سؤال الأسبوع اللي نشر في مدونة أمانة عمان الكبرى اليوم.. هو هل أنت راض عن أمانة عمان الكبرى؟
مش عارف ليش لما قرأت السؤال صرت أضحك, يمكن صيغة السؤال وطريقة طرحة بتضحك شوي..
على كل حال, بديش أضحك بلا ما أجاوب على السؤال وحابب أكون “مواطن” صالح كل همو مصلحة عمّان وأمانتها.
في كتير خدمات لازم يكون فيها أهتمام أكبر وانا بدي اركز على شغلة وحدة مجننيتني, الي هي موضوع تزفيت الشوارع الي كلها حفر, وين ما بتمشي بعمان بتلقي حفر, والشارع الي بتزفت اليوم بتلاقي فيو حفرة بعد شهر, يا أما لأنو بحفروا الشارع مرة تانية أو بتصير مشكلة بنفس الزفتة لأنه أصلا نوعيتها تعيسة جداً, والسبب أنه الي بزفت الشوارع كلها شركات خاصة بتزفت الشارع بزفتة زي الزفت, شغل هات أيدك وأحلقني
بس حبيت أطرح هالموضوع هاد, ما بدي أكتر من هيك حالياً, والي رجعة ع الموضوع بعدين لأسافر ع الأردن, بما أنو صرلي حوالي 6 شهور مش داخل البلد.
on 
on 
10 عدد التعليقات
at 5:45 pm - 27th April 2008 Permalink
yes,elzfte t3bane kter..i am wiz u
at 1:49 pm - 28th April 2008 Permalink
اول مايتبادر الى دهني عن امانة عمان هي الفوقية الفوقية الفوقية التي يتعامل بها موظفين القسم الهندسي في امانة عمان
at 9:42 pm - 28th April 2008 Permalink
الحلو انو عدد التعليقات “صفر”.. يعني الآدمن ما وافق على ولا تعليق.. لإنو التعليقات شكلها نار
at 1:15 am - 29th April 2008 Permalink
أسامة: في مرة تعليقين الي ما نزلو بالموقع لغاية اليوم, مع انه ما كان فيهم شي
at 1:35 pm - 15th May 2008 Permalink
^
^ z 
على الرغمن السلبيات البسيطة لان الكمال لله نعم اقول شكرا 
at 5:00 pm - 16th July 2008 Permalink
السلام عليكم ورحمة الله وبركاته
انا عندي مشكلة
انا سكان شارع المدينة الطبية-شارع يوسف عميش
قبل فترة فتحوا عنا نفق المدينة الطبية
يلي الكل بعرفوا
صادفنا عدة مشاكل من بداية المشروع لنهايته:
1. انهم اخدوا الارض التابعة للبيت مع الزيادة وبدون دفع تعويض للارض
2. بعد النحفير يلي عملوه خربوا شبكات الصرف الصحي بالمنطقه صارت مية المجاري تطوف في بيت جارنا وفي بيتنا دايما في ريحة مجاري من الشارع يلي قدام البيت
3. الارض يلي قدام البيت يلي ع اساس بدهم يعملوها حديقة هي عباره عن ارض كلها وسخ ومجاري وروائح عطرة بتخرب صورة المنطقه والبيت
4. اكبر مشكلة انهم كيف بفتحوا نفق ع باب حدائق , حيث من ورا هالنفق زادت حوادث الدهس لتصير اكثر من قبل
at 2:14 pm - 22nd January 2009 Permalink
أمانة عمان الكبرى جيدة ولاكن كلها واسطة وحاولت وطلبت منهم مساعدة ولاكن طلبو مني واسطة فمارأيكم ؟؟؟؟؟؟؟؟؟؟؟؟؟؟؟؟؟؟؟؟؟
at 1:34 am - 25th January 2009 Permalink
nmaNt2 gpxbudtqegde, [url=http://jetqghfkahfd.com/]jetqghfkahfd[/url], [link=http://ygqctugkugkt.com/]ygqctugkugkt[/link], http://axmmmjlgfojz.com/
at 10:23 am - 21st July 2009 Permalink
طبعا
at 12:00 pm - 24th February 2010 Permalink
بصراحة هون حفرنا هون طمرنا احنا لما نروح على الامانة ونتقدم في مشروع استثماري ونشجع ابناء الوطن لزيادة المشاريع الاستثمارية التي يستفيد منها ابناء الوطن والمنطقة والامانة من خلال العوايد التنظيمية التي تفرض علما ان هذة القطعة التي يراد انشاء المشروع عليها في خلدا حوض 2 خلدا الغربي ورقم القطعة 207 وهي في الاصل قطعة سكن ا خاص وقربها من كسارة قديمة جدا تم طمرها في سنة 1950م وكان على جزء منها حظر بناء وتم رفعة منذ 6 شهور بقرار من مجلس الامانة ولكن العجب انهم وضعوا احكام جديدة على القطعة بان يتم الحفر على عمق 6م وبعد ذلك يتم حفر 2م مع ازالة الطميم كاملة وعمل القواعد لبنا ء طابقين وروف وكل المحيط بالقطعة هوا سكن ا عادي فتخيل ان تقوم في بناء بيت على عمق8م والكلفة العالية من ازالة الطميم والبناء حيث انة لاتصلح للسكن ولكن لمشروع تجاري او استثماري بحيث يمكن الاستفادة من هذا العمق في طوابق وكراجات للمستشفى وراجعنا منطقة تلاع العلي والقسم الهندسي وقالوا في البداية انة مشروع ممتاز واذهب الى المشاريع الخاصة وتقدم من خلال المخطيطات الهندسية المبدية للمشروع وعمل دراسة جدوي اقتصادية وتقديمها من اجل الدراسة وعملنا المطلوب منا وبعد ( اخذ وعطاء ومد وجزر ) قالو لنا بعد شهر احنا من حيث المبدا موافقين لكن بدنا نحول المشروع والدراسة الى اللجنة المحلية لابداء الراي وتخيل تحولت بعد اسبوع ولكن عندنا اقتراح شو رايك نعطيك قطعة على طريق المطار من قطع الامانة مشان تقوم المشروع عليها وندخل معكم شراكة ( يعني —— < قلت لهم انا بدي اعمر ارضي مش ارض الامانة وحولت الى تلاع العلي وجلسة اخذت 5 دقايق قالوا مش موافقين ورجعوا المعاملة الي اللجنة اللوائية في الامانة الرئسية واليوم والاسبوع القادم والامين مش موجود ونائب الامين مش فاضي ولما نعرضها على اللجنة ويمكن منعطيك موافقة ومضيتها بين حانا ومانا ومش عارفين اخرتها وعلى فكرة المشروع المنوي اقامتة هوا مستشفى العناية بالمراة والطفل لامراض السرطان وجزء كبير منة خيري ومجانا وخاطبنا الامين ونائبة والمجلس اكثر من مرة ولا حد منهم معبرنا وجلالة سيد البلاد لم يترك فرصة في جميع المحافل الدولية والمحلية لتشجيع الاستثمار والحكومة الرشيدة كذلك ومش عارفين لغاية الان متى نبتعد عن الروتين وسياسة تطفيش الاستثمار والشكوى لغير اللة مذلة واللة يستر من اخرها وانا اسف يااخوان غلبتكم معي
أرسل تعليقاً