بداية أوّد التوضيح بأن العنوان مقتبس لموضوع نشر في مدونة قودير من فترة, وكان الموضوع يدور آراء وردود بعض الملّقين, وهذا ما سأكتب اليوم عنه.
قامت الدنيا ولم تقعد مؤخراً بسبب ظهور العلم “الإسرائيلي” بجانب أسماء معلّقين قاموا بالتعليق من الأراضي المحتلة, ومع أن خاصية علم دوّلة المعّلق موجودة منذ بدايات المدونة, إلا أن موضوع الإعتداء على فتاة من عرب 48 ساعد على ظهور المشكلة بصورة أكبر بسبب قيام صاحبة القضية بالتعليق على معظم الردود على الموضوع.
من هنا, بدأت سيّل الشتائم والأهانات والتهديدات تصل لي عبر الموقع, فمنهم من بدأ بأرسال رسائل الشتم لي عبر بريد الموقع, ومنهم من قام بإرسال ردود تحتوي على شتائم مهينة جداً وتهديدات وأتهامي بأني عدوّ العروبة وإني مطبع مع العدو الإسرائيلي وما إلى هنالك من تراهات وتفاهات لا معنى لها.
وكان جوابي لهم بأن على كل واحد منهم معرفة قناعاتي “السياسية” وخلفيتي الفكرية قبل الحكم “السطحي والسخيف” عليّ بمجرد ظهور العلم الإسرائيلي بالموقع.
قمت بالرد على موضوع العلم الإسرائيلي في نفس الموضوع, وسأقوم بالرد هنا مرة أخرة لأقوم بإغلاق الموضوع تماماً بعدها.
يظهر علم الدولة بجانب إسم المعلّق بشكل أتوماتيكي بدون أي تدخل منّي, وهذا بناء على رقم IP (بروتوكول الإنترنت) الخاص بجهاز الشخص الذي قام بالتعليق, فإذا أتى التعليق من “فلسطين المحتلة” يظهر العلم الإسرائيلي, وإذا أتى التعليق من أراضي “السلطة الوطنية الفلسطينية” فيظهر عندها العلم الفلسطيني.
وهذا موضوع تقني بحت لا علاقة لي به, وليس موضوعاً سياسياً كما يرغب ورغب العديد بتحويله..
وانا لا أرى سبباً مقنعاً لتغيير العلم أبداً, وذلك لأن وجود العلم أو عدمه ليست هي أكبر مشاكلنا, فهنالك العديد من القضايا الأهم التي يجب أن نصب جُل أهتمامنا بها في القضية الفلسطينة, فإسرائيل موجود شئنا أم أبينا, وكلنا نؤمن (وانا أيضاً) بأنها الى زوال لا محال, ولكن هل زوالها يكون بتغيير العلم بالموقع ودفن رأسنا بالرمال؟؟؟؟
فهل يضرنا إبتلال ملابسنا بالماء إذا كنّا بالأساس نسكن في مستنقع؟؟
ردي الى “المعلّقين الأشاوس” سيكون مقتبساً من الموضوع الأصلي للصديق سامر قويدر .
الكل صار حامي حمى المقدّسات! و الكل -ان سنحت له الفرصة- سيحرر القدس، و فلسطين من المحيط الى الخليج (لبس مقصود لمدرسّي الجغرافيا) و الكل لديه كل الحلول لمشاكل الطاقة و الغذاء و الغلاء و الإحتباس الحراري و جرائم الشرف، و هو ايضا المرجع الأعلى و الأوحد في تفسيير كل الغيبيات و علاقة الرجل بزوجته و ما هو حلال في برامج ستار اكاديمي، و ما هو حرام! و الكثير بالكاد يفكّون الخط.
إن دل على شيء فهو دلالة فقط على مقدار التخلّف العربي بين المتعلّمين، لكن الأسوأ منهم… “المعلّقين الأشاوس” و انصاف الجهلة ممن قرأوا كلمتين هنا او هناك، و قاموا يناطحوا اهل العقل و العلم و المعرفة.
تقرأ تعلييق احدهم، و تحسب صلاح الدين بُعِث من جديد! يتباكى على الخذلان العربي، و الحكّام الخونة، و الحكومات العميلة و كأنّ لديه الجواب الشافي و العلاج الناجع و الحل الأكيد لكل مشكلات الشعب العربي “العظيم”. ما ان تذكر كلمة “اسرائيل” حتّى انهالت فيضانات بيع القومية و العروبة و التباكي على امجاد الماضي.
اسأل نفسي احيانا، بما ان الرجولة لدينا بالقنطار، فكيف لنا ان نخسر في مواجهة اي عدو!؟ و الله انّنا لنصدّر الرجولة لدول العالم اجمع، لكن ربّما الرجولة ليست السلعة المناسبة لخوض الحروب!
استغرب بالفعل من الموقف الدوغماتي للكثير من العرب و على رأسهم بالطبع المعلقين “ذاتهم” الأشاوس! و كفية اعتقادهم بدون منازعة بأحقّية كلامهم بكل تقدير و احترام! كأنهم من ذات الله المقدّسة و العياذ بالله او كأنّهم لا ينطقون على الهوى! و الأغرب، انّ غالبيّتهم و ان نظرت بدقّة الى واقعهم الإجتماعي، من الفاشلين اجتماعيا، واقتصاديا و لا يلكون من امرهم شيئأ لكن لعل هذه البطولات الـ”تعليقية” تنفّس عنهم و عن اعصابهم و بالتأكيد عائلاتهم المبلوّة بأبناء و ازواج و آباء مثلهم
تكلّمت كثيرا في الماضي عن طبول الإنترنت الجوفاء، تدُقّ بأعلى الأصوات و ان قابلتهم ماشيا، لم تلقي لهم بالا لإعاقاتهم الإجتماعية! لكن من وراء شائشة كمبيوتر، اسود هواصر تنهش اللحم قبل الأفكار! و ابطالا اشاوس، يحمون حمى الأمة و يذودون عن حياضها في مواجهة كل من تسوّل له نفسه ان يتلكّلم بالعقل و المنطق، و التساهل، و التراحم و السلام و حتى الحرب ان لم تكن طاحنة شعواء كما اعتادوا عليها اثناء سحقهم للهجوم النازي على روسيا!
و شر البليّة .. كتعليق الأشاوس..
on 
on 
51 عدد التعليقات
at 12:27 am - 2nd September 2008 Permalink
هاد الكلام الصح يا عامر كلامك جواهر اظن من بعد عامر لا تعلليق على الموضوع لانه هاد الحكي افخحم الجميع مش لانهى منحب العلم هاد بس هاد فرض علينا وكتير منكو ما بعرف شو يعني عرب ال 48 يا ريت تفهمو اكتر اتفصحو يا جماعه الي ما بقدر علينا بعملونا خايينن وهاد الي صار معي بس يكون بعلمكو انه احنتا عنا انتما لفلسطين اكتر من اي حدا بره فلسطن وانتو ما بتعرفو شو عملنتا لفلسطين افهمو يا فلسطنيه الي برههههههه
at 3:47 am - 2nd September 2008 Permalink
الصراحة ذكرتني بتعليق قرأتة لقويدر , كان عم برد على المعلقين , فا بقللهم “السادة المعلقين الأشاوس , أبطال الديجتل ” .
يا زلمة سيبك منهم , ناس تافهين ما وراها غير اللت والعجن, بعدين هو عمر حدا حط تعليق الو دخل بالموضوع , كل شي عندهم مطاوشة,
at 8:08 am - 2nd September 2008 Permalink
“فإسرائيل موجودة شئنا أم أبينا”
“ولكن هل زوالها يكون بتغيير العلم بالموقع ودفن رأسنا بالرمال”؟؟؟؟
“فهل يضرنا ابتلال ملابسنا بالماء إن كنا نسكن في مستنقع؟؟”
إن كنت أنت تقبل بوجود إسرائيل وإن كنت تعترف بوجودها ، فهذا لايعني أن الكل مثلك..شئتَ أم أبيتَ أنت إسرائيل ليست “موجودة”.
لا .. زوال اسرائيل لن يكون بتغيير العلم!.. ولكن على الأقل زوال العلم يكون رسالةواضحة إليها
“بأنها ليست موجودة” وبأن وجودها ليس إلا مجرد “خرافات”.
أما الثالثة فليس لي تعليقٌ عليها.
at 10:32 am - 2nd September 2008 Permalink
ساز: بما أنك تقوم بقراءة ما بين السطور, دعني أكتب أقتبس لك جملة يبدو أنك لم تقرئها ..
” فإذا أتى التعليق من “فلسطين المحتلة” يظهر العلم الإسرائيلي”…
الا يتضح لك من هذه الجملة عدم إعترافي بإسرائيل؟ وتسميتي لها بفلسطين المحتلة بأكثر من مكان في الموضوع؟
بدلاً من البحث بين الأسطر عن الخطاً والتفسير بطريقة غريبة جداً, ارجو أخذ الموضوع ككتلة واحدة وفهم ما أوّد إيصاله…
at 11:02 am - 2nd September 2008 Permalink
يا اخ ساز شكلك انتي مش مستوعب الموضوع يعني عامر بقول ثور وانتي بتقول احلبوه الله اكبر بدك تضلك تلث وتعجن باسرائيل وعلم اسرائيل روح انتي شيل العلم وشيل اسرائيل نفسها اذا بتقدر وريحنا منهن احنا كمان وانتهت القصه
at 3:28 pm - 2nd September 2008 Permalink
جد مصطلح الأشاوس جاي عالوجع!! ماشي أنا معكم إنو مش لازم نقر بدولة اسرائيل كدولة! بس همه موجودين أو لأ! أكيد موجودين شئنا أم أبينا! واللي مش مقتنع إنهم موجودين يشرفني شخصيا بالرابية بفرجي نسخة عن مستوطنة كاملة عنا مسكرين الشوارع من حواليها فيها عمارة علم اسرائيل برفرف عليها من فوق! عنجد يا حماة الأقصى يا أبناء صلاح الدين ما تباطحوا مباطحة!!! ردود الفعل هون بتزكرني بمواضيع جرائم الشرف!! عنا شرف و رجولة وإنسانية و نخوجية و شهامة بس للحكي و عشان “نغسل العار” !!! عاد كلها نفاق بنفاق
at 3:35 pm - 2nd September 2008 Permalink
“فإذا أتى التعليق من فلسطين المحتلة”….
بصراحة “أطبقتني لغة الصمت” عندما قرأت “فلسطين المحتلة” وقرأت ” أراضي السلطة الوطنية الفلسطينية”… أعجبني ردك بهذه الطريقة التي يمكن أن أعتبرها ” فلسفة الفلسفة” والتي خرجت من شاب قد أضعه على رأس “مملكة المتفلسفين”.. فما الفرق بين (فلسطين المحتلة ) وبين (أراضي السلطة الوطنية الفلسطينية)؟؟؟؟؟ طبعاً لا فرق!!.. بصراحة رد جدُ “معقل” من قبلك أيها الشاب.
كلي أسف على ما بدر مني ،ودعني أيها الشاب أخلع قبعتي وأنحني لك إحتراماُ..”معلش مع الصيام ما شفت الجملةمنيح” .
كل التحية لك
at 6:13 pm - 2nd September 2008 Permalink
ما الفرق بين فلسطين المحتلة واراضي السلطة الوطنية الفلسطينية؟؟؟
مش عارف وين الفلسفة بالموضوع؟؟
غزة واريحا مع السلطة وبقية فلسطين مع اسرائيل… صعبة هاي؟؟؟ هاد الواقع السياسي الموجود حالياً….
مشكلتك انه بتدور بين الاسطر على خطأ لترد علي…
عمر: شكرا لردك وتفهمك عزيزي
at 10:08 pm - 2nd September 2008 Permalink
لا تعلم أين تتواجد الفلسفة في كلامك ؟؟؟!! .. أنتَ تقول : “فلسطين المحتلة” ، وتقول” أراضي السلطة الفلسطينية”.. كأنك تجعل فلسطين المحتلة دولة! “وأراضي “السلطة الفلسطينية”دويلة” أقول (أراضي)!
أي أنك اعترفت بإسرائيل بشكل “لا إرادي”، هذا يسمى “بفلسفة الفلسفة” أو “فلسفة لا إرادية” .. بما أني صنفتك أوجعلتك من سكان “مملكة الفلسفة” فأنت كذلكّ!ّ!.
قد ترى في كلامي نوع من “الغرابة” ، أو نوع من “اللاواقع” أو بالأحرى قد ترى (الغباوة)ّ!ّ!.. لا يهمني إن كنت ستبني أبنية ” زائفة لا محل لها من الإعراب”.
هل عرفت الفرق بين فلسطين المحتلة وأراضي السلطة الوطنية الفلسطينية..الأولى “دولة” والثانية “دُويلة”.
at 10:43 pm - 2nd September 2008 Permalink
شكرا لك على الإستشهاد بمقالتي .. واضح ان المشكلة مرض اجتماعي متوطّن في بلادنا!
الله يكون بالعون
at 1:26 am - 3rd September 2008 Permalink
ساز: حيرتني معاك فعلاً…
شو بدك اسمي اراضي فلسطين تبع 48 بالزبط؟؟؟ أحكيلي لاريحك..؟
بعدين أنت معتبر اراضي السلطة الفلسطينية دولة؟؟ الي فش فيها شي مش مشترك مع اسرائيل زي اقتصادها وغيرو…
ما بدي ادخل بالسياسة أكتر, والموضوع مش سياسي زي ما وضحت انا, وبحترم رايك اولا واخرا…
تحياتي.gif)
قويدر: ع راسي مان
at 3:57 am - 3rd September 2008 Permalink
عامر ممكن اعرف ليش مش عم بتوافق تحط تعليقاتي اكتر من مره كتبت ومش بتحطهن في شي غلط بكلامي ويلا ما بدك اشترك بمموقعك؟ احكيلي ااذ ممكن
at 8:40 am - 3rd September 2008 Permalink
فهمتني بشكل خاطيء أنا قلت عن أراضي السلطة “دوَيلة” وهذه الكلمة تصغير لكلمة “دولة” ، وهناكفرق كبير ما بين هذه الكلمتين”.. يعني أنتَ قلتَ : (غزةوأريحا مع السلطة وهذا ما يمكن تسميته “بدويلة” ) ، وقلتَ (بقية فلسطين مع إسرائيل وهذا ما يمكن تسميته “بدولة”
.. يعني بحسب هذه المعادلة نخرج بنتيجة وهي:” إعترافك بإسرائيل بشكل لا إرادي”.
تحيتي المبعثرة فس سماء “فلسطين المحتلة” إليك.. فتقبلها مني إن إستطعت لملمتها.
at 1:23 pm - 3rd September 2008 Permalink
عزيزي ساز..
طال نقاشنا, ولكني لا أرى بتسميتي لفلسطين بأسمها “فلسطين المحتلة” هو أعتراف بأسرائيل سواء اسميتها دولة أم لا…
والسلطة الوطنية هي دويلة بطبيعة الحال في اراضي فلسطين المبعثرة…
وهذا هو رأيي .. على الأقل في الوقت الحالي…..gif)
وتحياتي لك..
at 2:26 pm - 3rd September 2008 Permalink
ليه المدونين بستخفو في عقول المعلقين انا من الناس الي عارضت علم اسرائيل بجوز انا ما بفهم كتير في الكمبيوتر و ما عندي ثقافه واسعه او كبيره بس في ناس عندها ثقافه كبيره و ما بصير تستهينو فيها و تحكو عنهم اشاوسر او ممكن قصدكم هبايل… ما دام ما بتتقبل التعليق و النقد ليه بتحط زاويه للتعليق…. ما بتحس انه استخفاف في عقول الناس قصة الاعتداء الي صارت على وحده كان بدو يعتدي عليها 15 واحد في ليله وحده مش استخفاف لما تحكي شهرعن سواقين التكاسي احترمو المعلقين زي ما بنتحرمكو وشكرا
at 2:34 pm - 3rd September 2008 Permalink
wa7d: شكراً لردك.. بس خليني اوضحلك شو قصدت بكل الموضوع…
اللي قصدتو انا مش التعميم على كل المعلقين, لا طبعاً, هنالك معلقين يفخر الموقع بهم وبتعليقاتهم بغض النظر ان اتفقت او لم اتفق معهم…
ولكن تلك الفئة التي تريد استرجاع حمى العروبة بالشتائم والمسبات والاتهامات الباطلة وغيره هي التي قصدتها بموضوع المعلقين الاشاوس…
ارجو ان تكون وصلت الصورة.gif)
ورأيك بحترمو بخصوص العلم بالآخر….
at 11:25 pm - 3rd September 2008 Permalink
العفو يا اخ واحد بطلب منك ومن غيرك قبل التعليق على موضوعي اقرأه جيدا وافهم بالاول بعدين علق ما اعتدا علي 15 شخص بيوم واحد وانا ذكرت بالقصه وبالتعليق شوفير التاكسي وتاع امن الفندق الهن علاقه مع الشباب السعوديين وصار هاد الشي خلال اسبوع تقريبا وهني يرتبو للاعتداء واذا انتي حاسس استخفاف بعقولكو لا تعلق ولا تقرأ عن الموضوع وذكرت مليون مره انه الاثبات قريب وصاحب الموقع نازل على الاردن بوعدكو انه الاثبات يكون مع عامر والدليل مشان تعرفو انه القصه صحيحه بصراحه مش انا ولا عامر منستخف بعقولكو الشاطر يفهم
at 11:40 pm - 3rd September 2008 Permalink
يا استاذ ساز يعني انتي على حيلك من كم يوم وشادد على حالك ومحتج على علم اسرائيل انه برفرف بالموقع مهو انتي بفلسطين وبرفرف فوق راسك وين ما روحت بدل ما تجي تعاتب عامر عاتب رجال السياسه الي عندكو بلاش ذكر اسامي هني عم برفرفو فوق العلم الاسرائيلي بعدين الي احتج على رفرفة العلم ليش ما بحتجو على علم بريطانيا وامريكا مع انهن هني راس الحيه وهني الي بعملو سياسه فرق تسد يعني حجتكو تشوفو بس علم اسرائيل وما بتشوفو شي اوسخ منه انا نا بدافع عن العلم الاسرائيلي بس انتي مش راضي تستوعب الموضوع او ما بدك تستوعب
at 12:23 am - 4th September 2008 Permalink
عامر انتا كتبت مرتين بعد تعليق ر.ز بس ما جاوبت على سؤالها ؟؟؟ ولا “بتعك” كتير بالحكي؟؟
at 2:17 am - 4th September 2008 Permalink
ر.ز وعمر : انا ما نشرت تعليق واحد بس لألها.. والسبب بخبروا اياها بعدين… اما ازا في تعليقات تانية ما نشرت بتكون ما وصلتني او ما بعرف شو السبب..
at 3:38 am - 4th September 2008 Permalink
أخي “عامر” مش هيك اسمك؟؟ ..
جملة واحدة سأتفوه بها وهي: نحن شعوب “بالية” والبالي غير مرغوب فيه في هذه الحياة.. طبعاً لا أقصدك أنت (انتا على شقة)
صحيح.. هل استطعت لملمة تحياتي المبعثرة في سماء” فلسطين المحتلة” ؟؟؟!!.. طبعاً أكيد لم تستطع ، وبما أنك لم تستطع ذلك فسأعطيك تحيتي ” من أراضي” السلطة لوطنية الفلسطينية” وحتى إن كانت ” مبعثرة” فلربما تستطيع لملمتها!!
at 5:00 am - 4th September 2008 Permalink
بس هاد الي بحكي من السلطه ساز وببعت تحيات وابصر شو يشوف جوا السلطه شو في وبتحداك اذا عندك انتماء اكتر منا احنا عرب الداخل لفلسطين مشان هيك القيامه قايمه بينكو مع بعض وكل بدو مصلحتو بس مشان هيك اغتالو احمد ياسين وغيره وغيره بتقدر تحكي شو بصير عندك الي عم تبعت سلام وتحيات من السلطه ويلا بس شاطر تحكي علم اسرائيل برفرف وابصر شو. الحاره ضيقه يا ساز ومنعرف بعض خلي الطابق مستور
at 6:23 am - 4th September 2008 Permalink
فقط رد صغير على “r.z “:
العلم الإسرائيلي برفرف فوق راسي؟؟؟؟ .. أنا العلم الإسرائيلي بيرفرف فوق راسي؟؟؟! ، طيب منيح ازا كان العلم الإسرائيلي بيرفرف فوق راسي.. لو كان فعلا العلم الإسرائيلي برفرف فوق راسي ” لما رأيتني على قيد الحياة لحظة واحدة” ، ولقطعتُ نفسي إرباً إرباً روميت لحمي للكلاب.
لو كان بيدي نفي إسرائيل عن الوجود “لفعلت” ولكن ما باليد حيلة
at 2:18 pm - 4th September 2008 Permalink
انها علقت اسطوانه العلم يرفرف فوق راسك انا ما اصدت بالتحديد بمعنى انه يرفرف فوق راسك بمعنى الكلمه انا اصدت برفرف فوق راس ناس كبيره عندكو وانتو وافقين تتفرجو وانتي جاي تحكي برفرف هون علم امريكا برفرف وين بدو وانتي ما بعجبك مع انه هو اساس المشاكل حكيتلك مليون مره ما بدافع عن العلم الاسرائيلي بس انتي وجهت اكتر من مره سهامك ضد عامر ليش يطلع العلم .مع انه افضل انه يكون موجود مشان كل تعليق يبان من وين طالع مش هدفنا اشي تاني بعدين هاد مبرمج خالص انه يطلع العلم يا ريت تفهم عاد ما بدنا نضا نعيد بنفس الحكي كلنا فلسطنيه نموت وتحيا فلسطين
at 5:57 pm - 4th September 2008 Permalink
يا “r.z ” ..
بعرف إنك ما قصدتي إنو بيرفرف فوق راسي بالتحديد.. أنا لستُ غبياً.
وبعدين أية سهام هذه التي تتحدثين عنها؟؟؟؟!!!.. أنا قمت بهاجمته ثم بعد ذلك “اعتذرت” منه.
نقطة صغيرة..
(نموت وتحيا فلسطين).. أنموت فعلا وتحيا فلسطين؟؟؟ أم (نحيا وتموت فلسطين)؟؟؟!!… فعلا معادلة صعبة!!… معلش كل ايشي هالأيام ” مشقلب”
ولماذا تطلقون على أنفسكم ” عرب الداخل” ؟؟ يا أختي لا تستخدمي هذا المصطلح لأنه فقط يستخدم “للأقليات العرقية” ، وأنتم لستم بأقليات ، أنتم الملاك الحقيقيون ” لأراضي 48 ”
بتروحي على يافا؟؟؟؟ آخ آخ.. أنا من يافا بس عايش في مدينة “خانيونس” .. سلميلي على يافا كتير وبوسيلي ترابها.. احكيلها ساز مشتاقلك كتير مع إني عمري ما عشت فيها.
at 6:05 pm - 4th September 2008 Permalink
ساز: بدي أوصل سلامي معاك ليافا وحيفا والقدس, الي أمنية حياتي ازورهم …
تحياتي لك
at 9:49 pm - 4th September 2008 Permalink
الله يحيي أصلك أخ عامر.. الله يحيي أصلك .
كل التحية وكل السلام المعبق بالإشتياق لمدينتي “يافا”.. ما بعرف ايشي فيها وما معي منها غير مفتاح “الدار”.. المفتاح اللي أعطاني اياه سيدي.. يا مسكين يا سيدي ، عشت وانتا بتحكي “بدي أرجع ليافا “، ومتت وانتا “بتحكي بدي أرجع ليافا” وبالآخر ما رجعت.
تحياتي لك يا أخ عامر
at 10:14 pm - 4th September 2008 Permalink
الي فتره وانا حابه اعلق على موضوع العلم بانه انت ما الك دخل و الموقع نفسه بحط علم الدوله بس مش عارفه ليش ما علقت
r.z ما تاخدي الموضوع كتير شخصي …يعني الموضوع مش انت الموضوع العلم و معلش الواحد يفش قلبه ويحكي اللي بباله لانه المدونات معموله لهالشي…..بس ما بعرف بغض النظر عن العلم اللي بنحط يعني انا لو حد سالني ما بحكي انا من تل ابيب…او من عرب اسرائيل…بحكي انا فلسطينيه …ما بعرف ليش بتعرفي عن نفسك بانك من عرب اسرائيل ليه ما بتحكي من فلسطين او فلسطينيه…هاد اشي انا مستغربته من كل اللي بيجو من فلسطين وبحكو عن حالهم عرب اسرائيل هيك انتو بتزيدو تثبيت ان اسرائيل الاصل بالبلد ..بغض النظر عن التقسيمات الداخليه والسياسات المتبعه بالبلد انا بحكي انت شخصيا ليش ما بتحكي فلسطينيه
ساز….انا بضم صوتي لاخي عامر و بحكيلك سلملي على كل شبر بتقدر تسلم عليه من فلسطين وان شاء الله ربنا بكتبلنا و بنروح عليها عن قريب
at 10:58 pm - 4th September 2008 Permalink
هو فعلا معادله صعبه ورح يكون حلها بالمستقبل القادم احنا منطلق على انفسنا عرب الداخل لكي يعرف مين احنا لا تنسى انتو من اطلقتو علينا هاد الاسم عندما اقابل اي شخص من الضفه والقطاع يسالوني انتي من عرب الداخل هاد لانه انتو تبتعبرو حالكو مفصولين عنا ولكن انتو وغيركو من الفلسطنيه ب القلب
اما ليافا عندي زياره لمدينه يافا في حي العجمي عند اقاربي يافا عروس البحر بس للاسف هناك ايادي سافله خربو يافا كان هدفهن مقصود يافا ليست كمان سمعت عنها وعرفوها اجدادك من قبل الشعب الاصفر دنسو يافا وعملوها وكر للزعران والحشيشه والمخدرات والعصابات والقتل بأسف اني احكيلك هاد الشي.نحن الفلسطنيون اذا عطشنا نعصر الصحرا ونشرب واذا جعنا نأكل التراب ولا نركع للكلاب هاد شعاري بالحياة 
at 12:54 pm - 5th September 2008 Permalink
whisper77 |
للاخت انا ما بعرف حالي اني من عرب اسرائيل انا عادة بحكي اني عربيه فلسطنيه بحمل الجواز الاسرائيلي ممكن انه بحكي انا من عرب الداخل او عرب ال 48 مشان يكون اوضح انا من وين فقط للتوضيح مش مشان نثبت على انه اسرائيل هي الاصل يمكن يكون مفهوم خاطئ هاد الشي وبتمنى ينفهم وانا ذكرت اكت رمن مره انه احنا عرب ال48 الموجودين بارضنا عنا انتماء لفلسطين اكثر من اي فلسطيني موجود خارج فلسطين بس للاسف مش واضحه الفكره لبعض الناس الا بعد الاختلاط فينا
at 7:40 am - 6th September 2008 Permalink
bekkafeeeeeeeeeeeeeee allah yekhreb betkom shu tafheeen :S …. amer we7yaat alla lazem tsaker el comments 3alehom hadool ya zalameh … :S
at 2:20 pm - 6th September 2008 Permalink
انا مش منهم
at 1:55 pm - 7th September 2008 Permalink
كلام ليس عليه غبار يا اخي …..
at 4:29 pm - 7th September 2008 Permalink
بشار مين التافه ومي اصدك انتي ليش محموق يعني الي بدو يكتب يكتب والي بدو يعلق يعلق على شو حارق دمك
at 4:10 am - 8th September 2008 Permalink
:| R.Z
el tafheen ele 2a3deen ye3ardoo la mojarad el mo3arada :S ….. u know who i mean :S …
ma kol el nas batalat tektob comments mshan el mawdoo3 ..
bektobo comments mshan el mo3arada…
and u know eno ente mesh wa7deh menhom …
w mesh 7are2 dame wala she .. :S saba7 el khair
…. elo 3 days el comment :S
at 10:08 am - 8th September 2008 Permalink
بشار…
لماذا؟؟! أليست المعارضة رأي؟؟.. أليس لكل شخص حق الإعتراض حسب وجهة نظره التي يراها هو… أم أن هذا الرأي أو هذا المُعلق يعتبر” أشاوسيّ فقط لأنه عارض فكرة معينة؟؟؟
صحح تظريتك ي أخي!
at 10:42 am - 8th September 2008 Permalink
يلا بعين الله يا بشار هاي حال الدنيا في ناس بس شغلتها تعارض اسفه لاني ما فهمت اصدك بس انا اسا فهمتك وانا واثقه منك من غير ما اعرفك وصلني عنك انك انتي شي تاني غير عنهن بالتوفيق يشار
at 11:44 am - 8th September 2008 Permalink
والله أنا الي شايفوه يا ساز أنو هذا الي أنا عم بحكي عنة , أنا عم بحكي مع R.Z بموضوع , نطيت أنتا عارضتني , ليش ؟؟؟
لمجرد المعارضة مش لأبداء رأي ولا شي , “”"”"أليس لكل شخص حق الإعتراض حسب وجهة نظره التي يراها هو”"” أبدي رأيك بس مش لازم يكون عكس رأي الجميع , مشان تخلق جو من التوتر بلا داعي .
هذا الشاطرين فيه , النقاشات العقيمة , إلي ما بطعمي خبز .
http://WWW.beeesh.com …. w ra2asne ya amer :P
at 6:26 pm - 8th September 2008 Permalink
“أبدي رأيك بس مش لازم يكون عكس رأي الجميع”…
يعني إزا إنتا كنت مقتنع بفكرة معينة لازم أجري وراها وأقتنع فيها على الرغم من عدم إقتناعي بها.. فقط لأنك لا تريد خلق نوع من “التوتر”…
ولكن ويبدو أنك لم تسمع بهذه :” الإختلاف لا يفسد للود قضية”.. حتى لو كان كل الآراء متشابهة وليس هناك إلا رأي واحد مختلف فهذا لا يعني ” خلق توتر”
at 12:56 am - 9th September 2008 Permalink
bedde aktob bel english mshan a3raf a3bber bra7te :P
Mr Saz ….
ana ele shayfoo be kol el blogs w mawake3 el akhbar 3ebbara 3an nekashat 3akeemeh … w katabet makaleh 3anha fe my blog ..
w 3enna el nas bet7eb tnakesh 3a fadee 3ala eshe fadee meshan tensheher mesh 3arfeen
eno el wa7ad lamma yetla3 3an el mawdo3 el ra2ese
ma 3aleena ana aktafe be hatha el kadar men el nekash el 3akeem rakam 12200 w banse7eb w nakesh 7alak
cuz ana mesh na2es LOL …
wel salam
Bashar Barakat
at 10:49 am - 9th September 2008 Permalink
BeEesH
and u know eno ente mesh wa7deh menhom
looooooooooooool jad da7aktny…..shaklo bs tegy rozzeh (R.Z) 3ala Jordan feeeee kteer nas 2elhom masla7a
i’m kidding la tez3al
at 11:15 am - 9th September 2008 Permalink
la2 mesh shart
looooool ya3ne iza el wa7ad bekon ma3 el 7a2 bedo dayman yekon fe masla7a … :P akeed la2 .. bas i dont know kol marra bnottele wa7ad .
yalla ma 3aleena lama :P keefek ente … sa7ee7 meen ente
? 
at 11:34 am - 9th September 2008 Permalink
BeEesH
I’m fine thanks for asking
laaaaaaaaa malkash masla7a ya maaaaaaan
by the way I really like ur plog toooo
thanks for being open minded ya m3alem
at 2:03 pm - 9th September 2008 Permalink
walla am glad that u like my blog too … :P ma3 ene 3am ba2ade wa2te be askadenia LOL … shekle bede afta7 feere3 la beeesh.com honn :P … bas ma 3aleena .. la open minded wala she bas e7na fe 3enna nesbet takhalof ,,, mshan haik ana babaien super man LOOOOL
at 2:04 pm - 9th September 2008 Permalink
معلش يا لما لما بدك تمزحي بلاها هي المزحه لانه انتي كمان ماالك مصلحه اذا جيت الاردن او لا انا جاي مش مشانك ولا مشان حدا انا بعرف ليش وما في داعي تعرفي اصلا وبلاش تحكي حكي اكبر منك بليز ما حدا الو مصلحه معي اوعي لكلامك
at 6:06 pm - 9th September 2008 Permalink
امر غريب والله ما فهمت منكم شيء
at 7:28 pm - 22nd September 2008 Permalink
الي المعلقين اللأشاوس شئنا أم ابينا اسرائيل موجودة على الخريطة وفي كل العالم. الرسول عليه الصلاة والسلام اعترف بايهود وقد معاهم الهدنة لما كانوا المسلمين في بداية قيام دولتهم بالمدينة ولما قويت شوكة المسلمين ثم قام اليهود بالخيانة حاربهم بس ما حكا انا ما بعرترف فيهم ولا هالحكي الفاضي للتافهين اللي بحاولوا يسوا حالهم عندهم انتماء وهما انتمائهم بالهوا
at 12:31 pm - 23rd September 2008 Permalink
sho r2ykom tkamlo 7aki 3l msnger ya 7lween
at 1:58 am - 25th September 2008 Permalink
كل هالموضوع عشان علم
انا بقول كل واحد فينا يدورلو شي يملي وقت فراغو فيه احسنلنا
ولا كيف
شو رأيكم تتسحروا
at 6:10 pm - 29th October 2008 Permalink
يعني شعبنا العربي مو شاطر فير بالفلسفه والكلام الفاضي
اخ عامر بهنيك بقوه ع كتاباتك
واعمل متلي وما ترد على اي انسان
انا كنت اعلق من اسم اخر بس جننوني خاصه لما كتبت موضوع عندك بالمدونه
ما خلصت من هالتفاهه
شعبنا بنسى لب الموضوع وبدور على ما بين السطور
وكانهم بامتحان وزارة
ع راسي يا اخ عامر والى الامام
at 7:08 am - 19th January 2009 Permalink
يعني خيو هي انا من نابلس بعلق فيمكن يطلع العلم الاسرائيلي وعلى الاغلب رح يطلع العلم الاسرائيلي فشو اعمل يعني اضل ساكت ما تنسو يا جماعه انو في ناس من عرب ال 48 خاوا رح يطلع علم اسرائيل وهنا بعقبو لانو هو بالاصل شابك عن طريق شركة اسرائيليه ياريت نفكر بطريقه واقعيه اكثر وما نخلي تفكيرنا بس بالعلم لانو متل ما تفضل الاخ العزيز في كتير قضايا اكبر من هيك والسلام
أرسل تعليقاً