مدونة أسكدنيا

بصراحة بعد موضوع منصب اللي يقرفك اللي كتبتوا الأسبوع الماضي, وصلني كثير رسائل على الأيميل من القراء بطلبوا مني أكتب عن مواضيع معينة بتستفزهم بالمسؤولين على إختلاف مناصبهم, واليوم رح أكتب عن ظاهرة كثير بتتكرر.

منصب اللي يقرفك فعلاً, يعني كوّنك وزير أو نائب أو مسؤول دائرة حكومية ما بسمحلك أنك تستغل منصبك للحصول على كل شي ببلاش, يعني “سلبطة” !!

القصة اللي بتتكرر معي كل ما يزورني بشغلي حد مسؤول بوزارة أو أي دائرة حكومية, ببدأ الموضوع أنه يعرفني على حالو ووين بشتغل, حلو الكلام, لكن المفاجئة اللي بتتكرر معظم الأوقات أنه الأخ بكون برسم على أنه يشتري هالشي بسعر قليل جداً يعني أقل من كلفتو, وأحياناً بكون طمعان أنه يكون ببلاش, آه ببلاش, على أساس أنه ممكن بيوم من الأيام أحتاجو وبالتالي رح يزبطلي أموري أذا بعتو ببلاش أو بخصم.

الرسالة اللي حابب أوصلها أنه يا زلمة انت اللي بخدمتي مش انا اللي بخدمتك, يعني أنت تعيّنت موظف أو مسؤول لخدمة الشعب بدون إستثناء, مش للحصول على خصومات “سلبطجية” من هالشعب, أي والله عيب, يعني سواء أخد خصم أو لا, هاد ما بمنع أنه يقدملي الخدمة اللي بدي ياها منو بغض النظر إذا لاقى مني فايدة أو لا.

من فترة دخل زبون على الشركة, حامل جهاز لاسلكي, عرفني عن حالو أنه فلان لافلاني موظف في جهاز حساس, الزبون بدو يشتري شغلة من عندي, بعد طول مفاصلة, حكالي أنت بتعرف أنه لو بدي هالشي ببلاش من السوق في الف محل بتمنى أنه يبيعني اياه ببلاش, بس انا أعمل بأيدي هيك, بس انا إخترت أشتري من عندك, يالله إعملي خصم… بكرة بساعدة بأي شي بدك ياه !!!

يعني على شو شادد على حالك؟ بكرر أنه أنت موجود لخدمتنا مش العكس, والله عيب هالحكي.

نكتة ذات صلة بالموضوع, سأنشرها لغايات حفظ الجودة.

يحكى أن طائرة ركوب متوسطة سقطت فوق غابات الأمازون ، ومات جميع ركابها باستثناء ثلاثة أشخاص كتب الله لهم النجاة . أحدهم أميركي والثاني روسي والثالث «أبو يحيى» الأردني. اعتقلتهم احدى قبائل الهنود الحمر هناك، وأحضروهم كالعادة الى زعيم القبيلة..وبما أن القانون المؤقت المعمول به في القبيلة قتل كل من هو أجنبي ، قرر زعيمهم الشيخ «دهونجا الدهونجا» وضع الناجين الثلاثة على الخازوق حتى الموت.

التفت الرهينة الروسي الى الأميركي وأبو يحيى الأردني قائلا: بما أنه معروف عنا نحن الروس ،اطلاق المبادرات السلمية، في أحلك الأزمات ،لذا فأنا ملزم بإطلاق مبادرة سلمية علها تلاقي قبولا عند هذه القبيلة وتخرجنا من مأزقنا.قال الرهينتان في وقت واحد :«خرشو» وتعني بالروسي «مليح ، الراي رأيك»..ثم عرض مبادرته على الشيخ «دهونجا الدهونجا» قائلا: يا طويل العمر. ما رأيك أن يطرح كل رهينة سؤالا واحدا على قبيلة «الدوهانجة» فإذا عرفوا الجواب ، وجب الخازوق. وإذا لم يعرفوا الجوابيتم الإفراج عن الرهينة.

هز زعيم القبيلة رأسه موافقا ثم أشار الى الأميركي أن يطرح سؤاله.

غابت جميع الأسئلة – ولله الحمد- عن ذهن الرهينة الأميركي وتذكر سؤالا واحدا فقط: من هو كريستوفر كولمبوس؟؟.

اجتمع أفراد القبيلة مع زعيمهم ما يزيد عن ساعتين ، ثم خرج الشيخ «دهونجا الدهونجا» وقال :كولمبوس ، هو الذي اكتشف أميركا ، أليس كذلك؟؟. طأطأ الأميركي رأسه وجر الى الخازوق.

جاء دور صاحب المبادرة الرهينة الروسي . فسأل متذاكيا زعيم القبيلة: من هو لينين؟ ….عاد أفراد القبيلة الى الاجتماع مع زعيمهم ما يزيد عن الساعتين أيضا ثم خرج الزعيم من خيمته قائلا: أنه مؤسس الشيوعية. طأطأ الروسي رأسه ثم جروه الى الخازوق .

عندها لف أبو يحيى شماغه حول رأسه بكل ثقة ، وزرر جاكيته ، ثم أشعل سيجارة«جلواز» قائلا: «يا شيخ دهونجا الدهونجا»..بدي أسألك ولا أسألك عن ذنوبك..إن جاوبتني على سؤالي أنا قابل بحكم الخازوق، وإذا لم تجبني ..اسمح لي ان اخوزقك وأخوزق أفراد القبيلة فردا فردا.

أشار زعيم القبيلة اليه بعصاه كي يطرح سؤاله.

أبو يحيى: ما هو دور مجلس النواب الاردني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دخل الشيخ «دهونجا الدهونجا» مسرعا الى خيمته وتبعه عشرة رجال آخرين من حكماء القبيلة ، اجتمعوا ما يزيد عن الخمس ساعات..ثم خرج زعيمهم مطأطئ الرأس قائلا: نهي ….نهي..حقيقة لا نعرف!.

أبو يحيى : هذول يا سيدي زيكوا ، بيجتمـعوا بيجتمعـوا وبعديــــــن بطلعوا يخوزقوا المواطن