شبكة أمنية, أحدى شبكات الخليوي العاملة بالأردن, تتخذ شعار “كلمتك مسموعة” شعاراً لها..
أمنية, وما أدراك ما أمنية!! لا كلمتك مسموعة ولا بطيخ أمبسمر, يعني نفسي مرة أكمل تلفون واحد بدون تقطيع بالصوت أو أنه يفصل الخط, وكتير ناس بحاولوا يتصلوا فيني بعطيهم لا يمكن الأتصل بالرقم المطلوب أو مغلق.
جد أجاني أحباط من أمنية وشبكتها التعيسة, لأنه كل مرة لما أجي ع الأردن أجازة بفكر أجيب خط أورنج أو زين, بس بقول بضل خط أمنية أرخص, بشغلو وبندم مع أول تلفون, كل سنة نفس الشي, بقول أكيد تحسنت الشبكة وبلاقي الوضع زي ماهو!
على قولة ستّي, يا مسترخص اللحمة عند المرقة بتندم, وفعلاً, رخص بس ع إشي فاضي
على كل حال, عشان ما نظلم الشبكة, الأرسال ممتاز بوسط عمّان, أما بشرق عمان وبطريق المطار وبقية المحافظات الأرسال ***.
بأتصال مع صديق إلي بشتغل بشركة أمنية في مآدبا, حكالي أنهم شغّالين على الشبكة وبطوروا فيها, بس بشكل بطئ جداً…!
أمنية شغالة هلأ منيح عشان رخصها مش أكتر, بس مش يعني هي الأحسن..
on 
on 
11 عدد التعليقات
at 2:46 am - 2nd July 2008 Permalink
بالفعل عامر…
مشكلة امنية مصيبة كبرى,,,
مع الحجة امنية وانا معي زين…وبس احكي معهم بدنا نعمل طوشة على الموبايل لحتى يزبط لخط منيح..هاد غير انشغال الشبكة…
لا ومش بس هيك..زادوها قال يا سيدي جابولنا خدمة Umax ركز معي مش Ymax وهاد Umax هي من اكثر الخدمات تخلف وعبط وغباء…وللاسف مش لاقيين الا هالشعب التعبان يضحكوا عليه…
حكمتك يا بلد
at 5:27 pm - 2nd July 2008 Permalink
معك حق
عمري ما اجيت احكي مع حد امنيه الا ينسم بدني بالأول
دايمن بيعطيني أول شي خطأ في الاتصال
أو برن و بيعطيني مشغول من حالو
أو الشبكه مش عم تجمع أساسا
أنا معي خط زين؛ و مع التحفظات على الأسعار بس فعلا هي الشبكه الأقوى في البلد
بس هلأ جيبي لي حد ما معاه خط أمنيه اذا مش عشره حتى؟؟
at 12:47 am - 3rd July 2008 Permalink
you got that right!..
you should get the new SuperZain..
it’s great, and coasts about 3 JD only!
7aset 7aly 3m a3mel ads la zain
anywayz..
i’ve been reading your blog for a while now
and i really like your way of writing and expressing!
keep it up!..
and get yourself a Zain w 2d3ele =)
at 1:32 am - 3rd July 2008 Permalink
محمد ومياسي… هي امنية ماشية لانها الارخص على الاطلاق بين بقية الشبكات, وكل شبكة تانية بتنزل عرض بتلاقي امنية نزلت عرض بنص السعر, بس هاد كلو ما بشفعلها…. أمنية انتو شبكتكو تعيسسسسسسسسة
Shoshana: welcome dear to my blog, and thx 4 ur reply.gif)
i am here for 1 month vacation, so i need any line for temporary period until i come back
u r welcome and stay tuned
at 2:06 am - 13th July 2008 Permalink
OKAY PPL..
انتو عم تحكو عن شركة ما كملت ال3 سنين وبتقارنوها بزيت اللي من ال 1995 شغالة؟؟ يعني اكيد المقارنة مش بمحلها.. ولمعلوماتكم امنية من اسرع الشركات تطورا على الساحة الاردنية.. يعني زين اللي اضرب واطرح عشان تشغل خط بحسب بالثانية من اول ثانية شبكت مع بروتوكول عالمي وجابت جهاز بمليون دينار اذا مش اكثر وبالاخير ما انباع منه اكثر من 10000 خط!! بعدين زين شركة عم تتنافس على الساحة العالمية وحاليا مركزها متقدم جدا بين الشركات العالمية.. فظلم كبير تقارنو “امنية” مع زين لانه المقارنة مش بمحلها!!
طبعا اورانج سيبك منها فستق فاضي هاي
at 4:59 am - 13th July 2008 Permalink
u knw ana m3kom it’s bad & needs lot of imrpovment , but it needs lot of money 2 get better , so 7ta t7assen e-shabakeh w tbni abraj lazem tejma3 floos mn rafe3 as3ar el-mokalamat , w hada e-she r7 y5aserha zbayen kteer mshan hek 3maleyet e-ta6weer batee2a , w l2no kermal allah ma 3ad feena 7el la-kman as3ar tertefe3 , w btw zain bto5rob el-bet mn as3arha
at 9:55 pm - 13th July 2008 Permalink
امنية شبكة تبحث عن الارخص
تتعاقد مع الشركات الارخص
تتعامل مع مزودي الخدمة الارخص
فالرخيص سعره فيه
لو يعرفوا البحرينيين تخبيصات امنية الاردن و الشركات الفاشلة اللي بيتهاملوا معها ليغيروا كل الطقم
at 3:25 am - 8th September 2008 Permalink
عفوا انا من مستخدمي امنية بعد ما طلعت بسنة
اوك كانت الشبكو ضعيفة بس هسا صارت قوية وما عانيت معها بمشاكل
ومتل ما قال الاخ الكريم الشركة لسا جديدة مش زي زين الاسعار في العلالي وخدمتها مش قوية لشركة عمرها اكتر من 10 سنين
——————-
لولا الكوايتة ولا زين ما بتصير
at 8:25 pm - 20th September 2008 Permalink
انا بايد الشباب امنية كويسة بالنسبة للمواطن الاردني اللي ماكل خر* لانو حالته ما بتسمح يصرف على مكالمة حبيبة اكتر من 30 قرش (( عرض الطلاب الدقيقة بتعريفة )) قول شاعة زمن مع الخسة حلوين…
بس لا هلا انا جبت خط زين سوبر لانو العرض كويس نوعا ما
علما اني بسنعمل خطي المنية لما بدي احكي على زين لانو بالثانية من اول ثانية.
at 3:53 pm - 21st September 2008 Permalink
Ma fe b3d Zain Super Package, especially lamma tkon enggaged w you live alon w your country covered by Zain network w your second mate living in jordan, 3njad wala eshi
at 3:09 am - 30th October 2008 Permalink
ياااااا رجل امنيه احلى شبكه بالعاااااااالم وانا معي خط امنيه وفاست وموبايلكوم وكلهم بفصلو وانت بتحكي مو بس امنيه ….وانا اللي معتمدو الأمنية لأنها اولا…والله احلى شبكه بالعاااااالم بقلكو.
والباقي كولو خس…
Trackbacks & Pingbacks 1
[...] لموضوعي عن شبكة أمنية, وأثبات أنه شبكتها تعيسة جداً جداً, شوفوا شو صار معاي [...]
أرسل تعليقاً