اليوم بالصدفة كان في مقابلة مع لميس بطلة مسلسل سنوات الضياع, أنا ما بعرف لميس إلا بالإسم, وشفتها كم مرة بالصدفة بالمسلسل, واللي خلاني أحضر اللقاء كامل أنه بصراحة لميس كانت أمورة كتير اليوم, ولأسمع شو بدهم يحكوا معاها.
ما علينا, كالعادة أظهروا شخصية لميس اللي كانت بالمسلسل “بإطار ملائكي” وأعطوها فكرة عن الجنون اللي سببو المسلسل في البلدان العربية, وطبعاً لميس (إسمها الحقيقي توبا حسب ما قرأت اليوم) عندها فكرة عن الهبل الي صاب الشعب العربي اللي بتابع المسلسل,بس اليوم ترسخت الفكرة أكتر .
اللي ضحكني بجد بالمقابلة لما حكوا للميس عن “التخلف” تبعنا, أول شي حكولها أنه في ناس بالأردن ضحّوا بأضحية لمّا لميس خلّفت بالمسلسل!!!! والنعم والله, سألوها شو رأيك؟؟ وطبعاً شو بدها ترد هي؟ زي اللي نصدمت, واكيد أخدت فكرة عن أكبر عن غبائنا.
الشغلة التانية اللي حكوها للميس عن بنت بفلسطين إشترت عدسات لاصقة بتشبه لون عيون لميس, مع انه البنت سمرا وما بلبقلها اللون هاد.
على كل حال, منيح ما فضحونا أكتر وحكولها عن حالات الطلاق والمشاكل اللي صارت سواء من مسلسل سنوات الضياع أو نور.
دبوس: سنوات الضياع ونور خلصّوا,ومفروض أنه الهوّس تبعهم ينتهي قريباً, بتوقع يصير هوّس جديد بمسلسل باب الحارة بس ينعرض برمضان
.
34 عدد التعليقات
at 11:26 am - 28th August 2008 Permalink
اه و الله
أنا هكلانه هم باب الحاره من هسه
اشي بيملل بيني و بينك!!! الله بيعين!!!
at 3:10 pm - 28th August 2008 Permalink
LOL! ra2e3 !!
on some other blog i found that some people recorded a sad heart breaking track for Muhannad’s stabbing incident ://////// we’re so creative and passionate comes silly issues !
at 3:31 pm - 28th August 2008 Permalink
holy crap ! i just watched 7 minutes ! that “Crying” question WOW,was brilliant ,the whole thing was brilliant ! why do i feel sick in my stomach tho !!!
at 3:53 pm - 28th August 2008 Permalink
عمرة لمن لا يتابع مسلسل (نور) و(سنوات الضياع) في الأردن
تبوك - عبدالرحمن العطوي
أعلن مركز لتحفيظ القرآن الكريم في مدينة الزرقاء الأردنية عن قيامه بتيسير رحلة لأداء العمرة في مكة المكرمة وتحمل كافة نفقات الرحلة والإقامة حتى العودة حسب ما ذكرته تقارير صحفية واشترط المركز على الراغبين في أداء العمرة أن يحضر ويحلف اليمين على عدم متابعته ما سمياه (مسلسلات الضياع) وهي مسلسل (سنوات الضياع) ومسلسل (نور) التركية المدبلجة باللهجة السورية التي شغلت الناس وأصبحت حديث المجتمع مؤكدين أن هذه المسلسلات أساءت للمجتمع وسببت المشاكل الأسرية وحالات طلاق وتقليد لأبطال هذه المسلسلات التي وصفت بالهابطة.
شوفوا لوين وصلنا
at 5:25 pm - 28th August 2008 Permalink
ههههههههههههههههههه
واكبر دليل على هيك
متابعتك للقاء
ما بدي ازيد اكتر من هيك
at 6:04 pm - 28th August 2008 Permalink
والله اني مش عارف شو بدي اعلق بس بدي احكي انو اشي بخزي الي صاير بالوطن العربي بسبب (نور ومهند\\\ ويحيى ولميس) بسشاطرين الناس يحكو عن ابطال هالمسلاسلات ونسو الابطال الحقيقين الي ضحو عشانهم يعني بجوز تسأل بنت عن مهند تحكيلك كل قصة حياتو حتى وهو صغير اما لو تسألها عن يحيى عياش او عن الرنتيسي او احمد ياسين ما بتعرف اشي عنهم
at 8:21 pm - 28th August 2008 Permalink
عاهاتك يا وطن …
at 9:06 pm - 28th August 2008 Permalink
يعني والله المسلسل (نور) انه حلو وبيعرض المشاكل اللي ممكن يتعرضلها مدير اعمال متل مهند وانا مو شايفة فيه اي شي هو عبارة عن مسلسل يمكن لبس الناس اللي فيه استر من المسلسلات المصرية
على كل انا بحضر نور ومهند ومن اول المؤيدين للمسلسل بس مو لدرجة انه يصيبني هوس فيه وانام واحلم بأحداثه
ورأيي بلميس انها لزوزة وحلوة وامورة كتييييير
at 10:36 pm - 28th August 2008 Permalink
خلونا نحكي بصراحه: هو هاي المسلسلات اخدت حيز من وقت الانسان العربي بالنسبه الي مسلسل نور ما تابعته لاته تافه وسخيف كنت اسمع عنه من الناس والحديث اليومي اما سنوات الضياع كان اهون شوي من هداك يعني مسلي وبما انه كان يجي بوقت مناسب لكل الناس قلنا بتابعه ليش لا يعني منقضي وقت مسلي نوعا ما صحيح مسلسل اتفه من التاني بس لا تنسو انه كان يجي مسلسلات اتفه منه الي حبيت احكيلكو اياه انه هادول المسلسلين حبو يوصلو عن الاسلام صوره خاطئه لانه يمشي عكس الدين الاسلامي والله اعلم مين ورا هاي الدعوه يعني اصدهن يحكو يا عالم يا هو شوفو الاسلام شو هني وطبعا ما في منه هاد الشي بتركيا بس في جهه كبيره وراهن وفسروا انتو البقيه
at 12:03 am - 29th August 2008 Permalink
والله كان مسلسل سنوات الضياع في عبر كتير حلوة بس نور كلو حكي فاضي وعلى فكرة انا ما ضيعت ولا حلقة من سنوات الضياع عنجد مسلسل رائع بس ليش دايما بتحبوا الحق عالمسلسل اذا احنا متخلفين شو دخل المسلسل …..يعني الافلام المصرية الي بتنعرض هالايام الي كلها خلاعة احسن ….
at 1:20 am - 29th August 2008 Permalink
ما عنا خلاف انه في بعض الابطال عندهن جمال اشي مش طبيعي وكتير بجننوا بس لا تنسو انهن بنقوهن مخصوص بكون اشي بالفن مش بجيبهن هيك من وين مكان بعرفو شو ينقو لهاد النوع من التمتيل ومشان يجذبو الناس لمشاهدة هيك مسلسلات بعملو موديلات وعادات غريبه عن عادتنا مشان يبان الفرق ويلفت النظر بس عادات تركيا مش هيك هاد كله تمتيل بس بصراحه الي قامو بالدبلجه ابدعو ولائمو كل الاصوات بالشخصيات المناسبه ونعم الملائمه
وكمان لا تنسوا انه الدبلجة السوريه احلا من الدبلجة اللبنانيه الفصحى زي تاعت كاسندرا وماريا فينا نقول الدبلجة الاردنيه بمسلسل رزاليندا نجحت وحبيناها لانها قريبه على لهجتنا وباب الحاره قرب رح يعمل منع تجول بالعالم العربي اكيد ^ 
هيك انا بقدر اروح اشتري اشياء وحاجيات من غير حركة سير بالناصره
at 1:24 am - 29th August 2008 Permalink
الحمد لله اني بكره المسلسلات المدبلجه وما حضرت كل هالخزعبالات هاي
مع اني تقريبا حضرتهم قد ما بيجو صاحباتي يحكو شو صار بحلقه اليوم اللي قبل
at 3:23 am - 29th August 2008 Permalink
لمادا لم نأخد ايجابيات هذا المسلسل الترابط الاجتماعي صله الرحم الحب العميق وغيرها من ايجابيات
at 9:07 am - 29th August 2008 Permalink
الله مسلسل التركي اثرفي نسبة من الناس100% وانا اقول انا المسلسلات التركيه دبلجوها بلعربي طيب ليش مايدبلجو طاش مطاش بتركي ويتفرجوها علا كل حال الله يكون في عون الناس ورمضان كريم……………………………….شكرا اخوكم سلطان مرشد
at 9:22 am - 29th August 2008 Permalink
الله يعين الناس من الكارثة ويصحي عقولهم………….شكرا اخوكم سلطان مرشد من جده
at 12:00 pm - 29th August 2008 Permalink
تخلف لا أكثر … الله لا يردنا . وبس .
at 5:47 pm - 29th August 2008 Permalink
نحن شعوب تافهه
at 10:36 pm - 29th August 2008 Permalink
دايما احنا بنكبر الامور هيك العرب دايما مسخررررررررررة والله عيب
at 1:36 am - 30th August 2008 Permalink
عامر، سوري على هالكلمة، بس كتير بحب اقرا مدونتك لأنو بلاقي فيها مواضيع جميلة و ملفتة و بتهم الواحد
) انو بجد بكفي!!
بس كل مواضيع سنوات الضياع و نور ( اللي مبين انك متابع اخبارهم وللا شو عرفك انهم خلصو
لاقي شي أهم دخيلك!!!
at 2:07 am - 30th August 2008 Permalink
عنجد العرب بس بدهم عرس يرقصوا فيه .. بس ايبللش رمضان بترجع معاناتنا مع باب الحاره زي ماحكيت..
جد نهفات..
ولا هالمذيعات النضوات اسم الله حبيت الخالتو الفيلسوفه بالتركي وانكسفت احلى اشي كمان بعدين رمت السؤال اللي ينم عن ذكاء وثقافه عاليه قال “من وين بتجيبي هالدموع”
بي اس: ياريت ترشح مدونتك باسرع وقت في مسابقة أفضل المدونات في العالم اللي بيحكي عنها المدون اسامة الرمح مشان أقدر اصوت للمدونه اللي كل يوم لازم اجي اقرا الجديد فيها
at 12:38 pm - 30th August 2008 Permalink
فرحة أردنية لشفاء يحيى وأضحية لمولود لميس
فرحة أبطال ‘سنوات الضياع’ بشفاء بطله ‘يحيى’ لم تكن في الدراما فحسب، بل تحولت إلى أرض الواقع في الأردن؛ حيث قرر مواطن أن يعزم أصدقاءه على ‘منسف’ أردني حالما يعود بطل المسلسل إلى وعيه، فيما قررت سيدة أردنية تقديم أضحية لابن ‘لميس’ حين قدومه. وذكر أحد أحفاد السيدة ‘خضرة’ أن جدته نذرت على نفسها بأن تذبح خروفا في الحلقة التي ستضع لميس فيها ابنها وابن يحيى، جراء المعاناة التي واجهتها خلال فترة حملها، خاصة طوال فترة اختطافها من قبل ‘تيم عباس’، الذي فرقت الحلوى بمناسبة إلقاء القبض عليه من قبل الشرطة في حلقة سابقة
at 3:11 pm - 30th August 2008 Permalink
بس حلوة لميس
at 10:41 pm - 30th August 2008 Permalink
الله يخزيهم.. بتعرفو في وحدة عنا بفلسطين تركت خطيبهاعشان “الترللي” مهند.. بتعرفو شو يعني”ترللي”؟ اعرفوها لحالكو
لا حول ولا قوة إلا بالله العلي العظيم.. إنا لله وإنا إليه راجعون.. لقد انتقلت إلى رحمته تعالى “العروبة”.. الله لا يرحمها
at 12:49 am - 31st August 2008 Permalink
اوففففففففففففففف والله العزيم رح يهروا دموعي الا شحطة تتصوروا ازا لما انا نجحت ما حد زلغطلي بتتخيلو لما صحي يحي من الموت كل العمارة صارت تزلغط لاء وتع اسمعو بيت ابو يزن لما يكونو معلين هالمسلسلين على اعلى صوت مشان الحجة ام زهير يلي عل حفت ابرها تسمع منيح ما شالله راجعة شباب ام زهير الله يخليلي طئم اسنانها وطئم اسنان كل عربي ولكم كيف لو لائين ناكل شو بنعمل ولا كيف لو ما حد داعس علينا بطول وبالعرض بس يلا عرب بنموت في يلي بدعس علينا
at 8:17 am - 31st August 2008 Permalink
يعني انتا جاي تحكيلنا عن فضايح العرب ، ليش همي بيحبو متل هيك مسلسلات.. انا مش رح أعلق على هاد الموضوع.. بس لفت انتباهي شغلة “علم إسرائيل” يوضع على احدى المواقع العربية.. طيب وين” علم فلسطين” يا صاحب الموقع؟؟؟!! ولا انتا مو معترف فيها.
وتقول ” فضايح عربية على الهواء”لانو الناس مهووسة بهيك مسلسلات.. أية فضائح هذه؟؟؟!.. hhhالشيء الوحيد الذييمكن اعتباره فضيحة : “وضع علم إسرائيل” على موقعك.. صح؟
at 11:09 am - 31st August 2008 Permalink
الى اسامه الرمح
بس برضو هينا ساكتين 
طيب يا معلم ما اختلفناش انها حلوه…كلنا شايفينها حلوه شباب وبنات هدي اعصابك
اي نعم انتو شايفين حلاوتها اشي ايجابي واحنا مش طايقينها لانها حلوه
at 11:59 am - 31st August 2008 Permalink
يا سيدي انبسطو هي خلص المسلسل احلى شي تفاهة مسلسل نور كل القصه يوم مهند بزعل و يوم برضى و بحسسوك انه الحياه ما فيها مشاكل و انه المواضيع بتنحل بكلمة بحبك يا اغلى من روحي ما علينا بس الخبر الي فرحني اليوم انه الفنان العظيم متعب الصقار يغني اغنيه اسمها ” هملالي يا مهند”!!! الي ما بعرف متعب الصقار او ما بعرف شو يعني هملالي يحكيلي انا بخبره و هاي كلمات الاغنيه يقول مطلع الأغنية: (ويلي ابن عمي ويلي ابن خالي- ويلي المدبلج خربطلي حالي- خوفي هالبنت تعنس قبالي وتقعد تتسنى بالجزء الثاني- يا هملالي يا مهند جاك العز بهالبلد- رحنا على تركيا وما حدا عرفك يا ولد..الخ)..كان بودي اكمال باقي الأغنية لولا أن المسجل قد علك الشريط ولم استطع نقل نصّها كاملاً..
عندك إياه يا متعب..
at 11:57 am - 1st September 2008 Permalink
Ramadan Kareem!
Fawazeer @ mab3oos
at 5:35 pm - 1st September 2008 Permalink
ليه مو ناشر تعليقي.. على العموم المهم بيوصلك كلامي…. انتا.. ما رح أكمل.. ستعرف من تلقاء نفسك ها انا قد أعدت كتابة ما قد حذفته
at 6:28 pm - 1st September 2008 Permalink
شيل علم إسرائيل.. شيلو دخيل الله شو هاد؟؟؟ انتا رح تجلطني.. قسماً رح تجلطني
انتا عربي!!
at 6:56 pm - 2nd September 2008 Permalink
اعطوا للمسلسل اكبر من حجموا لك شو هاد بجد بيخزوا .. لو في شي بيستاهل
انو يضخموه هيك ما حكيت .. انو حب ..ايا حب هاد جننوا العالم ..
ومتل ما حكيت يا عامر بكرا جايي باب الحاره برضوا الناس رح تطلق من وراه كمكمكمكم
بجد اكــبروا
at 12:24 pm - 10th September 2008 Permalink
at 3:33 pm - 30th October 2008 Permalink
ففففففففففففففف
الله يثبت علينا العقل و الدين
الدين راح الله يخليلنا العقل
بس هدول راح الدين و العقل و اكيد كمان شرف ما في
at 2:50 pm - 20th November 2008 Permalink
wallah bas yesm3 wa7d 9otha beqraf mnha hhh
أرسل تعليقاً