماء الشوارع, وتحتوي على أرقام البنايات, خطوة جميلة جداً, ياريت يتم تطبيقها في باقي المدن!
on 
on 
9 عدد التعليقات
at 11:49 pm - 31st March 2008 Permalink
يا عمو ماحدا راح يسأل بالنت عليه تسمية ولا ترقيم
كل راس مالها تركب باصات عمان الزرقا
او سرفيس البلد
بتلف عمان كلها
at 12:08 am - 1st April 2008 Permalink
hhhhhhhhhhhhhh
wallah 9adeG ya BrO
a7kelak bs enta t3al 3ena
bnazlak 3la el 3jeebeh el rab3a mn 3jayeb el JORDAN
مجمع الشمال
hhhhhhhhhhhhhh
o fee3 fi jmee3 an7a2 el m3morah
bewadeek mn 3bdoon la 7abiba elli bel blad
hhhhhhh
2al $o GOOGLE EARTH
at 12:47 pm - 15th June 2008 Permalink
تم البدء بعمل خارطة لمناطق عمان
مع التحية
at 12:48 pm - 15th June 2008 Permalink
http:///www.jordaneguide.com/amman/
at 1:35 pm - 15th June 2008 Permalink
بأنتظار الموقع بصورته النهائية..
يعطيكم العافية
at 1:46 pm - 23rd June 2008 Permalink
تم عمل التالي لغاية هذه اللحظة .. منطقة زهران:
http://jordaneguide.com/map/
مع التحية
at 9:28 pm - 13th August 2008 Permalink
والله انا من مشجعي هاد الوضع . من الاخر صح ومفيد جدا والله بيعلم قديش دورت على هيك برامج ومواضيع يسلموووووووو اديكم والله يعطيكم الف الف عافيه بتتعبو …….. تمنياتي لكم بالنجاح
وبالتوفيق
at 10:51 pm - 29th August 2008 Permalink
دبي دبي دبي هو ما في غير دبي هلكتونا فيها
والله طريق المطار لحالها بتسوى 100 دبي
at 6:29 pm - 9th May 2009 Permalink
صارلي 3 ايام بدور على خرائط للاردن ولعمان ومش لاقي شي كامل ومفيد.. وحتى هذا الموقع اللي مكتوب فوق “jordaneguide.com” ما بيفتح..
أرسل تعليقاً