أكيد معظمكم (وانا منكم) زادت نسبة مشاهدتو للتلفزيون الأردني خلال شهر رمضان بنسبة لا تقل عن 99% عن السابق, طبعاً أكثر نسبة مشاهدة بتكون وقت أذان المغرب وبعديه برنامج رمضان معنا أحلى, الموضة السنوية للتلفزيون الأردني, ويمكن الجزء الوحيد الناجح -نسبياً- للتلفزيون.
للي بحب يعرف معلومات أكثر عن سبب نجاح برنامج رمضان معنا أحلى, العصفورة بتقول أنه خلال ال 4 سنوات الماضية للآن, أدارة البرنامج التسويقية تأتي من خلال شركة فرنسية متعاقدة مع التلفزيون من أجل ضمان نجاح البرنامج عبر إستيراد خبرات خارجية.
العصفورة حكت كمان إنه جميع طاقم التصوير والإشراف من مصر عشان يطلع البرنامج بصورة تليق بالتلفزيون الأردني, ولو إنه التصوير والديكور والآخراج كان سئ جداً وما شفنا إشي جديد بالمرة, ما شفنا الا حالة سبام تلفزيوني وحالة هستيرية للأعلان ومحاولة تكرار أسماء رعاة البرنامج بطريقة “غبية جداً” ومنفّرة أيضاً, فلن تجد أي هدف من البرنامج إلا محاولة المذيعة تكرار أسم المعلن على المتصل والمشاهد لتقوم بتحفيظة الأسم التجاري “خاوة”!! بعيداً عن كل أخلاقيات العمل الأعلامي المحترم.
وبعد شهر رمضان, بدخل التلفزيون بحالة سبات طويلة, ما حد بتذكروا الا وقت الثلجات .
بإختصار, البرامج الناجحة ولو نسبياً بالتلفزيون الأردني هي مخصخصة من ناحية نظرية, لماذا لا يتم خصخصة كل التلفزيون, طبعاً بعد التخلص من الترهل الوظيفي والمحسوبية بالكامل, ليكون لدينا تلفزيون نفخر به, تلفزيون ينقل الصورة الصحيحة للبلد بدون رتوش, لأنه بعد 40 سنة محاولات “نفض” بالتلفزيون, شكلو مافي أمل.
وسلامة خيركم.
on 
on 
9 عدد التعليقات
at 9:10 pm - 21st October 2009 Permalink
انا اللي قاهرني انهم استكترو على حالهم يكون الهم قناه زي العالم والناس واللي هي قناه Jordan movie , كانت اكتر من رائعه و فجأه انتبهو وحكو لاااا عيب شو هاي القناه اللي العالم حابيتها وصارو يحطو مسلسلات عربيه و افلام التلجات زاتها صارو يبثوها على هالقناه
تخيلو ان ال Jordan Movie صارت تبث ليالي الحلميه
جد بقهرو
at 11:52 pm - 21st October 2009 Permalink
ههههههههههه مش جديد هالحكي عليهم
يعني دق المي وهيه مي
at 2:05 am - 22nd October 2009 Permalink
matensa brnamj yawm jdeed w ys3d saba7k w almajalla alreyadeya
at 2:24 am - 22nd October 2009 Permalink
ما حد بتذكروا الا وقت الثلجات
at 3:53 pm - 22nd October 2009 Permalink
انا ما بتابعه الا المغرب برمضان وبعد الاذان بغير المحطة ولما يعلنو العيد واذا كان في منخفض قطبي
وشو كمان ممممممم اذا جاي على بالي ينسم بدني كمان خخخخخخخ والله انا من رأي الشخصي اتوقع انه الحق على القائمين على التلفزيون الاردني شكلهم بيهمهم الراتب وكيف يشغل ابن عمه وابن فلان والواسطات فيه على قفا مين يشيل ومكيفين على برنامج يسعد صباحك شكلهم ما شافو برنامج صباح الخير يا عرب اللي ما صارلو كم شهر وصيتو بيلعلع بالعالم … لا حول ولا قوة الا بالله
at 4:12 pm - 22nd October 2009 Permalink
ليش من كتر ما بتزبط معهم تنبأت الجو من سنتين جابو اغلى المعدات وشفتو كم مره كانو يحكو في ثلج ويعشمونا …….
انا مش عارف شو قصه هالتلفزيون شقفه نشره جويه مش زابطه معهم …… …. بدكم يزبطوا مسلسل
at 12:32 am - 23rd October 2009 Permalink
انا صابني احباط من القناة لا انو الالوان زي العمى انا فكرت انو تلفزيوني مش مزبوط بس على قناة الاردن باقي القنوات اوكي فغيرت التلفزون وجبت ال سي دي بس على الفاضي فمسحت القناة والحمد لله التلفزون بخير ما صابو فايروس
at 12:34 am - 23rd October 2009 Permalink
انا اردنية عايشه بالامارات
كل ماافتح قناه الاردن بحس بحنين للبلد بس للأسف القناة الأردنية بتحسسني بنفور
يعني الوان القناه قديمة ومغبشه وكل برامجها قديمه
اسكدنيا انا معاك بالي كاتبو عين العقل
ممكن تكتب عن موضوع؟
الي هو صورت الاردن و عمان ع التلفزيون يعني بكل اغنية وطنية ببثوا صور لعمان من الجو وهاي الصور قديمه كتير كتير ولمصيبه انهم بركزوا ع كم منطقة بعمان بس زي بنك الاسكان و رجنسي بلاس ودوار الداخلية وهيك اماكن حلو نتفاخر بالبنيان الي عنا بس لازم نجدد دايما مش كل شي اسمنت خلينا نركز ع ريف عمان وجبالها زي مرج الحمام وابو السوس وهاي الاماكن
بالخليج بس يشوفوا شجره ببنوا جنبها مقام
مدونتك رائعة من الصبح انا فيها
at 10:31 am - 25th October 2009 Permalink
مرحبا بهنيك على اسلوبك الحلو الله يسامحهم طفشونا لقنوات ثانية مع انه كان هناك برامج في غاية الروعةتبث على تلفزيون الوطن الحبيب بس ليش فجاة كل شى تغير حتى المذيعين راحو للقنوات الثانية قصدكو ليش؟
أرسل تعليقاً