كانت البداية عندما وصَلنا خبر وفاة أحدى أقاربي في الدول “الصديقة” المجاورة جداً لنا, فعندها قررت الذهاب الى سفارة تلك الدولة المتواجدة في إحدى أحياء الرابية انا ووالدي لتقديم طلب فيزا للسفر لتلك الدولة , ولم نكن نتوقع أننا سندخل مسلسل إذلال طويل يُنهي محاولاتنا المتكررة للحصول ع الفيزا باليأس أو بالأحرى “الفشل الذريع” .
بدأت القصة عندما دخلت الى موقع السفارة على الإنترنت, وقمت بطباعة الطلبات وتعبئتها وإرفاق صوّر شخصية مع كل طلب, والذهاب في صبيحة اليوم الثاني مبكراً جداً, لأن “حبايبنا” في السفارة يقبلون الطلبات من الساعة 7 صباحاً لغاية الساعة 10 فقط.
ذهبنا صباحاً وذهلنا من عدد الأفواج الرهيب الذي ينتظر في الشارع تحت لهيب الشمس, فليس هناك من يساعدهم أو يدلهم أو حتى على إلمام تام بالنظام المتّبع بالداخل, فعليك تسجيل إسمك والإنتظار حتى ينادوا على إسمك.
بعد طول إنتظار (ما يقارب ساعتين ونصف) قاموا بالمناداه على أسمي وأسم والدي, لنشعر بالفرح بأن إنتظارنا المرير سيتوج بالنجاح عند الدخول للسفارة “الصديقة” وتقديم الطلب ومقابلة الموظفين المختصين لأخذ الفيزا, وبعد تفتيش مرير, تفاجئنا بإدخالنا الى مكتب تابع للسفارة, مهمته فقط طباعة الطلبات, عندها إكتشفنا أن جميع الطلبات الموجودة على موقع السفارة هي قديمة وقت تم ألغائها, عندها يجب أن تسلم جوازك للموظف والأنتظار ساعة ونصف أو أكثر حتى يتم المناداه على إسمك لتعبئة الطلب وسؤالك عدة أسئلة عن تفاصيل حياتك من النوع الذي “بدو يعرف البيضة مين باضها والجاجة من جاجها”, كإسم جميع الأخوة والأخوات (حتى المتوفين منهم) وسنة دخول الأردن فيما إذا كنت من مواليد بلد أخرى… .الخ
عندها قمنا بتعبئة الطلب, وقالت لنا الموظفة أنتظروا قليلاً حتى يأتي موظف السفارة لطلب مقابلتكم, عندها أنتظرنا بحدود الساعتين على أمل “تشريف” الموظف المسؤول, عندها جاء أحد الموظفين بعد ساعتين ليخبرنا بأن من قام بتعبئة الطلب اليوم لن يقوموا بعمل مقابلة له قبل مضيّ 4 أيام!! إذن علينا العودة بعد 4 أيام.
عدنا بعد مضيّ 4 أيام, وأنتظرنا تحت أشعة الشمس فترة طويلة إلى حين مجئ موظف السفارة للمناداه على من جاء دورهم للمقابلة بداخل السفارة, ولكن كانت الصدمة عندما جاء الموظف لأخبارنا بأن اليوم لا يوجد مقابلات بتاتاً, بدون ذكر السبب, حاولنا معرفة السبب ولكن لم نخرج بنتيجة, وكان انتظارنا عقيماً.
عندها عدنا الى السفارة بعد يومين (لأن المقابلات لا تتم الا يوميّ الأثنين والأربعاء من كل أسبوع), على أمل الدخول والإنتهاء من مضيعة الوقت, وللأسف فلم ندخل أيضاً, وتم إبلاغنا بأن اليوم يوجد مقابلات لمن إتصلت بهم السفارة فقط هاتفياً, يعني “راحت علينا”.
عندها مللنا من هذا الإذلال والإنتظار العقيم وتضييع الوقت بدون فائدة, بالإضافة الى أن عظام المتوفي قد أصبحت “مكاحل”, فرجعنا الى بيتنا وأتصلنا بأقاربنا في الداخل لنعتذر عن السفر اليهم شارحين لهم أسباب عدم تمكننا من السفر هناك.
دبوس: مواطنين تلك الدولة “الصديقة” والجارة يأتون للأردن بكل سهولة وبساطة, حتى بدون فيزا “ولا ما يحزنون”, من المحتمل لأنهم شعب الله المختار؟؟ ممكن
on 
on 
16 عدد التعليقات
at 5:19 pm - 20th July 2008 Permalink
ممممممم ….. ( من المحتمل لأنهم شعب الله المختار؟؟ ممكن )
إحتمال … لوووووووووووووووووووول…
لا حول و لا قوة إلا بالله
at 5:21 pm - 20th July 2008 Permalink
aaa5.. i understand u
el shakweh l ‘3er allah mazaleh
at 7:26 pm - 20th July 2008 Permalink
يعني بصراحة مش عارف ليش الناس في الأردن هيك
أولا ليش ما تذكر ان السفارة اللي بتحكي عنها هي سفارة العدو الصهيوني في الاردن ” السفارة الاسرائيلية” يعني مش فاهم ليش التورية ممكن توضح؟
ثانيا ما بعرف لبش اللاجئين كل ما صار اشي بالضفة بدهم يروحوا على هالزفت السفارة!! شو يعني راح يقدم ذهابكم من عدمه للميت الله يرحمه او اهله؟ واجب العزاء بتم على التلفون زي ما كل المغتربين والمسافرين بعملوا…
ثالثا انا كثير مبسوط على البهدلة اللي بتصير للواحد كل ما راح هناك…ما عمري رحت بس مش اول واحد بمر بهاي التجربة
at 9:05 pm - 20th July 2008 Permalink
شيء مؤسف جداً..
تقبل اعتذاري : ( ..
at 11:00 pm - 20th July 2008 Permalink
محمد شلطف: أتوقع أن آخر المقال قد وضح تماماً السفارة التي أقصدها…
فأنا قصدت أنه ما اذكر بلد السفارة, لأخلي القارئ يفهم لحالو شو بقصد.. هاد أولاً.
تانياً.. انا حابب اروح هناك سياحة كمان, يمكن أكتر من تقديم واحب التعزاية, أمنيتي أشوف البلد كيف شكلها قد ما سمعت عنها…
تحياتي
at 3:27 am - 21st July 2008 Permalink
يعنى بعد الاجرمة وقتل الابريا والكرهية اللى ماليها حل عايزين تاخذون تاشيرة بل ساهل عجبى على ولاد العرب
at 4:03 pm - 24th July 2008 Permalink
at 4:05 pm - 24th July 2008 Permalink
hehehe kteeeeeeeeeeer el mo2f bd7k
at 3:58 am - 30th July 2008 Permalink
يا زلمة هو بس انت
قصة ثانية صارت معي بس انا مع البنك العربي
ختي نتي روح تعال
مش عارفين وين الله حاطهم يا زلمة
بودوك وبجيبوك وبالاخر بقولولك احنا بنتصل فيك .
انا مش عارف هو الموظفين حمير ولا جايبنهم من الشارع والمزابل يلا روح اشتغل عشان عنده واسطة سلامتك….
الله يلعن هيك نظام………
at 2:45 am - 2nd August 2008 Permalink
والله هاد ظلم ابن عمي ..هدول ناس ملعبين وما بيفهموااا ..
ان شاء الله بتزبط امورك وبتقدر تيجي لهون ..
حتى لو اطريت احرقهن ..لوووووول .
at 3:24 am - 8th August 2008 Permalink
الله يصبر الناس
وتفك مشاكلهم يا رب العالمين
at 5:22 pm - 1st September 2008 Permalink
انتو ادعو انه يصيرسلام ويتغي الوضع وتجو عنا عادي زي مااحنا منجي وانشاله بتجو
at 6:19 am - 2nd October 2008 Permalink
ههههههههههههههه….
ممكن …
at 9:45 pm - 13th October 2008 Permalink
السلام عليكم هذة القصة صارت معي طبعآ بشكل ثاني وللة اصابني احباط لاني كنت بدي اشوف قرايبي وخالاتي الي عمري بحياتي ما شفتهم واشوف ارض فلسطين الخصبة من قرب بدل ما عم نشوفها من حدود الاردن ونتحسر وتدمع عيونك من حنيتك وشوقك لارضك المغتصبة وشو بدك تتوقع من اليهود ؟؟؟ يا صاحبي لا تضرب على الجرح الي ما رح يطيب الى في تحرير فلسطيييييييييييييييييين كاملة .
at 6:13 pm - 30th April 2009 Permalink
بعين الله
at 8:43 am - 31st July 2009 Permalink
لا حول ولا قوة الا بالله فعلا شي مؤسف
أرسل تعليقاً