اليوم وانا بدوّر في أرشيف الأيميل عندي, لاقيت صورة لمخطط لمسابقة أقامة مشروع في وسط عمّان ليكون معلم للمدينة في مسابقة شاركت فيها من كم سنة.
تفاصيل الموضوع بأختصار, أنه أقامت جريدة الغد بالتعاون مع أمانة عمّان بسنة 2005 مسابقة لأجمل فكرة مشروع أنشاء معلم في وسط عمّان, وكانت المسابقة عامة على أساس تنفيذ أجمل فكرة مقدمة على أرض الواقع مع جائزة مالية للفائز.
المهم, انا شاركت بالمسابقة أيامها, كان في فكرة ببالي وحبيت أنه اوصلها ألهم, سواء تم قبولها أو لأ, المشكلة أنه من كم سنة كنت بفتقر لمهارات التصميم على الفوتوشوب, فأضطريت أنه أصمم الصورة على أي برنامج, المهم أنه الفكرة توصل, لكن ما بعرف شو صار بالمسابقة, لأنه ما لاقيت أي خبر عنها من فترة طويلة.
الفكرة كانت عبارة عن أنشاء برج ساعة في أي دوّار من دوواير عمّان, كان أقتراحي أنشاء الساعة على دوار اليوبيل “الواحة” أو الدوّار السابع بدال التثمال الشنع المتهالك الموجود لغاية اليوم بنص الدوار, الفكرة قريبة الى حد ما من دوّار الساعه في دبي لكن مع أختلاف كبير بالفكرة عند التنفيذ الفعلي لخصوصية المدينة بشكل عام.
على كل حال, هيّ صورة التصميم البسيطة جداً, أتوقع الفكرة واضحة.
on 
on 
6 عدد التعليقات
at 7:34 pm - 10th June 2008 Permalink
يا اخي ما شاء الله علينا شو شاطرين في هالشغلات الفارطة…
هو في حد مهتم في هيك شغلات…
بدل هالمعالم اللي احنا والحمد لله ملحقين عليها ،،خليهم يزبطوا الطرق…
يزبطوا الارصفة للناس…يسنوا في وضع شوارع عمان…
وبعدين ربك بحلها ونحط تماثل واشكال…
لكن : الفكرة حلوة… اهنيك عليها…
at 8:26 pm - 10th June 2008 Permalink
بصراحة مش حلو الفكرة، كلها ساعة بنص الدوار بدهاش مسابقة ، يمكن كل مدينه بالعالم الثالث فيها هيك دوار عأساس إنو شوفو يا عالم قديش نحن شعب متحضر و منحترم الوقت (بس عالدوار ). خليك شوي كرييتيف يا أخي مثلاً تمثال هذول يلي بيتشعبطو على باكيت الدخان تبع الدوار السابع، ولا النافورة إلي بتشتغل مرة بالسنه تبعت السادس . لأ عنجد أنا رأيي أحسن معلم بيكون لو بجيبوا فنانين يعملوا اشي بعبر عن الدوار نفسه مثلاً منحوته تعبر عن الرقم أربعة للدوار الرابع حتى الناس يعرفوا وين هم
at 9:00 pm - 10th June 2008 Permalink
محمد أرشيد: معاك أنا,, في أولويات أهم من قصة معالم وهيك, بس وقتيها شفت المسابقة في الجريدة وحبيت اشارك في الفكرة اللي براسي.. وشكرا لردك
onzlo: هاي فكرة كانت براسي وقدمتها للمسابقة, بغض النظر انها “كرييتف” أو لا.gif)
بس انا شايفها حلوة 
at 11:38 am - 1st September 2008 Permalink
على مااظن انه في ساعه بوسط البلد ياريت يكون اقتراح تاني غير الساعه لانه مهما يحطوا ساعات ما رح يحترمو الوقت وما عندهن التزام بالوقت للاسف في اشي اهم من الساعه لازم يكون واذا في اختراع بدكو تعملو بعمان منيح وبنفع الجميع ومتحضر زي باقي الدول هو نظام وقوف السيارات بالشارع لانه الوقوف الغلط بالشوارع هي سبب حركة السير وازمتها واحنا بلشنا هاد النظام عنا ونجح وساعد وكان اسمه المشروع نزل بأسم (البلد سالكه) بالفعل سلكت البلد
at 3:42 pm - 31st October 2008 Permalink
بس الساعه الي شايفها بالرسمه
هي ساعه يد ولا ساعه حائط
وياريت يكون بالساعه منبه
at 11:05 am - 16th May 2009 Permalink
hey guy’s I’m sworry if i’m writing in english i have no arbic on my keybord i just i’[m writing to you from London and i just want to say that pleas pleas try to belive how Much Amman is a very good country compearing with another cityes in this stubed world
i love you Amman and i rely miss you about the idea of that big clock on (m dwar el wa7a) i want say it is a good one but if you but a sculbture of a sexy girl every one will like that one (:
أرسل تعليقاً