قررت اللجنة الثلاثية للأجور في وزارة العمل اليوم الثلاثاء رفع الحد الادنى للأجور الى 150 دينارا شهريا إعتباراً من بداية العام المقبل بدلاً من 110 دنانير الذي أقرته اللجنة في تموز (يوليو) 2006.
وأعلن وزير العمل باسم السالم، بمؤتمر صحافي اليوم، اتفاق أطراف الانتاج الثلاثة (الحكومة وأصحاب العمل والعمال) على رفع الحد الأدنى للأجور إستجابة للتوجيهات الملكية السامية الواردة في خطاب العرش السامي الذي افتتح
به جلالة الملك عبدالله الثاني الدورة العادية لمجلس الأمة في الخامس من تشرين الأول (اكتوبر) الحالي.
وأكد على أن أطراف الانتاج “أبدوا تفهما ساعد على الاسراع في إقرار التوافق على الحد الادنى المعلن”، مشيرا الى اللجنة توافقت على اتخاذ القرار في ضوء الدراسات العلمية ومؤشرات سوق العمل والظروف الاقتصادية التي تمر بها البلاد
يعني بصراحة الخبر مضحك جداً ومبكي جداً بنفس الوقت, قرار الحد الأدنى “الإلزامي” إجى متأخر كتير بعد ما شافوا إنه العالم ماكلة روح الخل, وأنه الحد الأدنى السابق للرواتب “110 دينار” بطّلوا يكفوا حق خبز.
طيب الـ 40 دينار الزيادة شو رح تعمل؟ يعني اللهم لا إعتراض, وبنشكر الحكومة على القرار اللي بوقتو
, بس الوضع الحالي للمعيشة صعب جداً, وبرأيي يجب إعتبار اللي دخلو أقل من 400 دينار -تحت خط الفقر- (للعائلة الواحدة حتى يا يساء فهمي).
تكلفة المعيشة كل مالها عم ترتفع جداً, والرواتب عبارة ترتفع زي السلحفاة الميّتة.
فشّة غُل مش أكتر, والبقة عندكم.
تحديث: قررت الحكومة تقرير الحد الأدنى للرواتب بـ 190 دينار إبتداء من سنة 2015.
on 
on 
11 عدد التعليقات
at 9:36 pm - 14th October 2008 Permalink
اساسا تعديل الرواتب المره الماضيه كان بس علشان لما يحلفو ان الرواتب تعدلت ب 2008 يكونو صادقين
لانه كل الزيادات طلعت يا دوب كم من دينار وبعرف ناس رواتبهم نقصت حتى ما زادت وصار ضجه وقتها وحكي وكله عالفاضي
شو بدنا نحكي غير
والرد على 2015 ….كيف حالكم انتو !!!
at 9:43 pm - 14th October 2008 Permalink
شر البلية ما يضحك …
بعدين مالك هدول 140 !!!!! يمسكوا إيدهم شوي …..
حسبنا اللع و نعم الوكيل
at 9:44 pm - 14th October 2008 Permalink
حسبنا الله
at 11:54 pm - 14th October 2008 Permalink
man ….
bella 3alek no comment enta konet be amman w shufet keef el as3ar … eshe bzahe2 … alla b2oolha :S 70 jds be 2 days men embare7 el sa3a 8 bellel lal youm el se3a :S 9 el bellel :S 3ade w ma 3melet eshe :S banzeen w dafa3et lal net :S w bas ensa seebak men kol hal denia
at 12:00 am - 15th October 2008 Permalink
يا زلمة أنا عايش بدار أهلي! باخد من أبوي تقريباً قد الحد الأدنى هاد اللي بسولفوا عنو!! ماكل شارب نايم و ما بعبي بنزين من مصروفي و آخر الشهر بنزنق!! بحكوا جد هدول ولا بهذربوا؟؟؟؟
at 11:07 am - 15th October 2008 Permalink
وهي وبكل تأكيد أسكدنيا ..
ومن كتر ما هو الطعم زاكي مش قادر اوصف …
at 3:17 pm - 16th October 2008 Permalink
أخ ASKAdenia ..
غير أسم مدونتك بأسرع وقت .. أسم مدونتك يتشابه بنسبة 99.358 مع أسم شركة ASKADENIA للبرمجيات و في حال علمها بالموضوع ستقوم برفع دعوى ضدك لتغيره حتى لا تحسب أراءك عليهم ( يعني هذه نصيحة أخوية لله! )
انا من المعجبين بمدونتك و باسلويك بالكتابة لذا لا تجعل من هذا الموضوع قبّة !
at 4:59 pm - 16th October 2008 Permalink
انانمس: موقعي لا يمت لا من قريب ولا من بعيد لشركة Eskadenia لتقنية المعلومات والبرمجيات, التشابة بالاسم العربي فقط !! ولا أظن أن ذلك سيبب مشكلة لهم اساساً
اهلا وسهلا بك.gif)
at 10:26 pm - 24th October 2008 Permalink
يا حبيبي
شو هاد الكرم والله مكترين
شكرا للزيادات
at 12:14 pm - 30th October 2008 Permalink
وشرفي الشحادين اغنى منا كلنا روح شوف حساباتهم بروسيا
at 5:56 am - 31st October 2008 Permalink
شو دخل روسيا
لو حكيت بسويسرا يعني بتنجمط
أرسل تعليقاً