اليوم بالصدفة كنت بحضر قناة مزيكا, شفت كليب جديد لـ تامر حسني من فيلم “كابتن هيمو”, الأغنية بعنوان “هي دي”. وللي ما شاف الكليب بنصحوا يشوفوا من هون لأني ما بدي أحطوا بالموقع لأسباب صحية.
ما بنكر أني بسمع لتامر حسني, بس مش عارف من أيمتى صارت الوقاحة أسلوب للشهرة والأنتشار!! اللي بسمع الأغنية هاي وبشوف الكليب, الأغنية عبارة عن شوية حكي “بلا قافية” المقصود منه أنه تنفهم غلط لأي واحد بسمعها أول مرة, خصوصاً لو شاف الكليب.
الكليب “الوقح” ببلش لما يغني تامر لحبيبتو بالفلم, بأشر على صدر البنت وبحكيلها أكتر حاجة بحبها فيكي هو ده, بعدين بحكيلها قلبك… وبعدين بحكيلها أكتر حاجة شدتني ليكي هي دي هي دي, وبكون بأشر ورا البنت, وبحكي بطريقة سخيفة “طييييييبة البك” بتخّلي أي واحد يفهم المعنى غلط.. وأصلاً هاد هو المقصود من الأغنية.
وطبعاً هاي مش أول أغنية بكون فيها حكي فيو أحياءات من هالنوع من غناء او تأليف تامر حسني, في أغنية أسمها “أعتزري” وأغنية كمان مألفها لـ رزان مغربي بعنوان “نفسي آه”, وكمان بعتذر عن وضع لينكات الأغاني لأسباب صحية.
on 
on 
11 عدد التعليقات
at 4:55 am - 2nd July 2008 Permalink
الله يطعمك الحج و الناس راجعة يا عامر…
شكلك مش شايف اللي انا شفتو…
هاي لسا بسيطة جدا جدا جدا…
ابحث عن اغنية “حط النقط على الحروف قبل ما نطلع سوا عالرووف”…
ورح تحس بالوقاحة وقلة الادب والعبط وكل الاشياء الهبلة بمعناها الحقيقي…
الله يخلف على السبكي اللي نازل ينتج افلام واغاني…
وبعدين يا رجل خلي الشعب يعيش…هي الدنيا ايه…؟احنا واخدين منها حاجة << بيسخر من القدر،،،شو مالو هاد ؟؟
at 9:07 am - 2nd July 2008 Permalink
مافي جديد ولا غريب بالموضوع..ثقافة العهر – معليش على الكلمة- هي اللي ماشيا الأن..والشعب هيك بدو…الله لايردهم..جاد شويري وهيفاء وهبي شوي عليهم
at 11:36 am - 2nd July 2008 Permalink
well i don’t find it that offensive.. he is merely dancing around her and pointing to her in general rather than pointing to her breasts as u pointed out. thanks for sharing though
at 11:41 am - 2nd July 2008 Permalink
محمد: صديقي من زمان في اغاني فاشلة زي حط النقط على الحروف او غيرها… بس انه اغنية فيها ايحاء زي هيك اي والله كتير
عبد حمدان: صح لسانك
سامر: بعرف انه هو برقص.. بس اتطلع على تعابير البنت بتبين كانه هي كمان فهمت غلط.. والمقطع التاني لما يحكي طييييييييبة البك ببين من تعابير البنت انه هي فهمت زي ما فهمت انا وغيري…
شكرا لتواصلك
at 6:22 pm - 3rd July 2008 Permalink
رأيته..
بعني السابق كان نفسي أه..
هذه المرة واضحة أكثر..
تحياتي
at 3:31 pm - 9th July 2008 Permalink
الله ياخذ بايدك يا عامر مع اني ما بعرفك وما شقت ولا سمعت الغنية منيح يلي نبهتني ويلي بقلك عادي لا مش عادي.. الله يقويك سلاااام
at 11:30 pm - 12th July 2008 Permalink
في قناة عربية اسمها مزيكا ؟؟!!
وفي ناس بتشوف هيك اشياء وبتسكت ؟؟؟!!!!
الحل انك تحذف القناة زي ما انا حاذف 99% من القنوات وتريح راسك !! وضايل عندي 8 قنوات وعايش مرتاح ..
1- الجزيرة .
2- الجزيرة وثائقية .
3- الجزيرة رياضة .
4- قناة الرسالة ( فعلا قناة مثيرة جدا ) .
5- ام بي سي تو
6- ام بي سي Action
6- ام بي سي تبعت لميس ويحيى ( وقررت اشطبها بعد ما يخلص المسلسل )
7- روتانا طرب .
8- وروتانا اللي بتضل تجيب اغاني لجورج وسوف .
at 10:51 pm - 14th July 2008 Permalink
طيب وليه كل هالتعقيد؟؟؟ ما تشوف اغاني وخلص على فكرة كانكم بتزودوها شوي؟؟؟ طيب ليه كملت الاغنية؟؟ للاخر وليه ما طفيت التلفزيون!!! وللي شاف حط النقط يعني من اول مرة حفظت اسم الاغنية وانتبهت انها وقحة؟؟؟ يعني مرات تناقض بيخلي الواحد يصفن انه انتو بتكونو متابعين للاخر وبعدين بتنتقدو؟؟
at 7:45 am - 15th July 2008 Permalink
طب وليه حضرة جنابك بس بدك تردحي ومو عاجبك العجب
الاخ حكا رايه بالاغنيه
يعني هو تامر حسني كاين اله حتى ما يغلط
زيه زي غيره بدو يمشي بموضه قله الحيا
والشعب ما بيصدق منشان يكيف
واذ في طرف اعوج يعني الواحد بسببه ما يحضر اغاني
شو هالكلام الفاضي
at 3:45 pm - 15th September 2008 Permalink
والله انا مش شايف فيها اشي كثير يعني , وبكفي تعملو من الحبة قبة , ولا غيرانين من تامر ؟
at 11:31 pm - 30th October 2008 Permalink
ya3ni fe3lan inno tamer w ashkalo ma best7o!! lma yonshor haek th8afe been elshabab ..
w b3deen beji ye2ool … ana mish 3aref at3iar !!!
3 kolen allah ye9le7 el a7wal …
mashkoor ya 3amer
أرسل تعليقاً