- بشار بركات-أسكدنيا توك-الأردن
هالموضوع مش طويل , ولا حتى هو موضوع أصلا , بس مجرد كم من سؤال نفسي أطرحهم ” أرضا” من زمان.
كنت ماشي في شارع “سوق السلطان” أحد أشهر الشوارع الرئيسية في عمان ” و ذكرت أسم الشارع لسبب رح أذكره باخر المقالة “, تفاجأت لمنظر فعلا أسودت الدنيا بوجهي منه .
بنتين صغار , أعمارهم بين 13 و 14 كأقصى حد , بمشوا بالشارع بطريقة مخزية , طريقة لا يمكن “لبائعة هوى” أنها تمشي فيها , و لابسين لبس “فعلا ما بستحوا” يعني وحدة منهم كانت لابسة شورت لفوق الركبة بشبرين “يعني طولها بحدود المتر و نص, شبرين فوق الركبة يعني مش لابسة شي” .
وعنا طبعا عنصر الشباب المريض الي بعاكسوهم و همه مبسوطين و بضحكوا , و بردوا عليهم , فعلا أنا مش عم أبالغ ولا شي , و للعلم أنا مش شاب معقد , و أي منظر عندي عادي , بس أنا شعرت بالأسى عليهم , يعني اذا عمرهم لنفرض 13 سنة, على هيك على 16″ أن شاء الله” بكونوا مخلفين هذول , مش مستغرب” جرائم الشرف” ليش كثرانة , و ما زاد من شفقتي و أستغرابي , لما طلعلهم شاب من شباك سيارتة و طقعهم كلمة “…..” مشفرة , ردت عليه واحدة منهم بكلمة أسفل, “من الزنار و تحت بشناعة” ,يعني احنا شباب ببعض ما بتطلع منا , و زادوها لما مرت عنهم بنت محجبة , يمكن بضعف عمرهم و قعدوا يتمصخروا عليها .
أسئلتي بسيطة و أتمنا أني ألاقي جواب .
هل وصل الأنحطاط , و سوء التربية و الأخلاق , الى هذه الدرجة ؟
يعني وين أبوها أو أمها عنها هذه البنت؟
مش عارفين أنها بتعمل هيك بالشارع , طب ماشي , ما بشوفوها و هي نازلة من البيت ؟
وللعلم ذكرت أسم الشارع مشان ما حدا يقولي ” بلكي بتمشوا جنب باب بيتهم ,عادي”
فصدق الشاعر احمد شوقي عندما قال :
أنما الأمم الأخلاق ما بقيت فإن همو ذهبت أخلاقهم ,ذهبوا
on 
on 
14 عدد التعليقات
at 9:26 pm - 11th August 2008 Permalink
له له له!!! مش معقول يا بشار! إذا على هيك و استغربت لعاد أنا بنصحك تميل على حارة من حواري الرابية تنورنا و تشوف ايش المعنى الحرفي للـ (قـ*بـ*ـة) عالأصول!! إئا هاي لابسة شورت لسا لما تقعد عادي! عنا مع تنانير و شوي بدهم يتربعوا!! :S: S
at 3:56 am - 12th August 2008 Permalink
مش مستغرب ابدا…
لاني بدرس في جامعة فيها اكتر من هيك…
بس تعال وشوف المصايب اللي في العلوم التطبيقية … اكيد رح تحكي هدول اهون شي.
الله يكبر عقولنا شوي ….
at 3:39 pm - 12th August 2008 Permalink
لاحول ولاقوه الا با الله هذا اخر الزمان يا صديقي وقريبا سوف ترا اولاد الزنا معبين الزباله .
يقول الله تعالى :
” ياأيها الناس اتقوا ربكم إن زلزلة الساعة شيءٌ عظيم . يوم ترونها تذهل كل مرضعةٍ عما أرضعت وتضع كل ذات حملٍ
حملها وترى الناس سكارى وماهم بسكارى ولكن عذاب الله شديد
at 5:51 pm - 12th August 2008 Permalink
يا جماعة الخير أنا كنت أسمع عن دبي وبلاوي دبي وكانوا يحكولي إنه الفسق واالوقاحة موجوده بدبي, بس لما جيت أشتغل هون ما صدقت, الحياه والناس هون أرقى من الأردن,يعني البنت إزا كانت لابسة لبس غير محتشم بتكون محترمة حالها وبتمشي بأدب لأنه الأمر بالنسبة لها ولغيرها طبيعي,ما في حدا بزت كلام.وللأمانة أدولة البنات بس من أوروبا ونادر جدا تلاقي عربيات, بس للأسف بالأردن إزا الوحده بتلبس برمودا بتلاقي وراها غبره من كثر الشباب يلي بلاحقوها وهيه مبسوطة.
الله يهدي شباب الأردن وشاباته
بس بدكم الصراحة والله إشتقت لبنات الأردن هههههههههه
at 7:25 pm - 12th August 2008 Permalink
السلام عليكم … ياأخ بشار نحن في زمن لم تعد موجودة فيه اسس القيم الأصيلة التي زرعها بنا الأباء والأمهات….! ياسيدي لو قرأت بروتوكالات حكماء بني صهيون سيزول منك العجب والأستغراب ….وانصحك وكل الشباب بالبحث عنها وقرائتها(الأصلية) ولاتحتار
at 3:30 pm - 16th August 2008 Permalink
عنجد هدول على ال16 شو راح يصير فيهم ولما يصيرو 19 راح يكون الوضع ……..
هاد اشي بيرسونل وشخصي وانت ما الك خص في لاني انا طالعه من البيت هيك وبابي واخوي بعرفو وشافوني…
طيب اذا ابوها واخوها مgرنين احنا ليش نشوف هل المناظر المؤذيه ……اه مؤذيه للبنات ,, وفي بعض الشباب بشوفوها مؤذيه…..
المهم …
و الله البنات هل الايم بطلت نستحي ولما نيجي ننصحهن بصيرو يحكو
والله موضوع روعه ….وشكرا
سلاااااامزززززززززززز
at 3:48 pm - 23rd August 2008 Permalink
لسة الي شفته ولا اشي تعال شوف جامعة البترا وشوف المصايب والتنانير اشي بيخزي ولا روح على مكة مول ولا ستي مول بتشوف العن انتا شو شايف من الدنيا
ولا تنسى الحدائق الدعارة بشكل علني
خليهل على الله احسن
at 2:04 pm - 30th August 2008 Permalink
kalamak mazboot… bas ya seedee seebak men el jam3a …. agollak hathool tabago el 18 w ahlehom ma khashom ” 6ab3an hathee 7ejjeh” bas ana 3am ba7ke 3an el banat ele lessa 14 w 15 … 3afekra … rje3et shufet nafs el banat w 3emlo aktar men ma 3emlo gabbel bas ma estaghrabbet eno 3ade
at 5:34 pm - 1st September 2008 Permalink
هادول بكونو ابصر شو نوعهن مش اردنيات ولا فلسطنيات الله اعلم شو هادول لاني صادفت متل هيك بنات الله يستر على البنات والشارع هاد بعرفه بتلاع العلي
at 3:14 pm - 24th September 2008 Permalink
اخي العزيز لا تستطيع لوم الشبا عندما يرى هيك منظر
فهو مضطر ان يعاكس
لانه يرى شيء غير منطقي
بس السؤال المنطقي هوي :
وين اهل هالبنات يلي بخلوهك يطلعوا هيك من بيوتهم ؟
طب يا سيدي ما شافوهم و همي طالعلين ما شافوهم وهمي داخلين ؟؟
بس تعليق ع الاخوة همي من اهل البلد وبنات البلد
وما اكترهم
وشوفوهم كيف بلبسوا على الجامعات
at 5:36 am - 30th September 2008 Permalink
مره كنت باحد المولات التجاريه بعمان فطالع على السلم الكهربائيففي شب جنبي بطلع لفوق ومركز تركيز شدييييييييييييييييييييييييييييييييييييييييييييد
انا اطلعت لفوق زيو اعرف سبب التركيز فكان في وحده باخر السلم الكهربائي ولابسه تنوره كتير طويله وكلشي تحت مبين فعرفت سبب التركيز
at 10:20 am - 11th October 2008 Permalink
at 11:50 am - 16th November 2008 Permalink
انا شب سوري وللاسف سوريا مو احسن بكتير ومثلا بباب توما بالشام هالمنظر صار كتير عادي
وما منحسن نقول الا الله يهدي البنات لانن هن اصل كل المشاكل و البلاوي(طبعا البنات الي ما بصونو حالن)
at 10:25 pm - 29th May 2009 Permalink
I just want to know leesh bt76oo al 3′l6 klo 3la albanat
ok al boys kman 3′l6anen
People Get It ana ma bdaf3 3n al girls
bs mo kl al3′l6 3leahm
أرسل تعليقاً