1. الأولوية دائماً للمركبات القادمة من خارج الدوّار, وليست لك, إلا إذا كنت سيارتك 3000 سي سي فما فوّق.
2.السرعة القانونية في جميع الشوارع الفرعية تبدأ من 80 كم/الساعة, وإذا كانت سرعتك أقل فعليك تحمّل النتيجة.
3.التزمير من إحدى شيم الشعب الأردني, وهي بمثابة مسبّةعلى السائق الآخر, ويختلف حجم المسبّة حسب طول الزامور.
4.السيارات ذات الرقم الأحادي والثنائي والثلاثي -بالغالب- لناس واصلة, يعني لا تقرّب منهم لأنه الحق عليك بالآخر.
5.الشوارع ذات المسربين تتسع لأربع مسارب وأحياناً خمسة بنفس الوقت.
6.إستعمال الغمّازات للتجاوز هو فعل مشين, فلا تغضب إن رأيت أحدهم “بدحش حالو” قدامك.
7.الأولوية دائماً لباصات الكوستر.
8.إذا علقت في أزمة سير على أي دوّار, فإعلم أن هنالك شرطي يقوم بتنظيم السير هناك (مع أحترامي لشرطة السير).
9.إذا علقت أيضاً في أزمة سير في أحدى الشوارع, فأعلم أن فريق كرة القدم العراقي قد فاز في إحدى البطولات, لا تستغرب وتذكر أنك مازلت في عمّان وليس بغداد.
10.توقع الأسوء دائماً بعد الساعة 12 ليلاً, لأنه نصف السائقين “سكرّانين”.
إحفظ حق اللطش عند النقل, كوبس بيست مع ذكر المصدر لو سمحت
on 
on 
14 عدد التعليقات
at 4:12 am - 28th August 2008 Permalink
كل اللي حكيته مزبوط..وأنا عندي قاعدة كمان إني ما “أداقر” شوفير تكسي لأنه بكون مقتنع إنه الشارع إله.
at 5:32 pm - 28th August 2008 Permalink
1000& يسلمو
at 5:50 pm - 28th August 2008 Permalink
نسيتو تحكو اهم شغله انو شفير التكسي الي بالبلد
اذا حدا اشرلو بضوي الرباعي بنص الشارع الرئيسي وكانو مافي حد وراه يعني الرباعي حجتو
at 12:39 am - 29th August 2008 Permalink
وازا كنتي بنت اوعك اوعك تزمري لاي سياره وخصوصا لتكسي لانه بعتبرها اهانه شخصيه و بضل يبتوين(between) بين السيارات ليوصلك ويمشي جنبك ويعطيكي زاموووووور طويييييييييل (راجع النقطه 3)
at 12:22 pm - 30th August 2008 Permalink
الله يكون في عنكو بالسواقه بالاردن انا مابعرف اسوق بالاردن لانه ما في نظام بالسواقه وما بعرف اقطع شارع يا ريت يصير في نظام بالسير من كل النواحي
at 3:14 pm - 30th August 2008 Permalink
نسيت تحكي إنو كتير عادي تلاقي سيارات طايرة بالسما
at 3:09 pm - 4th September 2008 Permalink
بس بلاش “الأولوية دائماً للمركبات القادمة من خارج الدوّار, وليست لك” يا سيدي الاولويه للقادمين من خارج الدوار اذا انت اللي قادم بس اذا انت جوا الدوار بتصير الاولويه الك.احنا ما بنقيس بمكيالين عمي. وشو بالنسبه لشوفير التكسي؟؟؟ لازم انت تكون اشوفر منه انا بصراحه بظل اداقر فيهم ومره واحد منهم سالني انت كنت تشتغل شوفير تكسي؟؟؟
at 12:57 pm - 10th September 2008 Permalink
“اسمحلي أخش قدامك عاجبك ولا مش عاجبك”
at 10:39 am - 23rd September 2008 Permalink
حلو كتير
بس السؤال (r.7 )مين عزمو لهون؟؟؟؟؟؟؟؟؟؟؟؟؟
at 1:37 am - 25th September 2008 Permalink
والله يا معلم لو معك سيارة 300000000 سي سي
ما بيزبط
at 6:32 pm - 29th October 2008 Permalink
احلى اشي لما تكون بقرية و يوقف بكم قدامك بدو يشتري خبز……. انسى الازمة اللي وراه
at 8:24 pm - 29th October 2008 Permalink
100%
sa7
at 11:18 pm - 29th October 2008 Permalink
مزبوط
بس لازم تعرف أولوية الناس الماشية بالطريق ………
و بكون يطل عليك و مشتغرب من الوضع
يعني اذا كان قدامك ما في داعي تزمرله أو تضايقه حتى سيبه تا يخلص مشواره
Thnx
at 8:13 pm - 25th April 2009 Permalink
ونسيتو تقولو كمان انه المخالفات لناس وناس……. بتشوف الواصلين مضللين القزاز روح ضلل زيهم بتتخالف ثاني يوم
أرسل تعليقاً