حال الشعب الأردني بعد غلاء أسعار البنزين..!
ونيالو الي قوتو 8 سيلندر 
آخر الأخبار من الجزيرة- إيقاف مدرب البرتغال كيروش ستة أشهر
- مسلمو جزيرة يونانية يحيون رمضان
- مسلمو نيويورك يدافعون عن أنفسهم
- أميركا أنهت قتالها بالعراق دون نصر
- انسحاب أميركا من العراق غير واضح
- يحافظ على الصيام في سن 130
- حماس تتعهد بمواصلة عملياتها
- دعوة لعدم إغفال فلسطين بمناهج الأردن
- غيتس يصل كابل ويلتقي كرزاي
- إسبانيا للدور الثاني بمونديال السلة
-
أحدث التعليقات
- مواطن
on دم للبيع, لحق حالك - جار القمر
on دم للبيع, لحق حالك - Miso on دم للبيع, لحق حالك
- veda on دم للبيع, لحق حالك
- فوزان ابوهديب on هل أنت راض عن أمانة عمان الكبرى؟
- مواطن
24 عدد التعليقات
at 3:56 pm - 17th February 2008 Permalink
ولا اشي
الله يعين الناس يا رجل و الله هالارتفاعات هاي هدت حيلهم
at 7:40 pm - 17th February 2008 Permalink
اصلا ولا حتى بصحلنا نكون بالنشاط هدا و نمشي و نروح و نيجي ! لانه حتى اسعار الاكل ارتفعت و الي كان ياكل لحمة و جاج كل يوم رح يصير ياكلهم مرة بالاسبوع و كان ياكلهم مرة بالاسبوع رح ياكلهم باحلامه بس .. انا بقول لو انه احنا عندنا شوية عقل لا بنروح نشتغل و لا نهد حيلنا عالفاضي عشان ندفع رواتبنا بنزين و غاز و كهربا ! نقعد بالبيت لغاية ما يوصلنا الدور مع عزرائيل .. اريح اشي و كاسك يا وطن
at 1:34 am - 18th February 2008 Permalink
لووووووووووووووووووووول
بس بتعرف هيك؟ يمكن تكثر الحوادث و تصير على شكل هوشات
بس كيف بدك تعبي ديزل :-)
at 2:46 am - 18th February 2008 Permalink
نادين: خلّي الشعب ياكل بسكوت
… أحسن من الجاج واللحمه 
أمجد: دير بالك لما تسوق بجمع باصات سكان الوحدات .. سؤالك بمحلو وبجاوبك بعدين
at 3:49 am - 18th February 2008 Permalink
كل شي اوك …
بس موضوع اعادة تعبئه البنزين مممممممممم غريب
لانه ممكن انه ……….
بس ما مر علي سياره غطى البنزين تاعها بهيك مكان
at 5:42 am - 18th February 2008 Permalink
LOL ta7sheesh
Bas wallah 7aram
Meskeen hal sha3eb sho beddo yet7ammal la yet7ammal
at 11:56 am - 18th February 2008 Permalink
اسكدينيا : انت كان لازم تروح مستشار لماري انطوانيت ! لما شعبها مات من الجوع و قالها ما في معنا حق خبز قالتلهم كلوا بسكوت !!! بس بتخيل انه سعر بسكوت كناري ارتفع كمان .. انا قلت بلا من الاكل بالمرة احسن بلكي بتقدر توفر حق الاكل عشان تدفع ضريبة مبيعات
at 2:53 pm - 18th February 2008 Permalink
ما أنا حكيت هيك زي ما حكت ماري أنطوانيت بزمناتها, قرّبنا نوّصل للمستوى هاد احنا
.. بعدين لسه ايامها أكيد كان سعر البسكوت أرخص من سعرو بالأردن هلا 
at 3:12 pm - 18th February 2008 Permalink
اسكدينيا يا عيوني احنا نوصل للمستوى هادا ؟؟اي لو عشنا و متنا خمسين الف مرة ما بنكون متل الشعب الفرنسي قبل 300 سنة لما عمل الثورة و خلينا ساكتين احسن بلاش نروح على بيت خالتنا على هالمسا و وحياتك بعمرنا ما بنطلع
at 11:42 pm - 19th February 2008 Permalink
والله يا اخواني هاد شعبنا مسكين بس امرات بحسو ساذج(مع احترامي للجميع) لأنو بعوم على شبر مي…
هيهم غلو المحروقات و كل اشي عمالو بغلا وراه, البيضة الوحدة صارت حق بكيت بسكوت كناري و البيضة ما بطعمي ولد صغير…المهم هاد الشعب كل ما يجي منخفض الكل يتأهب لمواجهة الاعاصير,,زي اليوم اجا منخفض بسيييط,, الكل ليلة امبارح طوابير عالمخابز التموين المحروقات بتقول حالة حرب او كوارث,, و هي اجا اليوم و اشي بسيط و الجو عادي و اقل,,و الكل معطل خايف يطلع من البيت اشي بجنن مش طبيعي حرام يكون شعبنا هييييك.. الشعب بدو اشي يلهيه,,كل اشي بغلا و احنا ملتهيين بأشياء تافهة زي البرد مرة و انفلونزا الطيور الخادعة مره 
at 3:08 pm - 20th February 2008 Permalink
سامر شعبنا مو مسكين ولا ساذج ! لانه مستحيل تحكي مع واحد مهما كان عمره ولا ثقافته الا يقعد يتفلسف بكل شي .. بحكي بالسياسة و الاقتصاد و الاجتماع و الدين متل ابو العريف ! و هالشي بدل انه الشعب مو ساذج بس بستهبل لانه الاستهبال هالايام اسلم ، لانه اذا ما استهبلت معناه انت بتفهم و احنا بالوطن العربي كله الشعوب ممنوع تفهم و الا بكون الها علاج محترم.
at 6:19 pm - 20th February 2008 Permalink
نادين, شكراً لتفاعلك بالموضوع, بس أنا رأيي انه الموضوع لاهو سذاجه ولا هبل, الموضوع أنه الكل بحكي مارح يطلع بأيدنا شي, في عادة معينة تربى الشعب عليها, وهي ألسكوت, انه شو ما صار الكل بياكلها وبسكت .. مش متل شعوب تانية بتقوم قيامتها..
بتزكر آخر مظاهرات صارت بمستوى مظاهرات الشعوب التانية هي لما غلّو الخبر أول مرة, لما رفعوه من 10 قروش ل 18 قرش حسب ما بتزكر
at 6:42 pm - 20th February 2008 Permalink
العفو ولو !! مش مسألة عادة و تربوا عليها .. مسألة انك رح تسكت بكل الاحوال سواء عاجبك او مش عاجبك الوضع .. باللين بالعنف بدك تسكت .. و ذاكرتك صحيحة بس اذا بتساعدك كمان شوي بتتذكر القمع الي عاملو فيه المظاهرة و شو صار بمعان اياميها .. متذكر ؟؟ و شكرا الك انك طرحت الموضوع
at 1:11 am - 21st February 2008 Permalink
ما هو شعبنا لما يصير اشي من الحكومة متل الغلا او ما شابه بلهوه بإشي تاني زي الولد الصغير بتضحك عليه بالعبة و انتا بتعمل اشي تاني,, فصار الشعب متعود على التفتهات,, لما بدو يصير اشي متل البرد او زلزال الكل ببرم زي النساوين(مع الاحترام) و يا صبحان الله مش ملاحظين كل غلا بيجي,بيجي معاه اشي يلهي الناس؟ عشان ما حدا يفكر يعمل او يستنكر.. عقل شعبنا مطموووووس ما الو كلمة
at 11:49 am - 21st February 2008 Permalink
له له له يا سامر هلأ كل شي فيه هبل و رغي لازم يقترن بالنساوين يعني ؟؟؟ هينا نساوين و الله ما بنحكي اد ما بتحكو انتو
معك حق و انا معك بكل كلمة قلتها بس كلامك صح لوقت معين كانو يلهو الناس باشيا تافهة بدل ما يهتمو بالاشيا الاساسية بس هلأ بطلو حتى يلهوه باشي لانه خلص تعودنا نسكت بكل الاحوال و ناكل هوا . و معك حق عقل شعبنا بعده ” مجلتن” و ما بده يفك عنه الجلاتين .. لشو يفكر ؟ بكفيهم ستار اكاديمي يشغلو عقلهم فيه
at 2:46 am - 22nd February 2008 Permalink
و الله كلامك صح و 100 صح لأنو كتير بشوف هالإشي و كمان زي ستار اكاديمي و سوبر ستار بطلعوا الناس مظاهرات لما الواحد يفوز اذا كان من عنا ,, بتقول اتحررت فلسطين
هاد الجيا مش نافع لإشي ملتهي بالتفاهات 
الله يعين الجيل القادم 
at 7:50 pm - 25th February 2008 Permalink
عمي بدكو الصراحه واللا نتخوث على بعض
يعني يا اخوان بالعربي اللي بطلع من الاردن بتكون بواب السما انفتحتلو
الشعب الاردني مع كل احترام وتقدير غبي لدرجة فادحه وانا اولهم ، يعني بالله عليكو لما تصير زياده بالرواتب لموظفين الحكومه 10 او 20 دينار بصيروا يغنو يا اردن فدوى لترابك وارفع ايدك ادي التحيه ثاني يوم واحنا بنغني ارفع ايدك برفعو الاسعار يعني بتمصخرو علينا عينك عينك، بس الحمدلله انا قبل سنتين اكتشفت اني كنت غبي ولحقت حالي واطلعت من الاردن وصرت اتفرج وازقف من بعيد
وفخار يطبش بعضو… اجى الوقت نفهم انو الاردن صار (وطن بديييل) مش لالنا …خدوها نصيحه من مجرب
وبدي اكتب اسمي كامل عشان تصدقو انو انا اردني اصل عشان ما تفكروني بتخوث
بهاء محمود محمد العزام سكان اربد خريج اليرموك وهاد اميلي(bmw_raceing@hotmail.com) اللي شايف انو حكيي غلط يراسلني عشان اثبتلو…
at 11:04 am - 26th February 2008 Permalink
اولا جواب الحكومة غير منطقي وكل المسئولين برددوة وهو انه الاردن بلد بدون موارد ياسيدي ماليزيا واليابان وسنغافورة بلد بلا موارد ابحثوا عن بدائل وتشجيع الاستثمار حرام الارتكاز على المواطن الضعيف الفقير ادا الحكومة معهاش تتحمل الضغط المواطن معه انا بعرف الدول لازم تتحمل مسئوليتها على الناس مش تعوم الاسعار والفقير يزداد فقر وادا سرق القانون والسجون جاهزة اصلا الاردن اتغير لا عفو عام ولا اشي ارجوكم انتبهو لدعم شريحة المواطن الفقير المعدوم واملنا بالقيادة الهاشمية مش بالورزاء
at 11:55 pm - 26th February 2008 Permalink
انا مهما خربت هون بالاردن الاوضاع ما بفكر اطلع لو شو ما صار.. البلد الي تلابيت فيها ما بتركها لأني بقدر جميل بلدي علي و الي عم بصير هلأ من غلا بدنا نحول نجتازو لأنو كل بلاد العالم عم تغلا,, طبعا اكيد برا الرواتب بتعادل الغلا عنا لأ,,, شو بدنا نساوي نتغرب احسن؟؟؟ لأأأأأأأأأ
at 2:48 pm - 7th April 2008 Permalink
انا بتعليقي هذا بحب ارد على كل واحد فيكم من البداية وبالترتيب ونبدا ب
traNsporTeR انا بأيدك الله يعين كل الناس ع الارتفاع علما هذا الارتفاع عالميا ونادين مش مشكله الواحد مايأكل جاج او لحمه الاهم من الجاج واللحمه والحمد لله انه في عند الاردنيين عزه نفس ما بحكي هات او بمد ايده طبعا هذا لنسبة كبيرة من الاردنيين واشتغل عشان اكل لقمة خبز مش عيب ولا حرام وبلكي نص هالاردنية خففت من الكرش كون معروف انا احنا اكبر نسبه عندنا رجالهم عندهم كرش من هالمناسف واسكدنيا الواحد يأكل بسكوت او غيره مش مشكله عشان ما حدا بموت جوع هذا ارزاق من رب العباد فأنت لا تطلب رزق غدا لان الله لم يطلبك عمل غد ويا نادين لو تموتي وتعيشي الف مره عمر الفرنسيين ما بوصلوا الى الامن والامان الي عندنا وهذه نعمه قليله ما بين دول العالم ويا سامر خليل مين انت حتى تقرر انه الشعب ساذج الكل مستعد بناضل عشان يطعم اولاده الصغار وانا متأكد انك مش متزوج عشان لو انك متزوج وعندك اولاد رح تكون على معاييرك اكبر ساذج ويا نادين انت ردك ع سامر ما الو دخل بالي قاله هو بحكي شرق وانت غرب واسكدنيا من بعد المظاهرات تبعت الخبز الناس توعت لانه هذا مش مصلحه فرد هذه مصلخه بلد وحتى لو انها بتأثر ع الفرد فانت يا الفرد ما رح تقدم ولا تأخر ويا نادين القمع الي صر بمعان ما الها دخل بالغلا او الخبز او البنزين صار القمع عشان كان في تمرد منهم ضد دوله وكان فيها سلاح وما شابه فاعرفي شو الي بتحكيه ويا سامر الارنية مش زي الاولاد الضغار بتلهو في لعبه بس هذا الواقع الاسعار ارتفعت على مستوى العالم والله يخلف عليهم انهم زادو الرواتب روح شوف مصر وضحايا رغيف الخبز ولله يانادين انا شايف واحد قال لا بتحكي لا قال نعم بتحكي نعم ماشيه في هالمركب ..اذا انت كنت تغني عشان 20 دينار انا واقسم بالله بغني لوطنيتي واقسم بالله انه معظم الشعب لانه وطني وبحب وطنه وملكه .. بكفي انا رجال .. يخلف على البترول الي سوتهم بلد محترم واشترت ناس بمصاريهم وفي عندنا مقله بتحكي صناديق رجال ولا صناديق المال المال يفنى والرجال تجيبه .. ويا هيثم عبدالله اشكرك ع كلامك بس اتمنى تشوف الي اقل منا وتحكي الحمد لله وتشوف الي اعلى منا وتكون الك حافز عشان تتطور مش للتذمر ومشكور الك مرة ثانية ويا سامر هذا افضل تعليق شفته الك ليش كل ماصار ارتفاع او اشي نرجع لورا ليه ما نخليه دافع عشان نطور حالنا والله يا اخوان البلد فيها مصار بس بدها مين تشتغل ويطلعها ليش انا اتكل على 200 او 300 دينار لا في عندي الف شغله وشغه للي بدو يشتغل بس الي ما بدوا شو نسويله خليه يتذمر وخلي التذمر تتطعمه خبز ولمعلوماته انه ما رح يطلع في ايده اشي من التذمر لا بنزل اسعار ولا اشي ويا الي انت بتمثل الشعب الاردني انت ما بتمثل الا نفسك والاردنيين ما بدعوا لمظاهرات وبرضو بلوم المشرف الي دخل تعليقك وما مسحه
at 4:32 pm - 7th April 2008 Permalink
تم حذف الرد الذي يدعو لأقامة مظاهرات بسبب عدم وجود أثبات…
أخ وجدي شكراً لردك وزيارتك للموقع, أرجو أحترام جميع اراء المعلقين بالموقع, الجميع له الحق بالرد هنا دون شتم أو اهانة, وأنت لك الحق بالتعليق أيضاً دون شتم أو أي اهانة, وبناء على ما سبق قمت بتعديل ردك لأزالة بعض الشتائم على المعلقين السابقين…
تقبل تحياتي
at 7:30 pm - 9th August 2008 Permalink
ya zalameh 7aram 3alekkkkk …. iza 7atta as3ar el kanader “b3eed 3annak” ertaf3at men wain bedhom yejeebo el nas :|
at 2:36 pm - 18th October 2008 Permalink
افضل حل لهل مشكلة اطفي عالنزول
at 8:11 pm - 12th June 2009 Permalink
هههههههههههههههههههه
أرسل تعليقاً