عمان – الغد- أكدت مصادر نيابية مطلعة حصول النواب على “كوتا للحج” بواقع خمس تأشيرات لكل نائب، مضيفة أنه أوكلت لوزارة الشؤون البرلمانية “التنسيق” مع مجلس النواب لترتيب الآلية المعتمدة لذلك.
ويتعين على النائب تقديم أسماء 5 أشخاص للوزارة التي ستقوم بدورها برفعها لوزارة الأوقاف لجهة تأمين رعايتهم ووضعهم تحت إشرافها خلال موسم الحج المقبل.
المصادر نفسها أكدت على أن الاتفاق تضمن الحصول على تأشيرات بحيث يقوم الشخص الوارد ضمن الأسماء الخمسة بدفع التكاليف وفق الأسعار الدارجة.
فبحسب الخبر الذي نشر في جريدة الغد لهذا اليوم, فقد أكدت مصادر نيابية حصول كل نائب على 5 تأشيرات لموسم الحج لهذا
العام, وبحسبة بسيطة فسيكون نصيب النواب (110 نائب يطرح منهم 10 من غير المسلمين تقريبا) أي 100×5=500 تأشيرة ستذهب فقط للنواب, والباقي سيذهب لباقي الشعب الراغبين بأداء فريضة الحج ضمن شروط معينة.
بالعامية,, شو بدهم أحسن من هيك؟ سيارة بدون جمرك وراتب عالي وسفر ببلاش و5 تأشيرات حج…
يبدو أن أعضاء مجلس النواب المبجل “على راسهم ريشة” فيحق لهم ما لا يحق لغيرهم, وبقية الشعب الهم الله بس..!
دبوس: نصيحة الى جميع أعضاء مجلس النواب الكريم لأداء فريضة الحج هذا العام, لتحويل أسم “مجلس النواب الأردني” الى “مجلس الشيوخ الأردني” على غرار الولايات المتحدة الأمريكية
.
on 
on 
11 عدد التعليقات
at 12:43 pm - 20th October 2008 Permalink
السلام عليكم اخ عامر وشكرا علا الموضوع ما في داعي اعلق و ازيد علا الموضوع انتا وصلت الرسالة بس عندي معلومة وممكن تتأكد منها من الناس الي حجت في السنوات الماضية انو اسوأ بعثة حج هي البعثة الأردنية دائما والسبب وزارة الأوقاف طبعا وللعلم تم في الموسم الفائت ضرب وزير الأوقاف الأردني في مكة بسبب تقصير الوزارة في تقديم الخدمات للبعثة الأردنية وبعد الأماكن للتنقل وللعلم هذا كلام لم اسمعة من احد غريب بل كان هناك أخي وابي وأمي يعني مش ممكن اكذبهم وصدق وزير يطلع علا التلفزيون ويحكي انو الوزارة قامت بكل الأجراءات المناسبة لخدمة البعثة (كذب) وشكرا
at 1:29 pm - 20th October 2008 Permalink
يعني همه بدهم يبينو ان كل شي قانوني وما في محسوبيه ولا واسطه وكل شي على عينك يا تاجر فانضبو واسكتو….اي نعم همه اللي ابتدعو القانون بس برضه انضبو واسكتو
بعدين وين دور النائب بخدمه الشعب…هلأ ازا بدو يبين النائب انه فعلا بخدم اهل منطقته واللي انتخبوه وان الحكي اللي كان معبي فيه الشوارع مش حكي يافطات بس وكله بالهوا…المفروض كل واحد منهم يقدم اسماء خمس اشخاص من فقراء منطقته اللي قدمو للحج وما طلعلهم
لا تغلبو حالكم…بعرف بعرف…كيف حالي انا!!!!!
at 2:32 pm - 20th October 2008 Permalink
حلو.. بكرة بنزل برنامج على التلفزيون اسمو: من سيربح مقعد نائب؟ أو يانصيب والجائزة الأولى نائب لمدة 4 سنوات.
الحلو بتكون راكب بتكسي وبمر من جمبك نائب بسيارته، تبع التكسي بحكي: تفو على هيك شعب اللي انتخب هيك نائب ياكل ويشرب ويروح وييجي واحنا بناكل هوا .. ما حكى هوا حكى أشياء تانية بس عيب.
أكبر نائب ما بعبّي عيني
at 9:51 pm - 20th October 2008 Permalink
والله ما أنا عارف شو أقول بس , يا سيدي الله يوفقهم أنشاء الله , بعدين همه بحاجه للحج أكثر من أي مواطن اخر و أنتوا فاهمين قصدي
at 10:10 pm - 20th October 2008 Permalink
هي وقفت على هيك كمان بطلع لكل نائب وظائف حكوميه بعين مين ما بدي بس الحلو في الاخر بحكولك احنا بلد ما فيهو واسطه الكل سواسيه مع العلم وانا متاكد من كلامي انو الواسطه انخلقت في الاردن .
at 11:09 pm - 20th October 2008 Permalink
أتوقع الحكومة بهالقرار إلها قصد داخلي عظيم جدا ما حدا شايفه!! الحكومة خايفة على عائلات النواب من مال الحرام اللي بوكلوا!! فعشان يكفروا عنهم ذنوبهم بودوهم عالحج،،، ما بدها حداقة! برضوا هسا لا يغرك النواب المسيحيين صح ما رح يطلعلهم، فا بعطوهم تعويض مالي، وأكيد الحج رح يكون الحج الممتاز أبو ال 9000 دينار عالنفر! سلامة خيركم… سيارة مرسيدس 2009 لكل واحد
at 11:26 am - 21st October 2008 Permalink
والله يا أسكدنيا الأمور اعقد من هيك ومن مصادر مطلعة :
*3 تأشيرات لكل عين .
*5تأشيرات لكل نائب بمجلس الشيوخ الأردني.(وما تسنثني غير المسلمين حتى هم اخدوا كل واحد فيهم 5 تصاريح)
*8 تأشيرات لكل وزير.
*حوالي 600 ادراي من الوزارة -غير اداريين الشركات المعتمدة.
*أكثر من الف تصريح بعثات ومش عارف شو..
*ابصر كم تصريح واسطة ومن تحت الطاولة …
وكل هاي التصاريح بروحوا من الكوتة الرسمية ل الأردن الي هي اصلا بس 6000-7000 حاج .
وسجل….
at 3:45 am - 22nd October 2008 Permalink
هههههههههههه نكتة حلوة عشان كل موابما علعكازة مختيرين مكحكحين
مشان يروحو عالحج عدل فيكون ختامها مسك
وحجا مبرورا وسعيا مشكورا
وراحت علبك يابا عال880بتبقى بتروح عالحج انت وابو جهل سوا يابا
at 10:49 pm - 22nd October 2008 Permalink
at 2:31 am - 28th October 2008 Permalink
هههههه
تحشيش والله
الله بعين
at 12:10 pm - 30th October 2008 Permalink
انا عرفت ليش بدها تعطيهم تأشيرات عمرة احكيلكم ليش (عشان يدعولهم الله يغفر خطايهم) لانهم شلوووووووووووو عرضنا ارحمونا……………
أرسل تعليقاً