متابعة لموضوع “أمنية,كلمتك مش مسموعة” اللي كتبتو في وقت سابق عن تعاسة تغطية شبكة أمنية في بعض المناطق في الأردن, مع أنه لايزال الوضع على حالو مع شوية تحسن بطئ جداً وأحياناً غير ملموس بالتغطية في بعض المناطق.
وللعلم انا كان معي خط أمنية, والتغطية بمكان إقامتي بطريق المطار “زي العمي”, لذلك قررت أحول لـ زين عشان أشتري راحة بالي وأعرف أحكي زي العالم والناس…ما علينا.
اليوم لفت نظري إعلان بخص أمنية في جريدة الغد على صفحتين, الصفحة الأولى عبارة عن عدة دوائر كُتب فيها عبارات-من المفروض- أنه أي متصل بسمعها وبواجها بأيام الضغط الكبير على الشبكة.
وبالصفحة التانية إعلان على صفحة كاملة مكتوب فيها:
عزيزي المشترك: إذا أردت إتمام مكالمات العيد بدون صعوبات, الرجاء الإتصال عن طريق شبكة أمنية
فعلاً أول ما قرأت الإعلان ضحكت على “درجة إستغباء” الناس, يعني لغاية مبارح بالليل كانت الشبكة تعيسة جداً, وكل الرسائل والمشاكل المذكورة بالصفحة الأولى هي بالفعل مشاكل بوّاجها أي مشترك على شبكة أمنية أكتر من أي شبكة تانية على الإطلاق.. لكن سبحان الله شكلو الشبكة صارت “طقع” بيوم وليلة؟؟؟
على كل حال, عشان ما يتم إتهامي بإني “حاطط حطاط” شبكة أمنية, بدي أجرب الخط اللي معي ليلة وقفة العيد وأشوف شو أخبار شبكتنا الطفرانة.
وكل عام وكلمتكم مسموعة.
on 
on 
14 عدد التعليقات
at 8:32 pm - 29th September 2008 Permalink
خخخخخخخخخخخخخخ
انا الحمد لله مع زين…مريح راسي من اولها….
at 9:31 pm - 29th September 2008 Permalink
Ensa ya m3allem ensa, wala tjarreb wala 3a balak..
Ely sa3ten la shabak ma3y 5a66 wala we9latly msg ba3atet.ha mn 5a66 el na7s el umniah>>
at 10:42 pm - 29th September 2008 Permalink
يا ابو عمير الأمنية من أشنع الشركات الي استخدمتها بحياتي
يا زلمة معقول تتغير
انسى
ولا تغلب حالك وتجرب حتى
كل عام وانتوا بخير
تحياتي
at 11:42 pm - 29th September 2008 Permalink
والله لهسا ما أنا قادر أحكي تلفون على زفت أمنية! زين ماشي حالها بس أمنية زفتتتتت
at 12:57 am - 30th September 2008 Permalink
أمنية للأسف من يوم يومها وهي هييك شبكتها ضعيفة وبتقطع
يعني أبن خالتي مسكين كان معو أمنية ف اعطاني الخط ونسيه معي .. فا بحكي معه بقله ولك خطك معي .. بقلي انسى بلو واشرب ميتو بديش ياه
حاليا يمكن ما بيشتري امنية الا القليل القليل
at 8:09 pm - 30th September 2008 Permalink
انا معي خط امنية وانا شايفته منيح وما في شبكة اتصالات بالنهاية كاملة من جميع النواحي
at 6:16 am - 2nd October 2008 Permalink
at 12:30 pm - 2nd October 2008 Permalink
هههههههههههههه
شر البليه ما يضحك ….هههههههههههههههههههههههه قال امنيه قال …. شبكتهم واقعه
قال كلمتك مسموعه قال ……. كلمتك مقطوعه …. هههههههههههههههههههههههههههه
مش مسموعه …..
at 11:03 pm - 2nd October 2008 Permalink
ممكن اسأذنك اوخد بعض مقالاتك للمنتديات مع ذكر اسمك واذا سمح اسم مدونتك بليز بستنى ردك
Butterfly.susuo@gmail.com
at 1:10 am - 28th October 2008 Permalink
اذا نحنساكنين بشميساني جنبهم وبغرفتي فش شبكة مع انها والله فوق سطح الارض
at 1:32 am - 3rd December 2008 Permalink
للأسف أنا مع أورانج وأتمنى ألاقي شبكة مثل العالم والخلق …..
at 3:06 pm - 15th April 2009 Permalink
الشبكة عاجبتني بس ليش ما بيحولوا المشترك على موظف خدمات المشتركين بسرعة بيقعد طول اليوم على الخط وما حدا بسال فيه
at 2:36 am - 3rd July 2009 Permalink
أنا من المشتركين في شركة أمنية وهي جيدة جداً من ناحية الاتصالات والاسعار ولكن في الآونة الأخيرة اصبحت كلمة مشتركيها غير مسموعة لديها ( خدمة المشتركيين ) أي انك كلما تتصل يعتذرون عن اجابتك
at 3:58 pm - 7th November 2009 Permalink
يا شباب انا كان معي زين و للاسف دائما بحكو انو زين الشبكة الاقوى بس بصراحة زي الزفت انا ساكن في الصويفية وطابق اول و ما في تغطية و دائما و انا ماشي بالسيارة المكالمة بتقطع و هلى معي اورانج والله انها من احسن الشبكات في الاردن و ما تسدقوني الا لما تجربو
أرسل تعليقاً