بدأت قصتي مع الفتاة بطلة قصتنا عندما قرأت ردها على إحدى المواضيع في المدونة, عندها قررت مراسلتها والإستماع لقصتها بالكامل ونشرها هنا, وعلى الرغم من إيماني الكامل بأن الحادث الذي تعرضت اليه السائحة هو حادث عرّضي وفردي, ولكن أردت إيصال قصتها للجميع.
قمت بإجراء التحقيق بالكامل مع الفتاة للوقوف على حيّثيات الموضوع, والتأكد من صحة القصة عبر الإطلاع على الوثائق التي تثبت صحّة القصة بالكامل..
أترككم مع القصة بالكامل, على أن يتم نشر نتائج التحقيق النهائي فوّر الإنتهاء ومعرفة الجناة.
انا فتاة أدعى (ر.ز) من عرب 48, أريد أن أطرح عليكم قصتي التي حدثت معي خلال زيارتي للأردن والحادث الذي تعرضت له.
حدثت قصتي في شهر تموز-2008, فقد تعوّدت أن أزور الأردن كلما سنحت لي الفرصة كوّني أعرفها جيداً وأعتبر الأردن بلد الأمن والأمان ولا أشعر بالخوف هناك.
و على الرغم من أنني اواجه عدداً لا بأس به من المضايقات والمعاكسات يومياً إلا أنني لا أهتم لهذا وأستمر برحلتي بشكل طبيعي جداً مع صديقاتي الذين يعتمدون عليّ لأخدهن الى المناطق السياحيه العديدة التي أعرفها داخل أو خارج عمان,لنسهر سوياً كوّني أعرف عمّان جيداً, وهذه ليست المرة الأولى التي أزور بها الأردن.
خلال زيارتي الأخيرة ,نزلت في فندق معروف يقع في شارع الجامعة الأردنية, وفي إحدى الليالي قررّت أنا وصديقاتي السهر في إحدى المقاهي المشهورة في منطقة الشميساني, وعندها قررنا أن نذهب الى الشميساني بالتكسي, وعندما خرجنا من الفندق كان هناك سيارة تكسي تقف على باب الفندق, فطلبنا منه أن يأخذنا هناك.
بالطريق, بدأ سائق التكسي بمعاكستي وتسميعي كلام غريب جداً لا معنى له وطول فتره الطريق, وبعدها طلب مني أن يكلمني بموضوع معيّن بعد أيصالنا الى مقصدنا,بالبداية قمت برفض طلبه, ولكنه ألحّ بطلبه عدّة مرّات الى أن وافقت أن أسمع له ولم يكن لديّ أدنى فكرة عمّا كان يوّد قوله لي.
المفاجئة التي إقشعر لها بدني عندما قرّرت سماع ما لديه بأنه عرض عليّ مبلغ كبير من المال مقابل الخروج معه, وعندها رفضت طلبه تماماً وقمت بشتمه والصراخ عليه,ومع ذلك ضل السائق ينتظرني على باب المقهى الى حين خروجي منه مع صديقاتي, وعندما رأيته تجاهلته وقمت بأخذ تكسي آخر الى الفندق.
ومع هذا,أستمر سائق التكسي بمتابعتي وملاحقتي أينما ذهبت بسبب معرفته مكان أقامتي بالفندق, وقد كرّر طلبه مرّات عدة وأنا أرفض دائماً وأقوم بالصراخ ولكن لا حياة لمن تنادي, الى أن لاحظت إدارة الفندق بأنّي متوترة كثيراً, عندها قاموا بسؤالى عمّا إذا كان هنالك من يضايقني؟ وعندها أجبت نعم, وأشرت الى سائق التكسي وشرحت لإدارة الفندق المشكلة بالتفصيل, وعندها قامت إدارة الفندق مشكورة بعمل اللازم مع سائق التكسي وتهديده بتقديم شكوى ضده للشرطة السياحية لكي يتوقف عن إزعاجي, وبعدها لم أعد أرى سائق التكسي نهائياً.
في اليوم الثاني, أوقفني موظف الأمن (السيكيوريتي)و قام بعرض مبلغ مالي كبير جداً مقابل الخروج مع شابين سعودييّن, وعندها رفضت الأمر تماماً وقمت بتركه والخروج من الفندق لشراء بعض الحاجيات من سوبر ماركت قريب من الفندق, ولكن المفاجئة كانت بأن موظف الأمن بدأ بملاحقتي وهو يلحُ على ماطلبه منّي من مطالب لا أخلاقية, فتضايقت لما كان يطلبه مني, فهل وصلت الأمور لدرّجة أن يتاجروا بالبنات من أجل أهداف قذرة جداً؟ وعندها طلبت منه تركي والرجوع للفندق والكف عن ملاحقتي, وعندها توقف ورجع الى الفندق.
بعدها إتصل بي أحد أقربائي بالأردن ليطمأن على أحوالي, فأجبته بأنني سعيدة وكل أموري جيدة, وبعدها أنهيت المكالمة وكانت الساعة تشير الى نحو التاسعة مساءً, عندها سمعت صوتاً يدوي فوق رأسي وعندما تلفت خلفي وجدت شابين, أحداهما مسكني من يدي والثاني شدني من ملابسي للمجئ معهم لمكان ما, عندها أحسست بالخوّف وبدأت بالصراخ ولكن لم يسمعني أحد, وعندما سألتهم عمّا يريدونه لم يجيبوا قط, فقط قالوا لي تعالي معنا, وعندها قاموا بسحبي تحت شجرة كبيرة هناك, وعندها بدأت أقاوّم بشدة وأصرخ فقاموا بضربي بسكينة ولم أشعر بمكان الطعنة من شدّة قوتها, وبعدها أحسست بشئ بارد ينزل من وجهي وعندما لمسته عرفت أنه نزيف من الدماء من خدي, وعندها بدأت بالبكاء متوسلةً منهم تركي وشأني, فردوا عليّ بأن لا أخاف لأنها ليست إصابة كبيرة وعرضوا علي معالجتي, وأنا أستمريت بالتوّسل لهم وطلب الرأفة, ولكن قلوبهم كانت ميّتة وبعدها قام أحدهم بوضع يده على فمي لإسكاتي وقام الآخر بتوجيه ضربة قوية الى بطني, بعدها إستملكت قواي وقمت بضرب أحدهم برجلي لكي يبعد السكينة عني, ولكن أنا بالنهاية بنت لا حوّل لي ولا قوة, فقلت لهم “أنا مثل أختكم إعملوا ما تشاؤون بي”, عندها مرّت سيارة بالصدفة وكأنهم لاحظوا بأن هنالك شئ غريب يحدث بالمنطقة مما دعا الشابيّن للهروب وتركي, عندها بدأت بالركض نحوّ الفندق حتى وصلت هناك مليئة بالدم.
قام الفندق بنقلي فوراً لمستشفى إبن الهيثم في شارع المدينة المنورة ولم يتركوني أبداً, وبعدها قرر الطبيب إخضاعي لعملية جراحية لترميم مكان الجرح في أسفل الخد, وبعدها قامت المستشفى بطلب الشرطة والبحث الجنائي وامن وشرطة السياحة وكأنها كارثة كبيرة, طبعا كوني أحمل جواز سفر إسرائيلي وكوني سائحة بالبلد اهتموا بالموضوع لحد كبير, وبعد تحقيق طويل قامت الشرطة بمراجعة وقت وجودي بالفندق وراجعوا كاميرات المراقبة التابعة للفندق, عندها لاحظوا موظف الأمن الذي يعمل هناك عندما كان يتحدث الى, وعندها بدئوا بإجراء تحقيقات مع أمن الفندق ليكتشفوا فيما بعد أن هنالك علاقة بين المتهمين وأمن الفندق, وعندها طلبوا الموظف للتحقيق معه وضربه ضرباً مبرحاً للأعتراف حيث أقر بأنه أعتقد بأنني “فتاة ليل” لذلك قام بعرض المبلغ المالي الكبير علي!!
ومازال البحث جارياً عن الشبيّن الذين قاموا بالإعتداء علي وضربي بالسكين الى الآن.
بعدها رجعت إلى بلدي وأنا أتابع مجرّيات التحقيق بعدما شرحت للشرطة مواصفات المعتدين التي أتذكرها, وقد وعدتني الشرطة أن يتابعوا موضوعي حتى النهاية, وأن يقوموا بإبلاغي بكل جديد.
وانا هنا وعبر موقعكم أود أن أتوجه بالشكر الى مستشفى إبن الهيثم وجميع الأطباء والممرضين وطاقم المستشفى والأمن والبحث الجنائي والشرطة السياحية وطاقم الفندق الذي أقمت به وجميع من وقف بجانبي بهذه المحنة.
وأنا أعتبر بأن هذه الحادثة عابرة ولا تمثل الأردن, وأتمنى أن لا تتكرر مرة أخرى, وأنا أعتبر الأردن بلدي الثاني وأحبه جداً, وأنا واثقة من قوة الأمن والحراسة في الأردن, وسأوافيكم بمجريات التحقيق النهائي فوّر تبليغي بأي جديد لقصتي, وأشكر لكم إصغائكم, ولكم مني جزيل الشكر على نشر قصتي بموقعكم .
on 
89 عدد التعليقات
at 12:49 am - 25th August 2008 Permalink
يا زلمة هاي قصة حقيقية؟؟؟؟؟ مش معقووووول!!! حسيت حالي بقرأ قصة فيلم “قريباً في دور العرض” ول ول ول لهون وصلت قلة الحيا عنا!!! أقسم بالله اشي بسم البدن! عندي إحساس بقولي إنو شفير التاكسي هو اللي بعت السعوديين أو بطريقة أخرى إلو دخل بالقصة!!!
الرجاء من عامر مراسلة الفتاة لمتابعة أحداث التحقيقات و تقولنا لما يمسكوهم! أخخخخخخخخ لو أقظبهم
at 12:54 am - 25th August 2008 Permalink
استفسارين للبنت:
لما كنتي رايحة عالسوبر ماركت و إجا الـ”أمن” وراكي ليش لما رجعتي عالفندق ما حكيتي للإدارة؟
برضو لما كنتي تحكي مع قريبك مش كنتي بالفندق ولا برا؟ إزا كنتي هناك كيف ما مريتو من الباب الرئيس؟
“وأنا أعتبر بأن هذه الحادثة عابرة ولا تمثل الأردن” شكراً جزيلاً على هذا التفهم
at 1:32 am - 25th August 2008 Permalink
رد لعمر انا كنت ناويه لما ارجع الدكانه احكي لاداره الفندق بس للاسف صار الي صار معي ما لحقت ارجع احكي مهي صارت بنفس الوقت تاني سؤال انه قرايبي اتصل فيي بعد ما تركني تاع الامن ورجع على الفندق يتابعشغله وانا لسه بجانب السوبر ماركت وانا من عادتي لما احكي تلفون بصير امشي من غي ما احس ومشيت يعني 20 متر لبعد الدكانه عند موقع الحادث وشكرا
at 2:38 am - 25th August 2008 Permalink
بتوقع لازمم من الاول كان تروحي تخبري الشرطة بالي عام يصير معاكي
سكوتك ع الي صار هو اليي كبر المشكلة ووصلها للدرجة هاظي
كان لازم شكيتي على شوفير التكسي من اول القظية ما تخليه يلاحقك هيك
لانه هو اكيد الو يد بالقصة
اكيد الي صار معاكي انه مش كل الاردن هيك والاردن بترحب فييكي دائما على ارضها
الحمدلله على السلامة اختي الكريمة
at 3:59 am - 25th August 2008 Permalink
Dear R.Z: Am sorry to hear about this
hopefully you are doing fine.
ASKAdenia BLOG
thanks for publishing this
at 4:40 am - 25th August 2008 Permalink
حقيقه انا لا اشك بهذه الروايه ابدا .. عمان لم تعد امنه كما كانت .. لا يجب عليك بحال من الاحوال التنقل وحيده داخل عمان او في الفنادق من دون مرافقه من احد اقاربك او اصدقائك .. حقيقه انا على اطلاع على ما يحدث لعرب اسرائيل في الاردن .. البنات يتعرضن للاعتداءات الجنسيه والشباب يتعرضون للاستغلال المادي .. الحمد لله على سلامتك واتمنى لك الشفاء العاجل
at 7:15 am - 25th August 2008 Permalink
له له له … والله الأمر مؤسف ومخجل.
الناس اللي زي هيك عن جد ما بتستحي … ما عندهمش إخوة هذول البجم!!
at 7:55 am - 25th August 2008 Permalink
isnt it wierd that they all offered large amounts of money? tab hay il sha3b ma3o yetsarma7, leih bidal yet2affaf
at 10:17 am - 25th August 2008 Permalink
للأسف رأيت بأم عيني أنا و أصدقائي مثل هذه المواقف, شوفيرية التكاسي عندما يرون فتاة تشبه فتاة ليل أو بها صفات معينة يتربصون بها و يقومون بتصرفات غير حضارية, احذروا ايتهن الفتيات من ركوب التكاسي خاصة بالليل, هذا الموضوع عام و ليس حالة خاصة….
ما سأقوله الآن سيزعج بعض القراء و لكن …. هذا كله بسبب التيار الاسلامي المتشدد, لقد تولد في الاردن مناخ منغلق و يعتبر كل مظاهر الانفتاح عيباً , هذا المناخ سيخلق ضغطاً و سينشأ عنه انفجار , التشدد و الكبت ليس حافظاً للأخلاق بل هو فتيل الرذيلة و الفساد الاجتماعي, و للأسف بدأ الشباب “ينفرون” من رجالات الدين لأن اجاباتهم لا توائم “متطلبات العصر”و لأن كل ما لديهم … ” هذا حرام و ما بيصير و لازم تعمل زي اهل البادية قبل 1000 سنة…. ور بي لحيتك حرام تحلقها …..الخ”..
ايها الشباب ازرعو في اطفال المستقبل بذرة الحضارة و الرقي … سيبكو من التشدد و الركض خلف العادات المتخلفة.
شكراً على المشاركة.
at 11:17 am - 25th August 2008 Permalink
الكل بحاول يحط الحق عالبنت مش عالشباب الهاملة هيك اتعودنا
at 12:28 pm - 25th August 2008 Permalink
بالطبع هذه التصرفات لا تنجم إلا عن شخصيات فردية مريضة ، لكن هناك سؤال للأخت r.z ألم تسألي نفسك، لماذا اعتبروك فتاة ليل ؟؟!! هل انتبهت الى طريقة سيرك؟ أو الى لبسك أنه اذا كان مناسب نوعاَ ما ؟ أنا أعرف الكثير من عرب ال48 وهناك من هم في غاية الاحترام و ملتزمين ومسؤولين أكثر من أهل الأردن، ولكن للأسف هناك هناك نسبة كبيرة منهم من يشوهون أن أصلهم فلسطيني بتصرفاتهم و طريقة كلامهم بل ويقولون أننا اسرائلييون !! هذه تساؤلاتي للأخت R.Z
أما بالنسبة لAmjad Mahfouz ،فأيضاً هناك ظاهرة جديدة، كل ما صار مشكلة بالبلد أو بالعالم بحطوها على الاسلام !!! ، فأسألتي للأخ الفاضل ..
1. هل تعتقد أن الأشخاص الذين اعتدوا على الاخت أشخاص ملتزمين دينياً ؟؟
2. هناك واحد من الحلين للمشكلة، فأيهما تختار ؟
أ. أن يقوم الشعب بالتجول بشكل عاري و بالتالي نتعود على المنظر
ب. أن يقوم الشعب بالتجول بشكل محترم للذات وللمجتمع
3. هل تشعر بالكبت عندما تذهب الى المولات وعبدون والصويفية وحتى الجامعة والمدارس ؟ اذا كان جوابك نعم فتخيّل أخي العزيز الوضع من غير هذا الكبت
at 12:35 pm - 25th August 2008 Permalink
she doesnt deserve this treatment!
but unfortunately this is what happens in amman, il nas ma 3and-ha akhla2 wala dameer, w muwazaf il security il 7aqeer beddo ate3 ra2abto 3ala haik jur2a w waqa7a w illet 7aya
menni menha wala b 7ayati barja3 3ala amman wala bad3as fiha marra tanye!
bel na2es 3an haik siya7a iza bedha tjeeb lal wa7ad il bahdaleh wel fdee7a w tshakkel khatar 3ala 7ayato
aslan rabna ra7amha inha ma3ha jawaz israeli te2dar tjeeb 7a2ha fi, law bent men il ordon wella men balad 3arabi kan ra7at 3alaiha
at 12:52 pm - 25th August 2008 Permalink
كان لازم تغير مظهرها ما دام جابلها المشاكل ، يعني لو لبستي شوي استر ما دامك لحالك ببلد ما بتعرفي فيها حدا ما كان فكروكي بنت ليك يعني كان حافطتي على حالك شوي اكتر .
سوري ما تزعلي مزبوط الدنيا مش امان بس يعني مش معقول كل الشباب فكروها بنت ليل عشان ولاشي سوري الا ما يكون في شي بتصرفها خلاهم يفكرو هيك والله يحميها
at 12:59 pm - 25th August 2008 Permalink
مش عارفة ليش الكل عم بعلق على موضوع اللبس, انا بنت بلبس لبس عادي جداً ومستر, لما كنت في عمان اخر مرا كتير كانو شباب يزتو حكي علي ويسمعوني حكي مالو طعمي بس لاني بنت
الموضوع مش موضوع انه لبس مش منيح او هيك
في شباب كتار عنا للاسف ما بخلو بنت بحالها حتى لو كانت محجبة بضلو يزتو حكي
فما بالك لو بنت كانت نازلة بفندق لحالها
انا متاكده انوو السكورتي وشوفير التاكسي الهم علاقه بالي صار مع السائحة هاي
البي معاكي حبيبتي لا تسمعي للحكي هاد اكيد ما بعمم ع كل الشباب الي عنا , بس الي ماعندهم اخلاء كتار هالايام وبفكرو كل بنات الناس بنات شوارع
حمدلله على سلامتك
at 3:35 pm - 25th August 2008 Permalink
اختي ربنا يكون بعونك وانا ما بهون باللي صار معك
بس انا مستغربه…يعني في اشي غلط اوحى لكل هدول الرجال انهم يتحركشو فيكي و انهم يعرضو عليكي هيك اشي….انا اسفه بس ممكن طريقه لبسك مثلا اوحتلهم بانك لا سمح الله بنت مش منيحه
انا اسفه وانا ما بتهمك باشي بس في شي غريب لانه القصه تكررت معك مع اكتر من شخص
يعني احنا بنات وبنعرف ان البنت فيها تفتح مجال لشب مش بس بكلمه, بنظره حتى وفيها انها تخليه ما يرفع عينه عن الارض بس تمر
راجعي نفسك وتصرفاتك واعتقد هون بكمن اللغز
ومره تانيه اسفه كتير عاللي صار معك وان شاء الله ما يصير مع حد تاني متل هالشي
at 3:44 pm - 25th August 2008 Permalink
شكرا الك نورا انك متفهمي اموري وشكرا للكل وبعذر كل واحد علق على موضوعي بس عفوا ما حدا بعرف الظروف الي عملت فيي هيك انا مش بنت ليل ان بنت عالم وناس ومتعلمه وفهمانه ومش ناقصني شي وانا مش اول مره بزيارتي للاردن صحيح الاقي معاكسات بس تمضي على خير وانالو بدي اشتكي للشرطه عن كل واحد بعاكسني ما بخلص مشان هيك بضلني ساكته وطبعا لو انا بعرف شو كان رح يصيرلي كان اكيد اشتكيت عليه للشرطه صدقوني انا مالي ذنب بلي صارلي ولا بعرفهن وبالنسبه للبس انا بلبس هيك طول عمري وفري بلبسي صحيح ومش اول وحده انا بلبس هيك ومليان متلي لوكل بنت واجهت زي ما صارلي كان خربت الدنيا بس انا حظي كان سيء للاسف
at 3:52 pm - 25th August 2008 Permalink
يعني مهما كان لبس البنت مافي مبرر بعطي لاي حد بالدنيا يعمل زي هيك فيها ابدا
موضوع المعاكسات هاد مرض عنا بس بضل بسيط كتير مقارنة مع اي شي تاني
بس انه نبرر الي صار لانه لبسها كان فري هاد اسمو عدم فهم بجد
مش معقول نعطي شوية هالزعران مبرر على الي عملوه لانو هي لابسة لبس معين
اصحو يا عالم
حبيبتي انا معاكي وحئك ان شالله رح يرجعك وبتضل الاردن امينة ولو فيها هالاشكال هاي والتفكير الغريب كمان
at 4:02 pm - 25th August 2008 Permalink
ya3ne halla bedo yetla3 el 7a2 3al benet bel 6ool wella bel 3ard ?
ya a5e elle bedo yes-har howweh 7or,yes-har,wella bedha tetla3 bel lail tetla3 heyyeh 7orra
talama la jayyeen b7ada wala m5alfeen el qanoon w zayhom zay hal nas !!! ya rait yemsekoohom w ysharshe7oohom.
bas laish ma sme3na 3an hal 2essa bel jarayed men abel.? yalla next time be more careful !
at 4:11 pm - 25th August 2008 Permalink
بحب ارد على الاخ braveheart هني كان يلفو وراي من شي اسبوع ويعرضو علي اشياء تافهه وانا كنت اشتكيت على شوفير التاكسي لشرطة الفندق انا بمشي طبعي بس هني الشباب نفسيتهن مش طبيعيه انا لا انكر اصلي الفلسطيني ولا بغير كلامي ومهما لبست هيك انا الحمد لله ما بمشي غلط وما منعتر حالنا اسرائيليين بالعكس احنا اكتر ناس عنا انتماء لفلسطين بس للاسف ما حدا فاهم شو احنا الا اذا عرفنا عن قرب كتير ناس فهمتنا بعد ما اتعرفو علينا عن قرب وعرفو شو هني عرب ال 48 بعدين انا شفت اغلب الشباب بعاكسو وبطلعو كتير وما بتركو بنت بحالها بصراحه بالاردن بعملو حالهن اسلام وبفكرو انه اذا البنت اجت من 48 بفكروها بنت ليل هاد الي انا استنتجته من شباب الاردن وبحب احيكلك الي ساوموني طلعو فلسطنيه وهاي اكبر جريمه بالنسبه الي
at 4:20 pm - 25th August 2008 Permalink
بالسنبه للاخ ناصر مزبوط كلامك انه كل واحد حر وين يروح ويجي بس انه بحب احيكلك اغلب الناس بالاردن مش فاضيه تمسك جرايد وتقرأ مع انهن كتبو عن الموضوع بس كتبو فتاه من عرب اسرائيل بس اذا انتي ما مسكت جريده ؟ مشكلة مين بتكون بعدين هني قصدو انهن يتسطروا وما يحكو بالتفصل عن الموضوع لاشياء هني اعرف فيها منك انا بعرفها والسبب انا بعرفه فقط
at 4:21 pm - 25th August 2008 Permalink
r.z… حكيتي إنو الفندق بشارع الجامعة، و كلنا بنعرف إنو شارع الجامعة 24/7 ملان عالم وناس و ما بفضى! كيف كانت الساعة 9 وما كان في حدا جنبك خصوصا إنك حكيتيلي ما بعدتي عن السوبرماركت 20 متر!!
أنا بصراحة مو مقتنع بموضوع اللبس إنو “فري” شو فري هاي! لما إجو بدهم ينزلوا قانون تاع الخصر الساحل للشباب البنات فاعوا و انبسطوا إنو آه لازم و شو هال”أرف” هاد اللي بعملوا الشباب! مش إحنا برضو “فري”؟؟؟ لأ طبعاً ما حدا فري بلبسه غير بالبيت، و الكل”شباب وبنات” لما بدو يطلع من البيت بتنتهي ال”فري” تاعتو، لأنو في ناس مش مجبرة تشوف مناظر ما بدها تشوفها! يعني بصراحة لما تكون البنت لابسه low waist with a thung مبين من 100 متر في ناس ملتزمة وما بدها هيك مناظر!
ما عم بحكي عن حدا معين باللبس اللي وصفته بس عشان أوصل فكرة عن الفري, و آسف عالإطالة
at 4:34 pm - 25th August 2008 Permalink
بدي أحكي للسيد أمجد محفوظ:
ما شاء الله مبين عليك مثقف كثيييير بالدين الإسلامي… انتا بتحكي هاد كلو بسبب التيار المتشدد، حدا منهم مسكك من رقبتك و قلك ما تتطلع عالبنات؟ حدا منهم مسك بنت بالشارع بتمشي مثل رقاصة و حكالها لا تمشي هيك أو لا تلبسي هيك؟ طبعا في أمر بالمعروف و نهي عن المنكر بس اللي بفهم بالدين بعرف إنو الواحد ما بصير يحكي مع بنت خصوصاً إذا مافي بينهم قرابة أو في محرم… بقولك إذا الواحد بحفظ بنات قرآن لازم يكون في محرم نم أهلهم إذا البنات بسن المراهقة!!
فحضرتك سامع واحد هو التاني سامع سمع بالدين رحت عممت عالدين كله! رجاء ما تفتي عالدين لأنه الإسلام هو أكثر دين كرم المرأة وحفظ عفتها!!
“ايها الشباب ازرعو في اطفال المستقبل بذرة الحضارة و الرقي … سيبكو من التشدد و الركض خلف العادات المتخلفة”
عادات متخلفة يا مسلم؟؟؟ تقاليد الإسلام صار عادات متخلفة؟؟؟ يعني مش معقول! هسا انتا بترضى لحدا من أهلك أو قرايبك من الفتيات يطلعوا على حل شعرهم؟؟؟ لابسات اللي بدهم يا؟؟ ولا بتقلب أبو عرب عليهم؟؟ أما بنات العالم عادي بصير إسمو “انفتاح على الحضارة”
الله يهدينا و يهديك.
at 4:34 pm - 25th August 2008 Permalink
walla she bewagef sha3ar el ras … ma ba3raf walla ya okhte hadol law 3endhom, shwayet sharaf ma kano 3emlo haik … 3amer my bro thanks la2enak tara7et hal mawdo3 la2no mawdo3 7assas jeddan …. w ana men jehhate ya okht r.z law be 2aya she ba2dar asa3et ana jahez just tell amer w hoi be3raf keef yewsalee … anyways 7amdella 3al salameh w enshalla ma bten3ad ….
w my brother el commenters el shuj3an … ma fe da3ee ne3tered 3ala kol she la mojarad el e3terda
B.REgards
Bashar Barakat
at 5:11 pm - 25th August 2008 Permalink
رد لعمر صحيح الفندق بشارع الجامعه وفعلا كانت موقع الجريمه بعد السوبر ماركت ب 20 متير وكان المكان معتم جدا وكان الشارع مليان سيارات ومسرعه وما حدا فاضي يتطلع شمال ويمين من حركة السير وانا ذكرت انهن جروني لتحت شجره كبيره وروح عندها الشجره بنفس الوقت وشوف كيف بكون ردة فعل الناس وبعدين كلها على بعض المساله ما اجت على بعضها 10 دقايق من مقاومه وضربة سكينه لحتى ينتبهو السيارات المسرعه وشكرا للتعليق
at 5:20 pm - 25th August 2008 Permalink
الى الاخ بشار اكيد ما عندهن شرف زي ما حكيت ولا ذره من خوف ربنا شكرا الك كتير لوقفك هاد واكيد في متلك كتير متفهمه الظروف الي مريت فيها وانشالله رح نوصل لاشياء جديده بالتحقيق ورح توصل الشرطه للمتهمين وعامر رح يكون على اي اطلاع بحادثتي وسوف يخبركم كل شي وبالتفصيل وكل شيء جديد اشكرك مره تانيه لاهتمامك بمساعدتي وانا انشالله راجعه الاردن قريبا لمتابعة قضيتي لانه شغالين فيها وهني على اتصال معي دائما على كل شي جديد بحدث ورح نوصل للمجرمين
at 5:27 pm - 25th August 2008 Permalink
بحب احكي للجميع مهما صار ومهما لبست ومهما طلعت او روحت بالسنبه للمجرمين هني مالهم عندي شي حتى لو كنت شو ما كنت لو هني بدهن يصلحو الكون بكونو غلطانين بس الي صار معي مش حادث عابر بالصدفه كان مقصود الحادث لانه كانو يسوامو فيي لشابين سعوديين ودفعو مبلغ كبير ولاني رفضت واتشكيت على شوفير التاكسي وانا متاكده انه شوفير التاكسي الو ضلع بالموضوع لانه الشب تاع امن الفندق عرض علي نفس المبلغ وشوفير التاكسي بشتغل وبوقف امام باب الفندق واكيد متفقين التنين علي ومش من اول يوم خططو لقتلي الحادث صار بعد اسبوع يعني ماشيين وراي ومتبعين وين بروح وعرفو وينتا وكيف يعتدو علي مش مجرد انا طالعه لحالي الساعه 9 او انه لابسه شي مغري انهن يعملو هيك لانه انا مش اول مره بالاردن ومش اول مره بطلع لحالي ارجو منكم تفهمي وشكرا
at 5:38 pm - 25th August 2008 Permalink
لو انا اي حيوان ماشي بالشارع بضربوه سكينه او بعذبوه هيك؟؟؟
at 6:08 pm - 25th August 2008 Permalink
dear r.z
hada mesh wajeb wala she .. bas ana sm3et aktar men qessa w aktar ma3 shaghleh sarooo ma3 banat ba3rafhom … meshan haik ana fe3lan mesh bas kalam walaken am readdy for any help any time ….
Best Regards …
And Amer 3alarasii
at 6:58 pm - 25th August 2008 Permalink
الى r.z :
لا يوجد أحد ممن رد قال بأن الذين اعتدوا عليكي معهم حق لا سمح الله بل لو كان الأمر بإيدي لأمرت بجلدهم أو قطع يدهم أو نفيهم من البلد.
و الكل منّا قد تأتيه ظروف قد يضطر إلى أن يذهب ليقضي حاجة معينة لوحده، ولكن كان المطلوب منك أن تأخذي الحيطة حتى تتجنبي الفكرة السوداء ، و هذا لصالحك لا أكثر .
المشكلة التي الكثير لا يفهمها و قد ذكرها قبلي (عمر) أنه علينا أن نحترم المجتمع الذي نعيش فيه وخصوصاً بالظاهر، فمثلاً من غير اللائق أن ندخل بلبس السباحة إلى مكان عبادة (بحجة الحرية) كما لا يمكن أن ندخل بلبس العبادة الى نادي ليلي (بنفس الحجة) ومن يفعل ذلك عليه ان يتحمل النتائج (والكلام لجميع الناس والبنات خصوصاً)
المجتمع هنا مليء بالنفوس المريضة وهذه النفوس تكثر بفترة الليل (حيث يقل عدد دوريات الشرطة) و الحمد لله أنك لم تتعرّضي لأكثر من الضرب من هؤلاء الحقراء.
الخلاصة من قولي :
1. ليس هناك مبرر للجريمة التي حصلت و أنا لو مكانك كان طالبت بتعويض مالي منهم كلهم
2. احترام المجتع، أي الاجانب بحترمونا لمّا ييجو عنّا باللبس وغيرو ، واحنا العرب مش عارفين نحترم بعض؟!!
3. الاحتياط ، لا أحد يضع صندوق مجوهراته بالشارع، فكيف بما هو أغلى من ذلك ؟
at 7:49 pm - 25th August 2008 Permalink
It sounds to me like the hotel security guy knows exactly who the 2 guys were.
Also it’s a big coincidence that he was offering money on behalf of “two guys” also.
Finally whether the 2 guys he was offering money on behalf of, and the 2 assailants are the same people or not, the security guy should be arrested anyway as prostitution is still illegal, and he was offering RZ money to perform an illegal act. At the very least he should be fired by the hotel.
Unfortunately the reality is that the security guy is very likely to be complicit in the whole affair, and that the hotel management doesn’t care at all because many of their clientelle probably expect the hotel to provide this type of illegal service (namely pimping).
Finally, I’d recommend to RZ, immediately asking a cab driver to stop the cab and get out if he starts flirting with her, then file a complaint with the police to at the very least (if she doesn’t care) prevent this from happening to other women. As opposed to staying in the cab and then actually waiting to hear what he had to say.
at 7:50 pm - 25th August 2008 Permalink
and why didn’t you name the hotel!
at 8:54 pm - 25th August 2008 Permalink
“”"”"يا ايها الذين امنوا اذا جاءكم فاسق بنبا فتبينوا قبل ان تصيبوا قوما بجهاله وتصبحوا على ما فعلتم نادمين”"”"/// انا ما بدي ادافع عن الجهه الاخرى ولكن اللي بنشوفه من البنات هالايام بقوم اللي ما بيقوم فشكلك انتي حلوة ومزيونة وبتلبسي ملابس مغرية وفعلا نفسي اشوف صورتك مشان نحكم فقد يكون كذلك انك بشعة ومش حلوة بس حابة تلفتي الانظار/ على كل حال انتي حكيت انهم مش رايحين يعكسوا صورة الاردنية وهو عمل فردي / ويمكن يكونوا من جنسيات اخرى / لان الاردن صارت تلم مين ما هب ودب / فتزعليش على
at 9:05 pm - 25th August 2008 Permalink
مهو انا والله ما كنت اتوقع انهن يدبرون لي مؤامره وطبعا لكل مكان له لبس معين وطبعا انا تعلمت درسا لن انساه والواحد بتعلم من غلطه وانا ارجع واكرر انا كنت مقصوده وساوموني اكتر من مره ولما لم يستطيعو اقناعي وجدو الحل هو القتل هني كانو قاصدين قتلي مشان ما احكي لحدا والله نجيت من الموت المساله يا جماعه مش لبس ولا خروج بالليل المساله هي انتقام من شوفير التاكسي لاني اشتكيت عليه وانا متاكده وهني عصابه مع بعض ولي عوده للاردن قريبا وانشالله رح اتابع معكم القضيه ومجرياتها وارد عليكم اول بأول كان ردي للاخ braveheart وانشالله يا بشار لن تتكرر مثل هذه الجريمه وسيكون البلد امنه اكثر وشكرا للجميع
at 9:11 pm - 25th August 2008 Permalink
كان من المفروض أن يبقين صديقاتك معك عندما تعرضت للمعاكسة والمضايقة ولا يتركوكِ لوحدك أبداً حتى آخر لحظة …
شيء مؤلم أن يكون الوضع في الأردن لم يعد آمناً …
at 11:27 pm - 25th August 2008 Permalink
صح لسانك يا braveheart كل اللي حكيتو صح إلا النقطة الأولى اسمحلي أنا بعارضك فيها، لأنو الشرف مش قصة تعويض مالي!! هاد شرف! ممكن تحمل تكاليف العلاج مش أكتر، أما الواحد ياخد مصاري بدل مسألة اعتداء جنسي فالحكي مش مزبوط… زي الملاعين الأجانب إزا واحد بعتدي عليها بتروح تشتري شرفها بالمحكمة تحت مسمى ” نفسية و ثقة بالنفس” لأ مش هيك الموضوع بالمصاري
و إلى ر.ز: يالله الحمد لله اللي صارت على هيك برضه عشان الواحد بتعلم من غلطه،، أو مش من غلطة زي حالتك هاد موقف مش أكتر.. فالواحد يدير باله في المرات الجاي، مع تأكيدي على موضوع اللبس لأنه 95% من المعاكسات بكون سببها لبس الفتاة نفسها!
نقطة أخيرة: خطر على بالي مثل بقول: اللي بدلل على بضاعته ببخسها…
at 12:21 am - 26th August 2008 Permalink
كل ما اقرأ القصه بحس ان كان في مخارج كتيره كنتي بتقدري تحطي حد عندها..بس انت ضليتي تماطلي وما اخدتي موقف جدي وصارم يخليهم يفهمو ان الموضوع مدايقك بشكل جدي
الله لا يحط حد بموقفك بس من وجهه نظري انتي كنتي بتقدري تنهيه من سياره التكسي ومان لازم تمسحي الارض بالسائق ومش انك تطنشيه و خلص و تنزلي فورا من التكسي وما تكملي معه بس سكوتك خلاه يتمادا
في ناس مش مناح وانا بعرف هالشي و بنسمع قصص غريبه عجيبه ….بس برضه انا مع ان البنت بتحدد الاسلوب و الطريقه اللي بيتعامل فيها الشب معها
at 1:08 am - 26th August 2008 Permalink
منى مهو انا طلبت من صاحباتي انهن يبقو معي لاشوف شو بدو هو حكاي خليهن ينزلو انا طلبت منهن يبقو حد التاكسي مشان اشوف شو بدو ومجرد ما حكالي هيك انا نزلت فورا ما ضليت وما رديت عليه
at 1:37 am - 26th August 2008 Permalink
الى الاخ whisper77 انا ما ضليت اماطل بالموضوع انتو مش عارفين شو يعني انا بنت عربيه شو سمعة البنت العربيه ااذ عملت شوشره يعني انا ما بدي الفت انتباه العالم للي بصير معي لانه بالاخر ما رح يحكو اني منيحه رح يحكو ابصر شو عامله تنو صاير معي هيك بالاخير انا راجعه بلدي ليش اعمل شوشره وانا مستغنيه عنهابعدين انا حطيت حد لشوفير التاكسي لشرطة الفندق وشوف شو صارلي بعد ما حطيت حد انتقم مني بطريقه وحشيه
والله انا ما حبيت الي صار معي بس شو بدي اعمل يعني ما سمحتله اشتكيت عليه
at 1:40 am - 26th August 2008 Permalink
كمان انا مين حكالك ما بهدلته كان كل ما اشوفو بره الفندق يسالني تاكسي بدك احيكله لا ^
ما بدي واروح اخد تاكسي تاني غيره هو يلحقني حتى والله في مره واحد بشتغل بالفندق شافني مكركبه بحكيلي مالك مش عى بعضك حكيتله في شوفير تاكسي بضايقني وهو هاد اشتكى عليه لمدير امن الفندق ومن وقتها صرت اطلب من الشب هاد يوقفلي تاكسي بره الفندق
at 5:10 am - 26th August 2008 Permalink
بجد sorry عشان دة حصل هنا بجد جسمى اشعر و خفت و انا اتمنى انك تكونى كويسة و ربنا يشفكى و تنسى المموضوع يرات فعلا تنسى عشان تعرفى تكملى حياتك دة انا لما بشوف واحد ماشى فى الشارع وبحس انة مش كويس بكون هموت من الخوف ما بالك انتى حصل معاكى كدة اكيد كان شعور صعب ربنا معاكى باى
at 7:36 am - 26th August 2008 Permalink
والله يا عامر ضربت معلم الموضع هذا كمان موضعين زي هيك ومدونه في علالي .
بنسبه لا اخت الكريمه فا اقول لها لا يوجد دخان من غير نار ولا اسططيع الحكم في مثلا هكذا قضيه لسباب واحد وهوا اننا نستمع من طرف واحد وكما تعلمين قصة القاضي الذي جاءه شخص وقد أصيبت عينه ، فطلب الحضور من القاضي الحكم في القضية لأنها واضحه ، ولكن القاضي كان حكيما ، وطلب حضور الطرف الآخر في القضية ، فعندما حضر وجد أنه فقد كلتا عينيه
فأقول من الصعب الحكم على الأمور مع سماع طرف واحد من القضية ، أنت تفضلتي بأنكي رفعت قضية ، فلننتظر حتى ظهور الحكم ، وبعد الحكم تفضلي بطرح القضية كاملة وسيكون معك كل الحق
at 10:06 am - 26th August 2008 Permalink
شكرا زينه وانشالله ما بتشوفي الي انا شفته اما انتي يا جنرال كلامك مش مفهوم بالمره ولا تحكم علي من غير ما تعرف الحقيقه انا حكيت مليون مره السبب انهن هني سافلين واطين يمكن الدافع غريزتهن البشعه او يمكن تكون الفلوس وسبحان الله انا الي جيت قدامهن يمكن تكون اي بنت بالدنيا ب حظي انا الي اجا معي هيك وانشالله رح تظهر كل الحقيقه ورح ارجع من الاردن ومعي الحقيقه كامله انا بعتر ف انه القصه لسه فيها غموض انا نفسي مش عارفه ليش هيك عملو معي رح يبان الحق انشالله
at 5:06 pm - 26th August 2008 Permalink
رد بسيط على الأخ عمر ،
بالنسبةللتعويض المالي (النقطة التي خالفتني فيها) أن المعتدين و رجل الأمن من الواضح ان كل هدفهم كان المال لا غير ، لذلك أنا أقترح بأخذ منهم مبتغاهم (ومبلغ ليس ضئيل) لأنه بصراحة الحبس لا يؤدب أمثال هؤلاء لكن أخذ منهم ما يفعلون المستحيل من أجله قد يؤذيهم بالفعل . هذا كان قصدي من النقطة
at 7:05 pm - 26th August 2008 Permalink
braveheart:
لأ يا زلمة المعتدين ما بدهم مصاري، بدهم البنت نفسها بس الأمن تاع الفندق يمكن حطو بإيدو شويت مصاري عشان يحاول يجيبلهم البنت، ولا همه بالأصل بدهم يدفعوا مش يوخدوا!! بتقوللك سعوديين هدول بدهم مصاري؟؟؟ اللي جايين ورا هيك قصص من السعودية بكون حساب الواحد فيهم من 7 أصفار!!! بروحوا مصفرين
على فكرة يمكن أنا فاهمك غلط و احنا بنطلع بنحكي بنفس الجهة، فاعذرني
at 9:01 pm - 26th August 2008 Permalink
عمر:
ردت علي r.z وقالت “وبحب احيكلك الي ساوموني طلعو فلسطنيه وهاي اكبر جريمه بالنسبه الي”
وبالنسبة لي ما أتصوّر أنه السعوديين يحملون أسلحة أو سكاكين من أجل شهوتهم، فبكل بساطة ممكن يرتادوا لأي نادي ليلي (كما تجري العادة) -بالنهاية هي التي تعرف-
لذا بتصوّري أن الشابين كانوا هدفهم أن يجرّوا المسكينة للسعوديين (أو الخليجيين) مقابل مبلغ و عندما يأسوا منها قاموا بضربها.
لكن الأهم من ذلك أنّها بخير و أيضاً أنّها قد تعلمت من أخطائها و أرجو منها أن تعّلم غيرها من الصبايا تجربتها
at 9:51 pm - 26th August 2008 Permalink
بالفعل هني دفعولي مصاري ما اخدو شي مني كمان هني مش من نفس اليوم عرضو علي هاد الشي هني من اسبوع حكولي وانا كنت ارفض وشوفير التاكسي وتاع امن الفندق دفعولي نفس المبلغ بالمناسبه جديد عرفت من النقيب الي كان يحقق معي انه تاع امن الفندق بسجن الجويده هاي اخر اخبار قضيتي والحبل جرار كمان بدي احيكلكو اشي انه انا لما بعتولي وقت مسكو تاع الامن طلبت منه يجيب الشابين السعوديين يوجهني فيهن قدام النقيب وهو حكالي ضيعت رقمهن شو بتفسرو هاد الشي
at 1:00 am - 27th August 2008 Permalink
اكيد اللبس ما كان حضاري ومن ضمن عاداتنا وتقاليدنا ولا مستحيل تتعرض لكل هالمضايقات الي تعرضتلها وفي مثل بيقول لا تنام بين القبور ولا تحلم احلام مزعجة لو البس كان معقول ما كان حدا تجرأ انو يتعرضلك نهائيا
at 9:11 am - 27th August 2008 Permalink
لالردن اولا انتي كلامك غلط لانه مش اول مره بكون وحده بتبلس زي ما انا لابسه واذا لبسي مغري زي ما بتحكي ليش بس هادول الي اتعرضولي ليش باقي الناس ما اتعضرتلي والبنات الي بعمان ليش ما بعرضولن بلبسو اكتر مني وانا شفتهن وبورحو مكان مشتبهه كتيره انتي ما قرات ردودي مشان هيك افهم واقرا بعدين علق على الموضوع
at 1:17 pm - 27th August 2008 Permalink
sorry 4 that bt may ur clthes style coz that bcoz its not just one theres 3 or 4 accidant just with u…and i think its not appropirate tp put isreal flag and to be proud that u hav israaeli passport…!!! wut ever sorry 4 wut happend 2 u
at 2:38 pm - 27th August 2008 Permalink
معلش يا واحد لما بتعرف تكتب انجليزي اظن تحكي عربي احسن لانها لغتك واضح انك بتحكيها غصب عنك عيد التعليق بلغة احسن من هيك مشان افهم عليك اعتبرني ما بفهم يااخي
at 5:48 pm - 27th August 2008 Permalink
ليش ماحطيت تعليقي يا مشرف ؟!!!
ولا مش عاجبك كلامي ؟؟!!
هاي القصة مبتكرة وبعتبرها نوع من التطبيع لانه علم إسرائيل برفرف في هدا الموقع !!!
جننتونا في هالقصة الطرمة كأنه ما حدا عنده مشاكل الا هالبنت عاد !!
بتحداك وبتحدا البنت اللي جاي تشطح لحالها في عمان انها تكون ملتزمة لانه في كتير بنات في عمان مش ملتزمات في اللبس المحتشم !! بس هاي البنت بين قوسين لانها جاي تسرح فينا في هالقصة هدا ازا كانت القصة صحيحة أصلا !!
ولو سمحت حط تعليقي وسكر الموضوع بعد تعليقي لانه بحكي معكم عن خبرة وانا لافف نص الدنيا وما بحب حد يستهبل علي .
ولعلمك انا فلسطيني اردني وازا مش عاجبها عمان تروح تلعب بعيد !!!
at 7:45 pm - 27th August 2008 Permalink
عزيزي JORSTINE…
سياسة نشر التعليقات واضحة في الموقع
أنت تعرف سبب عدم نشر تعليقك… وعلى كل حال, أي رد محترم خالي من الأهانة ينشر بغض النظر أن أعجبني أم لا, والآراء السابقة أكبر دليل على ذلك.
على كل حال, وافقت على نشر ردك, ولكن أرجو الألتزام بسياسة النشر العامة في الموقع ليبقى مرحباً بك بيننا عزيزي الكريم..
تحياتي
at 9:00 pm - 27th August 2008 Permalink
اول شي لا تعمل حالك شريف مكه يا استاذJORSTINE عيب عليك تحكي هاي البنت بين قوسين انتي وانا مش جاي اتسرمح لحالي ذكرت انه كانو معي صاحباتي واذا انتي مش مصدق القصه روح اسال بالبحث الجنائي بالعبلدلي هاي القصه قدامك انسخها وخدها معاك وكمان الكل علق باحترام وكان في نقاشورد متبادل مش زي ماانتي جاي حامل السلم بالعرض وشو جابرك تعلق ومش مصدق القصه واذا هي قصه طرمه ليش بتفوت تقراها انتي مش مسؤؤل شو بدنا ننشر وشو نعلق بس القصه مافيها تطبيع زي ما بتحكي معلش افهم الاول بعدين فوت احكي بلاش تحكي حكي اكبر منك وانا وعدتكو اجيب الدليل عن قريب بالنهايه بحكيلك احترم لسانك شوي
at 10:46 pm - 27th August 2008 Permalink
انا اسفه كتير…بس زهقت من الموضوع..كيف بقدر الغي انه يوصلني اي رد على هاد الموضوع
at 11:10 pm - 27th August 2008 Permalink
عزيزتي,
لقد تم الغاء إشتراكك بالتعليقات الجديدة…
تحياتي
at 5:27 pm - 28th August 2008 Permalink
الموضوع اخد اكتر من قيمتو
هاد الموضوع ممكن يصير بكل البلدان
at 8:42 pm - 28th August 2008 Permalink
اخت مزهره شو زاعجك بالموضوع اذا اخد اكتر من قيمته ولو انه مش مهم ما كان اخد متل هاي الاهميه ولما مش عاجبك لاتعلقي فيه ولا تدخليه عليه نقظه سطر جديد الي عنده تعليق عادي بخصوص المشكله يكتب والي ما عنده ما يشارك وانتهت المشكله شكرا
at 11:38 pm - 28th August 2008 Permalink
الأخ الفهلوي الفلسطيني الأردني اللي بحكي من السعودية!!! ايش ما كانت جنسيتك!!! جد المصاري بتخلي الواحد يبطل يفكر!! يا زلمة شو دخل التطبيع بالموضوع؟؟؟ بما إنك فلسطيني المفروض بتعرف إنو كل عرب 48 معهم جواز سفر اسرائبلي!!! لفت انتباهي تعليقك شو ينم عن حذاقة فائقة الجودة يا سندباد يللي لفيت نص بلاد العالم!!! مستغرب ليش علم اسرائيل طالع عند تعليقات ر.ز؟؟؟ هاد يا سيدي ما حدا بحدد العلم هاد لا عامر ولا ر.ز ولا أنا ولا انتا! زي ما انتا شايف إنو بطلع معلومات جنب التعليقات عن البرمجيات المستخدمة، و العلم هاد بنجاب من ال ISP: internet service provider الواحد بستعملوا! يعني أنا أورانج لحالو بعرف إنو هاد أورانج الأردن و بطلع العلم! سبحان الله!!! technology
at 11:56 am - 29th August 2008 Permalink
الى braveheart بحب اوضح للجميع ايضا للعلم انا ما بروح نوادي ليليه بالاردن ولكن الشابين السعوديين شافوني بعرس كان بنفس الفندق الي اقيم فيه ومن هون بدأؤو ملاحقتي وعرض علي ما ذكر وانا من ناحيتي انبه كل بنت ممكن ان تكون معرضه لمثل حادثتي وهذا درس للجميع
at 7:07 pm - 29th August 2008 Permalink
السلااام عليكم ورحمة الله وبركاته وبعد
الانسان يعبر عن ذاته ولا يعبر عن بلد كامل لذالك فان ماقام به الشابان غير حضاري والمشاكل في كل بلد ولاكن المهم في الامر انه لايحمل شاب من اي بلد عربي اذا كانت صفاته سيئه فانها تنسب اليه شخصين وليس لبلده
وشكرا لكم وتقبلو مروري
at 2:35 am - 30th August 2008 Permalink
يعني بجد قصه غريبة.. والجماعه اللي بتحكوا عن اللبس انا ولله الحمد محجبه حجاب كامل مش نص نص وبرضو بالاردن كنت اتعرض لمواقف طبعا اكيد مش بحجم هالموقف او بالاحرى هالجريمة بس اللي بدي احكيه انو كتير من الشباب عنا بالاردن للاسف بعكسوا صورة الانسان اللي امحركتوا غريزتو وبس ناس فاضيه ماوراها اشي غير اتلطش البنات الرايحه والجاي..
والاخت ر.ز بجد الله يعينك ع اللي صارلك ورح اضل امتابعه قصتك للاخر لاني بجد بدعيلك من قلبي يمسكوهم وياخدوا حقك منهم..
at 2:40 am - 30th August 2008 Permalink
ردي مختص للاخ JORSTINE والاخ عمر بعد دخولي بالصدفه للمدونه بحب اعلق الاخ عمر معلوماتك اسمحلي ضحلي ببرمجة الويب تماما واتوقع انت الفهلوي مش الاخ الثاني وقد يكون هذا سببه استخدامك سكربت جاهز مجرد تنصيب فصاحب موقع بتقدر يا محترم بكل بساطه الغاء علم اسرائيل وال title الخاص فيه بكل سهولة وهذا الي مسوينه كل المواقع العربية باستبدال العلم بعلم فلسطين ( اي صورة العلم ) و Title بجملة ” الجزء المحتل من فلسطين ” الاسم بتلاقيه اما بداخل Array او مخزن ببقاعدة البيانات او بلملف ال lang الخاص بالسكربت ما بيطلع عن الثلاث هذولا ومجرد ربط رقم الايبي بالصورة وال title بيطلع الي حاطه انت كان نفسي تقول ما بعرف صراحه كيف بيلتغي العلم او يتغير احسن من انك إدافع عن جهل ولي موقعك الكريم بيعتبر من قله بتسخدم العلم والتطبيع المطلق … على العموم ردي قد لا ينشر بس على الاقل بيكون وصلك عشان تعرف انو في ناس ممكن تتصفح وتقرأ وتعرف تفرق بين الجهل والفهم وليس الجميع غشيم وبنفس الوقت تقول قدام حد شفلك هالرد المختص من اداري موقع فهمان وبدير موقع ” كمان
at 12:18 pm - 30th August 2008 Permalink
معاكي حق يا رزو يسلمو على تفهمك الوضع وفهمتيني والله يحميكي يا رب
at 2:12 pm - 30th August 2008 Permalink
الأخ ( مبرمج متخصص) صح لسانك طال عمرك بس بتمنى انه السيد عمر يفهم كلامك لانه شكله غشيم في البرمجة
at 3:18 pm - 30th August 2008 Permalink
إلى المبرمج المتخصص… شكراً جزيلا عالمعلومات! أنا بصراحة بدرس كمبيوتر بس لسا ما أخدت web ان شاء الله عالفصل الجاي! أنا كنت مفكر إنو لحالو بحدد زي ما بينت بالأول بس طلعت غلطان! شكراً عالتصحيح و إذا حكيك صح فهاد جد سؤال مهم للأخ عامر!!! إنو شو بعدو بساوي علم اسرائيل؟؟؟
at 5:03 pm - 30th August 2008 Permalink
يعني ياعمر هو اسا صار تعليقك على العلم الاسرائيلي ظهور العلم مش منك ولا مني ولا من عامر هاد بطلع حسب الجهاز الي انتي شابك منه بلاش تكبرو للموضوع علم اسررائيل زيو زي اي علم موجود بالعالم بتقدر تنكرو؟ واسرائيل صارت واقع موجوده على الخرائط بغض النظر شو سياسة اسرائيل انا ما بدافع عنها بس حبيت اوضحلكو بلاش ما تلاقو نقاش تناقشو فيه نازيلين على شقفة شريطه ولونين طنش تنتعش صحتك بالدنيا
at 6:30 pm - 30th August 2008 Permalink
ر.ز لأ مش قصة علم اسرائيل! المفروض إنو العلم يطلع من الدولة اللي المعلق منها! و إزا بدنا نسكت على علم اسرائيل إنو يطلع من فلسطين فهاد زي تصريح إنو فش اشي اسمو فلسطين! طبعاً لأ و ألف لأ!! و على فكرة احنا شذينا عن الموضوع لأنو كل اللي بدوا ينحكا حكينا ما ضل اشي إلو دخل و ما إلو دخل ناقشناه هون! فهسا دور العلم
و بدنا نسلي حالنا حتى يصير تطورات عالتحقيق!
at 6:56 pm - 30th August 2008 Permalink
أعزائي, لاحظت أخيراً أن النقاش إبتعد عن محوّره الرئيسي في الفترة الأخيرة وأصبح نقاش يخص علم “اسرائيل” وتطبيع والى ما هنالك من اتهامات .
ردي الأخير الى الجميع, هو أن علم الدولة يظهر بجانب أسم المعلق بناءً على الدولة التي جاء منها التعليق, أي حسب رقم IP Address للجهاز, وهذا أمر لا يد لي به.
اخي مبرمج متخصص, شكراً لنصحيتك التي كان من الممكن أن تكون أكثر أدباً وبطريقة محترمة أكثر, ودائماً فكر بقدرات الشخص الذي أمامك قبل أتهامه بالجهل…
لن أقوم بتغيير العلم لأنه موضوع تقني بحت 100% وليس سياسي كما يرغب البعض بتحويله.. أن كانت ازالة العلم الأسرائيلي حل لمشكلتنا مع أنفسنا, سأقوم بأزالته فوراً…
لن أسمح بأي رد خارج عن الموضوع من اليوم, وأكرر بأن نشر الموضوع تم بعد الأطّلاع على عدة تقارير تثبت الحالة…
محبتني لكم
at 6:57 pm - 30th August 2008 Permalink
انشالله عمر لانه وصلني زي ما حكيتلك انه تاع الامن بسجن الجويده وانه الشابين السعوديين ما الهن اثر بالنسبه للعلم انتي بتعرف والكل بعرف انه فلسطين مقسومه حاليا وهاد اشي واقعي يعني علم اسرائيل وعلم فلسطين حد بعض ومبصوم عليه هاد الشي لما الدول العظمى مأيده للعلم شو بايدنا نعمل صح طيب انتي كيف العلم بطلع عند فلسطين وانتي بالاردن هاي مش قادره افهمها
at 7:26 pm - 30th August 2008 Permalink
rz,
إنو العلم اسرائلي أو غلط اصلن مش غلطة حد. كل شخص علشبكه إله عنوان رقمي (IP) و في برنامج شغال علبلوج بيترجم العنوان للعلم بستخدام قاعده بيانيه (database).
إذا القاعده فيها اخطاء بيطلع العلم الخطء
و زي ما احنا عارفين العالم ما بيعترف بوجود فلسطين عشان هيك القاعده فيها تسجيل فقط لأسرائيل
تحياتي
at 12:26 am - 31st August 2008 Permalink
اول شي الله يهدي كل بنت ويشرح البها للخير واكيد كل بنت بالدنيا فيها خير بس ياجماعة السائحة كانت باسرائيل مو بالسعودية يعني يمكن يلي انتو بتشوفو اوفر كتييييير هي عندها عادي فبلا تخبيص عبنات العالم اوعو بئا وبكفي تحطو الحء عالبنات
at 1:02 am - 31st August 2008 Permalink
يسلمو نور على ردك اللطيف يعني يا جماعه الي بدي احكيه انه ليش ما بتستغربو من لبس الاجانب؟ لانكو عارفين شو هني متعودين واحنتا كمان عنا باسرائيل زي اوروبا وامريكا نا مش ذنبي اذا لقيت مجتمعي هيك ارحمو بس وافهمو
at 4:16 pm - 31st August 2008 Permalink
عفواً ر.ز نهاية تعليقك ما فهمتوا! يعني قصدك إنو عند تعليقاتي بطلع علم فلسطين؟؟ على فكرة كنت مفكرك مفكرتيني بنت من كلمة “انتي” بالآخر اكتشفت إنها لهجتك loool.gif)
!! خلص بدنا نسكر موضوع العلم بكفي! و حاب أحكي للأخ المتخصص إنو غير المتخصص طلعت بفهم أكتر منك و طلع من ال ISP! يمكن طريقتك صح بس شكلو عامر ما بستعمل نظام السكريبت اللي بتحكي عنو!
رمضان كريييييييييييم
at 9:33 pm - 31st August 2008 Permalink
رد ل عمر عفوا انا عارفه انك شب بس كلمة انتي منحكيها للشب وللبنت هيك بحكو الكل عنا لا تنسى انا ببلد وانتي ببلد بالنسبه للعلم كنت مفكره انه بطلع حد اسمك علم فلسطين بعدين اكتشفت انه علم الاردن لانه النجمه مش باينه منيح ويلا نسكر على موضوع العلم لانه مش موضوعنا ولا بهمنا بالاخر احنا عرب وشعب واحد
at 12:14 am - 2nd September 2008 Permalink
Hi
to remove israel flag you can get palestine flag in the same format and give the name of israeli flag in the flags directory in your blog sever.
simple .
as for the story i think the girl is to blam.
thank you
at 3:07 pm - 2nd September 2008 Permalink
نص الشعب بركض ورا البنات و مستعد ابيع حالوا مشان وحدة, بتلاقيه نفسو شفير التكسي مجلبب أختو بالغصب و ما بخليها تطلع من هون لهون.
تخلف فعلاً
at 6:02 am - 30th September 2008 Permalink
المشكله انو صار اغلب اللي بعملو بمجال السياحه وحتى شوفرية التكاسي ما عندهم شهادات حسن سيره وسلوك معروفه صار اغلبهم يشتغل بمجالات زي شوفرية التكاسي عشان يشتغلو بالدعاره بس
بعدين عرب 48 فلسطينين وهم اهلنا وما بسير اعتبارهم يهود انا شخصيا تعاملت معهم وارقى من تعاملهم واجمل منه مافي
بعدين قبل ما تحكو وتظلمو البنت وتقولو كانت لابسه يا شيوخ تذكرو ان بعض الظن اثم
ولازم كلنا نتعاون وخاصة الشباب عشان نربي كل شفير تكسي بالبلد اللي بقلك انا معاي دكتوراه واللي بدو دينارين هيك غبن فوق العداد والله لازم تكون في تسعيرة بنزين خاصة بشفيرية التكاسي
عشان يتربو والله يطعم شفير تكسي ويقع بين ايدي
at 6:08 am - 30th September 2008 Permalink
بعدين اصلا كتير من الشباب بس يشوف بنت بدو بس يثبت حاله وبقعد يلطش حكي ويرمي كلام عشان يفرجي حاله زلمه الخلاصه انو البنت ملامه من دون وجه حق وانا ما بدي احكي عن المواقف اللي شفتها هو وهناك وبعدين قبل ما نلوم اي حدا ليش ما نلوم حالنا احنا الشباب اللي عم بنشجع امور كتيره لا اخلاقيه بمجتمعنا صرنا نعتبرها امور عاديه زياده عن اللزوم وصرنا نعطي الفساد الاخلاقي صفة الحريه الشخصيه
at 6:14 am - 30th September 2008 Permalink
بعدين الاخ jorstine بحكي عن الموضوع وكانه موضوع عادي بس على فكره في قصص انا سمعتها من اصحابها لو تسمعها بتشعر انك في كولومبيا مش بالاردن في غلط كبير صاير بين الناس والمجتمع ولازم نصححه مش نحكي عن الموضوع عادي ضلينا نحكي عن هاي المواضيع عادي لمن صارت اعراض بنات الناس امور عاديه التلاعب فيها مش خط احمر
at 3:18 am - 3rd October 2008 Permalink
في البدية اود ان اعتذر من لاخت عن ماحصل معها نيابة عن كل الشرفاء في الاردن الحبيب وانا على ثقة كاملة برجال الامن في التصدي لمثل هذة الحادث واطلب من الله ان يبق الاردن واحة الامن لجميع الاخوان العرب واصدقاء الاردن من جيع دول العالم وحسبي لله ونعم الوكيل.
at 1:05 am - 5th October 2008 Permalink
والله ماشي الحال لاكن شو نعمل خلاص القضيه وقعت ومافينا نرجع الزمن لوراء
at 7:48 am - 5th October 2008 Permalink
عامر ابو قضامه ونبيل القضاه شكرا لموقفكو معي والحمدلله انه في ناس لسه بتفهم وبتقدر واظن انا كتبت تعليق بما فيه الكفايه لاشرح والي ما كان مصدق قصتي بحب احكيلو انا حاليا موجوده بالاردن بعمان مشان متابعة قضيتي والحمد لله كل شي لصالحي ورح اتابعكو بكل شي بصير معي ورح افاجئكو بشغلات واحداث جديده بالقضيه
at 7:51 am - 5th October 2008 Permalink
بحب احكيلكو كل عام وانتم بخير ينعاد عليكو بالخير والصحه وبعايد جميع الشرفا الاردنيين وبعتز فيهن كلهن لانهن وقفو بجانبي وبعايد الملك المعظم وانشالله بتضل الاردن بلد الخير والمحبه والامان وانا الان بطريقي للاردن لمتابعة قضيتي كما ذكرت بالسابق ادعو لي بالتوفيق
at 4:09 pm - 5th October 2008 Permalink
صراحة انا بنت وجميلة ولكن بعمري ما تعرضت لما قرات الان لانني البس لبس محتشم ولا ارفع صوتي بالشارع ولا اسهر بالمقاهي لاخر الليل , عزيوتي انا لا اوافق الفئة الضالة التي اعتدت عليكي ولكن بما انها تكررت مرارا وتكرارا معك والكل اعتقد بانك بنت ليل انا مضطرة للاسف بان اقول لك بانه العيب فيك انت وانت التي احضرت الدب لكرمك كما يقول المثا راجعي حساباتك مع نفسك واكيد انك بتعرفي السبب لما حصل معك انا بنت الاردن ودرست بالجامعة حوالي 10 سنوات حتى انهيت الدكتوراة وما سمعت ولا قرات وما رايت مل تقولين الله يهديك ويبعد عنك وعن كل بنات حوا اولاد الحرام
(عودي الى الله )
at 1:20 am - 6th October 2008 Permalink
وانتي بالف خير انشالله الله بياخد بيدك ويثبت صحة كلامك
at 2:22 pm - 6th October 2008 Permalink
مومو صحيح إنو اللبس المحتشم يقلل من هذه الحالات لكن هذا مش معنا نلوم الست. الخطء واضح المهاجمين كانو ناس همجيين لا بل حيوانات ضالة لا تتحكم بغرائزها.
لازم يفهم المجتمع إنو إلي بتلبس التنورة ست زيها زي غيرها ممكن تكون محترمه و ممكن لأ و على أي حال إذا كانت الست بتصاحب و بتطلع في الليل ما بعطي هذا حق لا أي حدا يهاجمها
at 1:38 am - 7th October 2008 Permalink
الله يهديك احتشمي بلاول من شان مايصير معك هيك
at 12:33 pm - 29th October 2008 Permalink
القصة عليها الكثير من الملاحظات
مع انه سمعة اغلب بنات ال 48 في الاردن مش مزبوطة لكن مش كل اصابعك واحد و شغلة تانية انه لو هذا الحكي صار مع بنت البلد ما كانت الشرطة رح تهتم فيه زي ما اهتمت لبنت معها جواز (يهودي) مع احترامي الها
تالت شي انه ليش هيك عملو سواء الامن او سواق التكسي هذا كله لأنه ما في رقيب و كمان ما في تربية
at 2:03 pm - 29th October 2008 Permalink
7amdullelah 3ala salamtek bas elly beddy a7kelek ya eno ma fe nar bedoon du’7an ya3ny beddek tkoony a3deh b mante2a zay share3 el jem3a (kol el hotels rowadha shabab w s3oodeyeh w bekoon lebsek over w lafet lel nazar w ma beddek yseer ma3aky eshy (this is impossible even if you are in america) w ana mesh jeyeb eshy men 3andy fa el shab b ostek kan b ye7ky ennek bent lel