متابعة لموضوع قرار فرض قرش على تقارير الرسائل المرسلة على جميع الشبكات الخليوية العاملة بالأردن, اليوم في برنامج “يحدث اليوم” على قناة التلفزيون الأردني قامت مقدمة البرنامج ضياء العوايشة بطرح الموضوع والأتصال بأحدى المسؤولين في هيئة تنظيم قطاع الإتصالات لسؤاله حوّل رأي الهيئة بقرار فرض “القرش” على تقارير الرسائل المرسلة.
الصدمة كانت بعدم علم الهيئة بالقرار لغاية اليوم, كل ما هنالك بإن شركات الخليوي الثلاثة العاملة قد إلتزمن “بجزء” من قانون الهيئة بنشر الإعلان بالصحف المحلية قبل 30 يوماً من تطبيق التسعيرة الجديدة, وهنا أشار المسؤول الى أن الهيئة بإنتظار الشركات الثلاثة لتقديم الطلب اليها, وبالتالي موافقة الهيئة أو رفضها.
المصيبة الأكبر, هو رفض المسؤول في هيئة تنظيم قطاع الإتصالات فكرة إتفاق شركات الخليوي على فرض “القرش”, حيث أعتقد بأن الموضوع محض صدفة وأن لا ترتيب بينهم, وأن إتفاق المشغلين على تاريخ موّحد (نهاية الشهر الحالي) هو مصادفة!! سبحان الله (فيلم هندي).
وبالنهاية, فأن الهيئة -بحسب ذات المسؤول- لها حق الموافقة أو رفض القرار الجديد لشركات الخليوي فيما إذا إقتنعت “بحجتها”, عندها قالت مقدمة البرنامج بأن السبب المطروح هو لتحسين خدمات الشبكة وتطوريها, فيما يعد هذا من واجبات أي شبكة خليوي, وهذا السبب الذي أعطيت لهم الرخصة أساساً.
بالنهاية, ما لاحظته اليوم هو أن الموضوع بات “طاسة وضايعه” والجميع يفكر كيف “ينهب” بطريقتة الخاصة… فماجدوى تعدد شركات الخليوي أساساً إذا كان هنالك إتفاق فيما بينهم على فرض رسوم على خدمات معينة, فهذا ضد مبدأ المنافسة العادلة, مما يقودنا الى ما يسمى بإحتكار القلة.
بإنتظار رد هيئة تنظيم قطاع الإتصالات, ويا غافل الك الله.
تحديث: خبر نشر في جريدة الغد الأردنية اليوم الأربعاء حوّل نفس الموضوع.. من هنا.
on 
on 
8 عدد التعليقات
at 2:21 pm - 8th October 2008 Permalink
كله نصب بنصب و الغلط مش منهم الغلط من شعبنا الغبي , الي ما حدا بسترجي يعمل أي حركه . عامر أنا قررت أني أنظم يوم الناس ما تستعمل المسجات لمدة أسبوع مشان يربوا الشركات . شو المصخره هذه ؟
at 2:37 pm - 8th October 2008 Permalink
السلام عليكم شكرا لمتابعتك الموضوع اخ عامر واللة بيني وبينك كلها شركات نصابة يعني خد عندك جرب احكي دولي واذا ما فتح معك الخط هون المصيبة يتم احتساب المكالمة بدون ذكر اي شركة وانا عندي المودم من شركة امنية umax نصيحة لوجه اللة ما حد يشترك فيها احقر من هيك معاملة ما في ويا ريت يطبقو ربع الشعار تبعهم (كلمتك مسموعة ) ولا مسموعة ولا طططططططططططووووووووووووووووووطططططططططط
at 6:24 pm - 8th October 2008 Permalink
بلد كل من إيده إلو…
at 10:08 pm - 8th October 2008 Permalink
اكيد راح يكون الرد بالموافقه
لانه حاسه انو في تناقض بالاجابات…يعني انهم ما بعرفو…..وانه بعدين يدافع عن الشركات
بصراحه انا حاسه ان الراس المدبره هي هيئة تنظيم الإتصالات اكيد في الهم نسبه من هل ضريبه
اخي مصطفى …انا صارت معي اني اتصلت بدبي وما حد جاوب بس لاحظت انه بدى عداد الدقائق من اول رنه وخصم علي كاني حكيت مكالمه
وانا مع توقيف المسجات لفتره
at 11:36 pm - 27th October 2008 Permalink
المواطن الاردني الطفران عبارة عن ذبيحة طازة و لحمها ببلاش والكل عم ينهش
اصلاً الشعب بعد انخفاض اسعار المكالمات صار يستخسر سعر الرسالة
بس حتى لو وين صارت في العالم كلة؟ بس عنا في الاردن
والانكى تبريرات الشركات التافهة
قال انو تقرير الوصول بتعمل ضغط عالي على الشبكة و غير هذا الكلام
كانت الاردن بشبكة وما كان في ضغط(الاردن سوق مشجع اجت الثانية), و بشبكتين وما كان في ضغط(ليش صارو ثلاثة) ولما صارو ثلاثة زاد الضغط عليهم
ممكن انو يردو كل واحد معو اكتر من خط ,بس من كم خط بدو يبعت؟ او بيتسلى وبيراسل نفسة
السؤال الحقيقي مين راح يشيل التقرير؟
وكل الكلام ولا موضوع الاتفاق هذا بكوم لحالو
شركات الاتصالات الموجودة في الاردن كلها عبارة عن شركات امتصاص دماء وبس
ولو مهما تم الاعتراض راح نشوف انو راح تتم الموافقة وما رح تتحسن خدمات ولا طوووووووطططط
المهم انو في كم واحد بيطلعلهم الي فية النصيب من هالذبيحة
والذبيحة…..و هل يضير الشاة سلخها بعد ذبحها
و الله يكون بعون الشعب الطفران
at 1:52 am - 28th October 2008 Permalink
والله عذر اقبح من ذنب
يعني بكفي رسائل الاعلانات اللي ببعتوها النا
ما بتعمل ضغط على حد زعمهم؟؟ والله انا ما حد ببعتلي مسجات على الموبايل غير من الشركة وكلها عروض وزفت
بس برضه برجع بحكي الحق على شعبنا اللي عنده نسبة تخلف عالية مع انه متعلم لكن مش مثقف ولا واعي
يعني يا ريت نسمع عن يوم احتجاج نطفي موبايلاتنا
يعني هلأ بطلتو تستغنو عنهن
ياسيدي خلي اكبر عدد ممكن
ونشوف ساعتها شو بصير
بس للاسف ما رح يردو ويمكن تعتبرها الحكومة عصيان امني طبعا لانه اصحاب هالشركات الهم نفوذ بحكوماتنا وحكلي تحكلك
واضحة جدا يا شباب
at 12:20 pm - 30th October 2008 Permalink
انا والله عمري ما بعتت مسج دايما تلفوني بستقبل ما برسل بدهم اشتراك شهري وخدمة اغنيلك وخدمة برجك وخدمة صحتين وعافية وخدمة نصائح وخدمة حركة الطائرا وخدمة النشرة الجوية قرفت حالي والله اني مشترك مع كل الخدمات هاي بتعرفوا لية ؟؟؟؟؟؟؟؟؟؟؟؟؟ انا ما بعرف ليش
at 3:13 am - 8th December 2008 Permalink
يا اخوان الامر ليس بجديد الا تذكرون (عزيزي المشترك تم خصم 1 دينار للجامعات الاردنية من رصيدك) وللعلم اغلب الشعب الاردني يشخن فقط يدينار واحد بسب الظروف الاقتصادية ومع ذلك كان يتم خصمة ………….لا حول ولا قوة الا بالله العظيم
وتقبلو خالص تحياتي
أرسل تعليقاً