أصدر الشيخ محمد المنجد (شيخ ومفتي سعودي) فتوى جديدة عبر برنامج تلفزيوني طالب فيها بقتل “ميكي ماوس” وهي الشخصية الكرتونية “الخيالية”!!!
ففي تفاصيل الفتوى الغريبة جداً من نوّعها, فقد أعتبر “شيخنا الفاضل” ميكي ماوس بأنه من فئة الفئران مما “يُحل” قتلة في الحل والحرم, معتبراً أن أن الفئران من جنود إبليس ويسيرها الشيطان، مشيرا إلى أن الإسلام سمى الفأر “فويسقة” ويجوز قتل الفئران في أي وقت لأنها نجسة وهي كائنات ممقوتة.
حيث أعتبر “فضيلتهُ” بأن أفلام الرسوم المتحركة غيّرت نظرة الأطفال إلى الفئران لدرجة أنها أصبحت شيئاً هاماً ومن الشخصيات المحببة لدى الأطفال, رغم أن الشريعة ترفض الفئران تماماً, فهي كائنات ممقوتة ومفسدة، واختتم بأن الفأر “ميكي ماوس” شخصية عظيمة لدى الأطفال رغم أنه يقتل في الحل والحرم.
منذ قرائتي الفتوى المثيرة للجدل والضحك في آن واحد, لم أجد ردة فعل مناسبة لأكتبها في هنا, لأن بالفعل وصلنا الى درجة من “الأنحطاط الفكري” بكل ما للكلمة من معنى.
فقد صدرت عدة فتاوي في الفترة الأخيرة من النوع الذي يضحكك لدرجة أنك تجد نفسك تبكي في النهاية, تبكي على ما وصلنا اليه, فقد أصبح الدين الأسلامي كـ “لعبة” بين أيدي “ثلة” من رجال الدين مما سمحو لأنفسهم أصدار فتاوي غريبة جداً لا تليق بعظمة هذا الدين بالإعتماد على أسس وقواعد في الدين فهمت بشكل خاطئ بالغالب.
تخيّلت نفسي لو أنني من دين أخر وأطلعت على هذه الفتوى المضحكة, ماذا ستكون ردة فعلي؟ أترك لمخيّلتكم الأجابة…
فكيف لنا أن نحبب الناس بالدين ونحن نصدر فتاوى غريبة لا يتقبلها العقل ولا المنطق, لن أقوم بتعدادها فمعظمكم قد قرأ تلك الفتاوى.
على كل حال, أتوقع بأن يقوم “ثلّة” من المعلقين الأشاوس بمهاجمتي لتعليقي ورفضي فتوى “الشيخ الفاضل” , ردي لهم للتفكير قبل كتابة الرد هو أني “فضيلة الشيخ” هو أنسان في المقام الأول, وهو ليس معصوماً عن الخطأ وبالتالي ليس “محرّماً” علينا أنتقاده أو مناقشته, -فبرأيي الشخصي- بأنه قد أخطأ بفتواه المضحكة المبكية, وعليّ أنا كمسلم مناقشته في هذه الفتوى, فـ “ميكي ماوس” يا شيخنا الكريم شخصية كرتونية ومجرد التفكير بقتله بفتوى هو شئ يثبت علينا مقولة ” يا أمة ضحكت من جهلها الأمم”.
المصدر: http://www.alarabiya.net/articles/2008/09/21/57018.html
عامر الخليلي
on 
on 
35 عدد التعليقات
at 1:24 pm - 22nd September 2008 Permalink
هذا الشيخ والذي يعتبر مفتي الأمة يقوم بإصدار فتوى بهذا الشكل؟
إن كنت قد فكرت بأن أصبح مسلما، فالآن لا أريد
اقبلوا تعليقي إذا كانت هناك حرية رأي وتعبير ديني
at 1:27 pm - 22nd September 2008 Permalink
اخ عامر اول شي اهلا فيك بالأردن زيارة طبعا لأنك ابن البلد اصلا بحب احكيلك اني كنت بالأمارات الي شايف انو كثير باهريتك وبتقيس الأردن فيها يا سيدي انا قابل اني اقيس معك الأردن بالأمارات
انا كنت هناك وشفت تقريبا البلد واللة اذا بتحكي عن بنية تحتية الأردن افضل وشوف بس تمطر عندهم شو بيصير عيب صح دولة فيها مليارات وهيك بعدين تعال شوارع في مناطق مواطنيين مش مزفتة (معبدة) شعب متخلف لدرجة انو بحضر افلام داخل المدرسة يا عمري الحمد للة علا نعمة اسمها الأردن وعلا فكرة انا فلسطيني مش اردني بس عندي كندرة اردني براس 100 الي بالي بالك شكرا
at 1:33 pm - 22nd September 2008 Permalink
انا اسف حكيت بموضوع ثاني معلش بس بالنسبة للموضوع نعم وين المشكلة يعني لما تصير فكرة الفار عند الأطفال متمكنة منهم يعني عادي بكون بعدين الفتوي فهمت خطأ هي اجت في سياق انو الفكر الغربي اصبح ثقافة عنا في امريكا قساوسة بصدرو (فتاوي ) بقتل المناضل هوجو تشافيز رئيس فنزويلا نعتبرو مش تخلف لأنهم امريكان يعني المشكلة الي عنا صارت انو بدنا نبرر كل شي للغرب صارعنا عقدة الخجل من الدين سامحونا يا غرب احنا مسلمين اصبحنا يهود التاريخ للأسف
at 2:04 pm - 22nd September 2008 Permalink
الفئران من جنود إبليس ويسيرها الشيطان؟؟؟؟؟؟
مزبوط هالحكي موجود في الاسلام؟؟؟؟؟؟؟؟؟؟؟
at 2:32 pm - 22nd September 2008 Permalink
والله يا عامر , بدي أفتي هالفتوة لو سمحت , بنائا على فتوة الشيخ ,
“تناول الأدوية المصنعة حراااااااااااام ,لأن الأدوية تم أختبارها على الفئران , و الفئران من جنود إبليس ويسيرها الشيطان”
مالي أقول إلا للأسف , عندما تعطى هذه الأمور الى هكذا ناس .
إلي بدو يهاجم عامر يهاجمني أولا , و الي مش عاجبو . في أربع حيطان للشاشه .
at 2:35 pm - 22nd September 2008 Permalink
تسمحولي اسب ع هالشيخ ( الاوريجينااااااااال) ؟
at 3:05 pm - 22nd September 2008 Permalink
هاهاهاهاهاهاهاهاهاهاها.. هوهوهوهوهوهوهوهوهوهوهوهوهو ..هيهيهيهيهيهيههيهيهيهي..
هذه أحرف المد!!.. الفٌ ،واوٌ ، وياء.. فقط أحببتُ أن اضحك بكل “حروف المد” على هذه الفتوى “المتقشقرة” بالنسبة لي ؟ هاي “عاهة” مو فتوى!!.
الإفتاء بقتل الميكي ماوس
at 3:38 pm - 22nd September 2008 Permalink
و بناءا عليه نصدر فتوى حضرتنا بقتل الفويسقه جيري ايضا…
at 6:24 pm - 22nd September 2008 Permalink
أخ عامر… بدي أسألك سؤال: انتا دورت عالنت على نص الفتوى؟؟ ولا شفت من موقع عن ردود فعل عن الفتوى؟ أتوقع الأخيرة
المهم… قبل ما نوزن داعية زي المنجد نوزن مين إحنا أول بعدين نشوف مين هو! زي الأخ من السعودية اللي بدو يسب عالشيخ !!! الله يهديك! لو عرفت مين هو المنجد لخجلت من نفسك!
المنجد داعية من كبار الدعاة والعلماء في أيامنا هذه! مشرف على عدد من المواقع الإسلامية http://www.islam.ws و أهم موقع http://www.islam-qa.com/ar موجود فيه رأي الشيخ بالموضوع http://www.islam-qa.com/ar/ref/2896
واللي بدو يستزيد عن الشيخ يفتح و يدور على مناظراته.
بصراحة أنا فلبت النت فوقاني تحتاني إني ألاقي نص الفتوى!!! طلعت روحي و ما طلعت الفتوى معي! بالآخر قلت بلكي تكون مصورة و ألاقيها عال youtube والله و طلعت معي!!!
http://www.youtube.com/watch?v=MS_HyjbuGgM
اللي بدو يسمع رجاء فتح مخك و أذانك مزبوط!!! الشيخ لما إجا بدو يقول “هذا ميكي ماوس يق..” تلعثم و ما كمل! لأنه عارف إنو خيال مش حقيقي! فحكي بالحرف الواحد: ” يقتلوا في الحل والحرم” يقتلواااا مش قصدو ميكي و مرتو و جووفي!! لأ الفئران جميعا اللي يقتلوا!!
فنصيحة نتقي الله قبل ما نتفلسف على عالم بوزن علمنا كلنا مع بعض و أكتر..
وآسف عالإطالة!
at 6:34 pm - 22nd September 2008 Permalink
اولا خلونا يا جماعه ما ناخد الموضوع من وجهه نظر الغرب وكيف همه استقبلوه
انا دورت عالنت ولقيت الفقره اللي المفروض فيها الفتوى
http://ca.youtube.com/watch?v=BmgFQiaYEdk
و الفتوى مش انه قتل ميكي ماوس…الشيخ بناقش بموضوع أساليب الغرب في هدم الدين في نفوس الأطفال وترويج ما يهدم السنة في قلوبهم عبر الرسوم المتحرك
وهاد رأي الغرب بالموضوع ..ولولا انهم بدهم يكبرو الموضوع ويحقرو بعلمائنا كان ما كان هالموضوع انتشر لهدرجه…يعني ما اعتقد انهم كلهم جابو سيره غزه او سيره المجازر في لبنان وجنين بس هيك موضوع كل القنوات حكت عنه
http://ca.youtube.com/watch?v=qO3TqDS1XHE
فلا تخلونا سطحيين زيهم
ولا تنسو يا اخوان ان لحوم العلماء مسمومه….فبلاش نخوض بالعلماء
at 7:25 pm - 22nd September 2008 Permalink
يييييييييييييييييييييع فئران.. الله يقرف اليهود.. ومالها الفتوى؟؟؟ الفئران مقززة..ييييييييييييييييييييييييييع
at 8:28 pm - 22nd September 2008 Permalink
طب هل ممكن يا أخواني المعلقين سؤال بس ؟؟
لو كان الناس يقتلوا الفيران أينما رأوهم , هل سوف يتوصل العلم ,على ما هو عليه اليوم ؟؟
يعني التجارب الي بجروها العلمماء على الفيران . هل كانوا سيتوصلون الى ما تو صلوا إليه , أكيد لأ.
بعدين شو خص الغرب بالموضوع ؟؟؟ أتوقع أنو بهذا الموضوع الغرب ما الو دخل, و إذا مشان برامج الأطفال , خلي الأهل تمنع ولادها من أنهم يحضروا أفلام الرعب , الي بتعرض على قنوات الأطفال , بعدين يطلعوا على ميكي ماوس .
عفوا ولكن الأنسان مهما كان , سواء عالم دين , أو مفتي فهو ليس معصوم من الغلط .
تحياتي ..
بشار بركات
at 8:49 pm - 22nd September 2008 Permalink
اتقوا الله في حديثكم
http://zekraa.wordpress.com/2008/09/22/l7idan/
at 8:53 pm - 22nd September 2008 Permalink
المقالة مضحكة لانها تدل على شخص متسرع جدا كتب الموضوع بدون بحث وتدقيق بالمعلومات وفهم حكي الشيخ على المضبوط لكنه فقط اراد الحصول على عنوان وموضوع ملفت يستقطب الجميع الله يهديك ,طبعا انا من المتابعين لمواضيعك بس هذا الموضوع مع الاسف مكان من مستوى مواضيعك السابقة وتقبل تعليقي.
at 11:00 pm - 22nd September 2008 Permalink
no comment bs eshe beda7ek forsa nser nfaker abel ma ntale3 fatawa ma elha m3na
at 11:26 pm - 22nd September 2008 Permalink
اول شي حابة احكي عراااااااااااااااسسسسسسسسسسسسسسسيييييييييي مصطفى بشرفي انك رجال وبشرفي كندرتك بتسوى 100واحد من الي بالي بالك هههههههههههههههه وبعدين يلي بيحكي انو المنجد مفتي الامة ولا شيخ الامة نحنا ما عنا هيك شي الشيوخ مليييييييييييييييين العالم وهو ازا ازا غلطان فهو بعبر عن وجهة نزرو وعن فكرو فياريت الفكر يتناقش بفكر مو باستهزاء لان كل واحد حيانا بتيجي علي لحزات بشت فيها ويمكن نلائي عامر هيك بيوم من الايام هههههههههههههه وبعدين ليش ما نحكي شوفو الحضارة الغربية المقرفة يلي مش لائية ترسم كرتون او شخصية محببة للاطفال غير فاااااااااااااااااااااار ييييييييييييييييييييععععععععععععععوووووووووووووووووووووووو شو ما بئي بالدنيا غير فيران في كتيييييييييييييير ناس مخها بحطها مكان ميكي ماوس يرسمو بدالو احسن
at 11:33 pm - 22nd September 2008 Permalink
Oh no, not Mickey, come on
If they get Mickey, they’ll go after Donald Duck next
Now that would make me upset
at 11:55 pm - 22nd September 2008 Permalink
إلى الأخ بشار بركات!!! كيف الغرب ما إلو دخل؟؟ والحرب على الإسلام وين؟ بصراحة المشاهدات عاليوتيوب للفتوى المحرفة بالإنجليزي يفوق 1000 مرة مشاهدات النسخة العربية! بالعربي هناك فيديو واحد المشاهدات فيه عندما رأيته كانت أقل من 150! بالإنجليزي تتجاوز الـ 17000 و أكثر من 5 فيديوهات! يعني بالمجموع تقريبا 50000! بالك ليييش؟؟؟؟
الظاهر إنك ما فتحت عالفتوى اللي كتبت اللينك تاعها قبل… بس بدي أقتطفلك منها:
السؤال :
ما حكم قتل الفأرة .
الجواب :
لا حرج في قتل الفأرة لما رواه عَبْدُ اللَّهِ بْنُ عُمَرَ رَضِيَ اللَّهُ عَنْهُمَا قال : قَالَتْ حَفْصَةُ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ خَمْسٌ مِنْ الدَّوَابِّ لا حَرَجَ عَلَى مَنْ قَتَلَهُنَّ الْغُرَابُ وَالْحِدَأَةُ وَالْفَأْرَةُ وَالْعَقْرَبُ وَالْكَلْبُ الْعَقُورُ. رواه البخاري 1828
لا حرج!! مش واجب!! والرسول لما قال هذا عن الفئران كان قصده فئران البيت لأنها تشعل النار:
“وروى الطحاوي في أحكام القرآن بإسناده عن يزيد بن أبي نعيم أنه سأل أبا سعيد الخدري لم سميت الفأرة الفويسقة , فقال استيقظ النبي صلى الله عليه وسلم ذات ليلة وقد أخذت فأرة فتيلة السراج لتحرق على رسول الله صلى الله عليه وسلم البيت فقام إليها وقتلها وأحل قتلها للحلال والمحرم ذكره العلامة الدميري”
فبتهيألي وصلت الفكرة عن فئران التجارب!!! الحمد لله ، دين الله أكمل من هيك تفاهات!!
at 12:54 am - 23rd September 2008 Permalink
بصراحة انا لا اثق بقناة العربية ولا حتى بموقعها الالكتروني
ممكن الشيخ حكى كلام كثير، ولكن كاتب الموضوع في العربية اقتبس جزء من كل، كمن يقرأ القرآن ويقف عند (لا تقربوا الصلاة) وينسى (وأنتم سكارى)
نحن كمسلمون نتسرع في ردة فعلنا تجاه أي قضية تخص ديننا لغيرتنا عليه -وهذه صفة ايجابية- لكننا لا نعرف كيف نتصرف
قد يكون للشيخ رأي لا نعرفه ولم يتمكن من ايصاله، او انه قصد ما قاله لغايات لا نعرفها
أتمنى بأن تتقبل رأيي
واوافقك في هذه الجملة (تخيّلت نفسي لو أنني من دين أخر وأطلعت على هذه الفتوى المضحكة, ماذا ستكون ردة فعلي؟ أترك لمخيّلتكم الأجابة…)
تحياتي لك
at 2:05 am - 23rd September 2008 Permalink
amer zakarne arod 3aleh bokra … cuz na3san
…
at 2:29 am - 23rd September 2008 Permalink
يا إخوان, الفتوى صحيحة لا غبار عليها لكنها أوّلت تأويلا لا معقولا…
الفأرة , والعقرب , والكلب العقور ,والغراب , والحدأة)
.
والبركة في الإعلام العربي”قناة العربية”
.
الفتوى بتقول أنه في الإسلام: الفأر يعتبر من الفواسق الخمس التي أمر الإسلام بقتلها يفي الحل والحرم وهي
أما بالنسبة لميكي ماوس, فقد كان الشيخ مازحاً …
وأنا مع :الأخ مصطفى والأخت منى
.
واللي مش مستوعب يشوف هذا المقطع
.
http://www.youtube.com/watch?v=MS_HyjbuGgM
……….
يا إخوان احنا لازم نعرف أن هناك حملة شرسة على الإسلام من جميع الجهات, حتى من بني جلدتنا…
الله يسامحك يا عامر
.
والله ما توقعتك تحكي حكي زي هيك
.
سلاااااااام
at 5:59 am - 23rd September 2008 Permalink
ما هذا يا عامر اصبحت في اونه اخيره تفتعل المشاكل في مثلا هكذا مواضيع
at 11:22 am - 23rd September 2008 Permalink
والله اصبحنا في حيرة من تخبط علماء المسلمين وتشويههم للاسلام بما يسمونها فتاوي ,اتقوا الله واتركونا من هكذا فتاوي تضعف الاسلام وتضحك علينا العالم ..مشائخ اخر زمن!!!!
at 3:48 pm - 23rd September 2008 Permalink
عامر رن على صاحبك بشار صحي عشان يرد علي!!! بس اللي ظاهر إنو صاحي عشان شفت تعليقات إلو على مواضيع تانية!!
at 5:32 am - 24th September 2008 Permalink
أخي عمر.
الصراحة لا نايم ولا شي , و شكرا على التعليق الخاص ,
عمر كل كلامك مزبوط , الحرب على الأسلام ما خصها بميكي ماوس, و أظن أنو في كلام أهم من كل هذا المفروض أنو الشيخ يفتي فيه, و أنا ما بقول أنو الواحد يربي الفار بالبيت !!!! بس أنا تعليقي على أنو دخل أفلام الكرتون بالموضوع, يا أخي فكر فيها معي شوي , أنتا مش مبين عليك مراهق, يعني قصدي شاب متلك متلنا , أيام و احنا صغار , مسلسلات الكرتون الي كنا نحضرها شو هيييييي؟ مش Tom And Jerry , w mecky mouse w kol werner brothers vedios ? ؟؟؟ …
هذه المسلسلات ما كانت ÷لها هالتأثير علينا مثل مسلسلات هالأيام , مش أبدا أنو يحكي عن مسلسلات هالأيام , بعدين أوك الفيران قتلها حلال , بنرجع و بنقول “”" رب ضارة نافعة”
تحياتي لك عمر
بشار بركات
at 3:29 pm - 24th September 2008 Permalink
أبو البيييش! بحب أطمنك أنا مش ختيار! أتوقع إني أصغر منك، موديل الـ 87
صح إنو و أحنا صغار ربينا على هيك قصص بس انت نسيت بيف و هيركول !!!
أنا معاك 100% إنو فتوى إجت بغير موضعها و بغير وقتها و صار فيها لخبطة اللي خلت الفتوى توصل غلط! بصراحة أنا حتى مش شايف فتوى باللقاء! هو قال إنو فئران البيت لازم تقتل! و هاد مش اشي اجتهد فيه الشيخ هاد حديث من 1400 سنة! بصراحة الشيخ فتح على حاه بواب ما كانت لازم تنفتح!!
فكرت بيني و بين حالي مرة تانية! هسا صح إنو كل الأطفال بحبوا ميكي ماوس و جيري، بس عمرك شفت ولد ماسك فار و بلعب معو؟؟؟ أول ما بشوفو بنووح مثل المطلقة لأنو بخاف منو! فما بتوقع إنو ميكي حبب الفئران لقلوب الأطفال! حبب ميكي فقط!
بعتذر إذا كان ردي السابق فيه نوع من الهجوم أو الحكي اللي ما إلو طعمة!
at 12:49 am - 25th September 2008 Permalink
لا لو سمحتو الموضوع انفهم غلط بغلط
انا شفت المقابلة والشيخ كل الي حكاه انه هاي المسلسلات الكرتونية بتنمي حب المخلوقات غير المحببة عند الاطفال
الفار مخلوق نجس اولا وكما قال الشيخ انه جند من جنود ابليس
بعدين يا جماعة يعني كيف شيخ بهالفكر النير بدو يصدر هيك فتوى تافهة يعني كيف بدنا نقتل شخصية كرتونية
at 12:56 pm - 25th September 2008 Permalink
الأخ / عامر الخليلي ، إليك هذه الملاحظات كان من المفترض أن تقرأها وتعلمها قبل أن تكتب هذا المقال :
1. يجب أن تتأكد من مصدر الفتوى .
2. يجب أن تتأكد من المسيرة العلمية لهذا الشيخ الجليل .
3. يجب أن تعلم أن أعداء الإسلام يتربصون بكل كلمة تصدر من مشايخنا وعلمائنا حفظهم الله .
4.سوف تحاسب عن كل كلمة قلتها أو نقلتها خطأ أو اعتمدت مصادر غريبة في نشر هذا الموضوع .
5.يجب أن تكون لك غيرة على أمثال الشيخ / محمد المجند حفظه الله وأطال الله في عمره
at 1:05 am - 27th September 2008 Permalink
السلام على من اتبع الهدى:
أنت يا صاحب الموضوع هل تأكدت أم مثل المواقع العربية فقط للجذب وبالنهاية كذب
أنا بصراحة أكره العنصرية “لا فرق بين عربي وأعجمي إلا بالتقوى”
أنا شايف ناس تتكلم من راسها والدليل على إنك ما تعرف شيء ولا تتبعت الشيخ أصله سوري
at 8:03 am - 27th September 2008 Permalink
“أنا بصراحة أكره العنصريةلا فرق بين عربي ولا أعجمي إلا بالتقوى”..
وشو دخل موضوع “الفتوى” بالعنصرية.. هاد موضوع وهداك موضوع تاني.
أم أنك على رأي هالواحد اللي هو اسمه “بشار بركات” بس بدك تعارض لمجرد المعارضة… والله صدقت يا بشار (حكي لمجرد المعرضة)… هلأ أنا بدي أفهم شو اللي جاب موضوع العنصرية لموضوع الفتوى
تحياتي يا عامر
at 8:32 pm - 27th September 2008 Permalink
أنا أقول لك وش جاب الموضوع “(شيخ ومفتي سعودي)” وممكن تراجع كلامي في الأعلى أنا كلامي مش مجرد أحب معارضة لحوم العلماء مسمومة وأنا شايف ناس تتكلم على كيفها وما لها أدنى معرفة
بس بصراحة أعجبني فيك شيء واحد هو تتبعك للموضوع http://askadenia.net/600.html
at 3:34 am - 9th October 2008 Permalink
يا أخي الفاضل ..هولاء مشايخ فضلاء امضوا اعمارهم في طلب العلم لأجلنا ..جزاهم الله عنا كل خير فلا ينبغي لك وصفهم بألفاظك تلك … فقد قال تعالى( ما يلفظ من قول الا لدية رقيب عتيد)
وننسى فضائلهم.. لماذا بدلا من ذكرك لهذا الخبر ..ذكرت احدى مواقعة الاسلامية ..او مؤلفاتة النيرة ..او سيرتة ..او على الأقل بحثت في مدى مصداقية هذا الخبر 
…
لهم من الفضل علينا الكثيييير والكثيير… ولاينبغي علينا الأصطياد في الماء العكر..
لماذا نفرح بأخطاء الاخرين
فشيوخنا كلهم رجال ..بكل ماتحملة الكلمة من معنى… ثم اني ارجوا منك ان نقلت خبرا ..ان تتحقق منه ..ولاتنقله ناقص مبهم.. سأوفر عليك عناء البحث والتحري ..هذا الرابط للتحققhttp://www.alarabiya.net/articles/2008/09/24/57186.html ..أسأل الله لنا ولك التوفيق والسداد
at 9:27 am - 9th October 2008 Permalink
والله ودي اقول لك شيء يا عامر واتمنى تفتح فيه عقلك بشكل رحب
الشيخ المنجد معرووووف في اكثر الدول الاسلامية والعربية ولكن انت لست معروف ولم اقرء لك مقالا ابدا في حياتي سوى هذا المقال
ثانيا : استغرب وانت الشخص المتفتح والشخص الذكي والشخص العاقل أن تكتب مقالا لم تقف على صحة الفتوى ، يا اخي ارجع للمقاطع في اليوتيوب وانظر كيف تم تحريف الفتوى
أخيرا
والله العظيم ان الشيخ محمد صالح المنجد أطهر لي من الفئران التي تدافع عنها انت واخوانك
وشكرا
at 2:55 am - 20th October 2008 Permalink
على فكرة إحنا عمنلتهي بهيك شغلات تافهة وهذا ما يريده الغرب لكي يتفوق علينا وبعدين يرمينا متل الصرماية العتيقة وراء ظهره
تضربوا إنتوا وهالموضوع
at 10:15 am - 20th October 2008 Permalink
تم اغلاق التعليقات….gif)