مين فينا ما بعرف السينابون Cinnabon؟؟
السينابون (وهو الأسم التجاري لـ لفائف القرفة Cinnamon Rolls( عبارة عن نوع من الحلويات محشي بالقرفة بشكل أساسي وعليه قطر أو سكر.
المهم, اليوم إجى ع بالي سينابون, رحت على سيتي سنتر عشان أغيّر جوّ وبالمرة آكل سينابون, لأنه السينابون إلو عندي ذكريات كتير رائعه.
ذكرياتي مع السينابون وصلّتني لفكرة أنه السينابون أساساً نوع من الحلويات الفلسطينية ومش أمريكي بالمرة!!
كانت ستي وأمي (الله يرحمهم) لمّا يعمّلوا صفيحة بالبيت ويزيد شوية عجين, يحشوا العجين قرفة بالسكر ويشوّوها بالفرن وبعدين يحطّوا عليها شوّية قطر, هاي الوصفة البسيطة جداً هيّ نفس وصفة السينابون تماماً.
لكن الفرق بالشكل بس, ستي البسيطة ما كانت تعرف تعمل شكل السينابون بشكل حلزوني زي هلأ, وما كانت تعمل القطر لونو أبيض , لكن الفكرة نفسها.
سلسلة محلات سينابون تأسست بسنة 1986, ما بعرف اذا كان في محلات تانية بتعمل السينابون كمان, بس اللي متأكد منو أنه ستي كانت تعمل “فطائر السينابون” من أيام البلاد.
حتى قبل فترة كان الوالد عندي في دبي, حكتلو بدي أعزمك على شي يذكرك بأيام الطفولة الغابرة وأيام الحجة ماكانت تطبخلك شي زاكي كتير, وعزمتو على سينابون وقتها, طبعاً رجع بالذاكرة 40 سنة لورا أيام ماكن ياكل نفس الحلو من إيدين الحجة.
في إتصال مباشر مع أحدى الكبار بالعيلة, حكالي أنه أكتر ناس بعملو السينابون هم أهل الرملة
, بس للمعلومات انا مش من الرملة.
on 
on 
15 عدد التعليقات
at 2:53 am - 11th September 2008 Permalink
“Cinnamon roll” is an ancient recipe. I don’t think anyone can claim ownership over it. Cinnabon is just a commercial store that took that idea and made it their own
Once I heard from this guy that his grandmother used to make him Cheesecake!
cool
at 3:36 am - 11th September 2008 Permalink
man ana awal maarra a3raf .. bas fe she la7azto … ana ma ba7eb atfalsaf … bas cinabon is the place name …. the shu esmo “esmo cinamon rolls
” w teer llooool 
at 11:30 am - 11th September 2008 Permalink
مره اجانا هديه منه لما كنت في الامارات
انا ما بحب القرفه اصلا بالمره؛ و هاد الاشي كتير كتير دسم؛ و لا حدا في البيت صابو؛ بتذكر انو بالآخر كبيناه
ممكن يكون أصله فلسطيني؟؟!! والله فكره!!!
at 12:33 pm - 11th September 2008 Permalink
والله يا مياسي شكلك ما بتعرف طعمة تمّك
at 12:55 pm - 11th September 2008 Permalink
وين المشكله ؟؟ هاي حريه شخصيه!!! يعني بوظه بالخبز شو هي مثلا؟؟
at 2:44 pm - 11th September 2008 Permalink
سبحان الله بتعرف انو اليوم دورت على طريقه عمل السينابون عالنت وناويه اعملها… شكله الصيام مأثر و الكل ناقصه سكر
شكرا عالمعلومه الحلوه….انا كتيييييييييييير بحبه وهلأ حبيته بزياده لانه طلع من اصل فلسطيني
at 6:34 pm - 11th September 2008 Permalink
“السينابون”.. مشهور عنا بمدينة “خانيونس”.. وأنا بطمنكو هو فلسطيني هههههههههههههههههه
مين بدو سيانبون.. أختي بتعمل سيانبون
at 8:49 pm - 11th September 2008 Permalink
مياسي الله يسامحك كان ابعتلي ايهم بدل ما تكبهم في سلة المهملات
تشان لهطنهم لهط ههههههههههه
at 11:28 pm - 11th September 2008 Permalink
Yummy I do like it :-)
>>>>>
at 2:49 am - 13th September 2008 Permalink
ياااااااه والله يا عامر السينابون طيب نحنا بنعملو كل فتره بالبيت ..وكتير زاكي
at 11:43 am - 13th September 2008 Permalink
yummmmmi cinabon…..ma dam 6l3 falas6ini bdi a7ki la siti t3mlna 7aflet cinabon o bfi3 el wd3 shwi bsir ajd3 mn ai mkan p b3ro6 fi bkm keleme in english y3ni bdl ma n7kilha “ka3ket kerfe” bnsmiha shi tani……o ya 3amer wla amer 3laik dwr wra el donut shof blki 6l3 falstini el tani o mt5li 3n aslo???!!!! b3mlha ma 7d b3rf y3ni”"
at 7:49 am - 15th September 2008 Permalink
طبعا اكيييييييييييييييد فلسطيني لانو ولا ازكى من هيك
طبعا هو بس للعالم يلي بيعرفو طعمة تمهم ومش لاي حد
at 12:38 am - 27th September 2008 Permalink
تفكير سليم يا معلم
تحياتي
at 4:39 pm - 17th December 2008 Permalink
الله يرحم الحجاج ويرحم ايام زمان…..
at 2:11 am - 7th November 2009 Permalink
مرحبا يرجى ان تبعثو لي مقادير السينابون ولكم الشكر
أرسل تعليقاً