يستمر التلفزيون الأردني بإستثمار نجاحاته السابقة (والتي عفى عنها الزمن) بطريقة مكرّره وممّلة أيضاً, لتحوّل هذا النجاح الى فشل ذريع.
ما أريد التحدث عن اليوم هو برنامج “رمضان معنا أحلى” والذي أصبح ملازماً للتلفزيون الأردني منذ سنوات, فما أن تذكر شهر رمضان المبارك الا ويتبادر الى ذهنك “رمضان معنا أحلى”.
ولكن في “رمضان معنا أحلى” لهذا العام حالة من “الفشل” على كل المقاييس, فليس هنالك فكرة من أساسها ولا أخراج ولا تقديم ولا ديكور, وللعلم فأن معظم ما ذكرته ينطبق على البرنامج حتى في السنوات الماضية.
ولكن ما الجديد -المقزز- لهذا العام؟ الجواب هوّ: الحالة الهستيرية للأعلان ومحاولة تكرار أسماء رعاة البرنامج بطريقة “غبية جداً” ومنفّرة أيضاً, فلن تجد أي هدف من البرنامج إلا محالة المذيعة تكرار أسم المعلم على المتصل والمشاهد لتقوم بتحفيظة الأسم التجاري “خاوة”!! بعيداً عن كل أخلاقيات العمل الأعلامي المحترم, خصوصاً لقناة بوّزن وتاريخ التلفزيون الأردني.
فيكفي مشاهدة حلقة واحدة فقط ليّتبين لك ما تحدثت عنه سابقاً, فالمذيعة يجب أن تكرر “اسم المعلن وهديته ومجال عمله وعنوانه وشعاره” وربما المزيد.
فعلى سبيل المثال, شاركت ألبان حمودة في رعاية البرنامج, وإذا صادف ربح أحدى المتصلين من حمودة, تبدأ المذيعة “بتسميع” السبام الأعلاني الخاص بشركة حمودة:
هييييهههههيههه أنت ربحت جائزة بقيمة ××× دينار مقدمة من شركة ألبان حمودة, ألبان حمودة رمز الصحة والجودة, ألبان حمودة أنتاج وطني ,,,,,,الخ
بالإضافة لتكرار أسم المعلن وكل تفاصيلة خلال البرنامج, والشئ نفسه يحدث لدى بقية الشركات الراعية للبرنامج, بالأضافة الى أستوديو تصوير البرنامج وهو عبارة عن “مرتع” لأعلانات الرعاة بطريقة أو بأخرى, بالإضافة لنشر “لوغو” كل الشركات على شاشة التلفزيون بجانب رقم الأتصال الظاهر على الشاشة.
الخلاصة, تكرار فكرة مملة, سبام أعلاني من الدرجة الأولى, رعاة كثيرين لمشاهدين أتصلوا ليّربحوا فقط -وهذه لم تكن فكرة البرنامج منذ بدايته في السنوات السابقة-, فكرة ضائعة وسط تلفزيون حكومي بالأساس “بلغ سن التقاعد”.
تحديث: وردني إستفسار من بعض القرآء من الدول العربية حوّل معنى كلمة “خاوة”؟ واليكم الجواب.
خاوة: كلمة أردنية يعتقد أن أصلها “زرقاوي” , وهي فعل أمر في محل جر مجرور به منصوب بالقوة ومعناها الحرفي “غصبن عنك” .
عامر الخليلي
on 
27 عدد التعليقات
at 2:53 pm - 25th September 2008 Permalink
كـلام صحـيح 10000%%% وهالشي فعـلا موجود وبلاحظوا كتـير بالتلفزيون الاردني ..
بس ليش هيك بيعملو ؟؟
معقول مش ملاحظين يلي عم بيصير ويلي عم بيعملوه بالمشاهد
انا عن نفسي مليت وفقعت معي
at 3:29 pm - 25th September 2008 Permalink
أنا ما بلومهم يا عامر ,
يعني فكر فيها شوي , ليش بدهم يتطوروا أكثر ؟؟ هذه كل إمكانياتهم العقلية ما بقدروا انهم ينتجوا فكرة جديدة , و بالذات عند الأستعانة بنفس العناصر دون تجديد بها , يعني نفس الختايرة همه همهن , ما في عنصر شبابي إلي ينشر أفكاره .
بعدين عامر أنتا بمين عم بتقارنهم ؟؟؟ MBC ? Future? LBC ? FOX
لا نستطيع مجاراتهم و نحن بهذه العقلية .
و بالنسبة للسبام عادي , متعودين عليه .
الله يصلحهم .
بشار بركات
at 4:02 pm - 25th September 2008 Permalink
مهمه اعلانات الشركات هاي هي اللي فاتحه التلفزيون…
ما بتعرف
ما اظن ان في فرصه غير رمضان..والعيد..والتلجه (طبعا) يستفيدو منها بنسبه مشاهدين فبتزيد الاعلانات
معقول بدفعو الشركه عن كل مره بحكو الاسم فيها
واساسا هو ضل حد بفتح عالتلفزيون الاردني؟؟؟ احنا بس بنسمع الاذان وفورا بنقلب
BeEeSh. ليش بتضلك تستخدم وجه ال looser
at 4:13 pm - 25th September 2008 Permalink
خللي الجماعه يسترزقووو….مهو كل الابداع بدو يطلع بهالشهر
اي نعم نفس الاشياء المخزيه بس مذيعه جديده ما بنشوفها بعدها بالمره….بس هاي فرصتها تنطلق بعد ما تستعرض رايحه جاي قدام الكاميرا…ما يقعدوها دوختنا 
at 4:17 pm - 25th September 2008 Permalink
آه صحيح, كل مذيعات رمضان معنا احلى ما بيجو الا برمضان وما برجعوا ببينوا بعديها
غريب…
at 5:17 pm - 25th September 2008 Permalink
أحلى شي المنتج هاد اللي طالعلنا بالسحبه و بيخفف دم
و المذيعه كمان و الا الها دخل
يلا الله المستعان؛ اكتر من هيك صعب يطلع معهم
at 6:11 pm - 25th September 2008 Permalink
el emotions kanat m3al2a 3ende .. ma kan yetla3 ene 7ateto … bas anyways … they are bunch of loosers
at 10:40 pm - 25th September 2008 Permalink
لووووووول…
أنا ربع حلقة شفتها .. إرتفع ضغطي !!!!!!!
at 10:57 pm - 25th September 2008 Permalink
انتو فكرو مليح
ايش الهدف من الرنامج اصلا
الهدف هو الاعلان عن الشركات المشاركة في برنامج رمضان معنا احلى فقط
مثل ما قلت انت بعد ما تخكي الجائزة تقعد تحكي تفاصيل عن الشركة شركة حمودة وشركة غيليرلي وغيرها
بس جوائز البرنامج كثير قيمة وما بتتعوض بالنسبة للفقراء ولاسيما السيارة والشقة
بتمل شوي بس بتوخد عليها جوائز
at 1:40 am - 26th September 2008 Permalink
بصراحة والله مرة وحدة حضرت 10 دقائق من البرنامج المخزي هاد!!! غير إنو لون الشاشة زفت!! لأ والله كمان الديكور بذكرني برنامج نعم صحيح تاع رافع شاهين الله يرحمة! نفس الاشي!
بس بصراحة… كله كوم و النهفة هاد بالبرنامج كوم!! أبوي لما شافوا قلب عالأرض من الضحك!! بقولي شو هاد!! عامل حالو مهند!! سنحو بهالشكل! و أنا قلبت عالأرض! جد هو مفكر حاله هيك!!؟!؟
at 2:39 am - 26th September 2008 Permalink
أنا بس بدي أسال سؤال هي دبي قناة حكومية كأنها
بس ليش ما نصير زيهم مشان الله
كتير هيك يا زلمة والمقدمة القديمة كانت أحسن ( المقدمة كانت قرابة صاحبي
)
بس جد كتيير هيك والله يعني انا حضرت خمس دقايق واجاني السكر والضغط و شغلات تانية
الله يعوض علينا يا رب
at 11:11 am - 26th September 2008 Permalink
at 3:31 pm - 26th September 2008 Permalink
صاحب أخوي حاكي معهم مرة و ربحان 150 دينار! حلف يمين قصوا منهم 63 دينار رسوم و ضرائب و سخام بين!! يعني ما خلصنا من الحكومة بهالشغلة طلعوا هدول ألعن منهم!!!
at 11:16 am - 27th September 2008 Permalink
بصراحة عن جد المقال عل الوجع
شو هااااااااااد
المذيعة بتحكي اسم الشركة مليون مرة عشان نحفظه و كانهم بحكيلهم ازا ما حكيتوا اسمنا ما رح ندفع سامع يا تلفزيون؟؟
اشي بحزن عن جد و مؤلم الي بفوز لازم و خاوة يكون مبسوط و بضلهم يصروا انه يحكي رمضان معنا احلى قال بصوت عالي و كله حماس عشان يعملو حركة بالبرنامج!!!!
انتوا شفتوا المذيعة كيف عصبت بالحلقة الي ربحوا فيها السيارة لما رشوا الرذاذ الابيض عليها و خربو شعرها و نسيت كيف تفرح مع الي ربح و صارت تزبط شعرها !!!!!
ع كلن انا دايما بستفسر هاد السؤال ب كل رمضان لما اشوف هاد البرنامج:
ما بتزهق المذيعة تحط مكياج و تلبس و تعمل شعرها كل يوم بنفس الوقت لمدة 30 يوم؟؟؟
بجوز عشان هيك بطلعوا ب هاد البرنامج و برجعوا ما ببنوا عرفتوا السبب؟
بجوز بتاخد استراحة 11 شهر من المكياج و السشورا
at 3:44 am - 28th September 2008 Permalink
الحمد لله اني ما بتابع شيئ في التلفزيون الاردني الحبيب الا مسلسل “عيلة ابو عواد” لانه بسيط وخفيف…مع انه ناقصه كتير شغل وتزبيط..
at 10:43 am - 28th September 2008 Permalink
والله العظيم انك من الاخر لانهم عن جد رفعو ضغطي مع الاعلانات كل ما يربح حدا تعيد كل شي من اوله يعني اللي يحضره مره مابيعيدها
وعن جد مشكور عالموضوع
at 5:43 pm - 28th September 2008 Permalink
يا محمد ليش هو في شي بينحضر عليه
حتى أبو عواد فيها بياخة وسماجة زيادة
at 8:30 pm - 28th September 2008 Permalink
وانا بحكي ليش بس اتصل في رمضان معنا احلى قال بحكوا انو رقمي اتسجل ورح يتصلوا 25في بي مافي فايدة
at 8:32 pm - 28th September 2008 Permalink
كله على بعضه بايخ
at 3:10 pm - 29th September 2008 Permalink
اللوغو الموجود بجانب الرقم في اقتراحات للعام القادم لتكبيره وتغير مساحة الاستوديو ما يبين غير وجه المذيعة بس
اي والله اشي بيرفع الضغط
at 5:54 pm - 2nd October 2008 Permalink
برنامج كثيييييييييير حلو
at 12:32 am - 3rd October 2008 Permalink
المذيعه حلوه والبرنامج حلو يس ما جربت احكي معهم
at 11:33 pm - 4th October 2008 Permalink
لأ ومش هون المشكلة
شركة امنية اذا مش كل يوم ف يوم بعد يوم بتبعث مسج وبتحكيلنا شاركو لتربحو احلى الجوائز
البرنامج ممل بكل المقاييس
at 4:54 am - 12th October 2008 Permalink
يا اخــــــــــوان والله بس يبلش رمضان معنى احلى بغيـــــــــــــر القناة بروح اتابع كلنا عيال قريه لدي اضحك مش ينضحك عليــــــــــــــــا
at 2:33 pm - 18th October 2008 Permalink
احلى اشي بالبرنامج كانت المذيعة وابيخ وازنخ اشي المنتج للبرنامج (الحجاوي)
at 6:30 pm - 17th November 2008 Permalink
يا هلا بالغويريه
at 1:08 am - 7th December 2008 Permalink
الكلام 1000% صحيح بس فية شغلة تعوض عن هالحكي في رمضان كان يتم عرض مسلسل مناحي على قناة ام بس سي في نفس وقت برنامج رمضان معنا احلى مما جعلني لم اتابع اية حلقة من حلقات برنامج رمضان معنا احلى السخيف والتافه…………… تقبلو خالص تحياتي
أرسل تعليقاً