مبارح بالصدفة وانا مروّح ع البيت بالليل, مرّيت من تقاطع شارع مكة مع شارع المدينة الطبية اللي افتتحتوا الأمانة من حوالي أسبوعين, بصراحة إنصدمت من الوضع هناك.
الدوّار أنقلب لمنتج أو مزار سياحي لأهل عمّان وباقي المحافظات, سيارات صافة هون وهناك مسكرة جوانب الدوّار, وناس وعالم وولاد صغار نازلين يلعبوا كأنهم في “ديزني لاند”, والعالم معجوقة بالنافورة اللي بنص الدوّار ونازلة تتحمم فيها.
دبور موقع عمون الإخباري شاهد صبية لم يحدد معالمها أذا كانت شــgــفة ولا لأ, عم تغسل رجليها من ماء النوافير الموجوده على الدوار, فهالشي عمل عجقة على الدوّار لأنه كل السيارات صارت توقف لتشوف الصبية وتشرف على عملية السلام قصدي غسيل رجليها..
انا بفترح على الأمانة تفتح شوّرات على الدوّار, خلّي الشعب يعيش وينبسط 
9 عدد التعليقات
at 1:55 am - 21st July 2008 Permalink
يعني عنجد اشي بفشل شو الناس ما بتستحي على حالها كل واحد لاطع ورا دزينة ولاد يعني انا مش فاهم حدائق الحسين جنب الدوار ليش ما يروحو الله اعلم يا بشر اتحضروا شوي !! احنا بموسم سياحة يعني ارجوكم ما تخلو السياح يحرمو يعيدوها و شكرا
at 2:12 pm - 21st July 2008 Permalink
walla ya man ma ana 3aref shu 2agollak bas haik sha3bna …. ba3den ektera7ak mazboot ma3 ene ma fhemtooo … bas law bardo momken ye3mlo mall bel no99 khale el shabab takhod ra7etha ,,,, ya man enta lessa ma t3alamet ?? e7na sha3eb fadeee whada ele shatreen feeh
….
eli bgollak makleen 3a rasna hada kazzab …
e7na aslan haik kteer 3aleena LOOOL
Peace Askadnia
khaleena nshufak ,
at 2:32 pm - 21st July 2008 Permalink
لوووووووووووووووووووووووووول !!!!
لووووووووووووووووول 
لازم نجرب أي شي جديد ..ما بصير
at 3:30 pm - 21st July 2008 Permalink
يا جماعه وين المشكله اذا وحدة كشفت عن رجليها روحو شوفو اللي عم يرفعو رجليهم وما حدا حاكيلهم شي
يا عمي منشان ربنا خلونا شوي نتطلع من قوقعة الرجلين و نخلي نظرنا اعلى من هيك شوي
بعدين هاي البنت ممكن تكون اول مره بتشوف مجرى مياه لأنها بأفقر بلد بالدنيا بالمي
ليش ما علقتو على اللي عم يعبو برك السباحة في بيوتهم من مية الشرب اللي نص الاردن ما عم بتشوفها لهاي المي الا مره بالأسبوع و اللي خزانو عالي ما بتوصلو
يا جماعة الخير ممكن هاي البنت اول مره بتزور عمان و من فرحتها عملت اللي عملتو و الا نسينا انو عمان صارت الاردن و الاردن صارت عمان
و بالنهايه برجع اقول ….
حلوين رجليها ؟؟
معليش انا اردني و غير رجلين الغساله ما بشوف
at 10:31 am - 22nd July 2008 Permalink
مساكين هالعالم الطفرانه ما عندها وسيلة للتسلية الا هالكم دوار وحديقة بعض ان أغلقت الحدائق المحلية لبناء محلات تجارية. عمان اصبحت مدينة قاسية وغير إنسانية.
at 9:36 am - 24th July 2008 Permalink
والله يافادي اسعيد انك عم بتحكي صح الله يفرجها ع الشعب المنتهي
at 4:37 pm - 28th July 2008 Permalink
يعني هي وقفت ع هاي
ما البلد كلها صايرة منتجع سياحي
يعني في حد عاقل بعمل حديقة على دوار
at 5:31 am - 7th August 2008 Permalink
المشكلة مو بالتقاطع
ولا بالنافورة
يعني بصراحة الفكرة كتير حلوة
وصارت متنفس للعالم
بس المشكلة بالناس
يلي مفكرين حالهم ع شط البحر
بتمر بتلاقيهم يلا نايم جوا النافورة
ويلي تارك ابنه يسبح جواتها
ويلي بسبح رجليه وكانه بالبحر
يعني المهندس لما عمل هيك مشروع
عمله تنفس للناي
منشان يغيروا جو
بس
العتب ع الناس كيف بتتعامل مع هيك مواقف
at 12:59 pm - 24th August 2008 Permalink
ya3ni fekra 7eloeh enno n2dar n7asen men elbalad on2adam swra 7eloeh llnas elle 3am teejee t3mal sya7aa bas elmoshkeleh be3a2let elnas elle 3nna mo 2adreh tt2aqlam ma3 heak waddde3……
أرسل تعليقاً