مدونة أسكدنيا

متابعه لموضوع نأسف أن الموقع الذي أردت تصفحه قد أحجب والتخبط الي بتتبعوا شركة أتصالات بحجب وفتح المواقع دون سياسة أو تفكير, اليوم تفاجئت بأنه تم رقع الحظر عن موقع فليكر الي صرلو مسكر من أكتر من سنة ونص تقريباً, فجأة بدون أحترام للمشتركين قاموا بحجب الموقع تطبيق لسياسة غريبة جداً.

طبعا سبب الحجب حسب ما قرأت هون وهناك أنه فيو صور أباحية!! والغريب أنه في كتير مواقع فيها صور أباحية “حسب الطلب” زي موقع Deviant art ,لكن أتصالات مصّره على لعب دوّر الأب على جميع مشتركيها, وعدم تبرير أسباب الحظر بشكل مقنع في معظم الحالات.

رجوعاً للموضوع الأساسي, من المفروض على أتصالات لما فكرت بحجب موقع فلكير أنه تنبه المشتركين, أنا عندي حساب مدفوع بالموقع ومحمل صوّر كتيره, كلها راحت وراء الحجب!!

ما علينا, بالمناسبه لغاية الآن موقع فليكر مفتوح بشكل جزئي, الموقع بس مفتوح وكل الصور مش ظاهرة أبدا, لأنه الـ Sub Domian الي مرفوعه عليه الصور لسه عليه حجب.

على كل حال, من أسبوعين ركبت خط أنترنت بالبيت من أتصالات, أجى الفني ليركب الموديم ويجهز التوصيلات, المهم انا سألتو أنه مين الي بسكر المواقع في أتصالات, حكالي أنه في لجنة مختصة بالموضوع هاد, بتسكر المواقع بناء على شكاوي من الناس بالاضافة لوجود برنامج معين بحجب الموقع لوجود كلمات “ممنوعه” فيو.

انا ما سكتت, حكتلو بس غلط هيك, ما بصير يعملو هيك, في كتير مواقع مهمة مسكرة, بالمقابل شبكة DU ماعليها بروكسي أبداً, حكالي أتصالات مصرّه أنه الناس تشتغل غلط, وحكالي أنه هو بيستخدم بروكسي ليفتح المواقع المسكرة, حكالي بدك بروكسي؟ حكتلو لا شكراً عندي قائمة طويله ببروكسيات بتتحدث كل يوم ..

تحديث: تم أغلاق موقع فليكر مره أخرة, شكلو البروكسي كان شارب كاس وفتح الموقع بالخطأ..