Comments on: إضراب النشامى والرجالة

By: خاوا

خاوا — Sun, 04 May 2008 11:55:43 +0000

خاوا…

إضراب…

خاوا… يا بسس…
خاوا… يا خايفين…

خاوا…

By: ::ASKAdenia BLOG:: » 4 أيام عطلة لأضراب النشامى :)

::ASKAdenia BLOG:: » 4 أيام عطلة لأضراب النشامى :) — Tue, 29 Apr 2008 14:02:52 +0000

[...] لموضوع “إضراب النشامى والرجالة” المقرر يوم 4/5/2008, كتير ناس علقوا علي لما حكيت أنه حجوزات [...]

By: nashmi

nashmi — Tue, 22 Apr 2008 21:24:20 +0000

يا اخوان احنا عارفين انه الغلا ازمة عالمية. بس لازم الحكومة تصلح قانون الضرائب وتخفف ضريبة المبيعات. الإصلاح الضريبي لحاله بيجيب شي 500 مليون دينار سنوي. هاي دراسات مو حكي مجالس. هذول ال 500 مليون بيكفو لدعم الحاجات الأساسية للناس المعثرة، الكهربا والغاز والكاز والخبز. خلي الحكومة تدعمها وشوفو اذا الناس تحتج او تشكي

By: Samer Khalili

Samer Khalili — Tue, 22 Apr 2008 19:29:55 +0000

يا جماعة الخير طولو بالكم,,,

بس حاب اعلق كم تعليق,,,
اولا الامارات بس ابو ظبي عندها بترول,, دبي ما عندها اشي معتمدة على حالها كليا بتجيب من مسقط و هي وضع شعبها مرتااااااااااااح ليش؟ و آمان عندهم!!!!

وضع البلد اقتصاديا ماكل هوا الشعب مش قادر يتنفس ما معاه مصااااري!!!! و كل هاد بعكس عالكل…لازم يصير حل هيك حراااام… لازم يصير اشي و منو للشعب المسكين كيف بدو يعيش بهناء؟

By: mhammad barakat

mhammad barakat — Tue, 22 Apr 2008 12:29:25 +0000

عفوا يا وين
انا ماحكيت انه البلد لو طلعت برا البيت بتنخطف وللا بتنسرق
هذا حقنا عليها
وعفوا المصاري اللي بنعطيها للبلد وين بتروح والتجار الكبار الحرامية وين الرقابة
أكيد فيه مصلحة
يعني البلد لو مافي كبار وتجار حرمية والله بتعدل حالنا وبتوقف أسعار النفط لعند حدها اذا ساندت معنا في أسعارها

عشان هيك هذا الاضراب الغير سياسي وظيفته ان ينبه المسؤولين عن حالنا
وصدقوني لو مااطلعنا عمين رح يضرب ومين مارح يضرب
مارح نسوي اشي كل واحد يحكي انا بدي أضرب لو كنت لحالي وشوفوا النتيجة

واسف عالمعلومة الخطأ لمكان سكنك وأكيد حسيتي….لأني هناك

By: وين الواقعية

وين الواقعية — Tue, 22 Apr 2008 10:34:56 +0000

لأ بس الواحد منا بيحاول وبيعمل على تحسين وضعه انا مثلا كنت ست بيت وما بشتغل بس هلأ اشتغلت وحسنت من وضعي اشي بسيط…. الظروف حكمت بس برضه سعيت
وانا ما بقول تقعد نندب حظنا
بسس برضه ما نمشي ورا حبال واهية ونضغط على ناس احنا عارفين تماما انهم مابيقدروا يغيروا

By: ASKAdenia

ASKAdenia — Tue, 22 Apr 2008 10:24:34 +0000

وين الواقعية: طيب والحل؟؟ نضل نندب حظنا ونعطي مبررات أنه أحنا بلد فقير أو بالأصح طفران

By: وين الواقعية

وين الواقعية — Tue, 22 Apr 2008 10:07:02 +0000

لمشكلة انه اللي قاعدين بينظموا للإضراب عارفين ومتأكدين انه حال البلد اصلا تعبان وانه بلدنا اصلا فقير بس خلص بدهم يعملو اشي اكيد راح تصيير من وراه كتيير مشاكل
خصوصا من الناس اللي بتحب تصطاد بالمية العكره
وبعدين قاعدين بيقارنو وضعنا بوضع مصر
شوفوا الفرق بين البلدين مصر ام الدنيا وام الثروات يعني لو يوقفوا اهلها ايد واحدة بيقدروا يغيروا من وضعهم
بس احن بلدنا والله فقير واحنا اعلم بحالوا

By: ASKAdenia

ASKAdenia — Tue, 22 Apr 2008 09:59:18 +0000

ما توقعت الموضوع يكبر للدرجة هاي انا

كلنا عارفين الوضع بالأردن, وانا لو أني عايش بره الأردن دايما على أطلاع على الأوضاع هناك..

سبب كتابتي عن الموضوع هو انه كل هالحكي مارح يفيد شي, سواء تم الاضراب بترخيص ام لا, سواء أن تم “توصيل أصواتنا” للحكومة أم لا… الوضع الأقتصادي 1+1=0 .. يعني مكانك قف

مش القصد تثبيط معنويات!! ولكن هاي مش أول مسيرة أو أضراب او مظاهرة بتصير لنفس الموضوع..

بحكوا أنه اكتشفو كم برميل نفط بالأردن… أدعوا انه نصير دولة نفطية

By: وين الواقعية

وين الواقعية — Tue, 22 Apr 2008 09:43:19 +0000

الحمد لله انوا احنا عارفين وضع بلدنا المالي
يعني لما تشوف ابوك طفران وما معاه مصاري بتطلب منه يزيد مصروفك؟؟؟
واحنا بلدنا هي ابونا وامنا
واحنا عارفيين ….
يعني من وين تجيب الحكومة وتعطينا ….تبيع سمك البحر الميت وتوزع حقه على الناس بالتساوي
؟؟؟؟