“طاسة وضايعة”… هذا هو أفضل وصف لقرار فرض قرش على تقرير الرسائل القصيرة الذي تنوي جميع شركات الخليوي تطبيقه بالأردن خلال الأيام المقبلة.
فآخر الأخبار حول هذا الموضوع تحدثت عن مطالبة وزارة الصناعة والتجارة أمس شركات الخلوي بالوقف الفوري لتوجّهها فرض تعرفة “قرش واحد” على كل تقرير استلام للرسائل النصية القصيرة, بينما جاء الخبر غامضاً فيما إذا كانت وزارة الصناعة والتجارة هي الجهة المخوّلة لوقف القرار أم هيئة تنظيم قطاع الإتصالات.
فالأخيرة, أي هيئة تنظيم قطاع الإتصالات في الأردن, حجتها الوحيدة (وبحسب القانون) كانت اشارت الى المادة (53) من قانون الاتصالات، والتي تصرف على اساسها مشغلو الخدمة، حيث نصّت هذه المادة على أنّه “وفي حال قيام أي مرخص له بتقديم خدمات الاتصالات في المملكة بزيادة أجور وأسعار خدماته أن يتم اعلام الهيئة بذلك والاعلان في الصحف المحلية عن الأجور والاسعار الجديدة التي سيتقاضاها مقابل تقديم الخدمة شريطة أن لا تخالف اتفاقية الترخيص أو التعليمات أو القرارات الصادرة عن الهيئة بشأنها”.
لكن الهيئة جدّدت آنذاك التأكيد انّه “وفي جميع الاحوال، على المرَّخص له إعلام الهيئة عن أي تعديلات يجريها على هذه الأجور والأسعار”، الأمر الذي “لم يقم به مشغلو الخدمة”، على ما قالت الهيئة.
ومن هنا, فإنه لم يبقى إلا عدة أيام لتطبيق القرار الجديد, ولم يصدر بعد أي تصريح من هيئة تنظيم قطاع الإتصالات فيما إذا تقدم المشغلون بطلب لفرض التعرفة, بينما جاءت وزارة الصناعة والتجارة بقرار رفض التعرفة اليوم!!
لكن هناك تلميح مبدئي من هيئة تنظيم قطاع الإتصالات بالموافقة على القرار بحجّة أن خدمة تقارير استلام الرسائل اختيارية ويستطيع مستخدم الهاتف الخلوي اضافتها او الغاءها من اعدادت جهازه النقال.
بحسبة بسيطة, فبحسب تقارير نشرت في صحف محلية,فأن الأردنييون يرسلون ما بين 3.5-4 ملايين رسالة نصية خلال اليوم الواحد, يتضاعف العدد الى 24 مليون خلال المناسبات والأعياد!! مما سيسهم بدخل أضافي كبير لشركات الخليوي على فرض أن نصف عدد الرسائل سيكون مع تقرير, وبالتالي من المؤكد أن الخزينة ستتقاضى ضريبة مبيعات 16% على “القرش” الإضافي, و 4% كضريبة خاصة موجودة على جميع إيرادات خدمات الخليوي.. “بدها تفكير صح؟؟”..
فعلاً, طاسة وضايعة
on 
14 عدد التعليقات
at 4:00 pm - 29th October 2008 Permalink
كلهم حراميه وبس بدهم يلاقوا طرق جديده للحرمنه على حساب المواطن
امنيه بتموت حتر توصل المسج ومرات ما بتوصل ومع هيك بدهم يدفعوك بدل هالخدمه الرائعه
زين الشركه الرائجه بالنصب على المواطن من لما كان اسمها فاست لينك باحتكارها للخدمه بالسابق
باسعار خياليه
اورنج ممكن نحكي انها الشركه يلي تعتبر حظها تعيس بين الباقي
سبحان الله بس مو هيك الطمع
الله يعين المواطن شو لدو يتحمل ليتحمل
at 4:19 pm - 29th October 2008 Permalink
يا سيدي وقفت على شركات الأتصالات يعني …
ما هو هيك الامور بتصير لما الحيتتان يكونوا بلا حسيب او رقيب !!
at 5:48 pm - 29th October 2008 Permalink
يعني احتاروا الناس من وين بدهم ياخدو مصاري على اساس ناقصهم…….. حرمنة و بس الموضوع
at 5:51 pm - 29th October 2008 Permalink
مشكور ماقصرت
at 12:06 am - 30th October 2008 Permalink
جد لو بدك تحسبها صح شوف شو بصير:
من المصاري اللي بتلعب بجيوبنا، هاي البطاقة سعرها 1.5، المسج 3 قرود مش قروش تقرير 1 قرد، ضريبة 50% 2 قرد، بتطلع المسج بـ 6 قروش بس!!! الدولي بـ 10.5 قروش!!! بس بصراحة شركات الخلوي قالت مهو الكل نازل قص بالشعب!! وقفت علينا!!! قصوهم.
) لأنوا جد الشعب أغلى ما يملكون!! لو الشعب مش موجود كان الحكومة بتبيع فلافل!
أغلب الشعب الأردني 99.9999999999999% بستعملوا بطاقات شحن أم الدينار
بس اللي فهمتوا من الخبر اليوم إنو القرار مخالف لقوانين التنافس بين الشركات لأنهم اتفقوا مع بعض ( طبعا كان في كم يوم بين الشركة والتانية) و هون صارت المخالفة! لأنهم اتفقوا مع بعض ضد الشعب! والحكومة زي ما الكل بعرف ما بترضى حدا ينصب عالشعب ( بس لحالها بصير
قرأت اليوم رقم عجبني عن الميزانية الجديدة… إجمالي الضرائب بالـ 2009 3.2 مليار بسس!!! الباقي مساعدات و معونات من برا!!!
at 12:50 am - 30th October 2008 Permalink
انت قول منيح بكرة ما يحكولنا بدنا اشتراك لخدمة إظهار رقم المتصل ..
عادي هادي أمور صارت نمط حياة ..
انك تسمع كل يوم إشي جديد ي**** كيفك
المفروض انو صار عنا مناعة لهيك أخبار .. يعني ما تزعلوا
at 1:33 am - 30th October 2008 Permalink
والله لو يعملوها لازت موبايلي هيك احسن
at 2:45 am - 30th October 2008 Permalink
بدأوا فعلا من يوم امس بخصم قرش على رسالة التقرير
at 11:31 am - 30th October 2008 Permalink
يعني الي بيدفع دينار اشتراك شهري وكل يوم بدو بطاقه ام 3 دنانير عشان كنكن بليل مع حبيبتو مع انها معو بلاجمعه وكل النهار بوجهوا وع فكرة خطي جش احكي ارخص من المسج انا مسامح امنية ما بدي ابعت مسجاااااااااات دقيقتي بقرش
at 11:51 am - 30th October 2008 Permalink
يا زلمة هي جاي من القرش ……. محنا بندفع الاااااااااااااااف في السنة ما بنعرف لوين بتروووح
at 1:14 pm - 30th October 2008 Permalink
يُتقِنــــونَ التطبيل..!
at 2:32 pm - 30th October 2008 Permalink
هذا اللي شاطرين فيه .. بس نندب حظنا!
الحل بسيط يا جماعة .. ماذا لو حدثت مقاطعة شعبية\شبابية لهذه الشركات المّستغلة ولو لمدة أسبوع أو على الأقل يوم واحد! قديش صعبة هاي؟!
أذا على التلفونات او المسجات المهمة فهناك مئات البدائل المجانية على الانترنت.
أضيئوا شمعة و لا تلعنوا الظلام !
at 2:24 am - 31st October 2008 Permalink
ليه تكبير الموضوع والمقاطعه
بكل سهوله
الفوا خدمه التقارير وريحوا راسكم
وصلت المسج ولا عمرها ما وصلت
at 11:48 pm - 4th November 2008 Permalink
wallah kol sharekat elmobilat 7aramyeh ,ay bekafekom na9eb o e7tyal 3al 3alam bekafe eno bed5ol 3alekom be elyom malayeen ,et2o allah fena {ersh 3a ersh o be6eer elraseed} m
أرسل تعليقاً