اليوم صاحبي أعطاني بالصدفة لينك موقع راديو أمن أف أم الي ببث في عمّان, وحكالي أسمع شو بحكوا الناس لما يتصلوا مع البث المباشر, المهم حطيت على الأذاعه وبلشت أسمع شكاوى المواطنين الي مغلبين حالهم ومتصلين مع الأذاعه.
أول متصل بحكي مع المذيع, بحكيلو يا سيدي عندي ماسورة المي خربانه من شهرين وحكيت مع سلطة المياه ولهسه ما اجو صلحوها, ومواطن “صالح” أتصل مع البرنامج بدو يشكي عن حفرة قدام بيتو عم تخربلو سيارتو, ومواطن تاني حكى مع البرنامج كمان بشكي عن شي خاص جداً جداً نسيت شو هو.
طبعا المذيع معطيهم مجال يحكوا كتير, وبسألهم بتفاصيل مشكلتهم, كأنو كل مشاكلنا بالأردن أنحلت وضلت شويه حفر لازم نسكرها وشويه مطبات نشيلها وشوية مواسير ميّ لازم نسكرها لنحافظ على “الثروة” المائية الي عنا.
مش هيك بتكون برامج البث المباشر,يعني مفروض تكون لحل مشاكل أكبر من هيك, ما تكون عبارة عن حل مشاكل فردية وأمور شخصية جداً!!
على كل حال, ياللي بحب يضحك شوي يشغل الراديو الصبح من الأنترنت على البث المباشر للأذاعه ويسمع هموم المواطن الأردني الكبيرة جداً…
طبعا ما بنكر أنه في شكاوي بتكون بمحلها, وبتكون شكاوي بتفيد الجميع مش بس فرد معين.
on 
8 عدد التعليقات
at 1:01 pm - 20th February 2008 Permalink
صبااح الخير ….
ليحلوا المشاكل الصغيرة بالأول …!!!!! بعدين بنطالب بالمشاكل إلي أكبر ….مزبوط ؟؟؟
هاي إزا إنحلت ….
مهو زي ما بقولوا .. نبلش من الأصغر فالأكبر …….
have a nice day.gif)
at 6:15 pm - 20th February 2008 Permalink
شكراً لردك, بس المشاكل الزغيره مش مكانها ع الراديو هيك, الراديو وبرامج البث المباشر ما نخلقت لتصليح ماسورة المي الخربانة الي قدام بيت فلان وعلنتان ولا ماسورة الحمام كمان
اللي بقصدو انه هاي برامج جماهيريه ولازم تكون مركزة لخدمة المشاكل الي بتخص الأكثرية بس, لذلك لازم يكون في كنترول يسال المتصل عن مشكلتو قبل ما يطلعها ع الهوا.
المشاكل هاي بتنحل بشكل شخصي ع الأغلب
at 1:15 am - 21st February 2008 Permalink
صح كلامك بس شوف امرات برنامج الوكيل بحلو فيه مشاكل بتدخل فيها وزارات و قضايا و بصير في تدخلات من ناس كبار.. ما بعرف اذا مرة سمعت واحد شكا على ملكنا المفدى,, طبعا الموضوع احل مع انو اولها قطعوا الإتصال…
at 1:54 am - 21st February 2008 Permalink
اه سمعت عن القصة هاي يا سامر
بي اس: يخليك لاهلك
at 3:20 am - 21st February 2008 Permalink
I do not agree with you, because if the bigger problems are not going to be solved anytime soon then at least let us solve the smaller problems for the regular citizens. I think you are underestimating their problems, but to them it is major
at 11:11 am - 21st February 2008 Permalink
هلا: بحترم رأيك, وفي وجهة نظر, بس الي قصدتو انا أنه في أهم من ماسورة الميّ الخربانه قبال بيت هالشخص, أنه مثلاً نحط مطب عند المدرسة الفلانية, أو ممر مشاه عند التقاطع الفلاني, او نزبط هالشارع الي بصير كل يوم فيو حوادث, الي كنت بدي أوصلو أنه في اولويات واشي أهم من اشي مش اكتر.
وشكرا لردك
at 2:31 am - 22nd February 2008 Permalink
صح كلامك عمور لازم الواحد لما يطرح مشكلة تكون للمصلحة العامة مثل جسر مشاة مطب اشي بعمل مشاكل عامة.. كلامك صح
at 1:09 am - 26th February 2008 Permalink
لا يا اخي هي مشاكل لا تحل علي الردو لعاد وين يحلوها علي سطلايط يعني
أرسل تعليقاً