مدونة أسكدنيا

حكومتنا الرشيدة الي خايفة على صحة ومصلحة الشعب الكريم, وأنطلاقا من مقولة “الأنسان أغلى ما تملك الحكومة الأردنية” قامت بطرد 14 راقصة “عربية” من نوادي ليلية مختلفة في عمّان, لمخالفاتهن شروط الأقامة وشروط العمل والعمال, ومن أجل أصابة أحداهن بمرض الكبد الوبائي.

الحكومة بدها تدير بالها على صحة المواطن, بدها ترفع شعار “لا مزيد من الأمراض والتسمم للشعب المكافح”, بعد ما خلصوا من قصص تسمم الشاورما وتسمم أكل المدارس وغيرو, صار توجه الحكومة لمعالجة أماكن رفاهية الشعب.

يعني بالعربي أنه المواطن الكريم بعد يوم ملئ بالقرف+قرف مرتو وولادو, لما ينوي يروح يشربلو كاسة بيبسي بشي نادي ليلي أنه يكون مأمن من الأمراض الخطيرة السارية واللي بتنشرها الرقاصات اللي برقصوا بالنوادي الليلية, فعشان هيك طردت الحكومة الـ 14 رقاصة, وبعد هيك رح تصير كل رقاصة “تتطعّم” (ما تفهموني غلط) قبل ما تدخل الأردن, ورح يتم توزيع صورة من شهادة التطعيم على مدخل النادي الليلي, عشان المواطن الكريم يتفرج على هز الرقاصة وهو مطمن وينسى هز البدن الي بشوفو كل يوم.

ومن ناحية تانية, وخوفاً على مصلحة المواطن كمان, قررت الحكومة جرد كل بائعات “الهوى” اللي بتجمعوا في شارع الأردن, يمكن أنه رح يطعّموهم كمان ويعطوهم رخصة تجارية ويصيروا يدفعوا ضريبة مبيعات وضريبة دخل وضريبة “إشغال شارع” !!

طيب شو رضع البنات اللي في النوادي الليلية اللي بطلعوا Full Night مع الزباين؟؟ ولا القرار للبنات الي بشارع الأردن

**مبعوص.. بدي رأيك بالخبر لأنه حاولت أصيغو بنفس طريقتك

مصدر الخبر