- أمير غسان ايراني-أسكدنيا توك-الأردن
طبعا لكل مواطن اردني ذكرى جميلة مع احدى سائقين التكاسي في الاردن او احدى الطرائف او احد المواقف, ولكن ما اسرده الان هو قصة ربما قد حدثت مئات بل الاف المرات ولكن لا اتوقع انها بنفس الظروف اتي مررت انا بها حيث في قصتي..
انا شاب في العشرينات من العمر, في احدى الايام وبالتحديدقبل شهرين من الان كنت اعاني التهاب مفاصل حاد كان السبب ان امشي مرتكزاً على عكاز, وكنت حينها خارجاً من مستشفى ابن الهيثم بعد رحلة من الفحوصات لكي اركب سيارة تكسي لأعود بها الى بيتي الواقع بشارع الملك عبدالله الثاني /المدينة الطبية, وقد رآني كيف كنت ارتكز على عصاي ومحملاً بكتبي الجامعية.
وبينما كنا في الطريق لمنزلي, رن هاتفي المحمول ورددت على المتصل وكنت اتكلم على الهاتف وانا لا ادري اي مصيبة ستحدث قريبا, الى ان وصلت الى منزلي وحينها اردت وضع هاتفي في الكيس الذي احمله ليسقط مني سهواً في السيارة اسفل المقعد ولم انتبه لذلك, ودفعت للسائق ولم اكتفي بقراءه العداد, بل تلطفت بحاله ودفعت أكثر ولكن هذا لم يكن دافعا لان يجعلة يحن علي, ونزلت من التكسي فتذكرت انني قد نسيت هاتفي قبل أن يتحرك التكسي من مكانه, وعندها أشرت له بيدي ولكنه اهمل الموضوع وكانه لم يراني, فصرت ارن على هاتفي من رقم آخر ولكنه بدل ان يرد كان يفصل بوجهي!!
مشكلتي اني حين ركبت كنت متعبا, ولم انتبه الى اسم التكسي او السائق..
امعقول انسان بيع نفسه من اجل هاتف متنفقل ؟؟؟ مع انه راى حالتي!
الاردن-عمان الغربية
on 
on 
18 عدد التعليقات
at 11:20 pm - 8th August 2008 Permalink
ملاحظة إلى أمير: الله يسامحك لو لقطت النمرة تاعتو، بالعادة بكونو من 4 خانات والترميز ثابت! بس نصيبك..
at 2:02 am - 9th August 2008 Permalink
تسلم يا عمر على ردك
بس لما تكون طالع من المستشفى
وبتمشي ع عكاز
وبعز الحر ما اتوقع انه تركيزك رح يكون كتير
وحتكون كتير صاحي
بعدين
الواحد ما بتوقع انه يصير فيه هيك موقف وهوي طالمع من المستشفى
صح؟؟
at 7:55 pm - 9th August 2008 Permalink
عامر شكراً محيت التعليق المعدل و نشرت الكلو تخبيص
at 11:13 pm - 9th August 2008 Permalink
قبل سنتين او اكثر شوي صارت معي قصة شبيهه.. كنت لسه امودعه اهلي وهمي راجعين ع الامارات وطلعت بتكسي راجعه ع البيت.. ومافي ثواني من بعد ما انزلت من التكسي يعني مالحق يوصل راس الشارع.. رنيت ع الموبايل اول رنه اعطاني مشغول.. وبعد هيك سلامة اتسلمك.. راح الموبايل..
at 12:19 am - 10th August 2008 Permalink
عمر: عادي حبيبي, أبعتو مرة تانية وبنشرو معدل.. وهيني رح الغي الرد الأخير…
at 1:24 pm - 10th August 2008 Permalink
انا بصراحة من اخر فترة عن جد بديت ازهق من موضوع التكاسي و صرت احكي متى بدها تنفرج علي و اصير خلص عندي سيارتي ما احتاج لا لتكسي و لا شي بس للاسف مجبر اخاك لا بطل
انا هديك المرة كنت بشارع و عن جد التكاسي فيها ندرة اشرت ع تكسي و انا متاكدة انه شافني لانه اتطلع علي و سمعني بناديه” تكسي” و اشرتله يلف لاني عل الجهة التانية
المهم خلال لفه ليوصل قبلي ب 20 متر كان في واحد اشر اله و وقف مع انه انا الي اشرت اله بالأول و كنت حاملة بنتي ع ايدي و الدنيا شمس…..حكيت عن جد انه ما عنده زوق بما انه شافني و لف المفروض انه يلتزم و ما ياخد ناس قبلي…..بس شو بدنا نحكي عل الزوق……….
at 5:38 am - 13th August 2008 Permalink
طيب احكي الحمدلله انو رضي يوقف لك اصلاً ، انا تقريبا مثلك بنص العشرين و الحمدلله عندي مشاكل في الركبه و اغلب الايام بمشي على عكاز ، نفسي بيوم ما استنى ساعه او ساعه و نص على بين ما اي شوفير تكسي يحن علي و يوقف و يركبني ، و الحمدلله على كل شيء و معافى يا مان
at 12:20 pm - 14th August 2008 Permalink
كيفكوا
؟
at 3:50 am - 15th August 2008 Permalink
شكرا جميعا لردودكم الرائعة
الحمدالله دائما ع كل شئ
والدنيا الها ضرايب
يعني الاخ وقفلي
والضريبة كانت موبايلي
بس اهم الشي انه الواحد بصحته وعافيته
والاهم هي الناس الطيبة
يلي لساتها موجودة
at 11:41 am - 15th August 2008 Permalink
للاسف مليون مره على حوادث وطرائف من شوفيريه التاكسيات انا قصتي ولا بالخيال انتي انتي خسرت موبايلك انا خسرت وجهي بسبب شوفير تاكسي حقير لا يعرف ربنا وهو يساوم علي ويتفق مع شباب مشان يضربوني سكينه منه ل اللهالشرطه الاردنيه لم تسكت على ما حصل لي كوني انا سائحه من عرب 48 بالجليل
at 6:20 pm - 15th August 2008 Permalink
اطلب عوضك يا صديقي من ربنا
at 4:07 am - 23rd August 2008 Permalink
هههههههههههههههههههه
الله بعين
at 4:09 pm - 23rd August 2008 Permalink
صارت معي نفس القصة بس طلع شفير التكسي ابن حلال وجاب التلفون طبعا طلب 50 دينار واخذ لان التلفون كان يسوى 380 دينار
عادي سقف السيل مليان تلفونات روح واشتريلك واحد
at 8:38 am - 2nd September 2008 Permalink
الله يعينك ممكت يكون محشش مثلي هع
لان مرره نسى واحد جواله معي وانا محشش اعطيته مشغووول هع
at 11:44 pm - 11th October 2008 Permalink
طبعا معقول يخوي ..
قسما بالله اجمل ما بهذا الكون هو الامانه بس شو الواحد بده يحكي لهاي العالم
لما الواحد ببيع نفسه عشان الماده ويمكن يبيع اولاده ..
ولكن لا حياة لمن تنادي ..يلا العوض بسلامتك
هات العنوان عشان ابعتلك مبايل جديد
at 11:12 am - 30th October 2008 Permalink
كل مهنة فيها الجيد والسيء . لاكن التحامل بشكل كبير على سائقين التكاسي براي مبالغ فية بالنهاية همه ناس بتشتغل . وبيعيلو بيوتهم وعائلاتهم في هاد الزمن الصعب . لمعلوماتكم في اطباء اذا بتفنحو مجال النقاش عنهم رح تسمعو امور اغرب من الخيالdubai_funy?@yahoo.com
at 1:46 am - 1st August 2009 Permalink
بس وينكم في شفرية تكاسي جد انهم قد حالهم وبساعدو الناس وانا بحبهم
at 10:03 pm - 22nd October 2009 Permalink
رقمك كرت و الا خط
لانو اذا خط ما رح تقدر ترجعو بس اذا كان كرت برضو ما رح تقدر
ههههههه
تعيش و تاكل غيرها
لا تنسى انو الشوفير احد الشينات الثلاث
أرسل تعليقاً