مبارح لما كنت في مطار الشارقة عم بستنى موعد طيارتي لأسافر على الأردن صار معاي موقف بايخ جداً جداً رفع ضغطي جد.
القصة بدأت لما وصلت لنقطة التفتيش الأخيرة اللي عند بوابة الأنتظار لدخول الطيارة, الشرطي حكالي حط كل شي معاك بالسّلة وأنه أمرر شنتة اللابتوب تحت جهاز X-Ray كالعادة, وطبعا حطيت موبايلي ومحظفتي وساعتي بالسّلة ومريت انا تحت جهاز الأمن وطلعت من الجهة التانية لأستلم أغراضي.
وانا عم ألبس بالساعه, أجاني شرطي برتبة وحكالي لو سمحت تفتح شنتة اللابتوب؟؟ حكتلو ولا يهمك, ثواني بس البس الساعه, أخينا الشرطي ما أستنى وحكالي انه بدو يفتح الشنتة, أنا إستغربت من إستعجالو بالموضوع, وحكتلو أوكيه أفتحها.
الشرطي فتح سحّاب شنتة اللابتوب ومد إيدو جواتها, وطلّع شي من الشنتة, يا حزركم شو طلّع؟؟
طلّع مسدس من شنتة اللابتوب…آه مسدس!!!!! وبعديها سألني شو هاد؟؟؟
انا شفت المسدس بأيدو وبطلت أعرف أحكي بالمرة, لحوالي دقيقة والشرطي بتطلع عليّ وانا ساكت مش عارف أحكي, ساعه بفكر كيف أجى المسدس في الشنتة, وساعه بفكر شو بدي أبرر لألهم, وصرت أحكي يا خسارة شبابك يا عامر, راحت عليك.
بأختصار, مرّت علي الدقيقة كأنها ساعة وانا بفكر بالموضوع.. بعديها لاقيت الشرطي واللي معاه عم بيضحكوا عليّ!! ساعيتها حسيت أنه انا نسحب عليّ مقلب بايخ جداً.
بحكيلوا شو عم “تتخوثوا عليّ” ؟؟؟ حكالي آه نبى نتوّنس, وانا كنت أصلا مش نايم قبليها بيوم وصايم وتعبان ومش طايق حالي, ضحكت ضحكة صفرا وحكتلهم آه شكراً ومشيت.
مش مزحة بالمرّة, خصوصاً إنها إجت من شرطي
.
on 
on 
24 عدد التعليقات
at 7:35 pm - 14th September 2008 Permalink
والله يا مان , هو مش مقلب , بعدين منيح إلي مسكت حالك , لو محلك كان عملت فيهم مثل ما بدي أعمل بصاحبك لولللللل
at 8:53 pm - 14th September 2008 Permalink
يلا مرت على خييير.. انا بردو حكيت مش معقول عامر يكون معاه مسدس..ههههههههههههههه.
بس حلو القلب
بس بردو بخوّف
at 12:36 am - 15th September 2008 Permalink
لوووووووووووووووووووول
يا عليي والله بجد موقف لا تحسد عليه .. بس غريبه شرطي وبيعمل مقلب وبيمزح
بجد سنحهن لازم كنت ترفع فيهن شكوى ..
الناس مش لعبتهن يضربوا بهالاشكااال
اني واي الحمدلله على السلامه لانو موقف صعب والله
at 2:43 am - 15th September 2008 Permalink
لاااااااااااااا نغشين الشباب ليش الحكي
at 4:19 am - 15th September 2008 Permalink
هههههههههه
والله لو صايرة معي لالعن ابو سنسفيله هاد الشرطي..
بس على فكرة…المزحة بايخة
at 10:08 am - 15th September 2008 Permalink
يا ويلي …. مش مقلب بالمرة , يفضح عرضهم , أنا انجلطت لما قعدت أقرا
حمدالله على سلامة
at 12:33 pm - 15th September 2008 Permalink
فعلا مو موقف
انا بصراحة اكره ما علي المزح التقيل الي بكون اله اثر عل النفس من خوف او فزع او قلق
يعني اكيد كلكم شفتوا المزح بالكاميرا الخفية ب روسيا لما كان متخبي ب مكان البريد و فكر انه في اشي اجا الي بنمزح معه طخه و الله يرحمه…يعني بصراحة المزح التقيل عن جد ما اله داعي و الحمد لله ع سلامتك و زي ما حكيت الواحد صايم و تعبان يعني لا سمح الله منيح الي ما صار معك اشي
at 2:28 pm - 15th September 2008 Permalink
هاهاا .. بجد ضحكت …
مش موقف الصراحة و لا في الأفلام …
تعيش و تاكل غيرها
at 3:21 pm - 15th September 2008 Permalink
طيب من وين جايب هالنغاشة هاد الشرطي؟ انا لو محلك برفع عليه دعوة وبجيب خميره , عشان يتعلم يتناغش مع ناس ما بعرفهم
at 7:23 pm - 15th September 2008 Permalink
انا توقعت تكون الكمير الخفيه
at 1:25 am - 16th September 2008 Permalink
يوووووووووووووووووه
والله مقلب بيوثع القلب لو اني مكانك كان صار قلبي تحت رجلي
هههههههههههههههه
والله مزحة ثقيله
الحمد لله على سلامتك
تعيش وتاكل غيرها
at 5:09 pm - 16th September 2008 Permalink
واااااااااااال لو كنت مكانك لكنت ضربتهم
كنت عم بتخيل حالي وانا بقرا
at 8:44 pm - 16th September 2008 Permalink
ههههههههههههههههههه يا ربي شو متت ضحك
at 4:00 am - 17th September 2008 Permalink
ههههههههههههههههخخخخخخخخخ
موقوف مضحك , الحمد لله على السلامة
at 7:55 am - 17th September 2008 Permalink
هههههههههههههههههههههههههههههه
ياحرام
بس موقف بصراحة من الآخر
بس والله قوية ياباشا على رأي صاحبنا
” تو متش هيك ” لوول
يلا اهم شي تونسو
الحمدلله ع السلامة
at 8:25 am - 17th September 2008 Permalink
حكالي ابو وسيم عالمقلب هاد ..
قلت انا كيد عامر قال هاد محمد اللي حط المسدس بالشنته كونه عوضي مشاكل
طبعا عامر لا تزعل مني … لكنت سخسخت من الضحك عليك
لا تحمل معك ممنوعات المره الجاي بالشنته يا محترم
بتضيع حالك عشغلاتملهاش معنى
at 6:52 pm - 18th September 2008 Permalink
لو كنت بالمطار و شفتك كان وئع قلبي من الضحك
تعيش وتاكل غيرها…….
at 1:05 am - 24th September 2008 Permalink
تخينة شوي لا والله تخينة كتير
at 8:30 am - 24th September 2008 Permalink
صراحة لو منك كنت ضربتهم وفتصتهم ولاهمني حاجة اية العفانة دي يتونسوا على حسابك؟؟؟؟؟؟؟؟؟؟؟اة
تتضحك جدا
بس صراحة بالنسبة للشرطة
at 1:11 am - 25th September 2008 Permalink
شرطة الشارقة ومطار الشارقة
يا زلمة كويس اني ما شلحت بنطلوني اخر مرة سافرت فيها من هناك
والله كانوا بدهم يشلحوني ياه عشان يتأكدوا انه ما معي شي
ليكون مزحة ؟
at 3:00 am - 29th October 2008 Permalink
ghalaza hel almaz7a
at 11:33 am - 9th August 2009 Permalink
ههههههههههههههههههههههههههههههههههههههههههه
والله العضيم شر البليه ما يضحك …..
بس بدك الصراحه لو كنت مكانك عمري ما بطلع من الشارقه لانو رح يكون فيها قتل
at 8:34 pm - 20th October 2009 Permalink
يغصص باله من هيك شرطي والله محلك بجوز بطحطو و نزلت فيي و حطيتو براصي و رفعت قضية
at 8:40 pm - 22nd October 2009 Permalink
لو حابب نزيع .ءول زيع
لو مش حابب ما نزيعش
أرسل تعليقاً