بداية الأقتباس من جريدة الغد :
“توقع رئيس لجنة الطاقة النيابية الدكتور عاطف الطراونة أن تصعد أسعار مختلف أصناف المحروقات في السوق المحلية خلال الشهر المقبل بنحو 5% نتيجة لارتفاع أثمان النفط عالميا.”
يعني توقعوا كل شهر نقرأ أنه في زيادة أسعار البنزين بالشهر الي بعدو, معقولة نقرأ بيوم من الأيام أنه نتيجة لأنخفاض سعر البترول عالمياً قررت الحكومة الرشيدة خفض أسعار البنزين ومشتقاتو؟ سؤال وجيه أكيد.
ماحد يحكيلي أنه مارح ينزل حتى لو دولار واحد!!
على كل حال, زادوا الرواتب بين 20-80 دينار لمعظم الموظفين, وبالمقابل كل واحد منهم زادت مصاريفه بين 100 لـ 200 دينار, معادلة صحيحة 100% واللي حبكها بدو جائرة نوبل للبترول.
جربو أقرئوا تعليقات القراء بموقع الغد, عشان تشوفوا كيف العالم مبسوطة على الخبر هاد, هاي أول أرتدادات هزة البدن الي حكيت عنها ببوست من كم من يوم, ولسه “الحبل” على الجرار.
هالموقف كلو زكرني بنكته بتنحكى عن رفع البنزين وردّة فعل الشعب عليها, بس هالنكتة صعب تنحكى هون, بروح فيها كتاف بعدين 
الي رجعة على الرفعة الجاي انا, بس ما برضى بأقل من 7% المرة الجاية انا.
on 
on 
6 عدد التعليقات
at 2:55 am - 22nd February 2008 Permalink
عادي جداااا ما اصلا لما قرروا معادلة الاسعار بالاسعار العالمية كان مفرود يكون سعر البنزين ارخص اشي بس الشطار حطوا ضريبة مبيعات عالبنزين صار غالييييي بما يناسب هذا الشعب الكريم
at 2:56 am - 22nd February 2008 Permalink
طبعا بس عالبنزين و السولار و الخ… لأ
at 3:58 pm - 22nd February 2008 Permalink
كل شي رح يرتفع سعره في هالبلد الا البني ادم كل ماله سعره بالنازل ! بعد كم سنة بصير ينعمل علينا اوفرات زي الي بالسي تاون و سيفوي ! اشتري 2 ك رز و احصل معه على شخص هدية مجانية .. انا اذا صحلي هيك اوفر رح اقولهم مسامحتكم بالهدية بس اعطوني الرز ! و اذا اصروا يهدوني بقولهم يزيدو الرزات شوي احسنلي ..
بالنسبة لرفعة الاسعار لسة فيه كمان رفعة بشهر 4 وعشان ما تزعل يمكن توصل ل 15% مش بس 7% صحيح ما رح تشمل كل المحروقات بس رح تشمل كتير اشيا .. و اذا هلأ بالشتا يعني في عز دين حاجتنا للمحروقات الناس ما حكت ، بشهر 4 رح يكون بداية صيف يعني رح تلاقي الناس رح تشكر الحكومة على هدا القرار الرشيد !! يييييي على هيك عيشة شو بتقرف
at 6:39 pm - 22nd February 2008 Permalink
at 12:45 am - 26th February 2008 Permalink
يا اخي مش عجبتك اردن لا تعيش فيها روح علس امريكا او دبي
واحب ارد علي اخ سامر الي عملي حالو خبير دولي قال عادي شوا عادي شكلك مش عايش في البلاد
at 11:47 pm - 26th February 2008 Permalink
يا ابني القصد بكلمة عادي جزافي و تلمخ بالمسخرة
أرسل تعليقاً