احتجزت وزارة الصحة خلال الفترة الماضية سبع سيارات تعمل في مجال خدمة توصيل الأرجيلة إلى المنازل (أرجيلة دليفري)، وحررت بحق أصحابها مخالفات بعد أن صادرت الأراجيل ومحتوياتها بالاستناد إلى قانون الصحة العامة الوقاية من أضرار التدخين بحسب مدير الرعاية الأولية الدكتور عادل البلبيسي.
ولفت الدكتور البلبيسي لـ”الغد” إلى أن الوزارة بصدد التحضير لإطلاق حملة وطنية لمنع التدخين يحدد موعدها والترتيب لها بمشاركة جميع القطاعات الوطنية والخاصة.
برافوو يا وزارة الصحة, صح النوم وبكير كتيير !
الخبر نفسو تم نشرو في الجرايد اليومية من حوالي 9 أشهر تقريباً, أنه تم منع “ظاهرة أرجيلة دليفري” للحفاظ على صحة المواطن الكريم كراميل.
ومع الأيام رجعت خدمة الدلفري مرة تانية, وصرلها فترة ماشية تمام التمام ولا حد سائل, ما بعرف شو اللي صحاهم فجأة ليمنعوا الموضوع.
في نفس الخبر, ذكر أنه الوزراة بصدد أطلاق حملة وطنية لمكافحة التدخين في الأردن, مع أنه مش أول مرة بسمع هيك خبر, لكن بتمنى إنه الحملة تنجح هالمرة.
بي اس: المشي من بيتك لأقرب قهوة عشان تأرجل مفيد جداً للصحة, وهاد هدف وزارة الصحة
on 
on 
on 
9 عدد التعليقات
at 12:55 pm - 13th November 2008 Permalink
بتعرف عنا رفاه اجتماعي بتطلب انو يكون في ارجيل دليفري !!
ارجيل دليفري والله اشي بضحك …
at 1:38 pm - 13th November 2008 Permalink
يعني بصراحة مش عارف ، اذا هاد اشي منيح ولّا مسخرة!!!
انه اذا بتطلّع على الموضوع من بعيد بتشوفو اشي منيح وممتاز من الحكومة ، بس انه أذا بتراقب التفاصيل … أنه كيف الشعب رح يعيش ، بدون أرجيله ؟ وين العالم رح تتنفس ؟
أنا ما بأرجل بس بحس بمتعة الأرجيلة ، و بصراحة شدة بدون أرجيلة مملّة !!!
at 9:16 pm - 13th November 2008 Permalink
اولا الحمدلله عالسلامه والله الك وحشه.
بتعرف انا بتوقع رح يصير في المستقبل شركات ارجيله زي شركات الموبايل وبين كل مسافه ومسافه فيه موه برج فيه زجاجة او خزان ارجيله وفيه خطوط ارجيله بتصل لكل بيت قال وايام الاعياد بيصير ضغط عالخطوط وبتعمل الشركات عروض خاصه قال تفاحتين خالي من الرصاص او اطلب راسين واحصل على الثالث مجانا.
at 9:17 pm - 13th November 2008 Permalink
وكمان رح يصير اطوانات ارجيله جاهزه للمواسم والاعياد زي اطوانات الغاز
at 9:30 pm - 13th November 2008 Permalink
شكلك ما سمعت انو في تعديل وزاري باخر 12
فالكل عم بزبط حاله يا معلم
ولو رجعت للمره الماضيه اللي لاحقو فيها الموضوع برضه كان في ريحه تعديل وزاري
at 5:07 am - 15th November 2008 Permalink
لووووووووووووووووووووووول
طيب لما بدي ولعة ؟؟؟
at 6:48 pm - 15th November 2008 Permalink
صهيب: طلبت مرة من تشي تشي ارجيلة ..
الارجيلة ب 7 ليرات, بيجي معاها راسين, وكمية فحم بتكفيك تشوي فيها
at 4:16 pm - 18th November 2008 Permalink
طيب والله يا بلاش صراحة
يعني لو بدي اارجل راسين ب تشي تشي الي عنا والله بدي 4 دنانير كويتي يعني فوق ال 10 او 9 اردني
انو جد يا بلاش
at 11:19 pm - 23rd November 2008 Permalink
والله يا جماعة هفت عبالي هلا اروح اطلب ارجيلة
شو رايكم تشاركوني
والله شي بضحك
أرسل تعليقاً