رجوعاً لموضوعي عن شبكة أمنية, وأثبات أنه شبكتها تعيسة جداً جداً, شوفوا شو صار معاي اليوم بأختصار.
اليوم كنت بجولة سياحية في الأردن, زرت مآدبا وصياغة والبحر الميّت وبانوراما البحر الميّت, وطبعاً ولا مكان من الأماكن اللي زرتها كان الأرسال فيها زي العالم والناس, لغاية ما رحت على بانوراما البحر الميّت, فجأة وصلني مسج من شبكة أمنية مفادها أنه شبكة أمنية تتمنى لي أقامة سعيدة في فلسطين والأستمتاع بخدمات التجوال الدولي ….ألخ, وبعديها وصلني مسج ترحيب من شبكة جوال الفلسطينية أنه أهلا فيني في فلسطين وفي عبق الزيتون ورائحة الياسمين مع رقم خدمات المشتركين هناك, بعديها راحت شبكة جوال لأنها تعيسة زي أمنية وأجت شبكة أسرائيلية, يا سيلكوم يا أورنج, مش متزكر بصراحة, مع مسج ترحيبية أنه أهلا بك في أسرائيل!!
كل هاد وبينما أرسال أمنية رايح تماماً وبيجي بأماكن معينة زي مدخل الحمام الي في مطعم البانوراما وكم مكان تانيين, بالوقت اللي كل الشبكات التانية شغالة تمام هناك, الا انا لحالي كنت بتجوّل لحالي ومسافر!!
بتمنى مسجي توصل لشركة أمنية, لتعرف معاناة المشتركين معاهم.
وهلا عمي.
on 
on 
6 عدد التعليقات
at 4:28 am - 5th July 2008 Permalink
هههههههههههههههه
عجبتني هاي “|مدخل الحمام|”….
الارسال بكون في الاماكن الحساسة
هي امنية هيك اصلا…
شبكة تعيسة للغاية…
طيب يا رجل…وفر على حالك هالمعاناة وجيب خط زين..والله احسن
at 6:39 am - 5th July 2008 Permalink
امنية من يوم يومها هيك ..
انا كل مره بروح عإربد جهات أم قيس لازم اعيش بدون موبايل .. و زي ما قلت اورانج و غيرها بترحب فينا ..
امنية أحسن شبكه من دون منافس.. ليش الحكي..
at 11:53 am - 5th July 2008 Permalink
يعني زين أحسن بكتييييرر من امنيه و أورانج.
at 1:46 pm - 5th July 2008 Permalink
عم تسافر كتير أنت :P
هههههه
الله معك بهل شبكة والخدمة
at 4:51 pm - 5th July 2008 Permalink
hahahaaa,,,
looooooooooooooooooooooooool…
shu beddak a7san mn heek ro7t enta 3la bah meen 2addak norama el ba7er el mayyet w soret b 3 places
3eeees
at 12:09 am - 15th July 2008 Permalink
مرة قليت عقلي واشتريت امنية
والله بالليل بتولع بالتسمع كل الاردن شو بتحكي
كل الخطوط بدخلو فبعض
وعداك عن صوت المي الي بطلعلك
غير هيك بتحكي مع موضف خدمات المشتركين المحترم
بحكيلك بامكانك تغير خطك لشركة تانيه
والادهاء والامر
مرة صاحبتي حكت مع الشركه
بعد شوي الموظف المحترم برن عليها من رقم خاص بدو يتعرف
يعني هاي شركة مصخره
أرسل تعليقاً