يوم الخميس الماضي كنت زهقان وقاعد بالسيارة بسمع راديو مزاج, في برنامج يومي بيحي من الساعه 5 للساعه 7 أسمو على الطريق مع رندا, المهم قعدت أسمع البرنامج, حكت المذيعة انه الي حاب يشارك لازم يبعت SMS لرقم معيّن خاص بكل شبكة, وانا من الزهق ما كذبت خبر وبعتت SMS فيها أسمي ورقمي وحرف T.
طبعاً خلال 10 دقايق الا موبايلي برن من رقم أرضي, رديت على التلفون وحكولي أنهم راديو مزاج, وحوّلوني على الهوا لعند رندا عشان أشارك بالبرنامج وتسألني 3 أسئلة, وازا جاوبت صح بدخل بالسحب على رحلة سياحية تقدمة Sky world travel.
رندا سألتني 3 أسئلة من النوع اللي بثبت غباء المتصل, قال شو عاصمة صربيا؟ بلغراد ولا بوركينا فاسو ههههه, والسؤال التاني عن ألوان علم البرازيل والسؤال الـ 3 نسيتو.
بلا طولة سيرة, جاوبت صح ودخلت السحب, وماتابعت البرنامج للآخر لأعرف ازا ربحت أو لا, واللي صار أنه من يومين رنوا علي من راديو مزاج وخبروني لأزورهم وأستلم فاوتشر الجائزة, حكتلها ليش هو أنا ربحت (مع نظرة كونان)؟ حكتلي آه ربحت رحلة لشرم الشيخ لشخص واحد, انا طرت من الفرحة, لأنه أول مرة بحس أنه حظي مش ***.
مبارح رحت ع راديو مزاج لأستلم الجائزة, صارت تحكيلي الموظفة أنه في شرط زغير, حكيت أيوة خير؟؟ صارت تحكيلي لازم حد يدفع ويطلع معاك!!! يعني ما بصير أنه أطلع لحالي!
يعني طلعت الجائزة مقلب من شركة السياحة والسفر وراديو مزاج, برّبحوا المتسابقين وبس يستلم الجائزة بحكولوا أنه لازم حد يدفع ويطلع, ومنطقياً رح “يشمطوا” سعر التكت التانية كتييير, عشان يغطوا سعر الجائزة .
بالنهاية حكولي “خد”… لسه حظك ***.
on 
on 
16 عدد التعليقات
at 2:48 am - 3rd July 2008 Permalink
له له له … على فكرة راديو مزاج جماعة محترمين كتييير كتيير..
يلا بسيطة .. تعيش و تاكل غيرها
at 3:16 am - 3rd July 2008 Permalink
ههههههههههههههههه
تعيش وتاكل غيرها…..
الله يعين الثاني شو بدو يكح مصاري……
راحت عليك يا عامر…
at 7:56 am - 3rd July 2008 Permalink
الله لا يقيمك
هذا مقلب اخو شلن
علشان تتعلم ما تثق بالاذاعات الاردنية
at 9:39 am - 3rd July 2008 Permalink
حقارة …. عشان تعرف انو مافي شي ببلاش
at 1:06 pm - 3rd July 2008 Permalink
LOOOOOOOL
I’ve always wanted to call that show, thanks
at 1:36 pm - 3rd July 2008 Permalink
طيب بتسدق انو صارت معي نفس القصة…
قبل حوالي 3 سنين رحت انا والعيلة على الملاهي اللي في الجبيهة, وأول ما دخلنا ولا اجانا شب من اللي شغالين في الملاهي وقال انه الشركة “الفلانية” بتقدم الكم رحلة سفر مجانية ل3 اشخاص لمدة كذا يوم وكل اشي على حسابهم “الأكل والسكن” …
استغربنا احنا بالأول….
وما إلك بالطويلة, وقعدوا يسألونا كمن سؤال: زي ايش احسن بلد بتحبوا تطلعوا عليه للسياحة… ومن الحكي هاظ !!!
المهم وبعد كل هالميمعة رحنا عند ال”زلمة الكبير” تبع الملاهي وحكالنا انه صح الرحلة مجانية, بس الاقامة والأكل والشرب والسكن مش مشمولة…
فطلعت القصة كلياتها كذب في كذب.
يعني يا كبير كلنا في الهوا سوا …..
at 3:41 pm - 3rd July 2008 Permalink
همممممم … كيف وصل فن شركات السياحة و النصب (قصدي الاحتيال و السفر) إلى محطة إذاعة!! و هم معبين المولات و الشوارع بمندوبينهم
at 8:21 pm - 3rd July 2008 Permalink
loolz!..
baseta, t3esh w takol ‘3erha
2lmohem tro7 w tenbest.. w 5aly 2lly bedo yedfa3 hoe 2lly yetnakd
feel the PLEASURE of the free trip :P
at 10:35 pm - 4th July 2008 Permalink
looooooooooooooooooooooooooooooooool…..
t3eesh w takol ‘3eeer-ha :p lol/…..
sob7an allah fesh eshy b balaaaash >>>>>>>>>>>>>>>
at 6:42 am - 5th July 2008 Permalink
والله فيهم الخير .. ياهيك الجوائز يا بلا..
at 2:08 am - 6th July 2008 Permalink
ههههههههههههههه
ياحرام .. ولا أشي التواضع
لا بس قوية يامان قال ربحت قال
إبتسم فأنت بالأردن
at 10:28 pm - 8th July 2008 Permalink
at 4:53 pm - 2nd August 2008 Permalink
لوووووووووووووووول له له يا عامر تعيش وتاكل غيــــرها ..
سمايلي بالمره مش شمتان
at 12:46 pm - 10th September 2008 Permalink
طيب “خذ” ليش في حدا هون حظه مش ***
at 3:13 pm - 15th September 2008 Permalink
yalla 5erha be 3′erha ya seedi
t3eesh w t7ke la awladak
at 10:20 am - 29th October 2008 Permalink
انت لازم تحمد حضك احسن من حضي في حياتي ما ربحت الا مره فطبل من بيبسي ولما رحت ابدله قالولي العرض انتهى!! عادي
Trackbacks & Pingbacks 1
::ASKAdenia BLOG:: » مقلب الجائزة من راديو مزاج…
مقلب الجائزة…
أرسل تعليقاً