وبحكيها بالفم المليان كمان, لأنو قلبي مليان على شركة أتصالات من زمان, كل ما أشحن كرت للموبايل بحس حالي بكب فلوسي بالأرض, من الآخر بحس حالي أنه بنضحك عليّ وبحس حالي خروف كمان.
القصة ومافيها أنه سمعت من فترة عن عرض جديد لشركة أتصالات أسمو “دولتي المفضلة”, العرض حسب الأعلانات الي بالجرايد والراديو أنه بتختار دولة معينة وبتحكي معاها بخصم 20% للخطوط المدفوعة مسبقاً و30% لخطوط الفواتير, بعد طول تفكير بالموضوع قررت أنه أشترك بالعرض لأنه 99% من مكالماتي الدولية للأردن, مع أنه من زمان بستخدم برامج VOIP.
بلا طولة سيرة, سعر المكالمة على الأردن بوقت الذروة 2.20 درهم تقريباً, وبوقت التخفيض بوصل بحدود 1.90 درهم, لكن مع عرض دولتي المفضلة بتصير دقيقة الأتصال على البلد المختار بس بـ 1.50 تقريباً.. لغاية هون العرض منيح كتير, لكن الخازوووووق الي مخبى أنه بمقابل أنه يعطوا خصم على الدولة المختارة بزيدوا كل المكالمات الدولية على الدول التانية 10%, والخازوق الأكبر كمان أنه بزيدوا المكالمات المحلية 10% كمان!!! وهي أصلاً غالية من الأساس.
كل ما أشوف عرض لأمنية أو زين أو حتى أورانج موبايل بتحسر على أيام زمان, أيام تعرفة الحب الي بنص الليل لما كنت أحكي بتعريفة لغاية ما طلعت خط شركة وصرت أحكي 24 ساعه ببلاش مع كل الجروب, لكن هون بالأمارات هو عرض واحد لا غير, عجبك عجبك ما عجبك روح شوفلك بسة بحلق بعينيها أو حوّل على شركة DU الي بتعطيك نفس الأسعار تماماً مع زيادة 20% على كل عملية شحن, عرض صرلو قرن ونيّف!! بالأضافة الى أنه المكالمات داخل شبكة أتصالات نفس سعر المكالمات من أتصالات لشبكة DU.
عرفتوا ليش قلبي مليان عليهم؟ وعرفتوا ليش أتصالات شركة نصابة؟؟
on 
on 
6 عدد التعليقات
at 4:54 pm - 23rd April 2008 Permalink
at 5:57 pm - 23rd April 2008 Permalink
يعني زي المنشار زي ما بيحكوا طالع ماكل و نازل ماكل ….
at 5:58 pm - 23rd April 2008 Permalink
3arfeeh mo3anatak….
allah ye3enna 3la heik sherkat…
5ala9 sho rayak nefta7 ana 0 ent sherkeh metel el2tte9alat
tkon 3rodha metel elly bl2ordon
bs 3leek ras elmaal 0 elsho’3ol 0 ana 3ly 2a5od elrebe7
9afqa 3adelah mo ??!!
at 5:12 pm - 2nd August 2008 Permalink
إتصال مجاني
at 5:55 am - 1st October 2008 Permalink
يا زلمه اللع يعز التكنولوجيا بالاردن كل شي فيها ميزات وعروض ليوم العروض
at 6:38 am - 28th October 2008 Permalink
عادي مان فديتها اتصالات تسوي اللي بدها اياه من حقها
من انا و صغير مافي غيرها بالدوله عملت و سوت و طورت البلد خليها تستفيد حرام
اما زين و امنيه و المسخره الباقيه
احسن و حده هي زين
لانه بالاردن في تنافس كبير على الخطوط
و غير هيك تعال شوف الانترنت هون زي العما و اسلوبهم تعيس
اما انترنت الامارات مافي منه بصراحه
أرسل تعليقاً