قال مدير عام ضريبة الدخل والمبيعات اياد القضاة أن المقيم في الأردن سيخضع الى ضريبة الدخل حسب الشرائح المحددة على دخله المتحقق له سواء كان متأتيا من أعماله داخل أو خارج المملكة .
وأوضح خلال لقاء عقد أمس في غرفة صناعة عمان أنه سيتم التحول من مبدأ إقليمية الضريبة إلى عالميتها ،وذلك يلزم المقيم في الأردن على دفع ضريبة على دخولهم المتحققة في الخارج،وكذلك أخضع دخل غير المقيمين في الخارج لضريبة دخل تعادل 10% (ضريبة مقتطعة من المصدر). وبين القضاة ان تعديلات القانون الجديد تتضمن فرض ضريبة دخل على من يقضي خارج المملكة من الاردنيين المغتربين اكثر من 180 يوما بمعدل 10 بالمئة. المصدر: جريدة الرأي الأردنية
بصراحة لما قرأت الخبر أول شي في مدونة Adoosh ماصدقت الخبر, فكرت الموضوع أشاعة أو مزحة “بايخة”, لكن بس قرأت الخبر من موقع جريدة الرأي صرت أضحك و أضحك على “حداقة” الحكومة “بحلب” المواطن زي ما حكى Adoosh, يعني وين ما تروحوا حنحلبكم, ولسه الخير لقدام كمان
يعني بأختصار, حبايبنا اللي عايشين ببلاد الخليج (انا منهم) وبلاد الفرنجة ياللي عايشين بالعز و بتلّموا الفلوس من الشارع ماتفكروا حالكم أنه ماحد شايفكم, الدور أجاكم يا حلوين, كل واحد يطلع 10% ضريبة غربة للحكومة عشان تعرف تصرف على حالها.
وسلامتكم من الهسهس.
on 
on 
16 عدد التعليقات
at 1:59 pm - 15th July 2008 Permalink
صدقني حاسس انو الحكومة ما بدها مواطنين في هالبلد
بدهم اياها تكون فاضية…
لكن الحمد لله انو لسى توجه…وانا خايف انو يطبق على الاكيد
وقتها
at 2:01 pm - 15th July 2008 Permalink
محمد ارشيد: أول شي بشكرك ع سرعة ردك
حتى لو فضيت البلد من المواطنين, الضريبة هيك هيك رح تندفع من كل المغتربين
at 3:10 pm - 15th July 2008 Permalink
إشاعة؟ مافي إشاعات ببلدنا غير إشاعة رفع الرواتب
بعدين ماأنا حاطط لينك للخبر ن الجريدة, عشان التوثيق وتحرّي الدقّة والموضوعيّة وتجنّب الإشاعات والمغرضة والمدسوسة, مش هيك برضو أمر جلالة سيّدنا؟
at 9:39 am - 16th July 2008 Permalink
law bede asafer kol 3 months 3la Amman weekend bs, o adfa3 ticket wala ene a3tehom dinar wa7ad. they said aktar men 180 yom, ya sede mnro7 weekend 3la Amman o mndalna mwafren
at 10:11 am - 16th July 2008 Permalink
توجه بالتعريف الحكومي: رمي الخبر و من ثم نشوف هالشعب شو بيقول
شعب: مجموعة من الناس تعيش ضمن حدود دولة
شعب اردني: مجموعة من الناس تعيش ضمن حدود دولة و ما بيقول لأ ولا بيقول أه ه ه ه ولا حتى اخ.. شعب بيعجبك
انا رأيي الشخصي انه الحكومة تستلم الرواتب عننا و تعطينا مصروفنا و تخلي الباقي
at 5:29 pm - 16th July 2008 Permalink
اذا الواحد هارب من البلد ومن غلاها
لازم يدفع ضريبة إنه كان يوم من الايام احد
المواطنين يلي عايشين فيها
يا حكومتنا الرشيدة اتقوا ربنا
يعني بدكم تلموا مصاري باي طريقة
بس ما عندكم استعداد ترفعوا للمواطن شوي
بدل رفع معيشة
والله حرااااااااااااااااااااااااااااااااام
at 9:53 am - 17th July 2008 Permalink
السلام عليكم
الضريبة تؤخذ مقابل خدمة تؤديها الحكومة للمواطن والان السؤال ماهى الخدمة التى ستؤديها الحكومة للمغتربين .
انا بصفتى مغترب بالخليج والراتب على قد الحال يدوب يكفينى للسكن والضمان الصحى وتعليم ابنائى بمدارس خاصة وتعليمهم فى جامعات الاردن التى عاملتهم كاجانب ولم تقبلهم بالتنافسى كالاردنيين المقيمين بالاردن وبالعملة الصعبة .
اقول اولا ياحكومة سنى القوانين التى تعطينا حقوقنا حتى نستبشر ونرجع من الغربة الى بلدنا ولا تكونى منفرة للاردنيين ز
at 3:48 pm - 20th July 2008 Permalink
والله خبر من الاخر
مش بكفي الواحد هارب من الحياه المأساويه في الاردن( سرقه وفوضى ومناطق عشوائيه وجوع )
كمان لاحقينا لبره, ولا يعمي عشان نصيب السرقه يكبر وتزيد الطبقه العاليه تكبر وغنا والناس اللي بتحاول تصير ذو الدخل المحدود تنطمر
خافو الله يا حكومه….
بس مش الحق عليكم الحق علينا
لانو الشعب هو بصنع التاريخ وليس السكوت
at 10:00 pm - 24th July 2008 Permalink
المنطق يقول ان الضريبه تكون مقبل خدمه تؤديها الحكومه للمواطن …هذه الضريبه مقابل شو
يعنى لا القاعدين بالبلد مرتاحين ولا البره المين من الضرايب .
سال يجب ان تسال الحومه نفسها لماذا الموطنين في البلاد الاخرى يذهبوا بانفسهم لاداء الضريبه ولماذا نحن نتهلرب منهاااااااا
at 12:45 pm - 30th July 2008 Permalink
انا كثير مبسوط لان حكومتنا صارت تهتم فينا احنا المغتربين لانو فلوسنا زايدة وبنلمها من الشارع ومش عارفين وين نروح فيها يعني فوق ما احنا ماكلين هوا بالغربة عشان نلاقي عيشة كريمة تسترنا لما نروح بلدنا وما نحتاج لحد وبنتعب بالحر وبنشقا وبنتحمل الكلام لانك مش في بلدك لازم توكل زفت وتسكت كمان بدكو تلزمونا بظريبة انا بدفع ضريبة ارض وضريبة على البيت وعداد الكهربا ورسوم جامعات وبدفع فاتورة تلفون ما بستعملو وانا برة الاردن
بكفي بكفي ورانا اولاد بدنا نربيهم
ارحمونا
at 12:02 pm - 4th August 2008 Permalink
at 11:52 am - 6th August 2008 Permalink
انا مش راجع انا مش رااااااااجع انا مش رااااااااااااااااااااجع
حلو عني يا ناس ولكوا ارحموا من في الارض يرحمكم من في السماء
اي هي من قليله السما ما بتشتي علينا
والله العظيم اني بشتغل 11 شهر بالسنه عشان اجمع بس مصروف الاجازة لشهر في عمان
حسبي الله ونعم الوكيل
at 8:07 am - 24th September 2008 Permalink
شكلك بعد شوية هتشد في شعرك
يا اردني انت لازم تفتخر مش للاسف
سيبها على ربنا وهو هيحلها
انا مصرية وافتخر غيرك مش لاقي
at 9:09 am - 24th September 2008 Permalink
يا خوان اش في نموت ننتحر نطخ حالنا نم شااااااااااااااااااااااااااااااااان الله
الاردن لازم تخل جنس للدولة الكثر فرضا للضرائب يا اخي لو الواحد بيجي مصاري خدو منها
بس والله ماااااااااااااااااااااااااااااا في معانا يعني لو معانا بدنا نبخل عل حكومة حدا ببخل ع ولاده
at 1:41 am - 13th October 2008 Permalink
والله يا كبير لو هالقرار اتطبق اكلنا هوا يا كبييييييييييييير
شو بدنا نحكي يعني
قد ما نحكي ما رح يسمعونا
at 6:45 pm - 7th August 2009 Permalink
الله ينتقم من كل حاقد و حاسد و ضعيف نفس , الله أكبر يا عالم , لاحقين المغترب عشان يكملوا عليه ؟ الدول الثانية بتعطي مغتربينها اعفاءات جمركية و احنا وطننا بدو يكافأنا بالضرايب ؟؟ أردن النشامى أكبر من هيك والله . . . و لو بموتوا مش دافع
Trackbacks & Pingbacks 1
توجه لفرض ضريبة دخل 10% على المغتربين الاردنيين بالخارج…
قال مدير عام ضريبة الدخل والمبيعات اياد القضاة أن المقيم في الأردن سيخضع الى ضريبة الدخل حسب الشرائح المحددة على دخله المتحقق له سواء كان …
أرسل تعليقاً