من حوالي 5 أيام إشتركت مع أورنج إنترنت بعد ما كنت مشترك مع بتلكو الأردن, كتير ناس نصحوني بشركة أورنج على أساس أنه الإتصالات الأردنية هيّ المزودة الرئيسية لجميع شركات الأنترنت بالأردن.
بس الظاهر أنه أورنج “أنترزفت” لسه شغّالين بعقلية أنهم مؤسسة حكومية تحت مظلة الإتصالات الأردنية, وما إلها من “أورنج” إلا إسمها.
قصتي بإختصار شديد هي عدم إلمام الموظفين بالنواحي التقنية للخدمة, بتحكي مع 10 موظفين, وللأسف بتحصل على 15 رد مختلف من كل موظف.
المشكلة بدت معاي لما كان في بطئ بخط الأنترنت, وكان إيماني الشديد بأنه المشكلة من عند أورنج, لكن كل ما أحكي مع موظف بعطيني جواب مختلف عن التاني, الموظف الأول سألني كم جهاز شابك بالبيت؟ حكتلو انا كنت مشترك مع بتلكو وكنت شابك 3 أجهزة وكان الخط سريع, أختصرت معاه لما شفتو مش فاهم شي.
الموظف التاني بحكيلي في صيانة بخطوط أورنج للأنترنت, الموظف الثالث بحكيلي لازم أركب “فلتر”, الموظف الرابع بحكيلي أنا بتوّهم وماعندي أي مشكلة من أساسو, لأنه عندو على السيستم خط الأنترنت “وظعو زينون”!
بكفي هيك..زهقت منهم, لأنه فعلاً ببيّن عليهم أنهم مش مدرّبين صح, أو أنه مش فاهمين شغلهم مزبوط, التشتت بالأجابة بين كل موظف والتاني ببيّن أنه فعلا في شي خطأ.
انا كنت مرتاح مع بتلكو, كنت بعاني من شوية مشكلات, بس كان الطاقم الفنّي أفضل بكتير من المستوى اللي شايفة حالياً مع “أورنج إنترزفت”.
تحديث: بدي اسأل اللي عندو خط اورنج أنترنت ADSL… هل واجه أي مشكلة بتصفح بعض المواقع على الأنترنت؟ بغض النظر عن السرعة, في مواقع كتير ماعم تفتح على أورنج, لكن بتفتح عادي على انترنت شركات تانية…
وهلا عمي.
on 
on 
35 عدد التعليقات
at 4:15 pm - 23rd September 2008 Permalink
كيف قدرت توصلهم؟؟؟ أنا قبل مدة قلب الإنترزفت عندي dial up ضليت أرن عليهم! بس صدق اللي قال اللي استحوا ماتوا! الرد الآلي تاعهم هاي البنت وقحة!!! بتزهق و انتا تسمع الخيارات بالآخر بتوصل للشكاوي! بكل قلة حيا شو بتقولك!!! ” الخطوط مشغولة، لكي لا نطيل عليك نرجو الإتصال لاحقا طوط طوط طوط” بتسكر الخط بوجهي!! يلعن أبوكو واحد للتاني أنا بدي أقعد ساعة أستنا شو دخلكم؟؟؟ أقسم بالله رنيت عليهم بالليل طلعلي نفس الرد! بشغلوها و بروحو!
أنا اشتراكي 512 على حسبة انترنتية الـ download rate عندي لازم يكون 64 kb/s طبع إذا بطلع عن ال 40 باخدله snapshot إنو اشي فوق العادة!! و بحكولك بالآخر ضغط عالخط! طيب ليش مشغلين لعاد 100000000 مستخدم على خط بوسع 1000؟؟؟ $$$$$$$$$ و بس
at 4:20 pm - 23rd September 2008 Permalink
انا حكيت معاهم على رقم من اربع خانات, اتوقع 1242 او 1232
وفي رقم ارضي كمان,بكتبو بس الاقيه مرة تانية..
وصار معاي نفس الشي, عشر الاف خيار ع بخلوك تبطل تفهم شو بدك,.,,
وانا عندي نفس المشكلة, عندي خط 512, والـ download rate اقل من 50 دايما, وامرات بوصل 35… طبعا بحكولك المشكلة من عندك…
ازا صدف موظف حكالك في ضغط ع الشبكة, كتر الله خيرو
at 4:30 pm - 23rd September 2008 Permalink
4608888 هاد الموقع تاع صاحبتي اللي بتسكر الخط بوجوه العالم
at 10:14 pm - 23rd September 2008 Permalink
ما إلك إلا تي إي داتا tedata.net.jo
أنا صارلي 3 سنوات معاهم وما في أحلى من هيك لما يحكولك 512 يعني 512 وشابك عليه 3 اجهزة بالبيت والحلو كمان انك بتدخل على موقع الشركة وبتشوف كم ضايلك من الباندودث
بس عيبهم الوحيد انه ما عندهم غير فرع واحد
وكل عام وانتم بخير
at 10:55 pm - 23rd September 2008 Permalink
اسرق وايرلس من الجيران :p
at 2:30 am - 24th September 2008 Permalink
osama sayer yenahhef :P ya3nee law el jeeran 3endhom whirless bedak amer yegasser feehom:P
at 3:15 am - 24th September 2008 Permalink
عادي يا صديقي , انا من ناحيتي تعودت عليها هاي الشركه وعلى بلاويها , انا كانت بده تحبسني الشركه . http://beddia7ki.com/ فوت واضحك . بتهون .
at 10:49 am - 24th September 2008 Permalink
3adi, welcome to orange
3enna bel bait khereb khat il telephone w kul ma ne7ki ma3hom bes2alona nafs il su2al: 3endko internet??
w dayman bne7kilhom ah 3enna be2olelna: la3ad menno
tayyeb w shu il 7al??
no answer
bas zai ma t2oul t3awwadna, istaghnaina 3anno bel internet il ORANGE wel mobilat il ORANGE
at 11:01 am - 24th September 2008 Permalink
ييييه
أنا لسا من كم يوم عامله بوست عن خدمات الانترزفت؛ نفس العلّه بالزبط!!! يعني النت جدا بطيء؛ انا عندي في البيت 128 و في عمان بستخدم نفس السرعه؛ خط عمّان أسرع بكتيييييييير!!! مرّات بكون شاكه انو 128 اصلا
الأربع ايام اللي مروا كانو من اصعب ما يكون؛ لا بيردوا عليك او بيلطعوك تستنى 5 دقايق؛ الأحلى من هيك انو لما يعبروك و يردو؛ الموظف قاعد بيسأل اللي جنبه عن حل المشكله يعني الأخ ما عندو خبر
و المشكله الأعظم أنهم أغلى مزود و الخدمه مش ع مستوى الدفع بالمرّه!!!
بعين الله!!!
at 12:34 pm - 24th September 2008 Permalink
شكراً لكل اللي ردّوا على الموضوع..
بدي اسأل اللي عندو خط اورنج أنترنت ADSL… هل واجه أي مشكلة بتصفح بعض المواقع على الأنترنت؟ بغض النظر عن السرعة, في مواقع كتير ماعم تفتح على أورنج, لكن بتفتح عادي على انترنت شركات تانية…
at 12:43 pm - 24th September 2008 Permalink
انا من مشتركين اورانج نت والنت كتير منيح وسريع و ما بعلق, و الموضفين كتير لبقين معي لدرجة انو مرة اضطريت امسح كل شي عل الجهاز بتولي موظف من عندهم يعيد البرمجة وركبلي ويندوز سريع.
at 2:57 pm - 24th September 2008 Permalink
انا والله كان عندي خط اورانج انترنت
واذا بحكلك اني ندمت مئه مرة قلبل
اول شي كان كتير بطيء ويضل يفصل
بتحكي معهم من اليمين بردوا عليك من اليسار
افوت على المنتديات يحكيلي ما بنفع
اجي بدي اتسلى ع مواقع الالعاب
ما تفتح
انا هلا مشترك بشركه جديدة
وهيها احسن من الاورانج 100 مره
وهي الواي ترايب
at 3:12 pm - 24th September 2008 Permalink
well,
i had one
before i disconnected it
for i face same as ur problem.. the technicians seems don’t know what they talk about..
and the connections was awful.. and some websites tdal saneh la tefta7..
wel abla mn haik..
lool
the internet contact is for a whole damn year..
and you need to keep paying them for their bad service..
for 12 months :S
at 3:34 pm - 24th September 2008 Permalink
لا والله يا عامر ما بتذكر إنو في مواقع معينة ما بتفتح!! إذا متذكر اشي منهم احكي و بجربه عندي!! في خدمة من أورانج بحجب نوع معين من المواقع بس ما بتوقع إنه قصدك عليهم.
إذا عصلجت معك ما إلك إلا http://www.proxy.com بلعب بالproxy config. و بدبر حاله بس بالآخر بفتحلك الموقع
at 6:31 pm - 24th September 2008 Permalink
عمر, في كتير مواقع ما عم تفتح من اساسو زي اي مدونة على Blogspt وكتير مواقع تانية, اذا استمرت المشكلة اكتر من هيك رح اتصل معاهم واتحمل قرفهم, والمشكلة هاي صارت عند واح صاحبي كمان, يعني من نفس اورنج..
حتى موقع ال Proxy الي كتبتو ما فتح
بي اس: وصلت رسالتك, معاك حق وتم اتخاذ الاجراء اللازم
at 4:51 pm - 25th September 2008 Permalink
احيانا بتصير عندي مشكلة، وبحاول اتصل فيهم، بس ما في حد برد، بلطعوك ربع ساعة ع التلفون وانت بتلف ورا الرد الآلي
وفي مواقع ما بتفتح معي، ولما سألت عنها، بيحكولي اتصل مع الشركة عشان تحدث “الكاشات”
الطريقة الوحيدة انك تدخل من موقع بروكسي
at 4:53 pm - 25th September 2008 Permalink
مش منطق نضل نفوت على موقع بروكسي… المشكلة صرلها اكتر من 5 ايام, نص المواقع ماعم تفتح, كل يوم بحكي بدي أتصل معاهم, بس ما بدي أسم بدني وأخسر صيامي من وراهم كمان
at 6:19 pm - 25th September 2008 Permalink
اوقاتا بتكون المشكلة من انو خطوط التلفون قديمة وبتاثر عالنت حتي لو كان دي اس ال واوقاتا بتكون من عندهم المشكلة بس العقلية النتخلفة بتفكر حالها احسن شي . اشبك مع شركة زين اشرفلك بتطلع اغلى شوي بس بتكسب راحتك
at 3:59 am - 30th September 2008 Permalink
الحل افصل الاتصال مدة 5 دقائق وارجع اشبك من اعدادات المودم
بس مشكلة اورانج ان اغلب سكان البلد شابكه عليها بس انا اتوقع من وجهة نظري ان باتلكو افضل شركه في عمان بس باقي المحافظات بفصل
at 4:02 am - 30th September 2008 Permalink
بس الغريب انو انا بواجه احيانا بطئ الاتصال بس المواقع كلها بتفتح باستثناء مواقع الفيديو الامريكيه لانها مسكره من هناك اصلا
at 1:27 pm - 3rd October 2008 Permalink
حقيقة تسمية الخدمة انترزفت ملائم 100% انا عندما قدمت طلب ADSL بعد شهرين تركب لكن بعد العشرات من الاتصالات المدفوعة على الرقم065610561 والمراجعات على موقع الشركة وبعض الاشتباكات والمشاكل مع الموظفين اما السرعة فانا طلبت 512 ك.ب لكن السرعة الفعلية لا تتجاوز 57 واحيانا تصل الى 9 او10ك.ب
اما بالنسبة لعدم فتح المواقع فهي مشكلة موجودة عندي فالمتصفح يعطيك CANNOT FIND SERVER
وتقبلو خالص تحياتي للمشاركين في المنتدى……….
at 12:59 am - 13th October 2008 Permalink
ويا زلمة كلو كووووووم والفاتورة كووووووووووووم
يعني معوقين لدرجة خيالية
ببعتولك فاتورة النت لحال وفاتورة التلفون مع الإشتراك الشهري لحال
طيب متودوهم كلهم مع بعض وتريحونا
شوفو العالم المتطورة وصلو لـ 100 ميجا والداونلود 10 ميجا
ياحسرة بس
وقال التحميل محدود بـ 5 جيجا لـ 512 .. والله ما بتكفي اليوتيوب !!!!!
at 3:53 pm - 16th October 2008 Permalink
سؤال يا اخوان انا كتير مواقع ما بتفتح عندي سرلها كم يوم كانو في حماية على النت عندي شو اعمل
حتى ماسنجر الوندوز ما بيفتح
وبحكي معهم وما بردو كمان
at 3:22 am - 17th October 2008 Permalink
اولا احلى تحيه لجميع القراء
ياا أخواني نصيحه ببلاش واسمعو مني
لا تشتركوا بأورنج لانها كل المشاكل من عندها سرعه زي الزفت
لسى الزفت اسرع.. غير انوا بيفصل بعض مرات كليا
وادا الواحد اشترك معهم ..لازم يضل معهم سنه على الاقل
برجع بحكي الله يعيني عليهم((مش مطول معهم))
نصيحه ياا اخوان
at 12:33 am - 18th October 2008 Permalink
اعمل فورمات ونزل وندوز جديد واتاكد من تنزيل برامج الفلاش بلاير والشوك ويف
at 12:44 am - 18th October 2008 Permalink
مشكلة الاورانج كلنا بنعاني منها والادهى من هيك زرت قبل فترة احد معارض اورنج عشان اشوف شو في علي فواتير ودار الحوار التالي بيني وبين الموظف الموجود هناك
انا : يعطيك العافية
الموظف:الله يعافيك وهزلي براسو
انا:بدي اغلبك لو سمحت بدي ادفع فواتيري بس ما بعرف قديش علي
الموظف:بدك تدفع مزود الخدمة ولا الاتصالات
انا : ما بعرف اعطيني التوتال عشان ادفع
الموظف: عليك 33 دينار
انا: طلعت التلاتة وتلتين دينار ودفعتهم
وكل شهر بشهروا نفس الشي
وتفاجئت بعد حوالي اربع تيام الا الخط مفصول وبيطالبو بمستحقات علي
رحت اتصلت معهم الا الشب بيقوللي عليك 40 دينار مزود خدمة
قلتلوا اوك ومن صبحية اليةم الثاني اخذت مغادرة من الشغل عشان اروح ادفع ال40 دينار
ولما وصلت لفرع الاتصا لات طلع علي 56 دينار كيف زادو بعرفش يعني لو تاخرت كمان ساعة صارو ستين دينار
وطبعا شو هالموظف شايف حالو وجه ما بيضحك للرغيف السخن وحسيت حالي بشحد منه
الله يعينا عليهم
at 8:25 pm - 19th October 2008 Permalink
الله يعطيكم العافية وكمان الواحد لازم يحكي الحسنات بتاعتهم وبكل صراحة والله ياخوان انة الجماعة بس حكينا معاهم قلنالهم بدنا خط انتر زفت وبسرعة 1gاعطونا موعد ةاكدو علينا انة يجب انكون في المنزل بتاريخ ووقت التركيب وبقينا في الانتظار مدة اسبوع بعد الموعد المقرر وبلشت رحلة الانتر زفت المشؤمة بيشتغل ساعة بتعطل اسبوع واسبوع لما اخوانا الموظفين يردو علينا بيجي الموظف بيقلي الراوتر في مشكلة وتم استبداله باخر وقد استغرق استبدال القطعة عسرة ايام ثم اصبح بطيء وبسرعة السلحفةوقدكان ردهم بءن هنالك مشاكل في الخط الواصل ولا نزال نعاني من اتقطاع الخدمة بين وقت واخر وشووووووووووووووووو نحكي ولممممممممممممين نشكي الصبر ياجبر
at 12:17 am - 26th October 2008 Permalink
بصراحة كل ماذكرت صحيح وانا بنصحك الاشتراك بشركة بتلكو لانه عندها شباب مبيعات بوصلوك وين ماكنت ومو بس هيك عنجد بساعدوك بحل مشكلتك
at 12:27 pm - 1st November 2008 Permalink
نعم نعم صحيح كل الي حكو الخوان صحيح بس مش المشكلو هون المشكلة انو مابفتح الواقع الثانيه بس على موقع اورنج بفتح بسرعة زي الطلق
at 10:17 pm - 16th November 2008 Permalink
نداء إلى مسؤولي شركة أورنج
أعلنت شركة أورنج قبل أشهر عن تقديم خدمة لزبائنها تسمى ( خدمة الفاتورة الواحدة ) لمستخدمي الأنترنت المنزلي ، تقدمت للإشتراك في خذه الخدمة في مركز إتصالات عين الباشا ، لقد ظننت أنني سأتخلص من عناء الفواتير المتفرقة وستصبح فاتورتي واحدة كما هو مبين في الإعلان ، قام الموظف المسؤول بتوقيعي على عقد باللغة الإنجليزية يحتاج لمترجم حتى يعرف ما فيه ، لم أكن أعلم أن هذا العقد هوصيد ثمين لمشتركي هذه الخدمة ، فوجئت فيما بعد بأن الشركة المحترمة قد مددت عقد إشتراكي لمدة سنة قادمة دون علمي . حيث أنني لم أكن أتوقع أن في خفايا هذا العقد دمار لي ولعائلتي ، لأن ظروفي المادية قد تغيرت وأصبحت الفواتير هاجسي الليلي ، كنت أنتظر الوقت الذي ينتهي عقدي الأول .
راجعت مدير فرع عين الباشا واعترضت على أسلوب العقد ، وبينت له أن العقد باللغة الإنجليزية وأنا لم أعرف شي ء مما جاء فيه حيث أن 99% من مراجعي الشركة من المواطنين العاديين لا يعرفون الترجمة ، وقال لي أنت وقعت على عقد فانوني لا نستطيع إلغاؤه والقانون لا يحمي المغفلين ، إذهب إلى المسؤلين في الشركة ، وفعلاً ذهبت ورفضوا هذه الشكوى .
فيا أيتها الشركة المحترمة هل أنا مغفل عندما وضعت ثقتي في شركتكم المحترمة !
أم أن المغفلين من أمثالي لا يجدون من يحميهم في هذا المجتمع المعاصر ؟
وأنا وضعي المادي لا يسمح لي هذا العام بالإستمرار في خدمة الأنترنت المنزلي , فإما أن يجوع أطفالي وإما أن أتركهم فريسة ثقتي بالشركة المحترمة وأتسول لإشباعهم وسد فاتورة أُرغمت على الإشتراك فيها عاماً آخر .
at 8:09 pm - 18th November 2008 Permalink
انا مع اورنج لنو هي افضل الشركات في العالم وانا مركب adsl128 في مدينة اربد وحاسه 512 لنو عنجد سريع اذا جاي عل بالك تحكي مع الموظف بدون تاخير اطلب الرقم 1214 بعدين اضغط1بعدين4بعدين2 وشوف شو رح يصير
at 3:47 pm - 29th November 2008 Permalink
مهما تكون اورنج سيئه مستحيل تكون اسوأ من ( امينه ) اشتراك الumax من امنيه اسوأ من السوء نفسه انا اشتركت 3 اشهر وما وصلتني الخدمه 3 اسابيع بالكثير + انها كانت جدآ بطيئه لدرجه الملل وعوضوني 3 اسابيع بدل الشهرين واسبوع!!! حتى في فتره التعويض كان النت معطل. طبعآ اكيد دائمآ بتروح بكيس المواطن!!!!!!!!!!!!
at 4:29 am - 11th December 2008 Permalink
أقسم بالله أتعس شركة بالعالم ، وإسمحلي أخبرك إنت لسه ما شفت الويل بمعنى الكلمة ..
ويا ريتك ما تشوف الويل منهم ، أنا قدمت طلب على معاملة تغيير راوتر منهم جلست المعاملة 6 شهور كل يوم بحكي معاهم بترد الموظفة ” خلص إستاز ولا يهمك بكرة بكون عندك ” ..
المهم صدقناهم وثاني يوم مافي حد لا إتصل ولا إجا .. !
حكيت مع المسؤول ” أستاذي الكريم معاملتك هيني جهزتها وصارت جاهزة بكرة بتلاقي الموظف عندك” طبعاً الواحد بكون عطّل حاله عشانهم ونفس الشي !!
إيش المسخرة والله شركات حرام انو نطلق عليها لقب شركات ، هذا على مستوى قطعة فما بالك الأعظم .. !
*ملاحظة: ذلك ليس كل ما حدث معهم من أعطال طبعاً لا حد يسأل كم مرة بفصل النت عندهم بالسنة واذا الدنيا امطرت شو بصيير ..
تعودنا شو بدنا نعمل
لو بإيدي صدقني غير اطالب بتغيير كل موظفين الشركة من أول واحد لآخرهم واشوف موضوع الكذب هذا إلى متى مستمر .. !
at 9:24 pm - 21st December 2008 Permalink
انترنت ؟اورانج ؟ ادفع الفاتوره ؟ مفصول بسبب عدم الدفع ؟ خطوط ما بترد ؟ ادفع بدون خدمه او انجلط وانتى بتستنى الموقع يفتح او اشرب سطل قهوه . ليش مستعجل شو فيه وراك استنى يا اخي ؟ استنى ؟ قرفتونا يا اورنج
at 12:06 am - 1st February 2009 Permalink
بعد التجربه والمعاناه احسن اشي الواحد يجيبلو 20 حمامة و600 عصفور و12 كلب ويفتح شركة
(انترصدمة)حصانيين لكل كيلو بايت في الشهر وهيك بنحل مشكله النت في الاردن
أرسل تعليقاً